pnwo's Profile

宜家做緊個優惠系66蚊六舊雞其實都抵食嘅。我覺得起碼佢大件過KFC六件雞系兩件一盒咁樣分3盒有3個味，BBQ冬陰功辣味顏色上睇3個都係差唔多食落去呢真係分唔出邊一個打邊一個冬陰公嗰個可能有少少檸檬味，但係要好認真食先至食得出體型都好大件，食落肉質都好juicy覺得係值得推介整體如果仲有呢個優惠會繼續食…Read More

去太安附近行下，唔多餐廳有得坐低食，見這一家可以坐，就揀咗呢一間，但唔好預坐得好舒服兩個人一人叫一份1.鮮茄牛肉手抓餅2.咖喱豬扒千層餅鮮茄牛肉，好多蕃茄，酸甜適中但係牛肉份量真係都好少蕃茄同薯仔就比較多略嫌餐牌有啲混亂明明見到餐牌寫住蕃茄牛腩35蚊，都實際落單嗰陣就話淨系有蕃茄牛肉要38蚊手抓餅其實得一塊，以我食量少的都一定食唔飽咖喱豬扒千層餅咖喱系真係好濃郁嘅，呢個咖喱底好食既呢一個系配千層餅略嫌有強烈的圖文不符，牆生張相有三件的實際嚟到只係得一件，同埋真係油得好緊要，又到一個籃隔咗一張吸油紙，之後張台仲係一大灘油係度勁誇張另外，好奇怪餐廳系冇百事or可樂整體係一個有坐位嘅地方，唔攰的話可以試吓其他太安樓的小食…Read More

呢個鋒味漢堡好多人食過都話冇味同埋唔好食。原本都唔係好想食，但見到有優惠券就試一試，唔試吓又唔死心首先睇外表，系俾我想象中靚嘅，俾我想象中大隻嘅，肉醬咩度唔出有啲茄醬味，覺得冇味嘅，我覺得自己在加包茄醬好少少，話塊肉係安格斯達係唔係好食得出，好似同平時啲孖芝差唔多煎蛋冇平時柳蛋嗰種蛋咁厚最值得一讚，係佢有啲生菜喺裏面，所以食落仲有一啲爽口整體味道都還可，但價錢太貴，用完優惠價都要五十幾蚊，試一次唔會再翻食…Read More

已經成功接替咗紅茶做咗觀塘嘅地標茶餐廳檸檬冰室都做得幾好係所有餐之中都會有一個素食餐等位雖然好多人等，但係都算去得好快唯獨有個唔好嘅地方系常餐特餐冇湯粉面只係得撈麵本人真係好唔鍾意食撈麪，所以就散叫兩餸湯粉面，意外地覺得好食同埋價錢唔貴40蚊揀兩個餸冇嘢飲。不過可以有湯飲我要咗沙爹牛肉煎蛋湯米沙嗲牛肉味都夠濃嘅，牛肉仲好大塊，煎蛋竟然仲有兩隻蛋同行友知我鍾意飲羅宋湯就俾埋佢個湯我飲冇影其他人的飯，其他人嘅飯其實都好大兜女士好多都食唔曬，男士就食得好飽大家都食得好開心…Read More

久唔久都會落街食碗牛丸可這碗牛丸湯河粉配炸魚皮湯底入口時溫潤順滑，帶有淡淡的甘甜味，令河粉每一口都能均勻沾上牛香牛丸的彈牙是重點，口感紮實卻不會過硬，輕咬之下滲出的肉香同時帶有少許筋腱的韌度，咀嚼過程相當愉快。河粉則爽滑幼嫩，吸收了湯汁後卻依然保持筋度，不會「腍」得太快，算是掌握得不錯的一點。炸魚皮上桌時還非常酥脆，放入熱湯後微微回軟，卻保存了一點脆度，魚皮本身帶有海鮮香氣，升了整體的層次感在炎熱的日子裡喝上一口清甜湯底，都是一種簡單卻滿足的享受有返一種舊香港的感覺…Read More

食過蕃茄師兄好多次其實我淨係覺得佢個湯底係好食，其他都一般般今次同事話肯去拎外買，我就搭咗一個炒蛋番茄湯底米粉番茄湯底酸酸甜甜，其實都夠濃味嘅我覺得，米粉吸足咗番茄湯汁，我自己覺得呢個配搭最合適另外值得一讚，外賣加一蚊會分開湯，咁都唔使吸得太過淋打個電話去落單半個鐘之後去拎炒蛋炒得非常滑嫩，睇張相都見到。 仲有啲蛋汁喺度軟滑蛋香同番茄湯底完美配搭，而且都係一個健康嘅配搭同事果份冇影相，佢點都想加個牛肉，雞蛋，牛肉加埋就59蚊，即係淨係呢個牛都要24蚊，但我就覺得牛肉份量唔多，而且好韌，鍾意食牛嘅可以再諗諗整體蕃茄湯炒蛋米粉35蚊我覺得係可以接受嘅…Read More

我今次系買返屋企食嘅用320分減十蚊買18件麥樂雞餐總共40蚊只能說我哋太遲。 發現好多人已經喺網上面買咗幾十盒幾十盒嘅wow醬到想買，已經冇得買，連加錢都買唔到，其實覺得好食既醬，好嘥，佢又唔肯出多啲。 一個醬又未必夠點晒買得18件，俾人加一兩個醬都好啊WOW 芫茜醬蒜辣蛋黃醬蜜糖芥末醬香草檸檬醬18件麥樂雞份量十足， 急凍雞其實都係食醬汁WOW 醬一打開陣味都好濃郁，佢係好明顯有好多芫荽蓉，醬比較濃稠，一點上麥落雞就痴好多，其實可以點嘅麥樂雞得好少，覺得繫好食嘅 蒜辣蛋黃醬帶蒜香同微微辣味，鹹香味濃，雞塊蘸咗更有層次感，好惹味！ 覺得呢個都係好好食。 俾我揀會排第二蜜糖芥末醬食落你唔話俾我知係蜜糖芥末醬，我都唔知係蜜糖芥末醬，其實我覺得乜味係有少少酸咁樣。我自己就覺得唔好食香草檸檬醬同樣都係食唔出係乜嘢醬，都係少少酸酸地咁樣, 我自己都係覺得唔好食整體嚟講，麥當勞呢個18件麥樂雞套餐加上呢四款創新醬汁，試一次就夠，我自己覺得兩個醬，好食，兩個醬唔好食，又冇得俾你揀好食嗰兩個醬又唔夠點，想加錢買又唔得，其實應該買開麥樂雞俾你加兩個好合理總之就係麻麻地，純屬個人意見…Read More

朋友出咗糧就請我去松屋食飯😂依家終於唔使再排隊老規矩入座之前就揀落定單我自己就要咗個月見山藥泥牛肉飯 M $48月見山藥泥牛肉飯， 睇落比我想像中細兜，但係食落都夠飽嘅，牛肉汁去到底都仲夠撈嘅牛肉切得薄身，嫩滑好入味，今次又冇覺得太鹹，肥就係一定好肥嘅啦配搭山藥其實冇乜味，不過當系汁咁撈下飯，所以食到落底都仲有牛肉汁，我係覺得有驚喜。 朋友就話今餐要豪食，佢就叫咗燒牛五花定食(肉雙倍)M沙律菜(轉)薯蓉沙律，成份嘢加埋冇嘢飲，都要99蚊，抵唔抵就見仁見智燒牛五花定食，肉量翻倍，睇落牛肉嘅數量又真係幾多嘅，不過底嗰度其實繫有個架托起咗少少㗎朋友就覺得好滿意嘅，但係我自己就覺得呢個牛五花肉有啲韌，我就覺得牛肉飯嗰啲牛肉好食啲，同埋呢個肉係冇配到啲肉汁，所以啲飯都唔係幾好下飯，要靠枱面啲汁，再撈下整體我覺得餐廳好有效率，門口入座嘅阿姐又好有禮貌，安排先下單再入座，食完又好有條理咁再安排人再入座好快又有條理，成個感覺都好舒服…Read More

澳洲牛奶公司快靚正我覺得係好啱香港人唔使咁複雜快嚟快去香港style澳洲牛奶公司出晒名要排隊， 快嚟快去其實都唔使等好耐叉燒意粉以湯底取勝， 覺得係金寶湯的溝稀版，叉燒 一定係薄切㗎喇意粉茶餐廳style ，軟硬適中炒蛋一直係必點人氣王，滑嫩得嚟又充滿蛋香拌多士一齊食，外脆內軟，牛油香配合蛋香每次嚟呢度都一定要set齊叉燒意粉同炒蛋多士， 晚餐食都好啱。加埋熱奶茶，經典港式味道即刻滿足晒餐廳座位係有啲迫不過員工態度都好好…Read More

今次我哋八個人叫咗五至六人嘅韓式餐分量居然夠，一齊食氣氛一流！海鮮煎餅熱辣辣，外層香脆，海鮮餡料足，大家都搶。紫菜炸雞有一塊塊紫菜同埋炸雞,紫菜脆脆脆卜卜粟米炸雞呢個有啲古怪粟米有啲凍冰冰青陽辣椒Mayo我覺得呢個最好食秘製黑醬有啲似豉油雞囉普普通通什錦炸薯有薯角薯格薯條傳統辣炒年糕呢個就出奇地好細份唔辣冇乜味韓式炒粉絲個樣好淺色唔係好吸引我自己冇食朋友話一般嫩豆腐湯有啲古怪，味道好淡，配咗碗飯， 八個人食嘅話真係唔知想點飲品方面自選兩揸我哋要檸檬同西柚我覺得西柚好飲檸檬我冇飲呢個套餐多款選擇， 份量都好足如果大家想聚一聚，又唔係話要食啲咩好嘢嘅話可以試一試啱晒朋友聚會開心share，大家都食得好開心…Read More

其實幸福商場都有好幾間茶餐廳 同事今次話想食意樂就同佢食一個午餐 真係冇諗過竟然係要等位等位嘅感覺真係一般般，前面啲人排緊隊店員又冇講清楚係入邊一台幾多個掃qr code落單 真係好耐冇食睇餐牌覺得真係有啲貴好多都七十幾蚊，搵咗好耐先搵到啲60左右嘅就揀咗呢個日式溫泉蛋牛肉飯算還可以嘅佢汁好多，都夠食曬全兜飯覺得佢甜咗少少鹹咗少少以前記得有人話意樂啲咖啡好飲係即磨嘅依家覺得一般般 真係冇乜香味喎說服唔到我話係即磨感覺真係同普通二合一雀巢咖啡冇分別整體覺得有啲貴真係一般般建議都係食另外嗰兩間…Read More

新野 McGriddles雞覺得好食過之前整體比較乾身， 外賣返到會唔會好似之前咁濕立立係比較好略嫌都係覺得好鬼鹹如果可以恆常都有就好了成個包仲點都係 嗰個 楓糖班戟，如果有淨係買嗰個風堂班戟應該會再吸引好多…Read More

裝修完第二次去食其實覺得冇以前咁好以前成日都食青咖哩豬扒飯依家冇咗依家覺得係同茶餐廳冇分別已經冇乜泰國感覺我揀咗「蛋治烘底」，朋友就食咗「 豉椒炒牛河」蛋治烘底烘底多火一啲都唔覺得係多火如果咁都叫多火真係好難想像普通係點嘅樣我自己真心非常失望因為蛋嘅濕氣會直接令到佢唔脆如果仲要係唔夠烘嘅話味道差好遠 真係唔知想講乜好雞蛋正常嘅唔會話好厚一般般啦豉椒炒牛河朋友就話份量好多其實我覺得都ok啦味道都正常嘅略嫌佢每樣嘢又再加咗一蚊上個星期食蛋治奶茶26蚊加烘底兩蚊，依家變咗27蚊加兩蚊烘底感覺有啲貴， 下次食第二間…Read More

韓國見到 59蚊半隻雞仲有另外揀兩份配菜+ 飲品,價錢ok， 今日就買返屋企食揀咗要薯仔同埋粟米打單見到粟米三條有啲驚訝嘅原來將一碌粟米切開三條薯仔行到得人驚好似啲鹽唔使錢咁如果唔係咁咸其實好好食雞都算唔細隻嘅叫咗柚子烤雞食咗好耐都唔覺得有柚子味原來啲有柚子喺嗰啲雞汁嗰度差唔多食曬先發現淨返少少先點嗰啲柚子醬， 不過其實得好少雞肉都入面唔算好鞋嘅能吃覺得香草味比柚子味更加濃鬱整體覺得59蚊包埋嘢飲 都對得住個價錢…Read More

朋友介紹嚟食這間burger brothers款式都好多又有burger又有熱狗仲有意粉飯價錢都好平,好多都係50蚊又找今次我就揀咗經典美式熱狗套餐42蚊有薯條有飲品感覺實物比圖還要大一點麵包略略再烘過，所以帶點香脆覺得其實可以再脆一點香腸帶一點脆皮配咗沙律醬加茄醬又可以點熱狗又可以點薯條薯條係粗薯條 ，外脆內軟， 食落好重薯仔香味飲品可以揀烏龍茶餐廳有一點懷舊快餐廳的感覺42蚊這個份餐絕對對得住這個價錢…Read More