SiuLun86's Profile

同朋友唔知食咩好就隨便揀咗尖東站附近一間港式店十三姨試下，舖不算大但坐位還可以，枱下亦有提供籃子給放包包。選單上主要就是雞、牛、鵝肝、蛋配以不同的粉麵（粉絲/米粉/銀針粉/陽春麵／翠玉瓜麵／六蔬等）及飯（米飯／椰菜花飯等）秘製嘅湯底，配以不同嘅粉面，感覺沒有味精，濃郁但不覺膩，我點的是十三么內有手撕雞、雞叉燒、糖心蛋配雙粉，粉絲及米粉都十分爽口幾啱我胃口另外佢仲有蟹粉麵及串燒等等賣相都吸引，下次可以試試…Read More

媽子想食素,就手尋一下最近的素食店，剛考掃到從心，記得之前路過幾次都因大排長龍而放棄，今天是週四果然如我們所想不用排隊就可直接入座，店不大枱亦不算多但椅子還是颇闊大舒適，媽子不大識字，但看到菜牌中西日韓各式素食賣相都相當興奮，但由於我們食量都不大，所以無法試盡各種美食，便簡簡單單點了三餸一湯，包括：1）芝麻鰻魚飯卷： 清爽好味2）懷舊芋頭魚：芋香金脆3）野生竹笙蒸勝瓜：清甜好味4）紅菜頭野菌湯： 香甜濃郁奉送紫米露兩碗 ：甜度適中味道不錯我同媽子都十分滿意，而且食到飽飽都只係$32x,合理又好食， 以後同媽子食飯又多個選擇了yeah ！…Read More

入咗新北江上場行下，見到有上海小食店就去試下，一向喜歡小籠包的我首選一定係小籠包，但係因為下午食得太飽又唔想食飯，最後就點咗個酸辣湯雲吞，朋友就揀咗排骨擔擔面。小籠包多湯汁皮都唔算厚，都幾唔錯；酸辣湯味道適中配上韭菜雲吞算係幾好味，朋友嘅排骨擔擔麵都好食，不過我略嫌面質未夠彈牙醬汁唔夠香，不過以低水價錢CP值算係幾高。另外就係店面太細坐嘅位置唔係幾舒服！…Read More

行過H.A.N.D.S.見都呢間新店招多人排隊又剛巧想食雞飯咁就排咗一陣隊走入去試吓，地方都好光猛舒適，喺稍嫌坐位有D迫。餐牌圖文並茂，價錢合理，套餐包白飯或油飯、濃郁雞湯及油菜、雞嘅份量算多，油飯唔會好油好咸，油菜份量都好足夠（用魚湯浸係幾唔錯，感覺健康D😆）雞湯好夠濃唔錯，不過$6x套餐當然好難要求好有雞味，只要雞夠嫩滑味道唔錯巳經係合格有餘。見到有其他豬頸肉及豬手都係佢哋嘅招牌菜啊，下次都想試一試。…Read More

搬離中西區好幾年，咁啱有朋友搬到石塘咀，就一齊去發掘下有無好的cafe或食店，見到TGIF位置幾寬敞及舒適便走入去試試，餐牌睇落幾正常，咁就大家點咗甜點及不同嘅咖啡試吓CheeseCake + expresso soda蛋糕芝士味較淡但好creamyScone cream cheese& jam + LatteScone唔會太乾幾好食+Latte拉花不錯Americano好淡口總括嚟講食物可以，但係咖啡都比較淡口同埋份量少，坐就坐得好舒服…Read More

以為他是台式，但台款不是很多，連我最愛的鹵肉飯都無，反而中式、川辣多些，坐的環境境不錯，服務就正正常常啦！因為吃的人不多，最後點了台式香腸炒飯及蝦卷，其實兩款都好食，可惜蝦卷晤熱，但價格偏貴…Read More

我係小籠包痴，一見到邊到有小籠包就想去試下。近來常見人介紹呢間小店，所以下班就騎單車去試下。店內光猛清潔地方唔算好大，只有一排對牆的單邊座位約有8-10個，餐牌上的食品飲品不算多，但好食何需多。他們的一麵一點套餐價錢實惠，最適合一人食用。因為我目的是小籠包所以就散叫了一客，另加招牌擔擔麵一碗。小籠包皮薄多汁，算係我近來吃排行第2/3好食，反而估唔到擔擔麵的花生芝麻醬湯如此香濃，只可借麵條未夠爽滑。如果能多加一些飲品選擇就更好了…Read More

朋友回港派手信想喺海港城食飯，睇到JS有鹹pancake我就即刻話要揀呢間。海港城地點係方便嘅不過餐廳就比較細位置唔多，而且有時限90分鐘。餐廳侍應的招待還可以，亦有提醒如果要疏乎厘最好係上main course後就點，因為製作時間比較長會唔夠時間食。我點咗三文魚牛油果🥑pancake，有雜菜沙律伴碟及糖漿另上，非常清爽好味，不過原來朋友唔食牛油果真係有啲浪費。朋友就點牛肉漢堡伴薯條，漢堡的醬汁蕃茄同配菜配合得相當好，好味😋因為唔係太餓今次試唔到疏乎厘，不過好想下次帶埋媽咪去九龍塘嗰間再食過👐🏻…Read More

按完摩想同友人找間好D嘅餐廳食吓嘢，就去咗Deer, 地方闊落有啲打卡位坐下（不過餐廳感覺有啲殘舊），因為仲有個零鐘頭就收工所以就嗱嗱聲落單，叫咗黑毛豬，意大利飯他他同飲品。他他味道唔錯賣相都幾靚黑毛豬普普通通啦，可能因為唔夠熱意大利飯本來味道都唔錯，好好食一啲都唔熱，感覺有啲難食。基本上除咗冷盤之外，所有嘢都唔熱，喺食物上嚟講溫度唔夠係最大敗筆。飲品就唔使講非常普通，算了都冇乜要求。但最差嘅係啲夥計不停想你快啲走，可能因為接近收工時間。食餐飯都要嗱嗱聲食，快快脆脆埋單，感覺好差！價錢又唔算平，真係冇下次。…Read More

今日阿媽想食西餐又話好肚餓，所以近近地就去咗87呢間餐廳試下，小店在巷仔內唔多起眼，不過光猛清雅都唔錯，我地兩個點咗香煎三文魚同牛油果帶子意大利飯+28轉套餐（可選酸種包+黑松露雜菌湯或田園沙律包送飲品咖啡或茶）我地全部都揀曬。鋪仔細細人手不多但都見侍應非常努力招呼客人，因為老人家牙齒不太好吞咽能力也差一點，侍應都有好細心問一下意大利飯需唔需要煮淋些給長者，亦有幫我們添水。個松露湯同酸種包都熱辣辣香噴噴，媽見到都胃口大開（掛住食忘了影相），沙律菜都新鮮好味。個煎三文魚外脆內軟，熟度啱啱好唔錯唔錯。意大利飯都煮得唔錯兩隻帶子雖然唔算好大但係夠厚，煎得非常好彈牙又香口，不過可能芝士多咗啲，感覺有點咸及膩，不過都算有水準。之後套餐包的黑咖啡可以添飲，阿媽飲嘅桂圓紅棗茶亦可加水添飲味道都唔錯。晚餐收費三百零蚊都算相當合理，下次有空會再去試甜品及咖啡，希望水準有返咁上下。…Read More

同學仔咁啱夾到時間就一齊去食泰菜，餐廳地方舒適，侍應招呼唔錯，不過食品就一般般，豬手又鞋又唔夠淋，生菜肉碎就唔錯，柚子沙律就正正常常，總括來説坐低食得舒舒服服囉！…Read More

呢間台式餐廳我一直都想試，但係因為每次去到都好多人所以搬咗入元朗三年幾都未食過，直至今日約咗同事想去試新嘅上海菜，點知去到因為冷氣維修已關門，最後就碰吓運氣睇吓士林有冇位，點知今日竟然有位所以就直接入去食。兩個女仔食唔到幾多嘢，就叫咗出名嘅牛肉麵同埋炸雞扒再加個豆腐皮蛋冷盤，另外加$12飲抹香奶茶。食物嘅份量正常，三種食物上枱時都幾吸引，雞排外脆內軟又入味，牛肉麵就更正，筋肉平均又軟淋，濃郁嘅湯底同煙煙韌韌的粗麵配合得天衣無縫，肉鬆豆腐皮蛋清清地幾啱我哋胃口！抹香奶茶味道適中正正常常啦！總括嚟講我個人相當滿意，一定會再去試食其它野！…Read More

母親大人不太能吃辣但特喜歡吃Naan，就專程去太子廚房試試，週日1:45pm大約有一半枱有客，環境乾淨坐得幾舒服，餐牌有午市套餐，選擇甚多：有不同嘅咖喱可選配烤餅/飯/煎餅、沙律、pizza、意大利飯或意粉、甚至有燒排骨或牛扒，各食品都好吸引。最後我哋選咗咖喱羊配Naan及泰式魚柳沙律，套餐送蘑菇湯及飲品，飲品我哋選了印度奶茶及凍檸水。蘑菇湯雖沒有忌廉但菇味濃郁，感覺比較清爽好味！咖喱羊同Naan用心形碟裝住，配有薯仔同椰菜，見到已經好想食，烤餅熱辣辣咖喱味濃郁，辣度可能未夠正宗但感覺好啱香港人口味！之後泰式魚柳沙律上枱，旁邊食客馬上話好靚，好適合打卡喎！當然我已經做咗，之後食落去真係好清新，酸酸辣辣好啱我口味！估唔到嘅係啲魚柳又幾滑喎！阿媽都話好食仲食咗唔少！檸檬水就正正常常，印度奶茶都算中上但感覺不及旁邊另一家印度菜香滑。整體上非常滿意畢竟佢係fusion菜有較多嘅選擇而且味道好啱我哋，下次我哋一定會試佢嘅Pizza，因為好多款式同好吸引。…Read More

等咗幾個月，終於可以去補領回鄉證，人好多有排等，所以攞咗籌之後就去食早餐，中央廣場樓下呢間惠三郎細細間但早餐竟然有牛角包就入去試下，入去無位坐住吧枱先，之後靚姐見我着住裙，一有位就叫我轉落卡位，之後我搵紙巾抹餐具佢馬上比杯水我，好細心呀！早餐平均$32-40，點了個粟米火腿通+餐肉炒蛋牛角包+凍咖啡，每樣嘢都熱辣辣攞出嚟幾吸引！味道亦唔錯，如果落單可以香趣D更好，一間平實的小店值得支持。…Read More

去完露營出到西貢市六點記，就食埋晚餐先走，3行人拎住大背囊行下睇下，見到一排幾家茶餐廳最新淨同最多人嘅係全記，本來諗住座戶外大背囊無咁阻人，但因為無位就打走，點知有位大哥走出嚟叫我哋入去裏面，我話太多行李會阻住人，佢就話唔緊要可上樓上，如果有位又唔阻人就梗係正啦！行到入去佢就話唔使上樓最入有張大枱就俾你哋啦！太好了馬上加咗分！餐牌都有好多小菜幾吸引，我哋就叫咗三餸一湯兩碗白飯，包括菠蘿咕嚕肉、椒鹽鮮魷、啫啫通菜煲+皮蛋豆腐龍躉骨湯。幾款嘢我哋都覺得幾好食。咕嚕肉嘅肉質好滑用新鮮菠蘿炒，如果個皮脆D就好喇！椒鹽鮮魷粉皮薄薄夠鬆脆，鮮魷入口新鮮昧爽口，唔知係咪等出菜耐咗，如果熱辣辣送到口就perfect！啫啫通菜就真係熱辣辣香噴噴，不過下次再點我會叫佢少油少鹽，會更加啱我胃口。不過重口味嘅人會喜歡。皮蛋豆腐龍躉骨湯，湯色奶白，有豆腐白菜仔同皮蛋，再加上係骨腩都唔錯，幾好味！但係希望廚房注意骨腩都會食魚鱗必須徹底清理。雖然白飯要另點，每碗加$10，但碗飯大大碗可以啦！總括嚟講，晚飯算幾滿意，希望多加注意細節，例如熱到同食材清潔因為呢啲都係食店嘅基本，加油！…Read More