薑母茶's Profile

幾年前第一次嚟鴨脷洲食海鮮就係幫襯呢間，佢出菜快，唔會換走我地嘅海鮮(長洲係試過被換走的)，收費比其餘幾間平dd除了電梯數起第一間，其餘三間我地都食過(午市開嘅只有四間)，其實呢間整體未必係最出色，但佢最吸引我地繼續幫襯嘅係佢嘅椒鹽，炸得好夠乾身夠脆又夠入味，之前試過椒鹽獅子頭(好似黃花魚咁細細條)椒鹽九肚魚，都勁好味連骨都食埋，最唔掂嘅係最入面個間，標榜自己d炸物好出色但完全唔好食，收費又最貴我地每次食都會有椒鹽瀨尿蝦，個人覺得細隻係入味過大大隻嘅椒鹽鮑魚，炸嘅時間啱啱好唔過火，好彈牙，比蒸嘅野味好多，唔怪得咁多人推薦呢個食法五柳黃花魚，魚外面炸得好脆，時間掌握得好好，魚肉仲係好滑，今次係第一次食，因為見人地個碟好靚即刻落去買的，比想像中好食，但我個人想個汁可以酸多少少因為甜了一點點油鹽水煮蜆，好味到連湯飲埋，湯底似係用胡椒同蘿蔔淆的，放埋d蜆落去煮好鮮甜，比豉椒炒更能帶出鮮味炒白菜仔，其實佢呢間d炒菜真係麻麻，但有碟菜食下感覺冇咁油膩，所以每次都會叫一碟炒菜食牛雜粥，見好多食評推薦，所以試下，唔係新鮮牛雜已經冇肉味，仲要唔係生滾粥，有少少失色，可以唔使試椒鹽鮑魚未夠兩斤，椒鹽瀨尿蝦一斤半，油鹽水大蜆一斤，五柳黃花魚兩條，蒜蓉白菜仔一碟，牛雜粥一碗大，皮蛋瘦肉粥一碗大，凍檸茶一杯，熱檸水一杯，兩罐可樂。總共收咗$512，合唔合理自己計，加工收費係以煮法同以每斤計算的P.S.樓下街市已經被 YouTuber 吹捧得很誇張稱為港版築地市場，因此海鮮價錢係比其他街市買的貴很多很多，識買嘅香港人未必需要响呢個街市買的🧐…Read More

呢間店不經不覺响北角開咗幾年水準都keep住差不多個人喜歡呢度嘅下午茶多過晚餐晚餐最愛佢嘅椰子燉湯，海南雞就真係唔太得，食到有雪味同埋感覺似食白切雞咁，唔推介，不過個油飯又唔太差搶返少少分通菜係好食不過份量勁少雖然呢間泰式唔算特別好食，但勝在款式多，價錢唔算貴，所以成日走嚟食個 T下午茶我推介佢嘅咖喱豬扒焗飯今日食炸雞脾配薯條，個人喜歡配薯條多過炸豬皮，薯條新鮮炸夠熱炸得夠脆，今次雞脾夠入味(上次食俾冇味)，如果可以再多返少少辣粉會再野味d另一個餐係蔥油雞扒撈公仔麵，雞扒唔夠雞脾好味，所以個人鍾意配豬扒多d，最愛撈麵入面嘅芽菜短短肥肥又夠爽口😋飲品凍O茶，呢個集團係用冷壓檸檬汁，冇新鮮檸檬片，雖然唔難飲但失去咗檸檬茶嘅精髓，之前都有一片薄薄嘅青檸片裝飾下，呢兩次飲都冇埋，可能公司係為咗慳得一蚊得一蚊而唔加，但係話晒泰式食店係咪應該加返呢？有返少少泰式嘅味道咖啡好香但唔係我飲，應該唔差嘅舖頭個肥仔職員成日落錯單，好在現在係自行落單，唔會再有錯😌…Read More

搭車返屋企落巴時士見到一間新開嘅餐廳，裝修設計幾清新都幾靚，本著試新嘢嘅好奇心就入去試下🙈原來係內地新進品牌嘅炸雞店快餐店由於食咗午餐，所以買咗兩個餐加一件炸雞三個人share食呢間嘢個包細細個、雞肉薄一薄、粉漿厚一厚，而且價錢一d都唔算平下午時間去食都唔覺飽😓😓咖啡總算正正常常成個餐最好食應該係薯條，不過份量唔多17蚊一舊嘅藤椒雞塊，細細嚿皮厚厚總結得一個字差😡😡一條短短嘅街道，就有三間連鎖式炸雞快餐店，所以絕對～絕對～絕對冇咩必要就唔需要去試識食就去對面嘅🐝🐝…Read More

食完晚飯突然想食碗台式甜品上open rice 睇到食評好似不錯 專程行咗幾條街去食結果…………………🤢伏🤮伏🤬伏成碗糖水冇甜味 叮點黑糖嘅味道都食唔到出芋頭切到大大舊 煮得唔夠時間 實得得 唔夠粉亦冇芋頭香味芋圓大大粒以為唔差啦 點知一陣雪味 好似放咗好耐完全唔煙韌仙草都係一陣雪味 衰過惠康買到嘅即食仙草終結成碗只食到雪味 係雪咗好耐嘅味道食咗3分1已經頂唔住 倒咗第一次食到咁難食嘅台式甜品那裏來的好評？？不可一不可再…Read More

11:20到達，一開始就講只得一小時用餐時間，時間有點趕，想食多兩籠飲多兩杯茶傾多一陣都唔得😒用QR code 落單環保方便一心諗住食拼盤可以樣樣都試到，點知個日所有拼盤都暫停，勁失望😮‍💨總共叫咗四款食物為咗打卡靚d，所以叫咗紫色嘅松露野菌餃，味道普通，松露味唔夠，個皮太軟無咬口第二款係鹹蛋黄燒賣，42蚊得三粒，街邊的燒賣仲太粒過佢，見到個賣相係即刻O嘴，食落仲大件事，賣相同味道跟本就同街邊燒賣差不多😠餡唔係豬肉，類似墨魚但又唔彈牙，鹹蛋黃個味完全食唔出，只係有少少黄色嘅流心响中間流出來，絕對係伏🤢第三樣係一口鹹水角，顏色打卡係勁靚，但個皮太腍唔夠脆口，個餡普普通通無特別最後係鳳爪排骨飯，係四樣之中最好嘅，56蚊唔算太大碗，但排骨份量都算多，夠入味飯粒粒分明唔會太腍點心太精緻的的骰骰，兩個女仔都覺得唔夠飽，想再叫又唔夠時間食店舖裝修很特別，不過二人枱有點迫，多幾籠點心都難放下冷氣唔夠，坐了15分鐘已經流汗🥵整體食物一般般，價錢偏貴，唔會特別想再幫襯…Read More