awswing's Profile

今日做完運動，見落雨唔想行咁遠，男朋友就話去呢間食，我叫左個黑、白海南雞飯$96，但鹵水雞就多過白雞，白雞得3件，仲要勁肥、嚡口，冇味，唔點汁係零味道！唔好食，之前味皇D海南雞仲好味過呢間，男朋友就叫咗個龍蝦摻摻，印象好似$112定$118，隻龍蝦係BB size, 摻摻就米粉多過油麵幾倍，油麵應該得幾條，男朋友話湯底唔夠豐富，個醬油小食有豬手，雞腳同鹵水蛋，都算還可以嘅，呢餐加埋一食左差唔多$300！感覺勝價比太低了！我就唔會再去食…Read More

又去呢度打邊爐，呢度最好係4、5點就可以打邊爐，啱晒我D時間，仲有9折優惠！今次叫左個桃膠雪燕椰子雞煲，個湯超好飲，我忍唔住飲左4碗😝😝😝，個煲仲要勁多桃膠同雪燕，食極都有，個響鈴係上次店員推介話即叫即炸，所以今次叫來試吓，店員放低碟響鈴已經好香，配埋呢個椰子雞湯真係超正個海鮮拼盤D海鮮好新鮮，有半條海𩶘，5隻蝦，4隻貴妃蚌，馬刀貝、蟶子、鮑魚、元貝各有2隻$488，其實都唔貴，因為真係超新鮮超正，特別D蝦，超好食，元貝超厚肉，貴妃蚌同馬刀貝都好鮮甜，另外個手打蝦丸都好正好彈牙，不過個手切牛就有D蘇蘇地！呢間嘢真心誠意推介😋😋😋😋…Read More

因為去佐敦買洗頭水，之後就上OpenRice睇吓附近有冇咩食，就搵到呢間南洋，因為老公鍾意食喇沙，又見到其他人介紹個龍蝦好大隻好抵食，咁所以就入去試吓，首先叫咗半隻海南雞，但係呢個海南雞比較淡冇乜味，不過肉質好嫩滑之後就叫咗個波士頓龍蝦喇沙摻摻，一嚟到見到碗野好大碗，我哋兩個人都係食唔晒，龍蝦確實好大隻對得起呢個價錢，食落去重好鮮味好多膏，喇沙湯底好有椰香味！大骨肉骨茶，都幾大碗，我哋嗌嘅時候都有問佢大骨肉骨茶同金沙骨肉骨茶有咩分別，佢就話原來大骨肉骨茶就係佢嗰三款肉骨茶夾埋嘅，咁所以就大碗啲，佢另外兩款肉骨茶就有個雞腳肉骨茶同埋呢腩肉肉骨茶，但可能今日有雞腳，所以我見得金沙骨同腩肉，肉骨茶初時未食任何飲覺得好正，好重藥材味，但一食完其他嘢再飲就開始覺得咸左些少！整體成餐飯嚟講，性價比都高嘅！…Read More

太耐冇打邊爐，所以今晚就同男朋友出街打邊爐，本來想去牛大人，不過因為太多人，所以行左去兆萬搵，在樓下睇左一陣，見成日去壹火鍋，今次就試下第二間，因為時間都唔早，我見10:30後就可以食3小時，所以揀左呢間紅火，一出lift見到個環境其實唔太好，不過都幾多人食，我哋都要等左一陣先有位，坐低後就叫揀左個花膠海鮮煲，個煲一嚟到，我自己都覺得幾足料，有2大塊花膠，2隻蝦同幾隻蜆，D蜆好鮮甜，蝦又好新鮮，個湯係勁好味，本來諗住任食D質素應該麻麻，但佢呢個湯真係可以比美出面散叫果D花膠雞湯煲，真心值得推介，我哋加錢（每人$30）食埋刺身，不過其實刺身唔太好食，冇乜味嘅，所以決定下次再來就唔駛再加錢食刺身，火鍋配料都係大部份任食店有嘅嘢，另外一樣要讚係手打蝦丸同墨魚丸，蝦丸堅有蝦，2款丸都係爽口美味，因為覺得D蝦同蜆唔錯，所以叫左幾轉，牛就差左D，但黑毛豬肉反而仲好味！…Read More

做完facial就同男朋友行去屋企附近食嘢，見到呢間未試過，就行去門口睇下有咩食，企左一陣就有店員行出來話現在有折（忘記是9折定95折），見有折就行入去試下，我叫左個鹽酥雞扒肉躁米粉，男朋友就叫咗肉躁雜錦飯，之後再加多左個拍青瓜，另外叫多左杯珍珠奶茶！D嘢食賣相唔差，杯珍珠奶茶個茶底就係港式奶茶味，有D奇怪，所以我只係飲左一啖。肉躁唔錯，肥瘦適中，米粉係新竹米粉，不過個雞扒就炸乾左D，有D鞋口、完全冇哂水份，男朋友試左一塊，佢睇到件雞扒係有反炸過，所以可能咁樣炸到亁哂！不過佢就大讚佢個飯，碟青瓜都唔差，本來店員話有小小辣，但食落完全唔覺辣！呢餐食完我跟男朋友一樣覺得呢間好食過老街百倍…Read More

今日收工突然想食酸菜魚，所以就同男朋友去食，原本想食第二間，但我行錯路，行左上呢間，一坐低覺得唔對路，點解地方咁細嘅，之前在open rice睇介紹話地方好大，再望下個餐牌，點解唔同嘅，openriceD人介紹又話有2人、3人份量咖，點解呢度冇嘅？點知原來我去錯左地方🤣🤣！咁坐低左就照叫嘢食啦，因為男朋友唔食辣，所以叫左個唔辣嘅酸菜魚，叫多左個清炒萵筍絲同叫左個冰釀桂花露，個酸菜魚好大盆，而且我加左個水晶扁粉，內裏有小量菇類及䈑筍片，勁多酸菜，同比較油，但味道唔錯，清炒萵筍絲第一啖覺得味道偏淡，但越食越好味，果個桂花露好重桂花味，勁正👍👍環境迫左D，我見有人訂左位，但都冇枱比人…Read More

去食放題好多地方都係好逼，點好食但環境唔好都無用，但呢間唔同，唔逼食物又有水準，最讚係服務超好，已經係一個月內第二次幫襯，第一次係同男朋友去食，果日收工突然想食放題，上open rice睇就揀咗去呢間，先唔講嘢食先，我一坐低除低外套後，有個侍應走過來話見我件外套好大件，要唔要幫我掛起佢，驚阻住我，真係第一次食放題有侍應話要幫我掛起件外套！之後其他侍應服務都好好，見我哋未拎嘢飲，特登走過來同我地講飲品櫃在那裏，可以自己出去拎！食完諗住出去拎雪糕，一行出去有個侍應突然拎咗D雪條出來話請我食，話呢D要訂枱或加錢先可以食，就係因為服務太好，所以阿媽生日話要食散放題，二話不說就去返呢間，我book左8點，但因為我早左到，而阿媽細妹未到就坐在出面等啦！點知個侍應哥哥比我入左去先，話呢段時間唔限時間，所以唔使等齊人先入，我可以入去食住等，阿妹來到話要唔凍嘅飲品，個侍應哥哥拎過來時仲幫手開埋罐飲品，食物方面款色多，我有好多都冇影相，有韓日泰國菜，冬陰公湯唔錯，但人參雞湯就麻麻喇，燒大蝦隻蝦真係好大隻，不過有部份D肉梅梅地，但天婦羅蝦要讚咖，好掂，呢度上菜好快，冇漏單，又會勤收碟！我哋食完走喇，阿媽望住個雪櫃話罐椰汁好飲，個侍應其實幫我哋襟緊部lift,但見到我阿媽咁就話：可以拎走飲咖，唔緊要咖，拎啦！但阿媽話唔做呢D嘢，食完走就唔會再拎嘢，咁我哋就搭lift走，但其實我阿妹去左洗手間，點知佢落嚟後我見佢手上拎住罐椰汁，阿妹話佢等lift時個侍應哥哥話：佢哋話叫你拎罐走呀！所以阿妹先會拎！佢哋實在太好人，D服務真係好到一個點！我會再去幫襯的！…Read More

呢間嘢第一次去覺得唔錯，所以幫襯第二次，但我唔會再幫襯第三次了！真係好耐未見過咁細粒蝦蛟，D咖喱魷魚好重皂水味，而且所有醬汁係0味道！酸汁冇酸味、鼓油冇咸味，辣椒油冇辣味，男友話究竟我食緊D乜嘢呢？個煎魚餅都叫ok嘅，不過衰在個喼汁又係冇味！第一次來時冇乜人，但今次來就全店爆滿，唔知係咪因為生意好左，質素都下降埋！…Read More

朋友同我食生日飯，呢排又食過韓燒、剌身、打邊爐，所以我選擇左呢間鳯雛燉雞，呢間嘢應該係韓國人開，因為一上到去拎位，係有個韓國人接待！我哋3個人，叫左3樣野，燉雞、牛肉包飯同海鮮煎餅！燉雞我哋叫左小小辣，入面有啲透明粉條，幾好味，碟嘢好大碟，好彩我哋3個人，如果唔係就唔可以叫埋牛肉包飯同海鮮煎餅，個海鮮煎餅個質感有D似薄餐咁，都幾足料，唔錯！呢度多D人來食會好D，因可以叫多幾款野食，但如果小人，食量又細嘅，咁就可能只係可以叫個燉雞食就夠！…Read More

朋友生日決定去倫哥食，其實一直都想去食，終於因為朋友生日可以去試下，呢間有個好處係任飲任食唔限時，我同朋友7:00去到，因為未齊人，侍應問要唔要上住雞煲食住先，D雞煲係任食嘅，同埋雞煲份量唔算大，我見第二張枱叫左4轉雞煲！但我哋只係食左一煲啫，味道唔錯，等齊人後就開始上菜，先嚟過北寄貝沙律，花膠鮑魚，蒸聖子，我自己就覺得花膠冇乜味！湯底我就一早book定溫泉雞湯，中間放個冬瓜加小半隻雞同椰青肉，我地先飮碗湯，味道唔錯，不過隻雞肉就鞋左D，同埋有個唔好處係中間個位太細，放唔得太多嘢入去打邊爐，之後就有牛肉啦、海鮮盆、蔬菜盆、炸魚皮響鈴、雲吞九菜餃同魚皮餃、黑墨魚滑、蝦滑等等...海鮮盆有蝦、蟹、蜆、青口、魚，海鮮都新鮮！特別要講下黑墨魚滑同蝦滑，堅好味，蝦滑入面有成隻蝦，而魚皮同響鈴就有D失望，唔夠脆！如果唔夠食可以再叫，仲有甜品，不過我哋實在太飽，所以連甜品都冇食！店內得2個侍應，見佢地忙於出菜、執嘢、落單，真係好忙…Read More

今日諗住氹下身邊人開心食D好嘢啦，所以就去左屋企附近嘅home sweet home 食呢個阿拉斯加皇帝蟹海鮮套餐，um........賣相真係幾吸引，不過隻蟹D肉係梅咖，同冇乜肉，拆左3隻蟹腳終於頂唔順要同侍應講，之後話換隻再大size d嘅比我哋，但要加錢，或換隻麵包蟹，咁怕另外果隻質素都係咁，所以決定換麵包蟹，但拆蟹拑時，係超多水、冇肉同梅嘅，即刻退返比侍應，佢話再換一隻，我已經怕怕，叫佢扣錢就算！其他海鮮都還可以，特別好食竟然係大大隻青囗！佢好就好在係可以換第二隻蟹，不過......可能都係一樣質素😩最後退返隻蟹嘅錢，都尚可接受啦！不過我就應該唔會再去呢間野…Read More

喺屋企附近行下睇下食咩，行行下就見到呢間食餃子同山東燒雞，就入去試下，原來都幾多人來食，好彩早一步行入來，過左陣已經坐滿晒成間鋪，呢度有好多唔同嘅嘢選擇，男友叫左個山東燒雞例牌，例牌竟然有脾食，確實幾好味。2款餃子：魚餃同墨魚餃，魚餃幾好味，可能因為入面有九菜，而墨魚餃D皮係黑色，D皮其實幾厚，賣相真係幾差,味道係完全冇味，不過質感幾滑下！酸醋大白菜，呢個一入口確實幾....酸，不過食食下又幾好味，但如果唔太喜歡酸味嘅，唔建議食呢款！仲有一樣唔記得係咩茶葉炒蝦仁，味道幾清新下，點講呢，味道係清淡嘅，但又唔算冇味，我個人覺得唔錯！我見好多人都叫西洋菜餃子，應該幾好味，我諗住下次去試下！…Read More

因為上次想去食，但要等成三十幾張飛，所以上次冇食到，今日早D去等位，又點知冇乜人喎！入到去就叫左半隻片皮鴨，蘿蔔絲海蜇皮，青青萵苣絲，小籠包加2杯嘢飮，合共$580，um.....除左小籠包係有D味之外，其他基本上冇乜味，萵苣絲都有味嘅，因本身萵筍味道都偏重，不過真係青炒囉，個蘿蔔絲海蜇皮係完全冇味，唔知自己食緊乜嘢！果2杯嘢飲，係蕃石榴梳打，好有蕃石榴味，但另外一杯係青檸荔枝茉莉花荼，有青擰，冇荔枝外，係一D荔枝味都冇囉！題外話，D服務實在太差，隔離2枱前後投訴，上菜慢啦，煮嘢唔熟啦，叫人拎返入去煮，D侍應又有說話講，令到隔離枱勁燥，其實隔離枱有小朋友在，發現唔熟叫整返熟D都好正常啫，最後到我都要投訴，個經理要去拉窗簾，但行入來撞到我隻手，但佢完全冇禮貌，撞到人唔好意思一句都冇，仲要未叫埋單就拎張單埋來，即係要趕客啦，離哂譜！我同家姐決定以後都唔再來😤😤…Read More

新年去青衣城睇戲，睇戲前就周圍行下搵嘢食，終於我揀左呢間食拉麵，我哋叫左2碗拉麵加2個小食，男友揀左松茸湯拉麵，我就揀左黑蒜油豬腩肉拉麵，小食揀左個紐約輪腸同麻辣豬耳！見到2碗拉麵成呎油，真係已經唔想食，D湯仲好咸，咸到我只係食左半碗，咸到真係頂唔順，到食個腸時，第一啖覺得點解有D洗潔精味，再食第二啖，確實有檸檬洗潔精味，男友話我錯覺，其實係有檸檬味啫，麻辣豬耳唔明點解叫麻辣？因為其實係一D辣味都冇。之後男友問過侍應，點解D湯咁多油同咁咸，個侍應話係呢間嘢特色，我真係O左咀，我真係唔識欣賞！用左3佰幾蚊食左D咁嘅嘢，好唔抵！好失望！…Read More

去開深水埗買嘢，所以就上OpenRice 睇下有咩食，見到呢間米苔目，話食手工粉，就去試下啦！入到舖內坐低就有個姨姨問係咪第一次來，知道係第一次就會介紹下個手工粉。其實都好似出面食米線咁，自己揀餸配唔同粉咁，見OpenRice D人推介豬潤好食，男朋友就揀左個豬潤、腩肉豬骨湯米苔目，而我就叫左個豬潤、冬菇冬粉配麻辣湯，冬粉其實即係粉絲，之後再叫左個拍青瓜小麻辣及鴨肉！豬潤冇D人講到咁好味，只係滑，但其實可以話係冇味嘅，應該要講係一D味都冇，個手工粉米苔目其實有D似狗仔粉及銀針粉咁，鴨肉都算還可以，其實係靠個汁先有味，我D豬潤都係要點住青瓜D辣汁食，有小小失望！…Read More