minionsteven's Profile

金鳳大餐廳呢間餐廳本身開左好耐，其實之前都食過，不過今晚想鋸下扒，所以過黎再食下。夜晚都算多人，好多都一家大細黎食，佢全部都係卡位，不過佢上菜都算快，所以唔洗等好耐。我今晚叫左個雜扒野，佢其實所有野食既份量真係好大，有個包同埋例湯，仲可以加多個餐飲。佢個包好軟熟，加埋鹹牛油好好食，個羅宋湯偏甜。個雜扒有雞牛豬火腿雞翼薯菜，配埋個蒜茸汁，好好味，啲肉唔似落鬆肉粉，都好淋，好好食，呢個價算平啦。外賣仲有9折…Read More

千色店開咗間食日式單點，見佢哋個Menu好特別，有啲好似Pizza嘅壽司，好似幾好食，同埋價錢又唔係貴，所以今晚特登過嚟試吓。今晚好想食日式小丸子，佢哋嘅小丸子整得好脆，咬落去外脆內嫩，好食過坊間嗰啲小丸子，同埋佢哋嘅章魚都好大粒。之後叫咗個柚子沙律，佢哋嘅柚子沙律，連埋甜蝦，甜蝦入口清甜，份量都唔少。之後叫咗個超級龍捲風同埋彩虹卷，佢哋嘅份量都唔少，同埋啲刺身都幾新鮮，佢哋歌超級龍捲風好特別，壽司上面加咗啲好似薯片，入口有脆口，包住壽司一齊食好特別。…Read More

中午喺尖沙咀搵地方食飯都好困難，咁啱經過水門雞飯，又未食過，所以特登入嚟試吓。佢哋係用QR code落單，好方便，兩點左右都仲可以有套餐食，買單都係一個人大概$70好抵，另外我見到佢啲飯佢都幾多，好多人都食唔晒。由於我哋兩個人食嘅食唔晒，所以叫咗少飯，啲飯係油飯，啲雞好淋，我哋仲加咗錢轉雞髀，啖啖肉。嗯嗯我哋而家前叫咗兩串雞串燒，雞肉好嫩滑，燒完出嚟仲好香好惹味。叫咗個牛腩河粉，牛腩勁淋，入口就爛，個湯好夠味，又冇味精，食完一啲唔口渴，份量仲好大。…Read More

今晚放工唔想煮飯，諗緊去邊食好，荃灣有好幾間冰室都常去既，但係都係始終鍾意樓下冰室，佢既質素好穩定，同埋真係好大碟。估唔到未到六點都咁多人食，估計係食下午茶，因為佢再平啲😂而家先進左，連樓下冰室都自己用qrcode落單，好方便。叫左個焗肉醬意粉同沙爹牛肉麵既常餐。先講過沙嗲牛肉麵，佢個湯底好濃郁，好重花生香味，麵質彈牙爽口，滑蛋炒得好嫩，都幾重牛油香味。另外叫咗個焗肉醬意粉，啲肉醬鋪得滿滿，茄汁味好香濃，芝士仲可以拉絲，兩個人食都已經好飽。…Read More

今晚唔想煮飯，又要去我哋個飯堂食飯，上次食完覺得佢嘅份量幾大碟，仲要我哋幾鍾意食冰室，尤其是佢杯奶茶，所以今晚特登再嚟食飯。今次係第二次嚟食，食物款式好多，同埋懷舊嘅美食先係最吸引人嘅地方，叫咗一個飯同一個麵，兩個人食啱啱好。叫咗個豬骨湯底，菠菜煎蛋配芝士，另外叫咗兩條腸仔，想試吓佢哋嘅豬膶，豬膶入口彈牙，唔會好鞋，雞蛋入口好嫩，另外仲有香濃嘅芝士，好味。之後叫咗個焗豬扒飯，個焗豬扒飯同大集團絕對有得揮，先講份量，入邊有成兩至三大塊豬扒，豬扒好鬆軟，個蕃茄汁好濃郁，同埋都幾多汁，另外個炒飯底不得了，入邊見到好多雞蛋，一啲都唔馬虎。佢呢度有紅豆冰奶茶，梗係要試吓，紅豆起沙，奶茶唔太甜，好味。…Read More

荃灣開左間專食花甲粉既舖頭，由細到大都冇試過，今晚經過想試下。不過舖頭得外賣，有堂食不過企位，所以買左返屋企食。舖頭外觀都幾得意，好潮😂😂同埋都多人食，同埋價錢都唔係貴。叫左個麻甩系炒飯，個炒飯底好多海鮮，上面有隻蛋同埋兩隻雞槌，雞槌有少少微辣，不過好惹味。同埋個炒飯好有鑊氣。之後個花甲粉係分開裝，咁樣唔會整到啲粉淋晒，我哋另外仲叫咗個肥牛，佢份量都唔少，因為我哋唔食啦，所以叫咗個蒜香，啲花甲好新鮮，成個湯底都好甜。最後叫咗個木瓜雪耳糖水，甜度適中，食完個花甲粉食返碗糖水啱啱好。…Read More

一般去開居酒屋食飯，落樓買單都要成五六百 ，今次去呢間居酒屋食飯，價錢不單止好親民，份量都唔少。同埋佢哋嘅種類都好多，除咗壽司刺身外，仲有好多唔同種類嘅錢財、卷物、燒物。叫咗個日式豚肉鍋，豚肉都有成六七件，仲要全部大大塊，另外下面仲有豆腐同埋雜菜，豆腐好滑，個湯底好濃郁。叫咗個軟殼蟹牛油果卷物，軟殼蟹新鮮炸起好香脆，同埋牛油果一齊食好夾，完全中和左熱氣嗰種感覺。另外叫咗一碟多春魚同埋一個帶子黑松露炒飯，帶子嘅份量都幾多，整碟好濃郁嘅黑松露味， 啲飯咬落去好彈性，個多春魚就冇乜太大特別。…Read More

今日下午經過深水埗，見到呢間餃子檔好多人排隊，見價錢唔貴，所以都想試一下。手工餃子8隻都係$38，不過食過煎餃覺得好果啲，其實睇佢個餐牌都好多嘢食，最特別係佢有個芝士蛋糕。叫咗個水餃同埋煎餃，水餃嘅湯係粉葛湯，粉葛味香濃，飲落去一啲都冇味精，完全係家常嘅靚湯，每隻餃子都好大隻，味道剛剛好，唔會太鹹，菜同肉嘅份量比例一半半。另外叫咗份日式炸雞，炸雞嘅粉好薄，雞肉好Juice多汁。另外叫咗份芫荽煎餃，個皮煎到啱啱好，香脆，入邊啲肉同菜又係好多汁，老闆拎啲餃子過嚟嗰時仲提醒話趁熱食，好食好多。不過我哋兩個都覺得煎餃出色啲，可能我哋仲鍾意食啲煎炸嘢。最後不得不提嘅就係佢個芝士蛋糕，芝士蛋糕芝士味好重，好creamy，食完完全唔覺得漏，食完個煎餃加多個蛋糕好滿足。到最後返屋企嗰時都忍唔住買咗佢10隻生餃自己煮🤣🤣🤣…Read More

近呢半年疫情底下，好少舖頭開業，但係呢間番茄18竟然喺荃灣區開舖，見到啲嘢食好吸引，我見佢主打係食蕃茄同埋食辣，今次特登過嚟試吓。門面望落去好新，但係入邊嘅裝修有少少懷舊嘅風味，入到去好似去咗舊式冰室咁。食物嘅款式種類都幾多，主打蕃茄湯湯麻辣蕃茄湯，仲有就係四川麻辣湯底。叫咗杯華田脆脆試吓，好濃郁嘅阿華田味道，另外仲有好多脆片喺個頂，唔止有得飲仲可以食，好好味。叫咗個瑞士雞髀配公仔麵，另外再加午餐肉，先講佢隻雞髀，隻雞髀超大隻，勁Juice，啲肉好滑好林，午餐肉係厚切。之後叫咗個雞扒滷肉飯，雞扒國外被煎到好香脆，啲肉同隻雞髀一樣，育新好林好易入口，老玉好入味，撈埋啲飯一齊食，可以食多幾碗飯。…Read More

平時好少出去深水埗食，今日咁啱去行街，限聚令又開放六點後可以繼續用餐，所以就睇吓附近有咩好食。發現呢間越南餐廳嘅食物種類都好多，下午茶仲有手札肉包、豬扒包同魚柳包等等，因為我哋已經6:00去食，所以我哋食埋晚飯，叫咗一個撈檬、一個河粉，同埋兩個小食。啱啱到六點，都幾多客人嚟食，仲見到好多人叫外賣添，價錢來講我覺得都幾抵食。先嚟咗個河內蝦肉米子卷，蝦肉大大隻，米子皮好彈牙，點埋啲醬食，好惹味。豬肉丸生牛肉湯河，生牛肉上到枱啱啱熟，入口即溶，豬肉丸都幾彈牙，佢仲配埋兩舊蘿蔔，不過個湯底就偏濃味。另外叫咗個豬頸肉配雞扒撈檬，檬粉入口彈牙，豬頸肉同埋雞扒嘅味道都幾濃味，燒得好香，同埋眼見個份量都幾多，兩個人先食得晒。…Read More

荃灣有好多地方都可以chill一下，但係估唔到喺荃灣廣場對面都可以有一間兩層高嘅日式Cafe，店舖以木系為主，仲有啲小盆栽喺入邊，簡直耳目一新。店舖入邊係用木色做主調，配合灰色牆身，樓底有夠高，舒服。除咗普通枱之外仲有啲吧枱，坐喺吧枱可以望出去嘅景色真係好relax。點咗一個波士頓龍蝦肉芝士忌廉蝴蝶粉，另外叫咗個日本櫻花蝦蟹肉蘆筍扁意粉。波士頓龍蝦肉肉質厚實，咬落去好新鮮，份量重好多，另外配有蘑菇芝士醬，芝士味濃郁，每啖都有好香嘅芝士味。另外一個扁意粉，櫻花蝦嘅份量多到不得了，蘆筍新鮮，好香脆，個貶意粉反而唔會太濕，最怕就係炒到太過濕淋淋。一個很好的體驗，同埋好relax嘅地方，有時間會再嚟一次…Read More

今晚一個人食飯，返到荃灣附近發現呢間牧場冰室新開左冇幾耐，又諗唔到食乜嘢，所以就入去試吓。食物嘅質素好似唔錯，價錢都算大眾化，見其他食客嘅份量都好似好大份咁。先喺門口俾錢，想食乜嘢叫咩，之後就會拎咗個牌埋位，接着就會有人送餐俾你㗎啦。叫咗個all day breakfast同埋雪糕個紅豆冰，先講個份量真係幾大份，最意想唔到嘅就係佢嘅煙三文魚同埋薯餅都幾多，煙三文魚唔算太鹹，啲菜幾新鮮，蛋炒出嚟好香滑，薯餅新鮮炸起香脆。個雪糕紅豆冰嘅雪糕有得揀朱古力味同埋士多啤梨味，我就梗係揀朱古力味，甜度唔太甜，都幾啱我口味，紅豆大大粒，仲有少少起沙，真係唔錯。…Read More

其實估唔到深水埗美食廣場都有啲咁高質素嘅嘢食，一直以來美食廣場就覺得係又平又冇乜特別，估唔到今次嚟到呢度食覺得幾好食。呢度有幾款唔同嘅漢堡，今次我叫咗個set lunch一個burger只需要加多$15 ，就可以多份薯條同嘢飲。個burger嘅份量都幾大個，我叫咗一個經典burger，個牛肉完全充滿肉汁，咬落去勁多汁流出來，個包嘅份量都幾大個，薯條新鮮熱辣炸起，充滿薯味，唔覺得似出邊嗰啲急凍薯條，之後嗌左份單骨雞翼，勁脆勁香口，食落去完全冇雪味。拎走時店員仲比多一份茄汁我，好好人，同埋佢個袋同埋個篋都裝得好靚，唔驚佢倒瀉。…Read More

假日去coffee shop，間間都會好多人，所以今日特登揀過平日，過嚟chill下。平時呢間都好多人排隊，可能因為今日係平日，排隊嘅人龍消失咗，但係都好多人喺入面食緊，我哋五點幾已經嚟到，仲可以食下午茶，不過太肚餓嘅關係，我哋選咗食晚餐，同埋可以慢慢食。之前其實都已經食過一次，覺得佢哋嘅食物質素好好，價錢又唔係貴。叫咗一份all day breakfast，個早餐包埋一杯橙汁同埋一份多士，個份量真係大到嚇死你，茄汁豆、粟米、煙肉、薯餅、沙律菜、菇、煙三文魚，仲有炒蛋，如果一個人食其實都好難食得晒。另外叫咗份黑松露薯條，薯條揸得好香脆，份量都好多，佢哋一啲都唔吝嗇，你見到黑松露醬嘅份量都好多，食極都食唔晒。最後叫咗份BBQ醬烤豬仔骨，豬仔骨香濃入味，肉汁好多，口感非常好，完全唔使用刀切，都已經可以將啲肉撕開，呢一份絕對推薦一定要嚟試。到最後仲叫咗杯薄荷朱古力。…Read More

本人都好鍾意食餃子，喺荃灣都有幾間餃子店，食過都覺得唔錯，今次特登過嚟深水埗試吓呢間餃子店，佢哋除咗餃子出名之外，仲有佢哋嘅芝士蛋糕都係話好好食，但係由於今次叫嘅份量太多，食得太飽，食唔落芝士蛋糕，所以決定下次再嚟試過。餃子店位於基隆街，店內嘅座位唔係好多，我四點幾去到嘅時候，都有幾多人食緊，裝修都比較舊式，同埋傳統，俾人有一種好家庭式嘅感覺。我哋叫咗四款餃子食，每款餃子四隻，我覺得最好嘅地方係可以一個餐有兩溝，需耳椰菜豬肉餃、香菇粟米雞肉餃、洋蔥豬肉餃同埋芫荽豬肉餃，首先要欣賞下佢嘅湯底，佢嘅湯底係用咗赤小豆扁豆豬骨湯，個湯底完全唔係味精湯，飲完唔覺得口渴，仲覺得好鮮甜，我覺得呢個係佢好出色嘅地方，再講下餃子，餃子普遍都幾大隻，個人比較鍾意食芫荽豬肉餃，芫荽味比較重，每隻餃子大概兩啖食完，放入口充滿着整隻餃子嘅餡料。我哋仲叫咗一個上海麵同埋辛辣麵，驚死唔夠飽，點知份量多得滯🤣🤣🤣另外叫咗一碟油菜同埋豬大腸，豬大腸好入味， $20其實都幾抵，大概有10件，好好食。最後要欣賞下店員姐姐，姐姐好殷勤咁介紹嘢食，佢忙緊嘅時候，都會同我講話落單可以叫佢，另外食緊嘅時候都同我推介話叫我試吓個芝士蛋糕，我相信芝士蛋糕有佢突出嘅地方，好可惜今次食得太飽，下次一定會再去試吓。…Read More