joy716's Profile

今日去深水埗買電話卡，周圍都好多人。見到呢度人少少，又靜靜地，餐牌又OK就走左入去。<Menu> 叫左蘑菇汁牛排意粉個餐係包餐飲連餐湯揀左羅宋湯。羅宋湯味道幾好，材料好足。<蘑菇汁牛排意粉>蘑菇汁就好似KFC 蘑菇飯d汁咁。牛排好大塊 ，不過偏咸，正正常常，似係快餐店質素。…Read More

呢間餐廳係我朋友推介的，之前佢帶我黎時話好抵食同好味。今日下午茶時間經過，忍唔住入去試試。<下午茶Menu>都好多款式，價錢都好經濟。今日揀左菠菜茸燒雞柳野菌天使麵另加四蚊配餐湯揀左羅宋湯 都好濃味，好多雜菜係湯裡面。的確唔錯。主菜上場，份量唔少。正常份量，冇因為下午茶時間而縮水。菠菜味唔係好食到，不過個汁好creamy，配天使麵食好夾。天使麵煮得岩岩好，唔會煮得太林。另外，烤雞都有好多件，好惹味。整體黎講 CP值好高，味道唔錯，我會再黎！…Read More

本身自己好喜歡食餃子，近年喜見香港開多左餃子店，多左選擇。 不過今次食既係深水埗既老店 《 圓方》。 圓方宜家已經由家族第二代經營，不過餃子依然堅持每日人手包。一入店鋪就見姐姐密密手，係咁包餃子。<餐牌>八隻湯餃只係26蚊。餃子種類唔多，只有西洋菜餃韮菜餃，另有上海雲吞。 <西洋菜湯餃 $26/8隻>做到皮薄餡靚呢四隻字。餃子皮好滑好薄，唔似灣X碼頭果D淨係食皮都飽咁厚。 西洋菜餃子菜多肉少較健康，菜食落係爽口既。 湯餃配既湯係奶白色既魚湯，味道較為清淡，有需要可自行加鹽調味。 <韮菜煎餃 $15/3隻>上台時熱辣辣，應該新鮮煎好先上台。外皮煎到金黃色，好香脆。 韮菜餃韮菜味濃，一邊食餡料既肉汁係咁必出黎，好正。…Read More

尖沙咀區想搵一間高質素又唔太貴既餐廳，我第一時間諗到呢間！<黑松露薯條>每次黎都必點！！ 薯條係老麥既幼身薯條，不過好新鮮，食落好香脆同熱辣辣。黑松露醬混合左沙律醬，而且醬既分量唔少，食到最後一條薯條都夠點。黑松露味道夠重，配上薯條係絕配！ <焦糖單骨雞翼>單骨雞翼容易食，岩哂懶人食！ 雞翼外層有焦糖，甜甜地又不失香脆。<香草牛油烤雞配雜菜>即叫即烤需要等20分鐘先有得食架！雞肉好嫰滑有肉汁，好香草香味。雞下面既雜菜同薯仔索哂雞既精華，配菜都升呢成為主角！<西班牙炒飯 >海鮮材料有兩隻鮮蝦、兩隻青口。炒飯飯粒較為硬身。…Read More

成日經過呢間餐廳都見人排隊，一直都好想試試。 今次同朋友率之的起心肝，排隊試試。我哋今次係假期中午時份黎食，有個lunch set。 一份主菜、餐飲、餐湯。餐飲方面揀左蜜桃茶，感覺清甜。是日餐湯係龍蝦湯，有驚喜喎！質地好Creamy 唔係太稀，食得出有龍蝦味，好想再飲多碗！主菜點左半隻烤雞、牛肉煙肉漢堡包。烤雞一上台就好香，賣相相當唔錯。一切落隻雞，D肉汁就慢慢流出黎，好誘人！ 雞肉食落有淡淡既香草味，肉質略為唔夠滑。到另一主菜 - 煙肉牛肉漢堡包。賣相好吸引，材料都好豐富。牛肉亦好厚身，不過較為乾身唔夠Juicy。…Read More

呢度比其他韓國炸雞店健康一點，因為唔係用油炸，而係烤出黎！不過亦不失香脆。<咖喱蜜糖烤雞>一份烤雞分量都唔少，有雞腿、雞胸、雞翼呢d位置，啖啖肉。 烤雞烤得唔錯，皮脆肉嫰，保持到唔會太乾，有肉汁。咖喱蜜糖味又幾惹味，咖喱味較為突出。<韓式魚糕湯>想食清少少不妨揀魚糕湯，除左魚糕之外，仲有其他韓式（魚蛋？）。 個湯清甜，帶有蘿蔔的香甜味。<螺麵筋>包括有螺肉、韓國的麵筋、沙律菜。Meun有寫係辣，但冇估到真係咁辣，好刺激，個種辣有少許似辣雞麵。 麵筋好彈牙，香港少有食到呢種麵既質感。 不過真係好辣，食得辣既朋友不妨挑戰下。<柚子米酒>柚子味好夾米酒，酸酸甜甜。酒味唔算好重，好易令人一杯接一杯。…Read More

<鮮蘑菇牛肉漢堡>1：1：1！ 漢堡包：牛肉：漢堡包！牛肉好厚身，食落口充滿肉汁，唔會太實太乾，咬落每一口都好幸福！ 食漢堡包好難顧到儀態，尤其是呢個漢堡包咁巨型，一定要擘大個口先可以一次食哂包、牛肉、生菜同蘑菇！橫切面 ，見到都想再食！<墨西哥辣椒芝士雞柳漢堡>個包已經夠大，塊雞排比個漢堡包還大！都幾震撼下！ 墨西哥辣椒有少少Spicy， 幾惹味！ 如果有朋友唔食得牛 ，呢個都係唔錯既選擇。橫切面，餡料好豐富！…Read More

好喜歡大埔呢頭，因為好多有特色既小店。今次試試食嘢！ <咖喱雞飯>呢度既咖喱係印度式既咖喱，香料味重d，不過唔太辣（可以自由加辣）， 送飯唔錯！<黑松露牛柳飯>個名充滿Fantasy，不過一上台就心諗“咁中式既” 。黑松露隱約食到少少，不過成個菜式似蠔油煮牛柳多d。 味道正常，係我自己諗多左。<食嘢至尊拼盤>有雞翼、 印度薄餅配咖喱汁、咖喱角、薯角。全部香口嘢，食落都熱辣辣同香脆！ 不過都係大路野，未見有驚喜。…Read More

朋友聚餐完結，最再繼續吹多陣水。我哋會繼續食，食甜品滿足第二個胃。今次黎到小山園試試綠茶甜品。我哋三個人，點左三款share食。<綠茶心太軟>即叫即焗，所以要等耐少少。不過都值得既。 上到台好期待切個下，d溶漿慢慢流出黎。果然冇令我失望，心太軟好流心。味道唔會太甜，熱辣辣食差d辣親嘴。<綠茶雪糕拼蕨餅>綠茶雪糕好滑，不過好快溶，要食快d先得。 第一次食蕨餅，預期係煙煙unun類似糯米滋d friend，但同預期有d出入。 <綠茶雪糕拼沙冰>沙冰係粗粒沙冰，其實冇咩味。…Read More

Something Wild!! 約左朋友假期想食light d ，好好放鬆下黎呢度係一個唔錯選擇。首先，餐廳雖然係商場入面但唔會太嘈吵，地方亦好闊落。 另外，呢間野玩田店主要係田，From farm to table，蔬菜好新鮮，唔使用鑽石能量水洗過都食落索索聲。今日我哋食下午茶時段。 本先想食中午，可以試試個buffet，不過朋友要推遲約會，所以今次試左下午茶先。叫左兩個意粉加三文治。<公司三文治拼美式薯條及沙律 $98>三文治正正常常，麵包有烤過所以都算脆口。薯條分量唔少，最鍾意食呢款厚切薯條，夠薯味。 旁邊有少少沙律菜配黑醋。 <卡邦尼意粉 $78>個汁都幾creamy意粉尚算有咬口。<蕃茄忌廉汁煙三文魚甜椒意粉 $88>蕃茄味唔係太濃，岩輕口味人士。可惜分量有d少，如果多少少就好啦～…Read More

以前讀書時候，放左學落旺角都會同同學仔走黎熟食廣場度食，因為又平又好味！ 講到呢個場既名物，不得不提咖喱農夫包！今次點左豬排咖喱農夫包配凍咖啡！豬排唔係重點，因為我最鍾意食既係個包。個包即叫即烤，所以都要等一段時間先有得食！ 個農夫包好大個，真係成個BB頭咁大個。麵包皮好脆，呢個包識食一定食個皮，特別係麵包頂，起左做蓋果塊～ 咖喱汁係分開上，食果陣先點唔驚整“林”果包。另外好多人推介凍咖啡，一飲有料到喎！好香濃既咖啡味，就算係冬天咁凍都忍唔住整返杯黎飲。 …Read More

尖沙咀人氣DIY店，原來荃灣都有分店！星期六中午時份，唔使等位就入到去啦！<雜錦廣島燒 $118>呢個廣島燒材料好豐富，有炒麵，海鮮，同豬肉片。 餐廳會一步步教你點先整好個廣島燒，如果真係好唔掂可以向職員求救。不過黎得呢度緊係DIY!! 步驟唔多講，不過好好玩，唔會太高難度，最難係要成個反起個下。 吱左沙律醬之後，簡直有點睛作用，個個都變廚神！如果有埋木魚絲郁郁下就好啦～味道方面，自己DIY點都加d分炒麵配上炒麵汁，好惹味！想重口味定輕口味自己決定。 整完出黎都幾大份，兩個人食岩岩好。…Read More

沙田新城市廣場已經貴為高級商場，係廣場入面隨便搵間餐廳都要每人$200。 幸好佢附近既商場仲有d經濟少少的餐廳。 今次黎到富臨旗下新派中菜館 - 富臨匯。優惠期每隻BB鴿只係25蚊（每人限叫一隻）。BB鴿上台時已一分為二，熱辣辣，個皮香脆，肉質嫰滑（因為係BB嘛），咬落仲有肉汁必出黎！ 我冇點椒鹽就咁食已經好夠味，一人一隻食完好滿足。<櫻花蝦海鮮炒飯 $88>材料有 櫻花蝦、 蝦肉 、蟹籽 。簡簡單單但好味道。蝦肉都好多而且夠爽口，食到尾都仲有。炒飯最怕炒得唔均勻一舊舊，但呢度完全冇呢個問題，粒粒分明夠鑊氣！<杏汁燉白肺湯 $48>相比以上兩款食物，個湯就不過不失，略為唔夠杏汁味。不過可取之處係豬肺洗得乾淨冇怪味。…Read More

約左朋友係旺角新世紀食飯，未諗到食咩～行過意粉360見都幾多人等位，Menu又幾吸引，就決定試試佢！今次我哋兩個人 但叫左兩個意粉同一個Pizza午餐會跟埋一杯餐飲同沙律黎到意粉360，又點可以唔試下意粉？<黑椒海鮮意粉>其實份量都幾多，我哋兩個人Share食，每人都夾左兩次～ 黑椒味夠濃，輕微辣，好惹味！ 意粉煮得岩岩好，海鮮配料有蜆肉同蟹柳，如果可以再多少少海鮮就prefect!<燒汁雞肉意粉> 我唔係好記得個名相比黑椒意粉呢個冇咁惹味，比較偏甜少少。不過意粉質素都係，雞肉不過不失<扇貝日式脆Pizza>個名又係我亂作你哋數下 一片有一粒扇貝！呢個pizza一共有六粒～ 好抵食好鍾意呢個批底，夠哂薄身同香脆，而且唔油膩。 下次要再食呢個pizza 啊！…Read More

太和消防局對面有好多有特別既小店，其中一間比較出店既係咖啡灣，成功由太和開分店開到去荃灣。 平時夜晚都會大排長龍，今次晏晝去，等左一陣就可以入座。 入面環境都尚算有心思，但真係太逼了，冇左去cafe想輕輕鬆鬆傾下計既情調。不過都明白既，香港租金太貴，一間餐廳出左名想做多幾台客唯有愈擺愈迫今次叫左呢度名物黑松露軟殼蟹意粉。 軟殼蟹成隻擺係意粉上面，好有睇頭。可惜意粉的黑松露味唔特出，好似食緊普通的忌廉意粉。…Read More