daydayEATnFAT的個人專頁

好開心呢間我同朋友仔都好鍾意食嘅Cafe，今次佢黎左我屋企附近而將軍澳都開咗分店既espresso alchemy. 位置係popcorn 電梯直上就係lu環境同其他分店佈置非常接近，都係採用比較舒適，寬敞嘅設計。好適合同朋友慢慢傾偈，冇時間限制嘅壓力。飲品今次試咗宇治抹茶鮮奶，濃郁嘅抹茶味同奶香配合得非常好。主食今次再食厚切意大利煙肉卡邦尼意粉。上次食過返尋味，好鍾意佢係厚切煙肉，香得嚟唔會咸，肉質彈得嚟亦爽口，一啲都唔「蘇」。而且卡邦尼醬汁非常Creamy，配合軟硬度適中，彈牙嘅意粉，非常好👍。亦試咗以前未食過嘅「乳酪青醬雞肉意式香草包」。開頭會以為好酸，但係原來乳酪中和左青醬嘅膩，係可以咁fresh! 雞肉嘅份量亦都非常之多，唔係肥雞肉，個包帶少量蒜蓉味，食落脆口，所以成個麵包味道同口感層次非常多，幾適合減肥人士。最後甜品食咗法式西多士配自家製雜莓醬。厚切嘅西多士，配合少少酸味嘅雜莓醬，味道清新，非常適合作為晚飯嘅完結。…查看更多

昨晚跟友人去屋企商場揾食, 商場有落下promo既牛摩新開冇耐，所以就去左試下了，最後決定左食lv3, 阿古豚梅肉90分鐘放題。首先講下湯底，佢哋有8種(都算好多選擇)，最後自己揀咗豬骨濃湯和骨膠原雞白湯。骨膠原雞湯湯底味道濃郁，單飲已經好滿足，配合阿古豚梅肉簡直係濃上加濃，一流。醬料種類都ok，同台式火鍋店差不多，蒜蓉,辣椒芝麻醬樣樣齊，可以按自己喜好調配。丸類，菜同麵類都係自取，有趣係有玉子豆腐同soba出現，感覺都唔錯。蔬菜方面選擇都尚好，幾款菜、雞脾菇類同粟米，健康人仕都可以應有盡有😂甜品方面都唔太差架，例如布甸同小蛋糕，puff 都有得簡。飲品就有基本選擇e.g.汽水,茶。童年回億既沙冰呢度都有😃另外，都有品份食物係用手機點，有幾個可以highlight 下:溫泉蛋蛋黃軟綿，加埋熱辣辣既肉類一齊食大滿足牛舌完全係一個驚喜，味道濃郁，咬落去唔韌，我覺得係今次邊爐大發現雞皮餃子，油香脆炸，餐前餐後都好適合傾計食用既小品整體嚟講，環境幾舒服(人流未算太多)，佢哋會免費升級至130分鐘，比足夠時間我哋慢慢享受。推薦俾鍾意食放題嘅朋友仔😋…查看更多

係鰂魚涌接友人收工,就係佢office附近食埋飯先去行街 重建左既太古坊宜家靚左好多，今次就去左Espresso Alchemy Origin有印象係海港城有睇過下佢，係一間極具特色cafe，裝修設計都係好model 好啱影相同人傾計今日冇食到lunch,所以就一口氣叫左3個main,兩份sandwich 🤣，上枱個下嚇一嚇，portion好大份烤雞菠蘿漢堡呢款漢堡以烤雞為主，上嚟到足足有一隻手掌咁大, 新鮮的菠蘿和大量生菜，層次感十足。最驚喜菠蘿甜度與微辣烤雞相得益彰，中和係口入面既油膩感，令人回味無窮。跟餐仲有焗薯配料，絕對係呢度嘅signature dish 之一檸檬汁烤雞煙肉芝士意大利三文治意大利麵包外脆內軟，檸檬汁烤雞同burger 烤雞味道相反，今次由煙肉帶出鹹香，搭配芝士，每一口都係有口感同奶酥風，如果你大愛cheesey 野食，呢個都好推介青醬雞肉忌廉長通粉以青醬為基底的義大利通粉，搭配一口雞肉片和濃郁香草忌廉，帶每一口都讓人陶醉其中厚切意大利煙肉配卡邦尼意粉厚實肥肥煙肉，每一撘都係極度邪🤣，不過我喜歡creamy嘅食物類，點叫我停到口呢西多士伴雜莓醬收尾叫左一份反撲歸真🍨 ，厚切西多士搭配新鮮的雜莓醬，同港式炸西多唔同，鬼佬式煎西多甜而不膩，酸 甜雜莓醬分解返頭先所有嘅main courses ，絕對係完美最佳選擇最後唔記得左講，呢度用La Mar機整coffee, 太夜驚訓唔到就叫左伯爵茶鮮奶巧克力，以伯爵茶做基底，搭配淡淡巧克力，係一杯兼具清新和濃郁口感嘅暖胃之選如果你係附近返工，一星期spend 一兩日係度食都應該幾開心，呢度都適合客黎個coffe catch up ，絕對是一個令人愉悅體驗…查看更多

朋友推介嘅呢間餐廳，佢有VIP房，喺銅鑼灣同炮台山都有分店，而且每道菜嘅份量都好足夠，啱晒一班朋友一齊食😃首先要讚嘅係店員嘅服務，非常之殷勤主動。另外本人非常介意嘅廁所係非常之靚同乾淨！大家可以放心喺呢度飲多幾杯。究極丼雖然唔特別平，但勝在食材真係新鮮豪華，又有海膽又厚切嘅三文魚帶子同油甘魚，大蝦都有兩隻，撈埋月見蛋食係非常夾。所以絕對對得住個價錢！🥢明太子芝士玉子燒份量比想像中多，玉子燒嘅軟硬度適中（本人鍾意食林啲，唔鍾意太熟好硬），有明太子嘅辣味，但係唔會太辣👍🥢京蔥地雞個芝士忌廉汁簡直冇得輸，勁香濃嘅芝士味，啲雞又juicy, 配菜仲可以揀要薯條或蒜蓉包，充分利用個汁，好正🥹🥢清酒煮蜆價錢唔貴，但係好多蜆，個湯唔只係用清酒，仲加埋洋蔥同菇去為個湯增加多一層鮮甜嘅層次。🥢串炸－味噌醬京蔥豚肉好有驚喜！脆得嚟仲食到豚肉嘅甜味，仲有京蔥香味，味噌醬但唔會感覺好咸，味道調配得好有層次，必食！另外仲叫左大阪風海鮮炒烏冬都好好食整體來講係好滿足嘅一餐，CP值高，同多啲朋友嚟一齊叫多幾款菜式就更加完美😍…查看更多

收工去北角接收工，睇8:20pm電影前就去左友人推介既CHICKEN CHIKO食返個炸雞宴先。一入門聽到老板講野就知係韓國人，咁一定係地道風味嘅保證😂人氣王牌炸雞系列，乳酪生洋蔥炸雞同芝士雪花炸雞絕對係給味蕾一個震撼！乳酪生洋蔥炸雞，啲雞塊炸得香脆而表面覆蓋一層特製嘅乳酪，味道濃郁而不膩口。乳酪嘅奶香同生洋蔥嘅辛辣完美結合，帶出幾層層次感，每一口都充滿驚喜。因為有醬汁原故，雞肉會以比較涼的方式上桌，更像是開胃菜蜜糖粟米雪花炸雞更是一道視覺與味覺的享受。雞塊上面鋪滿綿密甜甜雪花粉，一口下去，先是爽脆的外皮，接著是鮮嫩的雞肉，微微的蜜糖及粟米甜度,與雞肉鹹香相得益彰，讓人愛不釋手。韓式魚糕湯係另一個沒錯嘅選擇。湯頭鮮美，魚糕Q彈，配料包括蔬菜&粉絲，道地嘅韓國湯品，特別適合食完炸物後嚟返個清淡風味。泡菜煎餅外脆內軟，泡菜配上辣醬油,香脆口感，簡直係一個小小嘅韓國風味盛宴。整個用餐體驗都好舒適，唔單止係食物好味，而且啲服務員都親切有禮，加上舒適嘅環境，真係令人感覺好似身處韓國一樣。食飽飽就當然出發去睇好戲，咁又一日, yeah!…查看更多

新開嘅呢間日本食堂，面積寬敞，有好多座位，情侶拍拖同埋朋友聚會都好適合。環境佈置採用咗日本教室嘅設計，非常可愛青春☺️ Menu 精簡，但係種類都算唔錯，有定食，亦都有串燒。🥢厚切吉列北海道豚肉眼扒定食定今日食配嘅麵豉湯好足料，有埋蜆肉，令湯帶鮮甜。吉列豬扒絕對有驚喜，外皮炸得鬆脆，唔會好厚粉！加上舊豬扒肥瘦分明，冇雪味，油脂比例剛剛好（個人唔鍾意食太肥），所以比想像中滿意👍白飯有配埋飯素，有誠意！我俾9/10分👏🥢味噌慢煮和牛面頰定食本身自己唔算鍾意味噌，因為怕會好鹹，好彩呢個汁唔係好重味噌味，比較似西餐gracy汁☺️和牛面頰肉質好淋好滑，完全冇筋，配菜嘅薯仔同埋紅蘿蔔都好入味。唯一小小嘅建議就係個汁可以再熱少少（個人鍾意食偏熱嘅嘢）。不過整體都非常唔錯，我俾8.5分！🥢醬燒牛舌芯 （$48）雖然價錢唔算平，不過味道都算唔錯，值得一試。鹽燒得來都好夠味。肉質算厚（個人鍾意厚切多過薄切牛舌）。以後去開觀塘，就算駱駝漆少左堂食餐廳，都仲有其他選擇👍…查看更多

朋友準備出發到澳洲，臨別前就同佢係係尖沙咀食多次lunch大家都簡左黑門水產，餐廳地點好方便，係正k11附近就已經去到。今次就等我豪少少去farewell朋友，除左叫左兩個lunchset，我都仲點左幾個單點，等我介紹下先首先品嚐招牌菜——海膽燒帆立貝，爐端燒現場即燒，帆立貝鮮甜多汁，同海膽的濃郁口感融合在一起，讓人回味無窮。接下來就係蟹味噌甲羅燒，每一啖都充滿了濃郁味噌香氣，甲羅燒得剛剛好，保持了蟹肉的鮮嫩。有專人同你燒架，小編手多攞左點知未熟😂食水產又點少得🐚生蠔，點左岩手縣赤崎生蠔，呢種生蠔siE巨大，鮮嫩多汁，面頭加上黑門獨有嘅青檸jelly，海水氣息同清新感覺兩者混合，絕對係海鮮愛好者的極致享受。肉類菜式就點左蜜糖芥末火炙安格斯牛沙律及炭燒安格斯牛牛扒定食，炭燒的安格斯牛扒肉質嫩滑，蜜糖芥末調味讓整道菜帶來了一絲獨特的風味，加埋沙律菜就咁油膩友人就品嚐左鰻魚定食，鰻魚鮮嫩與醬汁的融合都十分好食嘅。希望友人一路順風，下次返黎食過…查看更多

公司附近通常都係小店，外賣居多。但係呢一間係少有有堂食嘅餐廳，中午有時都見有人要等位，今次就夜晚嚟試吓。夜晚食好少少，叫咗招牌花膠扒皇鯛魚湯烏冬😮😮😮嚟到嘅時候俾花膠嘅大細嚇親，🤤好厚肉好大塊，充滿骨膠原！🐟🐟鯛魚湯有獨特嘅鮮甜味，食得出唔係用味精開。配埋滑身烏冬清清地，一流。不過如果唔鍾意食魚湯，都可以食其他日式定食，價錢都比較經濟，選擇都唔少。叫左吉列豬扒定食，吉列豬扒炸得鬆脆，唔會好粉，🐖豬扒好大塊亦冇雪味。跟嘅飯都好大碗而呢個價錢($68)嚟講算唔錯👍 小食叫左炸餃子($38/6隻)，餃子皮唔會好厚，肉同菜嘅比例都唔錯，值得試下。…查看更多

平時都係食開尖沙咀六両三，其實係官塘同其他地方都有分店🤩今次約左中同返黎官塘食,，2個人一齊叫左佢幾樣嘢試下，包括有沙茶牛骨火鍋套餐、半筋半肉麵。最後加埋台飲同甜品收尾沙茶牛骨火鍋套餐，係其他分店冇見到，鍋底豐同港式沙嗲好唔同，沙茶醬微辣濃香，完美提升肉香與鮮味。將一片片鹿兒島豬腩肉拾幾下，十分惹味。套餐仲有台灣丸拼盤同雜菜拼盤，我地仲加錢升級左食滷肉飯🤤，加配料澳洲和牛丸同花枝丸，唔同嘅配搭令火鍋更加豐富多樣，兩個人食都好足夠，抵食到食晒台式名物，真係過足癮！半筋半肉麵當然係六両三嘅鎮店之寶，湯底醇厚微辣，牛筋彈牙而牛展又富有口感，包你有返返台灣嘅感覺！至於飲品就分別點左白桃烏龍同仙草奶綠。特別要講佢地仙草好好味，同坊間嘅有少少唔同，特別Q彈😮，打風前消消暑係最好嘅！火鍋套餐其實可以優惠價叫最後到甜品，今次就加左蜜躺雪山 - 桂花蜜仙草紅豆芋圓加上香草雪糕。口感香滑，甜而不膩，真係一個完美嘅結束！六両三今次喜出望外，食物選擇多元，味道一貫出色，加上有咁多新嘢食，好值得支持！同朋友、家人或者情人一齊去食都會有一個美好嘅用餐體驗，希望佢地越做越好！…查看更多

最近約左朋仔友去係上環收工食個飯，相約左係嘅Poking餐廳食輕食餐單先簡單直接，已經有好多款preset嘅signature bowl，而我地就當然點左一d大熱食物呢Creamy Baby Bowl 一 好豐富，有新鮮嘅三文魚，每塊都鮮嫩紅色，睇得出嘅新鮮。仲有滑嫩嘅豆腐同軟滑嘅雞蛋絲，mix埋壽司飯口感豐富。再加上濃郁嘅牛油果(大愛🥰)、脆扑扑嘅飛魚籽同清爽嘅青瓜，真係令人驚喜。另外我加左蘭王温泉蛋，濃郁蛋黃配上醇其他調味料，味道更加層次分明，每一口都好滋味。朋友就叫咗Salmon the classic Bowl，當然碗中面放滿新鮮嘅三文魚塊，配料方面，就有更好多牛油果、青瓜同爽口的蔥粒，再撒上芝麻同獨有嘅獎油，簡單又易入口的味道。最後仲加咗greek yogurt(配上南瓜籽同蜜糖)，yogurt味道濃郁，奶香味濃配上滑喐喐質地，勁好食。😎上面撒咗南瓜籽，增添咗香脆堅果味道。再淋上少少蜂蜜，味道甜中帶酸，層次分明，酸甜適中。成個用餐體驗餐廳簡單直接，新鮮食材和獨特的配搭，帶來了美味的享受。小店環境舒適，只要你喜歡健康、清新的食物，Poking絕對是一個值得去的選擇！…查看更多

想喺中環飲野之前食啲野，又想CP值高啲所以試左呢間，估唔到會有意外驚喜。一睇menu 價錢咁大眾化，以為係普通旺角cafe質素，但點知由個湯去到甜品都係高質！首先餐湯係煙肉薯仔湯，雖然煙肉味唔算好出，但我本身都麻麻煙肉所以覺得剛剛好，湯嘅質地係場好濃嘅薯仔溶，冇戲場。主菜試左卡邦尼意大利雲吞（$118），個汁係好夠creamy, 配埋真．流心蛋黃一齊食，唔會好膩。意大利雲吞每人都食到唔少，雖然望落去分量好似唔大，但食落去都好充足。意大利雲吞入面係牛肝菌同芝士，喜歡中creamy同cheesy嘅你一定會好喜歡！然後紅酒配牛肋條（$148）亦都值得推介。紅酒味唔係淨係得個酒味咁表面，個汁配埋珍珠洋蔥，咬落去好似提子嘅質地，但味道係清香嘅洋蔥味，唔會搶fo! 牛肋條亦都燉到好淋，但又唔會過淋即溶，仲有適當嘅咬口。個底有好多薯蓉，好滑身，但都有少少洋蔥同薯仔嘅小粒所以都口感層次豐富，高質！甜品叫左Tiramisu。口感有啲似雪糕蛋糕，比較挺身，每一層嘅層次都做得好分明。最緊要食落去唔太甜，唔係太甜嘅酒味再濃少少就會更加好添！最後一定要讚餐廳嘅服務態度好好。整體都值得幾個朋友嚟食野，然後再係LKF飲野！…查看更多

係將軍澳海天晉, 附近嘅Katachi形, 可能地點未算最方便, 不過就好適合朋友喜歡獨處, 安靜嘅好地方，。形主打係串燒，有好多日式味燒烤可以揀，真係可以滿足你嘅味蕾。另外形其實都酒吧近運作，相信weekend呢度都係一個朋友聚腳嘅好地方。當日坐係corner 位，望住出面嘅毛毛雨，到食物上嚟前都係一個好好嘅時間同自己相處。醬油燒新鮮鮑魚就係佢哋嘅招牌菜之一，鮑魚好嫩好滑，配上濃郁嘅醬油味道，真係好好食。串燒一定唔少得厚切牛舌， 牛舌切得好厚，食落去充滿住牛肉油脂好感, 加上黑椒同鹽簡單嘅調味，將牛嘅屬性完美逼出黎。月見雞肉棒就係另外一個值得一試嘅菜，雞肉棒燒得 外脆內軟，食落有香濃雞肉味道， 沾上新鮮蛋黃同醬油又係另一個層次🤤仲叫埋醬燒豬頸肉，juciy到想啪多兩三串燒玉子雖然簡單，不過好花功夫架，雞蛋燒到外皮脆卜卜，食落去反而好柔軟，口感差異好鬼得意。最後食埋冷烏冬做總結，清爽嘅麵條作為收尾嘅最佳選擇。烏冬麵條Q彈口感，配上鮮美嘅高湯，一口一口嘅食落去好舒服。Katachi形餐廳環境同裝潢都好舒服，你可以慢慢咁享受食午餐嘅時光，有好多好味嘅食物，而且價錢都好合理。…查看更多

約左中學同學返官塘食飯, 係地鐵站附近揾到dodam chicken韓式炸雞店，記得係利舞台行街個陣睇到餐廳名所以都好有印象我哋兩個人叫咗佢哋招牌菜－黃金鹹蛋炸雞。啱啱上嚟就聞到鹹香炸雞嘅香味，雞肉外脆內嫩，好juicy外皮配上濃郁鹹蛋醬(好多鹹蛋碎🤤🤤)，真係令味蕾大開，每一口都嗌左幾次好味！另外炸雞點少得配薯條, 兩個人都叫左份黑松露薯條。薯條上枱發現係雙色薯(薯仔同番薯)，好酥好香，有趣嘅係黑松露係一粒粒架，好實在!味道好濃郁，一啖就知道佢哋係用好材料做緊呢啲菜式。最後仲有叫一份蘋果薄餅，pizza底係好薄好脆，鋪滿新鮮蘋果片，面頭放滿芝士(有少少提子乾點綴)，有甜有鹹係口內返滾香，充滿驚喜。最後，我仲飲咗芒果奶昔，滑滑嘅口感，芒果味都好濃郁，甜味剛剛好，好解渴。整餐飯食物品質高，味道正，價錢亦平實，店員服務亦好友善，環境舒適同可以望返由細係官塘長大嘅景。dodam chicken絕對係一個值得推介嘅食肆，如果鍾意食炸雞，一定要去試下啦！…查看更多

將軍澳海旁開咗唔少餐廳，平日又唔係好多人，啱哂約幾個fd食完飯再去海旁行下！ ✅壽喜燒牛肉定食壽喜燒味就咁食有少少鹹，加埋飯就好好多！但啲牛肉略嫌有啲老，比較鞋口！ ✅綠茶小鬆餅+培茶小鬆餅綠茶味可以更濃，小鬆餅質地幾煙靭，食完飯之後食都冇問題！…查看更多

夜晚約咗friend去深水埗食飯，搵咗間個名幾搞笑叫「迷你毛」嘅餐廳，見都幾多人排隊，同上網評價不錯，一於去試試！ ✅牛肝菌貓耳朵意粉類最中意食貓耳朵，煙靭得嚟有口感，加埋濃濃嘅牛肝菌味，簡直係Perfect match！✅洋蔥壽喜燒牛肉夾餅平時出面好少會有壽喜燒牛肉夾餅，見幾得意試下，異常地幾夾，係啲牛肉有少少鹹，但瘦埋夾餅中和咗少少！ …查看更多