antonia197619's Profile

天氣凍，就會想食羊腩煲，見到旺角呢間新派酒樓已經推出咗，叫返一煲，羊肉同生菜份量十足，相當抵食作為羊腩煲嘅愛好者，我都覺得呢個古法雙冬羊腩煲確實有驚喜。用上黑草羊腩，炆得夠晒時間，肉質鬆化得嚟唔會太韌，冬菇同冬筍吸盡湯汁精華，枝竹仲保持到少少口感。雖然我唔算太鍾意食馬蹄，但係真係幾甜。個汁底醇厚，帶啲南乳同柱候醬嘅香氣，果然係傳統做法燒鵝水準都幾好，皮脆肉嫩係基本，咬落去仲有肉汁。鵝肉醃得夠入味，酸梅醬嘅酸甜度亦都調得幾平衡，唔會搶咗燒鵝本身嘅味道…Read More

同朋友仔試下新Cafe, 估唔到上環樓上有一間可以見到電車嘅cafe,如果想睇電車推薦坐窗邊。見到佢哋嘅價錢覺得相當抵食，食物嘅質素亦都唔錯，尤其鍾意卡邦尼意粉是日餐湯係粟米湯，食到少少粟米皮，可以話係真材實料，法式包夠晒香脆田園沙律配嘅係香橙油醋汁，口感幾清新，菜例如火箭菜夠新鮮同埋爽脆，油醋汁酸酸地，帶少少果香，同沙律菜好夾，唔會太膩難得有提供手工意粉，梗係叫卡邦尼手工寬條意粉，意粉闊身有咬口，個汁濃稠度啱啱好，掛得晒喺意粉上面，煙肉碎夠香，芝士碎仲比得好夠👍法式燒春雞嘅雞肉經過醃製，夠晒入味，外皮燒得幾香口。配嘅薯仔吸收咗香草牛油味，幾好食。燒汁正常發揮，點雞食都幾夾飲品叫咗椰子水同橙汁，兩款都清清地可以解下膩，晚餐後唔會太Heavy…Read More

**韓式蔬菜沙律** 沙律菜新鮮爽脆，配上韓式柚子醬汁，酸酸甜甜好開胃，食落好清新**Deul Kkae - Juk 傳統韓國粥** 粥底熬得綿滑濃郁，有蜆肉嘅鮮甜，蔬菜煮到軟身，最上面淋上麻油調味，暖胃又唔會太滯，配上飯焦食都幾特別**慢煮濟州黑毛豬五花** 豬肉慢煮到好軟腍，入口即化，油脂香而不膩，肥瘦勻稱。配埋紫蘇葉同自家燒烤醬一齊食，味道層次豐富**乳鴿手打免治肉漢堡卷** 漢堡卷口感彈牙，乳鴿肉味突出，一切開就滲汁，食落唔會乾身，入面仲有杏鮑菇增加口感**釜山珍珠米飯配鱈魚籽及伴菜** 米飯香滑，鱈魚籽鹹鮮突出，伴菜款有鹹有辣，黑豆養生健康。鰻魚湯魚鮮味足，覺得幾特別糯米年糕窩夫餅窩夫外脆內軟，帶糯米煙韌口感，芝士奶油香甜幼滑，甜度剛好，為呢餐作一個完美收尾**飲品** 黑咖啡香醇回甘，參茶暖身甘潤，兩款都飲得舒服，但係覺得如果有更加多飲品選擇會更加好…Read More

星期日喺The Forest行完街之後想食辣嘢，於是就係附近見到呢一間川菜，入面都幾多選擇，又唔少客人都食緊酸菜魚，我哋就揀咗麻辣香鍋個雜錦麻辣香鍋叫咗小辣，辣度對於香港人嚟講都比較辣，怕辣但又想試嘅可以叫BB辣。鍋料好足，包括大蝦、豬腸、炸午餐肉、魷魚鬚、豆角、花椰菜，另外加咗金菇，金菇索晒啲麻辣汁，好入味，佢啲香料炒得好香，食落好過癮。蝦辣得來又有蝦味，午餐肉索埋辣汁就比較邪惡湘西外婆菜炒蛋幾有鑊氣，乾菜鹹鹹香香，同蛋一齊食好送飯，係一道幾有風味嘅家常小炒，喺餐廳都比較少見嘅菜式涼拌魚皮口感爽脆彈牙，調味做得幾好，好自然咁帶出麻香，唔會太鹹，而且份量都好多香酥花枝丸炸得夠香，外皮金黃，咬落去裡面仲保持到彈性，點少少酸辣醬食更加惹味…Read More

天氣凍就想食辣嘢，於是係尖沙咀揀咗呢間食川菜嘅解癮，款款菜式都覺得幾正又有新鮮感青椒皮蛋配嘅辣味同醋汁好開胃，第一次食呢種水晶皮蛋覺得都幾靚，比較清新楊記養生鍋夠晒特別，冬天可以暖胃，入面有啲脆米，所以個口感更加豐富，另外仲有豆同埋粟米，會越煮越稠大千牛肉係將牛肉切絲再炒，牛肉比較乾身，而且有麻香，辣度適中農家小炒肉炒得夠香，有少少肥嘅豬肉片同埋木耳爽口，微微辣好送飯，唔會太油膩，辣度比大千牛肉更加辣桂花粉滑溜清爽，帶淡淡桂花甜香，食完濃味嘢之後食呢個幾解膩，上面仲有少少提子乾…Read More

朋友去完旅行返黎想一聚，就揀左荃灣呢間西餐廳，特別推介大家試下肉眼扒麵包新鮮焗起好香脆，配埋別出心裁既黑松露牛油仲正厚切美國極佳級肉眼扒叫咗五成熟，切開見到粉紅色肉芯，咬落去勁多肉汁，肉質軟淋得嚟有咬口。個芥末汁幾特別，唔會太嗆喉，同牛肉嘅油脂香好夾，唔會搶咗肉味，另外焗薯仔焗到金黃色，好味西班牙海鮮飯份量十足，包括有青口、蜆、帶子、札實大蝦，舖滿成個飯面，尤其係蝦肉爽彈。飯粒煮得啱啱好，唔會太淋，口味較酸田園沙律食落好清新，沙律菜爽脆新鮮，加咗柚子汁酸酸甜甜，非常開胃。入面仲有啲牛油果同車厘茄，口感豐富，牛油果嘅品質幾好…Read More

朋友介紹話呢一間餐廳嘅Pizza好好食，叫我嚟試吓，唔過嚟都唔知道原來圓方嘅呢個廣場有餐廳，而且仲勁好feel水牛城辣雞翅呢度嘅雞翅味道都幾正宗，個醬汁酸酸辣辣好開胃，不過對香港人嚟講都係辣咗啲。雞翼炸得外皮香脆，裡面肉質都保持到嫩滑，唔會乾爭爭。食嘅時候點埋啲酸醬，可以平衡返個辣味12吋紐約風味披薩個Pizza底係煙煙韌韌嘅，另一半幾鍾意，有麵粉香。上面嘅芝士同配料都落得足，尤其係鍾意濃郁嘅芝士，而且食肉獸都會好滿足呢個Pizza既肉量。值得一讚嘅係，職員會係咁喺上面刨勁多芝士，芝士控應該會覺得好highLuigi's 漢堡個包身烘得微焦，夾埋炒洋蔥同溶咗嘅芝士一啖咬落去，各種味道同口感夾得幾好，肉雖然有炭香味，但係覺得煎得耐咗少少Tiramisu 入口好軟滑，咖啡同酒嘅味道調得幾平衡，唔會太苦或者太甜。面頭嘅可可粉帶少少甘香，係近排食過最好嘅TiramisuPassion Sparkler係熱情果底，，飲落好清爽解膩，比較酸。Fruit Punch就係多種生果混合嘅味道，甜度適中，叫嚟配濃味嘅食物都幾夾…Read More

天氣凍就梗係打邊爐，今次去旺角牛站，有得任食Häagen-Dazs雪糕幾抵食。試吓新嘢叫咗個龍蝦頭鍋底，配埋秀珍菇一齊滾，蝦味突出。肉類方面，特上牛小排同兩款和牛，SRF美國極黑和牛、澳洲M5和牛質素都唔錯，油脂分布勻循，淥完入口好軟腍小食特別推介芝麻雞翼同乳鴿，雞翼炸得香口惹味，乳鴿就夠晒入味，兩樣都整得幾好。蔬菜特別鍾意食冰菜同青瓜花，呢兩款平時都好少見，淥完之後仲保持到爽脆口感，青瓜花嘅味道都幾特別飲品絕對係驚喜位，估唔到火鍋店嘅珍珠奶茶都咁出色，所以都好受歡迎。另外仲有Asashi啤酒，打邊爐飲真係一流。最後食返杯Häagen-Dazs雪糕作結，曲奇同焦糖餅兩隻味都咁正💕…Read More

今次係呢間餐廳裝修之後第一次嚟呢度食飯，星期日已經有好多客人等位，入面仲好有氣氛印式雞肉焗飯個焗飯一上枱已經聞到好香香料味，面頭焗到金黃色，雞肉唔會嚡口，啲飯吸晒啲汁，味道幾濃，食落幾惹味，另外仲可以配乳酪，令到個飯唔會咁辣豬肉眼扒塊扒幾大塊，熟度啱啱好。肉質算幾鬆化，燒汁同塊扒幾夾。最上層洋蔥圈咬落香脆，有香甜嘅洋蔥味，炸過嘅薯仔粒亦都唔錯，蓮藕就覺得唔係好夾蒜香雞翼雞翼上枱時熱辣辣。外皮炸到好脆口，醃得夠入味，蒜蓉味好突出，食落好香口，點埋凱撒沙律汁更加吸引提拉米蘇見午餐加少少錢就可以叫到個提拉米蘇，幾軟滑，咖啡同甜味都幾平衡，唔會太甜漏，面頭層可可粉又唔會苦餐茶係佛手柑茶，飲落好清香，可以解下膩，覺得唔錯，可以一試。寶石水果茶就生果料充足，酸酸甜甜幾開胃，充滿果香…Read More

同朋友嚟到太子呢間居酒屋，試咗幾款嘢食，整體幾有驚喜，環境仲相當好feel,好啱飲返兩杯刺身方面，叫咗三文魚、油甘魚同蜜柑鯛。三文魚同油甘魚都幾新鮮，油甘魚魚油香幾出；蜜柑鯛就真有少少柑橘嘅清甜味，口感爽身佢哋個招牌「朝邪惡玉子燒」果然名不虛傳，入面係芝士，食落好滑，味道偏甜少少，但唔會太膩。唐揚九肚魚炸得唔錯，外皮脆，裡面保持到好嫩滑醬油燒蠔蠔身飽滿大隻，醬油味唔會太鹹，甜甜地西京銀雪魚燒得幾好，魚肉嫩滑，面層有少少甜麵醬嘅味道。鹽燒白鰻串燒得唔錯，簡單用鹽帶出魚嘅香味安格斯西冷扒可以見到中間未熟嘅狀態，扒本身已經夠靚，有香濃嘅肉味日本柚子果酒，清新嘅柚子味幾解膩，而且偏甜幾啱女仔飲，威士忌梅酒嘅梅香就比較突出…Read More

喺同一棟大廈玩完board game之後想睇吓有咩食，就留意到呢一間火鍋店，見到湯底都有唔少選擇芫茜皮蛋鍋湯底幾清甜，芫茜份量落得足，滾起時個湯好香芫茜味，皮蛋煮到融化之後，湯底更加濃郁，唔會太鹹，好啱用嚟淥菜沙嗲鍋味道都唔錯，沙嗲醬比出面嘅更加香濃，唔會太稠，涮牛肉幾夾，最後尾記得要加埋公仔麵一齊食👍湯一滾起就會放上牛肉拼盤，牛肉拼盤係重點，一級肥牛同封門柳油花均勻，入口好嫩滑；澳洲M7和牛油脂豐富，肉味濃；金錢展同鮮牛肉都夠新鮮，牛脷片爽口；安格斯牛肩胛同牛板腱肉質實淨，牛味足結果就韭菜豬肉餃皮薄餡多，韭菜同豬肉比例啱啱好，味道鮮美，唔會太鹹貢丸同牛丸都係正常水準，貢丸彈牙，牛丸牛味幾濃，算係唔錯Dadino雪糕咖啡口味幾香滑，咖啡味突出偏苦，食完熱辣辣嘅火鍋之後，食返個雪糕幾舒服，另外仲試咗個抹茶牛乳口味整體來講，呢個任食打邊爐幾抵食，牛肉質素唔錯，湯底選擇都夠晒多，下次想試吓雞煲…Read More

呢間韓國餐廳嘅擺盤精緻，創意融合菜式好出色。韓式烤牛肉奶油意粉真係有驚喜，牛肉烤得香嫩多汁，帶住韓式燒烤嘅甜香，奶油醬濃得嚟唔膩，同彈牙意粉夾得啱啱好，鹹甜平衡做得幾好。韓式豬手皮爽肉滑，滷汁好入味，膠質豐富，點埋微辣芥末醬更加惹味。烤醬油黑毛豬白切肉紫蘇飯香氣十足，烤肉有焦糖甜香，紫蘇飯有淡淡草本味，正好中和咗肉嘅油膩感。開心果蜜糖窩夫外脆內軟，蜜糖同開心果碎嘅配搭好香，為成餐飯作完美總結。香印提子奶蓋奶茶清爽輕盈，新鮮提子汁同奶茶好夾，酸甜自然，奶蓋幼滑唔膩。熱咖啡忌廉朱古力甜度適中，可可同咖啡香融合得幾自然。成餐飯由頭到尾都睇到韓式同西式嘅巧妙融合，味道層次豐富，係一間值得慢慢品嚐嘅高水準韓國餐廳。…Read More

呢一間食壽喜燒真係幾出名，打開餐牌，基本上都係唔同嘅壽喜燒套餐，豐儉由人，覺得都幾抵食澳洲M9和牛西冷加美國牛頸脊，兩款牛都好軟淋，當然自己最鍾意嘅係和牛，油脂香得嚟唔膩，壽喜燒係職員職場幫我哋煮，甜度掌握得啱啱好，蘸生蛋食更滑，而且蛋味香濃清酒煮沙白啲蜆肉飽滿，清酒香淡淡哋帶少少鹹，配香脆麵包一流雞皮餃子外皮炸得脆口，入面香軟嘅肉餡多汁，食落有啲似雞皮包住嘅小籠包北海道海膽配紫菜，食得出係靚海膽，海膽好新鮮，入口即化，夾埋紫菜食好鮮甜壽喜燒黑松露燉飯幾有驚喜，煮完壽喜燒之後加入飯，飯粒吸晒壽喜燒汁，再加上黑松露香，令人回味無窮蜜桃荔枝茶酒保留到突出嘅茶香，蜜桃同埋荔枝嘅微甜令到整件事好夾，不過酒精濃度都有啲高青檸梳打都幾清爽，配壽喜燒可以清新解膩…Read More

最近喺D2 Place附近發現咗一間相當高質素嘅泰式菜入面嘅環境仲幾靚，好似Cafe咁，令人覺得好放鬆泰式香茅豬排配沙嗲醬：豬排炸得啱啱好，面頭香脆但肉質唔會乾柴。香茅味醃得幾入味，咬落夠香。沙嗲醬濃郁惹味，蘸住食特別開胃，送飯或者就咁食都唔錯。黃咖喱軟殼蟹 配 香酥餅：軟殼蟹炸得酥化，但係蟹腳嘅炸粉就比較厚。黃咖喱汁偏溫和，椰奶落得足，配埋食幾惹味。不過軟殼蟹浸耐少少會變腍，建議上菜快啲食晒。香酥餅脆卜卜，點咖喱汁一流。香辣醉貓炒水晶河粉配雞肉多辣：鑊氣夠足，食落層次豐富，水晶河粉炒得油潤。辣度落得重手，辣椒嘅香味幾突出。雞肉大大嚿，配料都炒得入味。不過真係幾辣，唔食得辣嘅朋友可能要叫少辣。…Read More

呢排天氣轉凍，忽然間就好想打邊爐，就叫埋屋企人出去搵食，呢間大滾友喺呢區都算幾出名玲瓏浮凸花膠雞湯鍋：湯底係呢度嘅靈魂，半隻雞本身已經熟熟地，淥完之後，仍然保持搗亂滑嘅肉質。花膠厚身又彈牙，湯飲落膠質滿滿牛肉拼盤既牛柳粒油花均勻，有香濃肉味，其他薄切片輕輕一淥就食得，肉質軟嫩唔韌，牛脷有趙口菜苗帶子餃幾驚喜，皮薄得嚟唔易穿，呢個組合幾夾，味道上比較清淡。另一款蟹黃餃就有好香嘅蟹味，秋天必叫呢一款半熟五花腩片薄身，肥瘦層次分明，食落有脂肪甘香蔬菜拼盤勁大份，有生菜、娃娃菜、金菇、蕃茄等，樣樣都新鮮爽脆，屋企人最鍾意係淮山自家製竹蔗茅根唔會太甜，飲到竹蔗同馬蹄嘅天然清甜，打邊爐飲呢啲冰凍嘢，降火又潤喉食到最後仲有驚喜嘅豆腐花，火焰效果實在吸睛，而且鍾意唔太甜…Read More