vodka2003's Profile

一直都知道呢間餐廳侍應態度麻麻，但係朋友想試吓，唯有同佢嚟食一次,質素真係好一般，牛扒冇味，又韌,　什扒上碟似一堆垃圾，都算。今次想請朋友食飯，所以預早埋單，到離座前，已經同侍應講咗埋咗單，點知有個成身纹身嘅短髮女侍應,好大聲咁叫住我話我未埋單,當時成間金鳳啲乘客都望住我，我即時揸住張收據，話已經埋咗單，佢先揼低頭當冇事發生！我想知今時今日咁嘅服務態度，自己未check清楚就指責人，難怪香港食肆會咁易執笠，原來真係唔係冇原因㗎！…Read More

早兩日，朋友話想喺尖沙咀食泰菜，咁就試吓K11呢間阿閒泰，我哋準時7點到達,首先，一入去，二人枱比茶歺廳啲枱仲要細，坐位又窄，又迫，算！要barcode落單，但佢個system又支援唔到，同侍應講，佢哋態度又愛理不理，😡 食到大約70分鐘，就已經分別有幾個侍應分幾次嚟提你就嚟要交枱，其實提一兩次就夠啦！我又冇超時，真係未試過食餐晚飯會食到咁冇癮，哎！難怪而家咁多人北上消費，總之用餐全程貼錢買難受😣…Read More

天氣開始涼，上星期想食雞煲，打電話去新南苑一品點知全部爆曬，上Openrice search 到呢間，又有位，就試吓啦！一上到去，以為去咗深圳啲十九夜場，啲vip房傳出陣陣強國歌聲，又嘈又有人猜枚！講返食物，我哋叫咗個雞煲，加打邊爐肥牛，菜，鴨血，粉腸⋯⋯個肥牛衰過x寶啲過期牛肉，有黑點同瘀血嘅！雞煲又唔惹味，得層油，唉！我唔寫咁多啦，費事一陣俾人block我唔俾出呢個post呀，大家唔信嘅，就即管去試吓啦…Read More