mimilam7的個人專頁

是否真的因日本地震及核危機而造成的壞影響呢?看到樓下 2011年 3月前的食評, 都不太差.3月後的每個喊臉, 燃起本人隨波逐流的動力.食物質素麻麻. 其中有:三文魚子壽司 - 不太新鮮 / 廉價的感覺蟹捧壽司 - 蟹捧乾, 疑似中國貨魚背壽司 - 即左口魚, 已經算是最肥美, 但 x氣壽司的更大塊, 價錢更平蟹子沙律 - 沙律醬不足令人一試難忘的一定是燈影三文魚壽司:燈影牛肉未必每位朋友試過, 因需要廚藝與刀法的配合, 價錢並不便宜.現在十幾蚊就有機會讓大家感受一下, 一塊肉, 係燈光的照射下, 投着耀眼的光芒.當外界很多餐廳以三文魚的大,厚,長, 來吸引顧客, 此間反其道而行, 實在勇氣可加.唔怪得晚上7時的銅鑼灣日本菜, 無需等位之餘, 更可隨意選擇卡位. 同客傾生意更是一流, 因為不怕長時間霸佔座位而苦了在外等待的客人, 更不怕騷擾隣座, 因為根本沒有隣座啊!…查看更多

如樓下所言, 因 Bxxcrazy 團購的價錢令我心動 (每位$168 + $29.8), 寫明有長腳蟹,翡翠螺,海蝦, 澳洲頂級雪花西冷, 等等; total 10位親友便興致勃勃地去一試.好, 即刻入正題, 評論一下本人食過某d食物的質素:長腳蟹 - 真的似湯渣.... 小龍蝦 - 超咸! 可能為免被人多吃而作出的策略. 平時本人都最少食7,8隻, 這裡, 一隻就夠. 凱撒沙律 - 自己撈, 所以好味! 蒸魚 - 又係咸左d. 蒸雞 - 即係白切雞, 無難度, 可以接受.炆伊麵 - 好油, 又係令人唔會多食既策略. (連伊麵都唔想人食得多......) 刺身 - 質素已經麻麻, 仲要將三文魚每 2塊放係隻豉油碟上面, 又係唔想人地攞得多. 可能應該讚揚這餐廳不想浪費的精神. 鐵板燒 - 算不錯的質素, 可惜成日燒唔切喎, 要等, 要輪, 要排.....日式前菜 - 可以入口, 但質素麻麻, 亦唔 refill甜品 - 我會建議這餐廳嘗試和美x西餅合作, 可能除了提升質素外, 更可減低成本? 生果 - 新鮮的只有西瓜, 質素亦麻麻. 其他本人無食過的:炒蟹 - 親友話差碗仔翅 - 無 refill, 食唔到服務員雖然有禮, 可惜人手好緊張啩, 要叫才會收碟.都係唔好嘥甘多時間寫呢間餐廳喇, 反而開始諗, 當初團購既產生, 係為左集結人多既力量, 用特價來換取同樣既產品質素.佢話自己原價 $298+1, 其實同寫 $998+1 無分別, 因為連團購價都唔值.究竟團購是真的優惠嗎?…查看更多