14lijes的个人专页

每次黎海之戀，都好想試呢間餐廳！餐廳環境舒適，有少少似一間cafe，坐窗邊既話仲可以望到海景！Staff服務態度亦好好，真係加哂分👍🏻 餐廳提供多士既款式都唔少，我就單點左份「雙重芝士拉絲煙肉滑蛋」($58)。我係非繁忙時間去，等左約10分鐘就有得食了，份多士上枱時仲係熱辣辣架！多士入面每款配料都好足料，咬每啖都食到配料，芝士真係有拉絲效果，滑蛋仲要炒得好綿滑，麵包亦夠脆！每食一啖都充滿住幸福感🥰將來一定會再encore！…查看更多

我只係買一枝燕麥豆漿，我比完錢，以為即刻有得拎啦，但職員又唔比枝豆漿我喎。OK fine，可能要跟返叫飛number順序攞。但係等左20分鐘，number後過我既人已經有得拎，我就覺得好奇怪，都仲未叫我number？你由雪櫃攞枝豆漿出黎，5秒都唔使啦下話？走埋去問職員，職員勁先勁西面咁攞返枝一直放喺佢地枱面既豆漿比我！咁既服務態度，以後唔再幫襯！仲要佢既豆漿其實唔係真係咁好飲囉！Overrated得好緊要！…查看更多

今日終於試到呢間啦！之前聽聞要排幾個鐘先食到，今日我中午去到，排左10分鐘度就入座啦！牛肉飯都有幾多味道選擇，仲有得揀份量㖭！我就叫左M size既溫泉蛋牛肉飯（$34），份量都唔小架！味道真係唔錯，牛肉調味幾好，飯又煮得夠煙韌，呢個價錢CP值算高！不過如果佢有多D牛肉汁黎撈飯就更好了😁呢間絕對可以encore!…查看更多

喺太子行行下街見到呢間舖，印象中佢係黃店，好多friend幫襯過，當時係平日6pm，見入面有好多空位，就試下佢啦！我叫左碗凍既椰汁西米露($28)，西米露就正正常常，西米幾大粒。芋圓又幾有驚喜喎！聽講佢係手工芋圓，所以口感較彈牙，軟硬度適中，唔會好似機器打出黎嗰啲芋圓咁難食。西米露入面仲有啲芋頭㖭，為整碗糖水既口感增加唔少層次！😆服務態度方面，可能因為唔係繁忙時段，侍應都幾有禮貌既，食完都唔會趕你走～…查看更多

喺新蒲崗返工，Lunchtime本身諗住食回味車仔麵，不過見咁多人排隊，就去咗佢隔離嗰間英記。聽啲人講呢度嘅雲吞麵好好食，我就叫咗個雲吞撈麵試吓。碟麵都幾大碟，可惜煮得唔夠耐，有啲靭😪另外店員加咗好多蠔油，本身我唔鍾意食咁濃味，所以覺得好鹹😖另外，雲吞我覺得一d都唔好食，無論鮮味、口感、味道都不太好，真係好失望！呢間都係試一次就夠🤭不過佢每枱都放左一樽酸蘿蔔比食客自己攞，酸酸地都幾開胃嘅P.S. 餐廳入面冇冷氣，夏天去食會有啲辛苦🥵…查看更多

我自己本身好鍾意食牛角燒肉，知道佢開咗呢間食燒肉丼既副線，一直好想去試，最近終於去試左！如果你本身係Kabu會員，可以用app預先攞飛。咁就排隊等咁耐啦！店員安排左我地兩人坐係店中間類似bar檯既檯，感覺上就坐得冇咁舒服。我地叫左豚肉丼配經典牛角飯燒肉汁($78)，同埋次男坊丼配次男坊燒肉汁($88)。落單後等咗大概10分鐘上菜。睇落都幾大碗！仲配埋麵豉湯㖭！牛肉同䐁肉既肉質都夠嫩滑、juicy。不過我就麻麻地個「經典牛角飯燒肉汁」，覺得佢太甜。反而次男坊燒肉汁唔錯，好match 啲牛肉！🤩配菜方面，佢放左超多芽菜係底，我覺得多得濟同煮得唔好食！😖總括來講呢間都值得試！下次再黎會再叫次男坊丼！🤗…查看更多

最近網上見到呢間餐廳，睇落好似唔錯，一於搵日放工去試下。我平日夜晚去，唔使排隊就入得。餐廳座位唔多，不過裝修幾有格調，幾啱兩三個知己或情侶一齊坐低食下傾吓計。我叫左個大烤菇牛肉漢堡（$62）。見到佢既burger係即叫即整既，上菜時麵包有微溫，外脆內軟。牛肉肉汁豐富，口感好實在。最正係塊大啡菇，超juicy，咬嘅時候啲汁咇哂出嚟！加$18仲可以轉套餐，配雙色薯條同汽水！值得一提係雙色薯條中嘅番薯條，甜甜地，幾得意！長沙灣其實有好多高質小店，好值得我哋去幫襯！…查看更多

以前係英國食過Shakeshack, 印象中好好食。知道香港終於開咗，一直都好想試。今日終於試到！可能因為已經開咗一段時間，唔使點排隊就買到。呢度啲漢堡包價錢都幾貴下，閒閒地都要$50。我就揀咗最普通嘅Shackburger (Single)，等左5分鐘度就有得攞～個burger上嘅時候都幾靚靚仔仔，無散。Burger每個配料都層次分明。咬落去個包都有微溫。但塊牛肉我嫌佢腍得濟，無咩口感。雖然漢堡包黎講佢都算ok，不過就無我以前係英國食咁好食。…查看更多

深水埗有好多間糖水舖，但我特別鍾意呢間，呢間糖水舖裝修走懷舊風，舖頭裏面有啲復古嘅裝飾，好有特色。我叫左呢個叁元豆花配香草雪糕，份量十足，有芋圓、珍珠、愛玉、雪糕。芋圓好Q彈，珍珠亦煙靭，啱晒我呢啲煙靭控😍 愛玉入口滑溜，豆腐花清甜。總括黎講性價比高！…查看更多

平時黎葵廣都一定會食手卷！呢日行過3樓埋邊呢間手卷店，見到佢d火炙芝士反卷系列好似好吸引，就叫左個火炙芝士三文魚反卷試下。壽司上面既芝士係即叫即燒，所以d芝士食既時候係熱既！芝士份量仲要幾多下！芝士入口即融，同三文魚好夾！不過一般人可能會覺得d芝士鹹咗少少🤣但整體上個反卷真係好好味！…查看更多

呢間車仔麵係新蒲崗超級出名！事關佢真係大件夾抵食，$38三個餸仲配埋冷/熱飲品，麵底同餸仲要份量十足！每逢lunchtime佢都排哂長龍！呢日我叫左牛腩、豬大腸、午餐肉河粉加凍0水，牛腩同豬大腸都好入味，牛腩炆得夠腍，豬大腸夠煙韌！午餐肉就得一片，不過都切得厚身～真係大力推薦呢間車仔麵！經過新蒲崗一定要黎試下！…查看更多

呢間餐廳係新蒲崗裏面算係環境唔錯既餐廳。所有set lunch都係$50蚊，有焗飯/意粉、便當、拉麵等，選擇都算多。Set lunch可以自己出去任斟綠茶同湯。湯通常都係羅宋湯同麵豉湯。間中會有中湯—咁多款湯之中佢既中湯最好飲。呢日我叫左個三文魚西京燒便當。便當擺設好精致，賣相拍得住一些高級日本餐廳。除左三文魚飯之外，佢仲有蒸蛋同沙津。三文魚既味道ok，但嫌佢細塊左少少。成個便當最好食係個蒸蛋，蛋嫩滑，入口即融。👍🏻 Set lunch亦會附送一件小食，今次係春卷，但佢凍左唔好食😢我飲左三碗湯，最後食到好飽，$50黎講係幾抵食。P.S. 如果12:45pm前離座或1:30pm後入座可以減$5架…查看更多

今日突然間好想食烏冬，所以lunch就揀左呢間餐廳。呢度既烏冬都幾多選擇，最後我揀左腐皮湯烏冬（大碗），份量都幾大碗。烏冬味道ok，口感軟硬適中。美中不足係腐皮太甜。總括黎講$44蚊都算抵食既～食完記得keep返張收據，下次憑收據係星期一至五買正價烏冬有得減$5架！…查看更多

新蒲崗好多好野食，呢間係其中一間必食既餐廳。呢間小店既小籠包好出名，黎到一定要叫。我鐘意呢度既小籠包，因為佢真係勁多湯！小籠包上既時候仲係熱辣辣出煙既。小籠包皮實淨，夾既時候唔易穿。食落口真係有種幸福既感覺！$42五隻，性價比高過d連鎖上海菜餐廳好多😛…查看更多

呢間成日都好多人排隊。不過星期日晚8點幾，一個人去食唔使等位就有得入去😃打開menu見到啲嘢食都頗貴，最後揀咗和牛烏冬（$98），佢話係即叫即製，等大概15分鐘才上。個烏冬裏面最有驚喜係啲和牛，口感軟滑，牛肉份量唔算少。啲烏冬亦幾彈牙，軟硬適中。整體覺得幾好食。🤗…查看更多