漢高祖's Profile

元朗又新街新開了沛公甜品，是在我常去食大大件豬扒飯的大排擋附近，是必經的，所以以後去元朗會多一個食點，上星期食飯就買了雪條，因為食完碟豬扒飯，更香濃的榴槤千層也沒有空位食了。今日食完豬扒飯再想買雪條時，就比個士多啤梨蛋糕吸引住，仲要係芝士蛋糕，唔係出名的千層班戟，因為上面的日本士多啤梨好大粒，仲要買＄198，我去買盒士多啤梨都成百蚊，這個蛋糕點止用了一盒呀？所以買。 買了回家都有點怕芝士蛋糕會中伏，點知愛人話超正，芝士香濃滑口，唔溜，仲有清香青檸味，餅底更鬆脆可口，好味！佢話沒有士多啤梨都值＄198！…Read More

平時都會買外賣蒸飯，今晚就堂食，叫左個蒸魚套餐＄59＋2。選了梅菜蒸石蚌＋菜心＋白飯。魚都有好多選擇、有盲糟、黃花、紅鮪、鱸魚、黃立䱽，配料還可以選薑蔥、豉汁、冬菜、梅菜來蒸。一般餐廳只有豉汁蒸黃立䱽，點解？因為是選用急凍黃𩶘䱽，當然要落豉汁蒸啦，這裡應該是用新鮮魚的。石蚌楊屋道街市都不是常常有，今晚有，當然要試一試啦，沒有選錯，條石蚌相當滑，真係魚有魚味，加埋梅菜更好餸飯一流。荃灣真係有好多賣點心的地方，但有水準的又有幾多？可以做落去的又有幾多？路德圍果邊前後都有三間，通通不過一年就玩完，這間可以長做，當然有佢吸力啦，有幾次六點幾來買外賣都要排隊！…Read More

沛公觀塘新門市，主打千層蛋糕，新張期間，六吋千層蛋糕仲做＄99優惠，好多好多款選擇，星星千層蛋糕都係九十九元，真係又靚又抵食！仲要一百蚊有找，功夫都唔少啦，見到唔買真係有少少對唔住自己啦！沛公一向高品質，千層蛋糕都好有名氣，今次去觀塘探朋友，只用了九十九蚊買個蛋糕作手信，朋友及他的同事們見到都好開心，他們話佢地有時收工回家時都會買，但有時要排隊，又會買完或選擇少好多。哈哈，因為我中午開門時買，有好多好多選擇！只係排左少少隊！…Read More

時常都會幫襯這裡，不是食品好味，而是這裡常常有好多空位，坐位舒適，約人在這裡等，不怕阻住人家做生意，食物早就試得多，都是水準以下的出品，知道那些還可以接受的，今晚約了幾位朋友在對面沛公食榴槤甜品，所以五點幾在這裡食個下午茶作晚餐最理想，方便留多少少肚食榴槤！叫了個下午茶餐$34星州炒米，加凍檸茶，凍檸茶是最穩陣的，試過好多次都是可以接受的水準，今次都一樣，有茶味又有檸味，合格有餘。反而這碟星州炒米就有點喜出望外，好香，好有鍋氣，熱辣辣，味道不錯，而且份量不少。在尖沙咀$34可以食到即炒粉麵連凍飲，又坐得舒適，實在超值！真的希望其他食物都有這水準!…Read More

一間舖只買幾樣食品，可以生存到，而且生意不錯，當然有佢板斧，雲吞，鮮牛，鯪魚肉，三樣可選，反而油菜有韮菜花，芥蘭，通菜，菜心，生菜可選。叫了三拼河$37，韮菜花$23，汽水$11三拼中雲吞果然最突出，大大粒，蝦也大隻，且爽口鮮甜，蝦比例多過肉，不感覺肥，皮薄。高質素!牛肉也不差，嫩滑有鮮味，鯪魚球雖不差，但未見突出，反而覺得實左少少！韮菜花都不錯，好嫩，一點渣也沒有，$23有價值!辣椒油也不錯，好香，不太辣，我落左三茶匙!…Read More

今日遠到上水新都廣場辦事，真的極少會到這區，中午過後，五臟廟有點啓示，天氣好熱，只在幾個商場打個圈，發覺全是沒有特色的連鎖食店，好彩天橋盡頭有坐巿政熟食中心，電梯直上見到這有粉麵食就坐下來，叫了牛腩河粉，凍檸茶，腩汁通菜，$47，熟食市場果然平少少。牛腩份量不少，且大件，食落有驚喜，好入味，有入口即溶化感覺，極有水準，好好味。辣椒油也不錯，好香辣。見到對面枱食緊淨牛腩，相信這裡的牛腩真的很不錯。誤打誤撞找到好野食。…Read More

幾年前因工作關係，差不多晚晚都光顧，因為收工收得夜，好多食巿都收工，這家收得夜，而且試過食物可以，所以常常幫襯。時隔幾年再度光顧，水準依然，價錢合理有餘，今晚叫左套餐$47，牛腩魚片頭河粉，腩汁通菜，凍好立克，牛腩硬軟適中，入味，水準之上，魚片頭極為爽口，最欣賞是這家的自製辣椒油，真係香辣具備，十分突出，感覺不錯。未夠喉，加多碗紫菜淨四寶，紫菜份量不少，有鮮味，四寶丸爽口彈牙，今晩大滿足，埋單$85，味道都有85分。…Read More

長期都幫襯都是焗鮮茄豬扒飯或肉醬意粉，兩年來都水準穩定，初初開時少人幫襯所以叫大路野焗鮮茄豬扒飯。水準還是可以，所以間中都會買下，近期生意好似好左好多，繁忙時間仲要等等，今日都係焗鮮茄豬扒飯，連餐湯，凍檸茶都係$50，快餐店價錢，豬扒不算大，也不算厚，鬆軟入味，飯底有炒，茄汁有鮮味，表面的芝士好多，好香。…Read More

親友生日訂了一圍特價$1888套餐，原價$4888，不用4折，有乳豬全體，東星班，炸蟹鉗，炸子雞，都算抵食!第一道菜上乳豬全體，不細隻，色澤金黄，食落皮脆肉香，值八十分。最驚喜的是條東星班，2斤餘重，蒸的恰恰好，肉嫩幼滑有鮮味，值九十分。其他都是一般的，但有兩樣有水準的都值回票價啦，不用二千圓，不能太多要求!…Read More

母親節特別在沛公訂了的心形千層班戟蛋糕給老媽子，仲要係最頂級馬來西亞貓山王榴槤，我間中都有買沛公的貓山王千層比媽子食，但今日是母親節，一早就打電話去訂，店員話有母親節特別版，心形千層蛋糕，提前三日訂仲有八折，訂了個六吋貓山王， $270一個心形貓山王千層蛋糕， 夠4個人食，算是抵食，因貓山王算是一種貴價食材，平時買的是圓形，今日是心形，媽子話我有心思，其實沛公有創意，由於心形關係比平時食開的圓形細少少 但媽子都K0左一半，雖然不是當造季節，但都好好味，班戟皮依然十分薄，十餘層，層與層之間都是貓山王加忌廉，又香又滑，貓山王確比其他榴槤幼滑細緻，聞落好清香，食落更香濃回味長久，媽子好滿足!…Read More

平時都是買點心或盅頭飯外買，今日堂食，叫左個鮮魚套餐，$52有一條魚，白飯，油菜，凍飲加$2，魚有好多品種可選，今日有盲鰽，鯇魚，紅鮪，馬友，黃立䱽，可選。還可以選擇豉汁，梅菜或清蒸，我選了梅菜蒸馬友，因為馬友係海魚。等左20分鐘，條魚不細條，街市買都要三四十蚊，好新鮮，好肥，好滑，$54蚊有這質素超值。…Read More

上星期到讚石山拜山，拜完就近找間餐廳醫肚，其實好想飲野，最近的是富山邨，入到邨好有童時感覺，再到這間林園餐廳更加時光倒流卅載，感覺一個字＂舊＂，好有歷史。來到舊式食巿當然叫最傳統的食物啦，見是日午餐有梅菜扣肉就來一客啦，配凍檸茶，愛人叫了鮮茄豬扒，都係凍檸茶，愛人話鮮茄豬扒及凍檸茶都有水準，而我的梅菜扣肉就好有驚喜，只是是日午餐，但水準好高，梅菜干身，好香，明顯是炒過，扣肉皮鬆化，有炸過，好入味，入口溶化，而白肉不覺肥，只感油香，正！份量不少，連飲品只是$32，超值!扣肉一向是我至愛，近年少食了，不是本人身體日益發福，怕肥而少食，而是現在的食店，少有水準的扣肉，因為好味道的扣肉要用好多功夫去做，我要強調一次，一道有水準的扣肉絕對不會感覺油膩，這餐廳不只做到，而做得好，我用行動證明好好味，再叫多一碟，而且都食清的。一次食2碟扣肉飯真的感覺盡興!…Read More

食完鐵板燒,來到沛公食正餐.(今晚友人約了在赫德道食日燒.前去路中'我和愛人都定了飯後目標)留了肚食甜品.今晚可以盡情一點.在荃灣食了沛公都四年有多啦.九成都是食榴槤千層班戟.今晚也不例外.但這裡有好多產品是荃灣店沒有的.食佐四年幾都要詳詳細細看一次餐牌.叫了榴槤千層班戟.食佐四年幾.每次都是必叫的.榴槤迷首選.榴槤法式燉蛋.蛋好滑.好香.好特別.但榴槤肉不多.未能滿足我的重口味.石斛燉雪梨.原個雪梨去皮去心.入口即溶.真係燉左好耐.比我所想的好味好多.一滴都清晒.酥皮焗榴槤西米露.等了二十多分鍾.送到來不但覺得值得等.還要送上"嘩".龍蝦酥皮潟的甜品.當我一"筆"落去時.一股榴槤香味隨煙撲上.好妙.妙絕.未食都己值回票價.…Read More

今日好友帶隊到旺角熟食檔(因我未到過.但原來在我經常坐小巴返荃灣的小巴站上面)真係過門而不入.朋友笑我是老花.到了旺角熟食檔真係好多選擇.有十檔八檔.朋友推介這間丰衣粥食(因知我喜歡食湯飯)我們叫了醉雞鮮山湯飯$36 洒味都系算濃.材料都足.味道唔錯.冬天食仲正勝瓜斑片花膠湯飯$38 個名好似好高檔(但只係$38) 味道唔錯.湯清有鮮味.同勝瓜合襯.咸雞半只$45 咸味.雞味道都唔錯.又而好嫩滑.價錢算平.味道唔錯,可以常到.應該係我杯茶.…Read More

今晚上的宵夜是沛公的榴槤千層班戟再加榴在心中.太飽了.原本只要食件榴槤千層.但當買了件榴槤千層邊行邊食的時侯發覺件榴槤千層有少少問題-----------好食左,係好好味.比上個月吃那件好味左好多.返回沛公問店員.才知新的一造榴槤開始左.而剛剛開始的正是最香榴槤味-----大釘.因為沛公在不同時節會用不同的新鮮榴槤來做甜品.味道會有少少出入.現時用的正是56月當造的大釘.唔怪得咁好味啦.其他甜品店做榴槤甜品好少會用大釘.因為成本貴(大釘少肉).要多份榴在心中.太飽了.…Read More