hokitkit's Profile

放工約朋友去太子附近搵食，諗起西洋菜南街嗰邊多選擇就行過去睇下～見有間越南菜座無虛席咁，而且門口餐牌價錢幾大衆化，朋友又話想食湯粉，咁就等位食呢間啦～ Order咗幾款~~賣相幾好!!順化蕃茄蟹肉扎肉湯檬 $68蕃茄湯底酸甜度幾好，唔會過酸，夾住蟹肉、檬粉一齊食多咗份鮮甜味，有驚喜！不過個人就略嫌配料較少河內生牛肉湯河粉 $59熱辣辣嘅牛骨湯頭，令生牛肉剛好浸熟，牛肉食落嫩滑，配上大量配料，夾住河粉一齊食可以減去油膩感，推介！追加小食～ 越式手打炸蝦餅（細） $33大大件，炸到外面好脆、入面彈牙，點埋雞醬 一流！追加小食～ 香茅雞翼（2件） $23睇落以為外皮好乾，但咬落入面幾juice，雞翼都夠大隻，唔錯～主食加錢配飲品熱蜜糖柑桔+$5好足料！落咗3、4個柑桔仔，配埋蜜糖水，甜甜酸酸，夠潤喉椰汁紅豆冰 +$10紅豆夠軟糯，甜度啱啱好，配埋椰汁夠解渴，呢個配搭真係無得輸呢~值得一提，枱面準備好各款醬汁俾客人，唔駛下下要問店員拎～ 贊！晚市一個主食+ 小食 + 飲品 只係人頭一百蚊左右，仲要唔駛加一，價錢合理，性價比幾唔錯！雖然座位唔算好闊落，但坐得舒服，地方乾淨整潔！值得一贊！河內越式料理 (西洋菜南街) (旺角)旺角西洋菜南街204號地舖…Read More

放假去咗觀塘海濱行下，見對面萬兆豐中心地下開咗間日本餐廳，一於入去醫肚之後先再去行街～餐廳以居酒屋嘅裝修，有一排落地玻璃，座位闊落.Order咗兩個午餐set午餐set都有前菜有沙律、麵豉湯 同 茶碗蒸沙律 - 菜夠新鮮，配咗芝麻醬，夠曬開胃麵豉湯 - 味道剛好，豆腐粒同海帶都好多，幾足料茶碗蒸 - 蛋味偏淡，但好夠滑.午餐set有6款揀我哋點咗 南蠻炸雞 同 魚生丼.魚生丼原本係角切嘅，但點餐嘅時候店員話轉咗做一片片嘅魚生魚生夠新鮮，有三文魚、油甘魚、吞拿魚、左口魚、鰻魚、墨魚、海膽、甜蛋等等，份量都幾足～.南蠻炸雞炸雞有6、7件，炸得好香口，炸粉唔太厚，而且咸度適中，配埋沙律醬好好餸飯，碗飯仲好大碗添，仲有配咗少少椰菜絲，夾埋炸雞一齊食又可以減低油膩感，師傅好聰明😆😆.再點咗 晴王梳打，淡淡嘅青晴香味，香香甜甜，不錯～.整體嚟講好食嘅，價錢係中上而家新店開張晚市有7折，約埋幾個朋友傾偈飲嘢都幾唔錯～～…Read More

天氣又熱又濕，特別想食啲辣野🔥🔥～～近期見譚仔三哥推出咗”砂砂湯肥牛鹿茸菇米線”，仲有Jeffrey做代言添，好鬼吸睛呢😍😍～～出咗幾款新野，一於就叫齊曬試下咩料先～～..<砂砂湯肥牛鹿茸菇米線>我揀咗10小辣，最辣可以叫特辣湯底味道有沙爹同喇沙嘅香濃感覺，好惹味，配埋吸湯嘅肥牛同爽口嘅鹿茸菇，成件事好夾，真心推介🤘🏻真係要去試下～.<煳麻辣椒豬肚>呢個小食真係不得了，有譚仔三哥秘製嘅煳辣椒同香麻花椒嘅醬汁，香味十足，食落豬肚又爽口，麻香同辣油配落米線一齊食真係好惹味啊～. <奶蓋芒果蒟蒻椰香金露>一層厚厚嘅奶蓋，入口順滑，配上香芒汁同椰汁，仲有Q彈爽口嘅蒟蒻，甜而不膩，夏天飲一流🧡..提提你，而家去譚仔三哥食野，臨走前行埋Cashier俾錢，旁邊仲可以帶埋😍😍靚仔Jeffrey嘅卡走喎～～…Read More

聽聞荃灣海之戀有間餐廳係鼎爺嘅愛徒煮理，餐廳走新派燒味同Café路線，有自家制招牌茶飲同新式燒味定食做概念，而且佢哋嘅燒味係由鼎爺嚴格監製，有品質保證～最近餐廳推出咗秘製醬汁嘅《幸福雞煲》，堂食嘅話雞件係90分鐘無限添食～而且辣味有3個辣度揀，BB辣、中辣、大辣，醬汁香濃惹味，而且配料好多 有紫洋蔥、芫荽、辣椒等等，雞件大大件，食得出係黃油雞，肉質仲要好嫩滑👍🏻👍🏻真係超好味～～隨雞煲會送一個新鮮蔬菜籃，食完雞煲就可以落清湯烚菜，如果仲係唔夠飽，可以另外點火鍋配料～～我就另外點咗鮮腐竹 $38鮮腐竹吸曬個秘製醬汁，真係超正呢～食雞煲梗係要配返杯沙冰，夠曬凍，唔會好甜，爽啊👍🏻👍🏻左後 - 柚子乳酸沙冰 $44右前 - 芒果沙冰 $48下次要試埋佢哋嘅燒味至得，而家外賣自取仲做緊9折優惠啊～～雞煲都可以外賣架~~ 買返屋企慢慢嘆！.幸福雞煲 下午4點後起開始成人 每位$168小童 每位$98…Read More

天后清風街有間特式居酒屋，裝修幾靚門口嘅裝飾已經好有日本居酒屋嘅感覺入面係和式木系裝修，環境舒服，坐位闊落，約朋友食飯傾偈影相打卡確係一流，而且佢哋仲有兩間榻榻米房可以預約，私隱度幾高，坐喺入面同朋友大聲少少傾偈都唔怕嘈到其他客人嘛招牌叉燒拉麵 套餐一碗拉麵上面有3大塊好有份量嘅叉燒，鋪滿咗個碗面，厚實又入味，好有口感，配上豬骨湯底，足料而且好滿足～吉列拼盤配自家製醬汁蕎麥麵 套餐有1件吉列炸池魚、2件吉列炸蝦同2件吉列魷魚圈，粉漿唔會太厚，炸到好香脆夠乾身，唔會成口油咁，配埋蕎麥麵一齊食又唔會覺得好膩，夏天食冷麵真係一流跟餐有埋麵豉湯、凍豆腐同醃菜，份量好足，喺銅鑼灣區嚟講算合理👍🏻👍🏻炸軟骨餃子餃子炸到外脆內軟，咬落餡料爽脆，加埋沙律醬一齊食仲正芝士年糕同樣都係炸到外脆內軟，口感煙韌，入面仲有流心芝士，好好味啊…Read More

放工心思思好想食小籠包，又唔想食外賣，咁岩青衣城有間樂天皇朝，就食埋先返屋企啦～～之前食過幾次都係同屋企人嚟，今次得兩個人，都幾難攪，因為樣樣都想食嘛😆😆無得亂點..招牌原味小籠包 $68/6隻皮薄但好有韌力，包住熱辣辣嘅湯汁，而鮮甜嘅湯汁又包住豬肉餡，一啖一隻，超滿足👍🏻👍🏻..無錫鮮肉鍋貼 $38/3隻隻隻飽滿，個底煎得夠脆，餡料好足又juicy，好味..雪菜鹹肉炒年糕 $93炒年糕有淡淡嘅雪菜同鹹香味，煙煙韌韌，相比起平時嘅上海炒年糕會少咗份油膩感，味道較為清新..京醬肉絲配薄餅 $98肉絲炒得香口，醬汁甜甜地，用薄餅包埋肉絲同京蔥一齊食，有食片皮鴨嘅感覺，但就無咗鴨皮嘅油膩感，不錯！..香煎豆沙鍋餅 $58豆沙餡多到走出嚟，外脆內軟，唔會太甜..…Read More

天氣咁熱真係好難頂，出旺角行街梗係要買返杯凍茶飲下 降一降溫至掂朋友推介飲茶茶Go，聽講話除咗飲品唔錯之外，佢哋嘅芋泥肉鬆盒子同肉鬆小方都好正喎～～Top 1 - 金煌楊枝甘露 (左) $36第一次飲台式楊枝甘露，同平時食嘅味道分別唔太大，入面一樣有芒果汁、椰奶，但多咗愛玉，感覺好爽，夏天飲簡直係透心涼啊～Top 5 - 夏夜白桃烏龍 (右) $24白桃香味幾突出，感覺清新，消暑解渴，而且仲有得揀甜度添～紫菜肉鬆小方 (左) $38(4件)1盒4大件，每件蛋糕都鋪滿紫菜同肉鬆，而蛋糕中間仲夾住一層蛋黃醬，咸咸甜甜，感覺好厚實，好味日式輕芝士蛋糕 (右) $18 (3件)淡淡嘅芝士香，蛋糕軟軟的，食曬3件都唔會有膩嘅感覺，呢個配埋白桃烏龍茶，一流啊～～下次要試埋佢哋黑糖珍珠奶茶同芋泥肉鬆盒子～～…Read More

Happy Friday 約同事Chill下，去咗銅鑼灣Fashion Walk嘅 Moo Moo+ 食Lunch～～---Classic Fish & Chips 經典炸魚薯條吉列外皮，外脆內juice，熱辣辣好好味，但係如果可以配返個沙律醬或者蛋黃醬應該會仲好味～-Spaghetti Catbonara卡邦尼意大利麵 醬汁香濃又夠厚，所以每條意粉都沾滿醬汁，仲有厚切嘅煙肉，而且份量都幾大份～-Classic Moo 經典之堡招牌漢堡，用安格斯牛肉手打做嘅漢堡扒，漢堡扒牛味香濃，而且口感好實在，配埋配菜同Moo Moo自家醬汁，好味啊～ 但食到一半先醒起唔記得影返個近鏡😂😂-Onion Ring 洋蔥圈脆炸洋蔥圈，外脆內軟，配埋醬食仲好味，呢款小食送酒一流～-下次要再試埋其他至得～～…Read More

放假去東薈城行Outlet，shopping前要先醫肚～諗起東涌有間 banchan & cook，之前食過佢哋嘅蛋包飯，真係幾好味～今次可以食炸雞同甜品😋.朝早無食早餐，所以Order多左幾款😂蜜糖炸雞(無骨半份) 以為半份唔會太多，點知都幾大碟，兩個人食 份量好夠，香甜蜜糖同炸雞超夾，無骨啖啖肉，炸到外脆內軟，又唔會太甜，想味道多少少層次嘅話仲可以配埋兩款沙律醬食～個年糕炸得好煙韌，甜甜的，好好味呀～-燒醬油黑毛豬白切肉配大醬生菜 賣相一流，未食齋睇都覺得好味～厚厚嘅黑毛豬，肥瘦均勻，配生菜、芝麻葉、蒜片、青辣椒同泡菜 夾埋一齊，好鬼邪惡～-韓式卡邦尼意粉 趁熱攪勻，每條意粉都沾滿白汁，配埋脆脆嘅煙肉碎，夠香口，唔錯～-韓式雜莓牛角包窩夫 外脆內鬆，窩夫上面滿滿嘅糖漿，仲有肉桂糖，配埋藍莓、紅桑子、士多啤梨同香滑嘅忌廉一齊食，酸酸甜甜，真係好好好味～～推薦要食啊～～-士多啤梨紅桑子梳打 溶化朱古力(凍) 梳打顏色好靚，未飲以為會好甜，點知又唔係喎，酸酸甜甜好醒胃呀～另外 濃濃嘅朱古力，唔算好甜，合曬我心意💖…Read More

放工偷懶唔想煮飯，索性食埋先，順便行街輕鬆下去新都會搵食，泊車方便，選擇又多🤟🏻🤟🏻-呢晚就揀咗去The Salted Pig食～食過好幾次，餐廳嘅主打菜以豬肉為主，食物同飲品種類都算幾多，而且份量又夠大份，座位闊落、坐得舒服～～-Sharing Snack Platter 小食分享拼盤 $318有燒雞翼、脆豬肋骨、迷你漢堡、蟹餅、炸豬皮、炸魷魚圈，樣樣有少少，唔駛食太多，我鍾意食佢哋炸豬皮同蟹餅，超邪惡嘅豬皮，炸到脆卜卜，配啤酒一流～另外佢哋個蟹餅都唔錯，吉列外皮 外脆內軟，勁多蟹肉，配埋沙律醬一齊食，正呀～-Seafood Paella 西班牙海鮮飯 $228超多配料，有蝦、蜆、青口、魷魚、魚、雞肉、辣肉腸，食落啖啖飯都有海鮮，飯粒軟硬同乾濕度都適中，好岩香港人口味～-Whole Roasted Cauliflower 烤原個芝士椰菜花 $118滿滿芝士，好邪惡，原來椰菜花配芝士係可以咁好味～我一向都唔食椰菜花，但今次令我對佢改觀😂😂-Oreo Madness Oreo曲奇朱古力忌廉奶昔 $68最後order咗杯朱古力奶昔做甜品，用甜甜的作結尾💖…Read More

喺葵廣除咗掃街之外，其實有好多好唔錯嘅食店可以選擇～～地下有間好有名氣、又抵食嘅車仔麵，而且選擇又多，重點係有得坐低慢慢食嘛～～嚟親呢度都好貪心，太多選擇，樣樣都想食，因為價錢太相宜喇～～今晚兩個人揀咗4樣野～～先點咗皇牌滷水湯油麵 + 秒製汁+蔥 $48大大碗好多餸，有滷水蛋、滷水雞翼、滷水雞腎、滷水翼尖、滷水雞腳、滷水豆腐樣樣餸嘅滷水都好夠入味，唔會係死咸嗰種，秘製汁好得，食落有沙爹汁同咖喱汁嘅混合感覺，正👍🏻👍🏻墨魚條碗仔翅 $25墨魚條夠彈牙，多料，唔錯喎～～腸粉 $10 + 燒賣 $10燒賣腸粉真係要多醬先好味😂😂腸粉夠滑，燒賣配埋醬食真係無得輸👍🏻👍🏻👍🏻滷水雞髀 $20剛好有雞髀出爐，忍唔叫咗隻雞髀好夠滑，而且滷得岩岩好，又係無死咸嘅感覺，好好味呀～下次要叫雞髀飯先得～～食咗好多次，佢哋嘅質素都Keep得到，味道好，價錢唔貴～～一定會繼續支持💪🏻💪🏻…Read More

喺油麻地食過一次生炸雞髀真係有一試難忘嘅感覺隻雞髀大過手掌，真係超滿足！今日咁岩經過開天后，見開咗分店，一於排隊食下～～同油麻地舊舖感覺好唔同新店好光猛，乾淨闊落睇餐牌感覺係多咗選擇樣樣都好吸引見隔離枱嘅雞髀真係好吸引，忍唔住今次都要再食～同事就order咗避風塘炒豬扒飯～～應該Lunch time時間，坐咗一陣就有得食喇～近攝～～大大隻雞髀，好有氣勢生炸雞髀皇煎蛋飯 $58 (包熱飲，凍飲+$3)老實講，今次隻雞髀無咗喺油麻地食嘅大，有少少遜色咗，味道有分別，比較淡味同無咁脆，但雞髀肉係幾滑，都算幾好味嘅～～避風塘炒豬扒飯 $56 (包熱飲，凍飲+$3)驚喜嘅係個豬扒，色香味都有～避風塘嘅調味好多時都會死咸，但呢個就無呢個問題，豬扒爽口唔靭，配埋炸蒜同蔥夠曬香口～～餸飯一流～所以真係好驚喜～～整體嚟講，喺銅鑼灣天后區嚟講，價錢同味道都算不錯，有機會會再返嚟食～～…Read More

以前想食米線就必定會去荃灣食肥仔米線，一食就食咗十幾年但係而家...就真係要搵機會同時間先去到食，畢竟九龍灣都實在太遠🥲星期日，終於抽到時間，揸車過九龍灣未夠中午12點，剛好去到唔駛食，即刻有位坐低諗都唔諗就落單～～未有得食就周圍望下，比荃灣嘅座位少咗一半有多，座位之間比較擠迫，但都坐得舒服嘅等咗一陣就有野食喇～～我點咗 <腩肉豬耳小鍋米線>老公點咗 <腩肉豬腸小鍋米線>米線 - 軟硬度剛剛好腩肉 - 比以前厚咗、大件咗，辣味夠香，同以前分別不大豬耳 - 皮軟、骨爽脆豬腸 - 滷水好入味，炆得夠淋湯底 - 點咗小鍋唔辣，又點咗腩肉，因為腩肉本身有辣味，變相個湯底有甜酸辣 三個味喺入面，呢個正正就係肥仔米線嘅味道喇～～講真，米線呢家野真係好睇個人口味～～我自己就好鍾意食肥仔嘅味道喇，十幾年都無變過～～有時間會再返嚟食～～…Read More

父親節經過屯門市廣場，見八月堂做緊68折，好抵呀～～咁一於試下排隊啦～～因為呢個時候差不多下午6點半，見到得返好少款，好驚排到嘅時候已經無曬🙈🙈🙈好彩最後都買到半打，咩款都照要啦～～其實之前食過好幾次，都無令我失望過，水準都keep得到🤟🏻🤟🏻我本人最愛<迷戀卡士達>，個吉士好香、夠滑，而且唔太甜另外，<黃金流沙>都好正，咸蛋味同牛角包好夾，焗返熱嚟食個流心效果更加好整體嚟講服務態度都算不錯，店員有禮、有笑容😊值得一贊👍🏻👍🏻…Read More

近幾年荃灣區真係越嚟越方便，衣食住行樣樣齊，搵食嘅地方更加唔駛講，多不勝數，但係有選擇困難嘅朋友就慘喇，因為咩菜式都有得食，樣樣都咁吸引，真係諗食咩都諗到頭痛😂今日揸車去荃灣行街食野～～搵地方泊車嘅話好快會諗起愉景新城，一來有泊車優惠，二來車位算多，所以愉景係好方便泊車友嚟行街食野～～泊好車大約11點半，行到一樓，見到有間幾有情調嘅西餐廳，喺門口見到佢哋個餐牌上食物同飲品款式有好多款，咁一於就食呢間啦～～估唔到未夠鐘食Lunch都已經有好幾檯客食緊野 ，唔知座上客係咪同我一樣俾佢哋嘅飲品同食物款式夠多而吸引咗入嚟食呢～～坐低無耐，店員好快就放低餐牌同水～未睇食咩已經俾餐牌上嘅《偽鴛鴦》吸引住～一陣一於order先～有16、7款Brunch，款式真係好多，好難揀呀，樣樣都想食喎～我哋兩個人order咗兩份share食～《板燒西班牙黑毛豬豬肩扒配燒汁伴甜薯及花椰菜苗》煎煮嘅時間剛好，有少少脆邊，香口，而且不太肥，肉質爽，配上燒汁，汁醬又唔會搶咗肉本身嘅味道～而且配上甜薯做伴菜，甜甜的夠飽肚仲可以平衡返肉嘅油膩感，不錯啊！《鮮蟹肉扁意粉配蟹膏, 蝦膏及忌廉汁》大愛！我要推介呢個扁意粉～醬汁夠曬creamy！而且好多蟹肉，味道又唔會太濃，配扁意粉好夾，提議如果有一件法包跟返用嚟送餘下嘅醬汁，咁就一流喇～《偽鴛鴦 - 原味》未飲睇樣就覺得好甜，但係第一啖飲落去有香濃嘅朱古力，再睇真d，原來d冰全部都係咖啡冰嚟，唔太甜，咖啡冰慢慢溶，咖啡味越飲越濃，幾好飲喎～整體嚟講，食物質素都幾好！店員有禮，會主動介紹是日精選同有咩推介，而且坐位算舒服嘅，但係枱與枱之間就太近，近到我完全聽到隔離枱傾近咩，希望呢一點可以改善一下，俾返少少距離大家就無咁大壓力！…Read More