傻MAN鱼's Profile

原本諗住行過附近食一間拉麵，咁啱經過見到餃子，仲要有淮山豬骨湯冇味精，試吓我淨係叫咗油渣麵，豬油渣可以選擇腍同埋脆，加多兩隻餃子非常之有驚喜一飲落去個湯就知道係冇味精好甜成碗飲晒，餃子都大大隻好好味，餃子好多種類選擇，下次可以試吓其他，今次我揀咗麻辣白菜餃，如果鍾意食辣嘅人應該都會鍾意因為比一般嘅麻辣餃子會辣啲，晚飯時間都得一個客，好餐廳要多多支持小店，下次一定試埋其他款我都好少寫食評嘅人都要專登讚吓👍🏻…Read More

鰂魚涌新開古典風Cafe ，我係比舖頭嘅裝修吸引過黎，餐廳位置係太古坊二期地下，應該就因為係寫字樓區，晚飯時的唔係太多客人-烤雞乳酪漢堡配乳酪醬巨型漢堡裏面夾住兩舊雞扒，份量好足-炸魚卷配希臘乳酪醬-外層薄餅比較乾唔夠熱-香烤豬頸肉配木瓜沙律配甜辣醬豬頸肉有燒烤嘅香味，木瓜沙律，酸酸甜甜幾開胃-青醬忌廉雞肉長通粉-生酮抹茶卷係用咗大豆渣粉、赤藻糖，口感都唔錯，都有空氣感唔乾-宇治抹茶奶🉑️轉杏仁奶餐廳都係主打咖啡，後尾試咗兩杯手沖咖啡都幾特別，Brazil 第一啖飲落去有煙燻嘅味道，Ethiopia 帶有花香味，各有特色，餐廳環境坐位都幾好坐，適合朋友聚餐…Read More

今日放假想搵個舒適既地方chill 下，揀咗呢間有景睇既餐廳食半自助午餐每人會有一個主菜.餐湯.餐茶.香檳，前菜,甜品就喺任食，沙律吧款式都好多選擇,例如煙三文魚，幾款芝士，多款沙律菜，parma ham哈密瓜.......主菜每星期都會唔同款式，今日我就揀左肉眼扒，需要加多$20 ，牛扒肉質嫩多汁，冇根，整體唔錯…Read More

滿滿澱粉質身為麵包控既我一定會食吐司🍞慢烤雞腿芝士吐司，麵包香脆，爆汁流心蛋😍大大舊嫩滑雞髀肉，仲有好似瀑布嘅芝士，醬汁食落去酸酸甜甜，成件事同吐司非常之夾芝士火腿肉鬆蛋餅，份量都好多內裏包住肉鬆，鹹鹹甜甜幾好味…Read More

佢係Ig 店起家，餡料到外皮全人手製，外皮🈚️油少糖🈚️添加，高質mochi 栗焙福 餡料有法國嘅栗子蓉 .靜岡焙茶忌廉 .靜岡焙茶朱古力脆脆. 法國栗子忌廉. 糖漬栗子🌰外皮食落去好薄好滑煙韌軟熟，澎湃嘅內餡每一層都有唔同既口感😋😋比起其他大福真係唔甜，沒有油膩感，好健康，每一啖都係栗子，栗子大福配有一支栗子蓉，店員話可以唧喺大福上面，全都是🌰大滿足，下次一定要試埋其他味道，❤️留意返有幾款味道係需要預訂…Read More

我自己本身好中意食麵包酥皮類既野今次專登去左牛角包人龍店抹茶牛角包 🥐有抹茶嘅苦澀味，啖啖牛油香味，一層一層酥脆口感，唔油膩 Ham&cheese Croissant 芝士火腿牛角包經典嘅款式，完美配合食落口感比較豐富，每食一啖都係芝士好滿足😋，食一個已經夠哂飽…Read More

我通常都係睇食評多過寫架,不過今次實在忍唔到本來想去好時沙嗲不過實在太多人又冇咩時間,所以是但去左味皇,一入去就安排一個對住廁所既枱(但成間舖都有好多位),之後一定唔會坐係果到,要求轉位時餐廳侍應已經好唔耐煩:好呀~~~要坐同一行,唔可以對住坐,我心想都冇話要同我個FD對住坐,全間鋪D侍應都好似唔想做生意.個個都黑面又悔氣對D客人.之後食食下又叫我哋轉枱,話有十幾人入黎,咁我冇所謂咪左轉位,之後見到個十幾個人都冇坐到我哋之前張枱,都冇用到分明就唔想兩條友霸住張枱先叫我地轉,好快就食完就走,食物真係好一般,未食都成肚氣,價錢又貴,絕對唔回頭…Read More