勇者buji's Profile

最近福華街一帶都開咗好多好有心思好特色嘅小店， 早兩日經過，見佢嘅店鋪裝飾都幾得意，主要係食豚肉，唔知水準如何， 估唔到又真係幾有驚喜<秘製豬扒配湯米線>豬扒真係好新鮮、好鬆脆、脆漿唔算好厚 ，而且分量相當之大。湯米線湯底都幾好清甜， 米線爽口！ 湯底鮮甜胡椒香味好突出<傻豬拌麵 沖繩豬軟骨>豬軟骨炆得好淋好夠味， 豬軟骨入口夠淋 同埋黏口，味道調配得剛剛好。鹵水拼盤有鹵水蛋、鹵水雞翼、鹵水豬腸、鹵水豬耳等等，而且仲有酸酸地嘅大豆芽，真係十分醒胃！…Read More

早兩日經過佐敦近渡船角附近， 見到呢間小店裝飾好特別， 於是停下來睇睇，原來係經營一些古法小食，以外賣為主， 一睇menu價錢真係一啲都唔貴， 於是叫咗幾款特色嘅小食，回家一起吃過飽！呢度外賣包裝同埋餐具，都幾有taste，好似高級酒店一樣！炸黑毛豬粽餡料豐富， 外層炸得十分鬆脆，好似食薯餅一樣， 細味裏面嘅餡料，綠豆同黑毛豬，食落口都幾特別！黯然銷魂飯半熟嘅荷包蛋，黑毛豬叉燒，半肥瘦，五花腩，入口油脂分佈平均，有瘦有肥，真係幾夠水準！醬汁都係特別調製，少少酒香送飯一流xo醬爆炒蘿蔔糕細細粒一口一件，賣相很好，裏面嘅 xo醬仲加咗唔少白飯魚乾仔，好食！豬油渣古早瀨粉食入口有點像狗仔粉， 湯底偏濃， 加上蔥花、冬菇、菜脯同豬油渣一起入口， 口感豐富！清湯蘿蔔 分量相當足料，蘿蔔鮮甜好味道！…Read More

家後除咗餃子出名，好多人都為巴斯克蛋糕慕名而來，食唔食到蛋糕就睇你有冇食神啦！去到門口一班人等位，記得要係門口寫抵自己名同電話，唔係就傻傻呆等。識到一個食得之人真係好重要，兩個人7款食物好味到樣樣都清晒。老闆話鍾意佢既人就會好鍾意，唔係就相反。我本人就好鍾意喇！豬腸有咬口又唔腥，加埋肉絲、木耳絲、豆腐同豬紅，材料豐富滋味。香荽鮮肉湯餃，呢期芫荽大熱，間間餃子店都有賣，但唔係間間都做到煮完出嚟芫荽仲係爽口，皮薄餡料漲卜卜加埋湯底有阿媽靚湯既味道，排長龍係有原因的。玫瑰雞翼唔係餐牌，間單寫係紙貼上牆，加咗玫瑰露既滷水雞翼一啲都唔簡單，香味提升，雞肉嫩滑，雞皮保留膠質口感。炸肉丸，肉碎加入洋蔥搓成波，炸得夠脆，洋蔥有助減低油膩感。炸雞啖啖肉又唔會太乾身咖哩牛腩飯原本係朋友擔心唔夠飽叫既，點知呢個價錢樣樣都咁足料，$42連飲品既咖哩牛腩飯都啖啖肉，果然係良心小店！一入門口就已經問有冇芝士蛋糕，阿姐話冇喇，聽到有啲失望，轉頭個個都係咁問，老闆同所有街坊都有傾有講，就算忙到甩轆都會細心回應，原來蛋糕整好只係太忙未有時間砌，十個客人有九個問起，老闆放抵手上工人作抽時間完成，唔怪得咁多人問起，芝士香濃內裡軟滑，最緊要甜度適中。小店環境乾淨唔洗搭枱，整體服務上菜時間都好滿意，只係樓面姐姐唔係好識表達，人多就心急所以有少少唔知佢想講乜，好多時都係老闆對客，街坊似乎都好體諒。…Read More

第一眼感覺這間小店好企理， 很多姐姐忙於做餃子， 餃子種類款式十分多，早兩日經過就叫了外賣試下！呢度嘅餃子款式很多，都幾有新意，我本身就最喜歡食韭菜豬肉餃，但係有其他新款嘅配搭，當然唔好錯過啦！9隻3拼自由選 ( 湯餃 )芹菜鮮肉餃、香荽鮮肉餃、紫菜鮮肉餃呢度嘅餃子皮唔算太厚，裏面嘅餡料十足，一啖咬落去只可以食到一半，湯底好清香， 韮菜餃蔬菜，鮮肉，感覺都好新鮮芹菜鮮肉餃，芹菜十分爽口！紫菜鮮肉餃子， 紫菜比例相當高，入口一食就食得出， 味道都幾特別。9隻3拼自由選 (煎餃)咖哩鮮肉餃、泡菜鮮肉餃、芝士粟米鮮肉餃咖哩鮮肉餃，咖哩味有少少似日式咖哩， 味道剛剛好唔會太鹹。泡菜鮮肉餃， 裏面嘅泡菜入口都幾特別，食落去唔錯， 味道都幾夾。芝士粟米餃，芝士味好強烈，粟米加豬肉味道好均衡。…Read More

Poke bowl起源於夏威夷一種涼菜，醬汁醃過小珊瑚魚和章魚加點石栗和海藻放在米飯上，低脂健康又容易烹調，經過日本移民改良用料都大大改變。 香港近幾年都興起，但大多開在香港區，前排俾我係深水埗搵到呢間poke go，裝修光猛簡潔，坐得都唔算太迫，去到啱啱有位於是就試下先。 由於餐牌花多眼亂，最後都決定叫店主安排好既signature bowl，如果唔夠仲可以加錢揀多幾個餸。最後揀咗shoyu ahi比較日式既配搭，吞拿魚新鮮唔會腥，出手大方一碗都有十幾粒吞拿魚，加12蚊有埋半個牛油果，牛油果夾住任何食物放入口都有種幼滑既口感，食完飽到上心口。 另外朋友唔係好肚餓就揀咗火山炸雞，辣到噴火之後又有返啲酸酸甜甜既感覺，雞肉中間有少少薯蓉，外層香脆裡面又軟綿綿。 菠椰菠蘿me酸酸甜甜，如其名菠蘿椰子香味都好平均。 無論環境衛生服務同埋食物質數都係會再幫襯之列，希望下次嚟會有得揀椰菜花米，係唔想食沙律既同時又可以食少啲澱粉質嘛！…Read More

打開𨋢門，第一時間畀一大巨型魚缸吸引了眼球， 這間吞POP火鍋， 我同事係常客， 今次佢帶我們上嚟試下。侍應態度很親切， 主動帶我們靠近窗邊， 無敵夜景盡入眼簾。 仲主動介紹啲款式畀我哋。由於我嘅位同事都係經常嚟幫襯，佢指定要食胡椒豬肚雞煲!果然冇介紹錯，這個雞煲不但胡椒香味十足， 而且份量勁足， 嫩滑嘅雞肉及爽口嘅豬肚， 真係十分配合， 加上多種配菜例如支竹、粟米、 雞髀菇、萵筍等等……火鍋配料亦有水準，皇帝菜加入雞煲，吸收雞湯及豬肚嘅精華，份外鮮甜味美！滑嘟嘟， 個名好過癮，其實係三色滑 (蟹籽墨魚滑, 蟹籽蝦滑, 鯪魚滑)每一款都很新鮮，尤其是係墨魚滑，裏面有墨魚肉，爽口彈牙！三秒象拔蚌片， 口感煙韌，真係三秒就要撈起， 口感十足！…Read More

我哋一年四季都鍾意打邊爐, 呢兩日天氣凍凍地, 又係圍爐嘅好時間了！這間位於大鴻輝嘅18樓雞煲火鍋, 之前都同朋友嚟過, 各方面都幾滿意, 所以今日約朋友嚟捧下場！依家有三個套餐, 最抵都係套餐A, 小童及長者任何時段都係 $108 ! 真係超抵!我哋七點鐘上到去已經見到人山人海, 好多客人排緊隊攞位.我哋先叫咗個 bb小辣雞煲, 呢度有樣好, 蔬菜種類很多, 同埋自助形式, 喜歡邊盤蔬菜自己揀！例牌嘢梗係點海鮮啦, 海蝦, 鮮魷, 水魷,墨魚滑都係我嘅至愛, 估唔到時令海鮮有小蟶子, 雖然細隻, 但係入口感覺好新鮮.今次嘅美國肥牛, 真係好靚, 來回叫咗兩三次,都係顏色鮮豔,肥瘦適中.要讚一讚係肥牛切得很薄,落水拖一拖,即可入口呢度嘅飲品, 調味料,都係自助形式,種類繁多,啱曬我…Read More

一諗起鐵板扒餐, 就想起兒時回憶, 早幾日經過愉景新城旁邊, 中染大廈見到這間金鳳餐廳, 雖然係閒日,七點零鐘左右, 已經好多人, 好彩早一步,如果唔係就要等位.似乎好多人都想攞番啲兒時回憶打開餐牌, 款式應有盡有, 主要係鐵板扒餐為主, 這裏港式扒餐我哋細細個就食到大, 侍應都會問紅湯、白湯 ？梗係唔少得牛油餐包一件 "貴族牛扒" $188貨真價實, 份量十足, 啱曬我這類牛魔王. 黑椒汁鐵板七成熟, 切開裏面肉質柔軟美味, 微微嫩紅嘅肉汁加上鐵板燒嘅煙燻, 香氣撲撲鼻,格外醒胃.我朋友點咗這款 "荷蘭豬扒餐" $104 真係好抵食!除咗有煙肉, 仲有兩塊巨型嘅豬扒, 足夠兩個人食😊!豬扒好脆口, 十分美味.最後 凍飲係唔需要加三蚊的.這間荃灣金鳳確係水準唔錯,難怪平時都咁多人捧場.…Read More

今日同朋友去開尖沙咀海港城，發現這家食店，見裝修幾特別，於是入內進食。首先侍應很有禮貌帶我們到坐位， 想不到是window seat ！望見碼頭的景色，真是十分迷人。店內冷氣也充足。我是最怕熱的，尤其是食泰國食物。店內的藤製坐椅及鞦韆，景象也十分深刻，最適合打卡及拍照。看完精美的餐牌，食物圖片也很吸引，大大增加食慾。我地叫咗個泰式開邊蝦， 自家製嘅泰式醬汁，蝦肉好入味，而且好新鮮。另外叫咗個泰式船麵，份量十足，豬皮好爽，牛柏葉好味道，豬潤也新鮮。榴槤檽米飯，榴槤味好濃，飯又軟軟地，口感非常好。飲料方面，我叫咗個芒果沙冰，非常冰凍， 芒果果肉十分鮮甜，消薯最佳飲料！我家姐叫咗椰汁沙冰，也十分有水準，椰味好濃，又不太甜。配搭得剛剛好！綜合各方面，環境，食物質數及店員態度等。個人認為是物超所值的一餐。…Read More

呢一間 [樓下冰室]，同傳統嘅茶記好有分別，除咗裝修有些少懷舊特色，食物種類仲好多元化，每款都好有特色，例如最出名嘅瑞士汁雞髀、茄湯類通粉等等……今次專登個同事嚟試試！牛肉豬潤蕃茄濃湯通粉，真材實料，一入口蕃茄嘅濃湯就好突出，豬潤爽口又新鮮！潮州蠔仔肉碎泡飯，嗰啲蠔仔真係幾大粒，而且一上枱，嚇咗一跳好大碗 蠔仔鋪滿泡飯！$50 真係好抵食，而且仲有好多冬菇絲、芫茜，陣陣香味！炸韭菜餃，大大粒，有八件，配上沙律醬 韭菜味好突出，裏面好多韭菜，唔算多油 食落十分香口 ！綠椰冰，甜味適中，綠豆蓉同椰汁味道好清新 。菠蘿冰，就係我嘅至愛，大大粒菠蘿，好懷舊。…Read More

好耐未食過鐵板牛扒, 琴日收工約埋朋友試下大角咀呢間專食牛扒餐廳。唔同嘅牛部位有唔同嘅價錢, 分唔同嘅gram計算, 貨真價實我們先喺門口點好自己喜歡嘅牛扒位置, 再揀重量,跟住收銀會即時切舊肉上磅計重量, 然後就放落去佢嘅大鐵板燒。加埋套餐$28 有白飯, 可樂, 湯, 沙律, 溫泉蛋(五選三)。真係好抵！我揀咗份牛柳部位 400 gram, 真係十分期待 加少少黑胡椒及鹽, 就可以帶出牛扒嘅肉香！牛柳肉質柔軟，口感十足，牛香味濃厚，講真呢個價錢，自己買原材料返去做都係差唔多！…Read More

最近發覺旺角創興廣場整座大廈都係食火鍋、燒肉放題為主嘅食店。選擇十分多，之前喺荃灣試過這間18樓雞煲， 今次旺角新店，梗係要試下！款式種類同荃灣分店差不多，包括有靚牛肉、肥牛、海產類有沙白、 墨魚 、大海蝦、鯇魚……先點了一個小辣嘅雞煲， 果然保持水準，這款正宗重慶雞煲好有麻味，唔係淨係一味得辣字， 醬汁十分惹味。雞件肉質結實，雞皮較薄而且雞肉十分入味！ 之後就加湯底打邊爐，肥牛顏色鮮嫩，我們二人 重複 call 咗四五轉！海蝦新鮮結實，鯇魚片爽口。 水魷魚、牛柏葉都十分新鮮。…Read More

上星期約咗朋友喺旺角行街， 經過女人街同登打士街附近，見到呢個富盈嘅廣告，都幾吸引！有雞煲+火鍋任食+韓燒任食， 我哋梗係有去試下。一坐低服務員見我們買了一包二包，好醒目地安排一個超大嘅卡位畀我哋！先問我哋嘅雞煲要唔要辣， 我哋先點了一個小辣雞煲， 侍應叫我們可以出去自助吧選取食物及開始韓燒。好少可放題任食有韓燒同埋火鍋同時供應， 而且價錢都係168蚊， 堅係抵！出面自助吧，居然有冷盤包括有甜蝦、螺肉、墨魚仔同埋海中蝦， 我就先來一個冷盤醒下胃！配料都有很多包括有 wasabi 日式豉油 及火鍋 醬料。雞煲都幾入味， 而且啖啖肉， 雞肉一啲都唔算韌，十分嫩滑！食完雞煲我們開始加湯底， 攞了些蔬菜， 山根、蘿蔔。火鍋配料選擇十分多， 有我喜歡嘅水魷鮮魷魚牛栢葉， 豬紅……韓燒我特別喜歡燒豬肉， 脂肪滲透肉汁，入口十分滿足！我同朋友都好耐冇飲啤酒見呢度放題竟然有啤酒任飲我哋又放肆一下。整體而言食物質素、環境都十分之唔錯，下次 約多些朋友慢慢食，吹下水！…Read More

門口 menu 清楚寫明唔同嘅肉類，每個gram嘅售價，而且雪櫃一眼睇通肉質靚唔靚，可自行選擇。選好牛柳， 店員即時砌出嚟上磅， 自助式比錢！我嗌咗個牛柳配蔥油，跟餐，沙律湯及飲品。裏面環境，都好舒服，好有日本feel，需要自助，自己取圍裙，自己取餐，自己放好食完嘅物件，這種自助主義我十分歡迎。牛柳豐富肉味，配上蔥油醬料，自行加上黑胡椒及海鹽作為調味！自己控制好食嘅時間，自巳切出嚟保持半生熟嘅感覺，牛柳肉質，好軟熟。…Read More

琴日收工相約朋友喺愉景新城食晚飯，試咗呢間覺得都幾抵食嘅日式料理， 這裏性價比確係高而且環境、裝修都唔錯，坐位亦寬敞，確係一個唔錯嘅選擇！呢度嘅餐牌選擇真係太多太多，我們睇完menu之後，三心兩意，最後揀咗辛辣肉醬芝士龍蝦石鍋飯。龍蝦唔算好大隻但係啖啖肉，配上芝士，味道更加濃郁，大大碗嘅石鍋飯，配菜都份量十足有大量嘅粟米粒，紅蘿蔔絲…… 辛辣味真係唔講得笑，如果唔食得辣嘅就可能頂唔順了！ 好好品嚐爽口嘅龍蝦，攪勻石鍋飯嘅配菜，熱辣辣，我們兩個食完都十分飽了！水雲海膽，酸酸甜甜嘅海帶配上大大粒馬糞海膽，入口完全沒有腥味，感覺新鮮！鵝肝多士， 細細件，鵝肝煎得夠乾身，沒有 太油膩嘅感覺， 入口鵝肝十分嫩滑， 好好味！…Read More