小丁子's Profile

通常星期六或日去開市中心，又想小人唔駛排隊食個晏，都會去焰，我去親都唔駛排隊，可能佢係唔起眼位置或門口好高級，真心食燒肉或定食都好抵食，未去過既可以試下，質素都好好，地方環境安靜吹水一流！…Read More

是日星期日，去完玩具展覽，近近地揾到這間小菜餐廳；附近有西餐、烤魚、日本餐廳都幾多選擇，但今天想食小菜，所以揀這間試試；三大一細叫了豬排炒出前一丁，味道不錯，辣辣地，但分量不多，好快清碟雙蒽牛肉飯，味道不濃剛好，牛肉難咬開，本以為是乾炒，原來是濕的；黃金蝦球，脆漿同蝦仁都好脆口，不會過鹹味道啱啱好，好食下次可以試煲仔菜見佢有早餐，約$25以上都幾抵，行開可以試下服務都不錯笑容親切，價錢在尖沙咀黎講都算實惠…Read More

我試了雞件、炸包菇、薯條；我未曾食過台灣傳統，所以無得比較雞件炸得好脆口也不覺太油👍🏼👍🏼👍🏼好少地方有包菇，所以覺得特別，而且很好食👍🏼👍🏼👍🏼薯條就較淋身，很有蔥味，但我不甚喜歡😁好用心既店，因為即叫即炸，要耐心啲等；而且還要親熱食😋…Read More

今晚食姑姐生日飯, 本來都不抱太大期望, 係嬸嬸話食過唔錯就介紹我哋黎喇~我知之前係寫紙仔點食物, 但依家轉咗型式, 係自己出去攞食物; 價錢星期一至四食兩小時$148 加一, 8人送1,時間上足夠; 味道唔錯, 款式算多, 有海洋, 有三文魚, 有日式, 中式, 西式食物, 冷熱盤, 仲有甜品同雪糕, 甜品一定要試一杯杯型啫喱, 果凍之類, 幾好味架, 飲品都任飲, 有蘋果汁, 橙汁, 豆漿 , 竹蔗茅根, 生力啤酒, 罐裝汽水, 飲品哩講好味, 唔會話係古怪味;睇佢放食物地方好似唔係好多咁, 但其實真係食得好飽同味道唔差, 三文魚又新鮮, 又任攞, 雞腎, 雞軟骨同牛肉串燒都好入味; 佢哋出食物都幾快, 又會不時轉換款式; 地方又坐得舒服, 又唔太燥, 食飯傾計真係唔錯;未食過真係可以試下, 不過就記得book位, 前一日book都無問題;…Read More

是日同男友到富源食晚餐,第一次哩食,因為想食咖哩就試一試~因為唔太方便影相,所以無相睇~男友叫咗個鮑片滑雞煲:一拎出黎就嗅都香噴噴,鮑片好爽口,雞件好滑,份量足$42哩講都抵食我就叫咗個咖哩牛腩:正中星馬咖哩,有小小辣,好香好入味,牛腩同薯仔都夠淋,真係好好味,價錢$48個餐跟湯,中湯西湯任揀,我揀咗羅宋湯,都唔差加,唔會似水囉,又夠熱~包杯餐飲,凍飲加$2~富源食物真係唔錯,係坐位座得唔太舒適,其實可以揀坐出面,但係夏天真係未攪,如無乜要求既一試無妨第日我會再黎試試其他選擇,再同大家分享~…Read More

正~ 本人今次團購咗哩間餐廳既吉列豬排套餐, 而黎幫襯既~兩張$39既團購卷, 而且仲唔駛加一真係勁抵囉~大約7:30到, 店舖唔係好大, 一眼睇哂, 我估最多坐二十人, 不過我哋都唔駛等, 因為無乜客;店舖好似只得一位員工(幾靚仔)招呼客人, 另有兩位廚師, 可能店唔大, 一個人都攪得掂;好喇講番個餐先, 吉列豬排飯: 豬排幾大塊, 外脆內軟真係好好味, 而且仲有生菜拌飯, 感覺唔太油膩, 生菜仲好新鮮, 旁邊有兩隻醬料自己加既, 一支係麻醬, 嗯, 支麻醬淋落菜同豬排黎食好好味, 飯都好軟, 但份量唔太夠, 我男友唔夠食; 另有前菜係三塊蘿蔔, 青瓜同螺肉, 仲有面豉湯, 仲包一杯冰凍桃汁, 嗯, 桃汁味道好清新, 好飲, 不過又係細杯咗啲~總括哩講其實哩個團購我同男友都好滿意, 食物好食之餘, 又坐得舒服~另有樣嘢想講下, 我哋坐咁耐間舖都未滿過, 我一邊食一邊望住門口, 觀察到有好多人經過, 但好多都睇下menu就行開咗, 唔知係咪因為唔平, 我都有睇menu, 其實都覺得幾貴, 一個餐都成70-80蚊; 小食都30-40以上, 我男友都話我如果唔係團購都唔會黎, 因為我係比較慳; 其實都無計, 間舖係尖咀地方實貴, 但間舖啲食物真係唔差, 我見佢做咗個渣打信用咭優惠, 好似星期一至四, 有九折; 真心希望佢做得住~…Read More

晚上睇戲前先食個飯, 聚樂居以前食過一次, 記得當時食咖哩同鐵板, 覺得味道唔差之餘仲幾抵食,固今次再食, 眼見其他店鋪都有加價, 但這間還是這麼抵食, 而且又唔駛等位, 所以好快拍板;今次我同男友分別揀白菜仔燴日式牛肉飯$34,飲品加$2同埋蒜蓉什扖拼雞翼腸仔$52~白菜仔燴日式牛肉飯,個汁唔錯仲好夠汁同肥牛好夾,肥牛都好淋,不過飯幾爛,飯唔好食~蒜蓉什扖拼雞翼腸仔,這個跟意粉,意粉又係太淋,但啲餸好多,除咗有豬扖,雞扖,雞翼,腸仔而且仲有火腿同煙肉,蒜蓉汁都唔錯,我男友食得乾乾淨淨~…Read More

之前團購了這個優惠$68二人餐,幾抵食每人兩碗面,有小食,串燒,餐前青瓜,仲有兩杯飲品~約7:30到步,啱啱有位唔駛等~我攞咗張團購紙比店員,店員有禮介紹如何點菜~要自行選擇的有湯底,面款,小食,串燒,真係心大心細,但有好幾仲小食賣哂無得揀,店員話平日黎會好啲,唔會咁快賣哂喎~我男友揀咗四川米線味道O.K,我揀咗重慶米線,比較咸,小食揀咗雞串,串燒有牛及雞,男友話好好味,可以再黎食過,我就覺得樣樣都咸咗小小,鍾意重口味既可以試試~雖然話團購但份量都好足架,眼見大部份都係攞團購劵黎食既食客,講真如果無團購我都未必會留意間舖頭,因為沿途都有好多食店,真係太多選擇;店舖細細,店員得幾個,所以要耐心小小等~…Read More

是日幫龜龜去診所攞完藥,就同男友食埋晚飯先走~上網見土瓜灣一帶都幾多食市,行行下就見譽面坊,都係心水之選~見有位就入去食,價錢二十零蚊一碗面又幾抵喎~我叫咗碗[炸醬拌米線],男友就叫咗[南乳雞墨丸雙拼米線],同一杯香芋珍珠[炸醬米線],可以講係唔辣,不過個醬好好味,好多汁同肉碎,原來拌住米線食係咁好味[南乳雞墨丸雙拼米線],見好多人都叫南乳雞球米線食,當然要試下,好似加$3蚊有雙拼就拼埋墨丸,但原來雙拼係好唔抵架,見人人碟雞球都好大碟,但我哋個碟就好細同埋只得兩粒墨丸,覺得蝕咗不過雞又真係幾香脆,墨丸又彈牙都好好味既~最重要係平,同好食,不過下次真係唔好再雙拼~…Read More

不是在尖沙咀旺區,固有點難找;第一次黎這裡唱K,歌真的不算多,但四大唱片的新歌就一定有得唱;當入門口第一印象感覺好暗好黑,房裡也是一樣,想話張燈光調光啲,但都無得調教,浪漫啲叫有氣氛吧,不過我就唔太習慣;這裡K-LUNCH包午餐及飲品一杯都只需$40零至$50零就可唱到下午4:00,食物都幾豐富有前菜串燒,主菜,湯,生果~但味道我厭佢淡咗啲,食得都好飽,服務也很好兩個人唱,比咗一間8人房我哋,勁大囉,可惜無獨立洗手間,公共的只得兩格;…Read More

今日生日話事食泰菜,4大2細係尖咀睇完燈飾後食晚飯;時間約九點零,上網睇這舖是新開的,地方有點偏僻,事晚是閒日加已夜吧,見還有很多空枱,地方很夠大,兩個小朋友食飽走圍走~大家點了以下幾款:平時小朋友唔食菜的,但這碟小朋友會自己自動夾囉個汁甜甜地,有一位朋友唔鍾意這種味,我就好鍾意~唔錯,好香口~個飯唔辣既,但味道我就唔記得喇~都幾大串,幾滑~個湯好飲又多料~另外仲叫咗甜品千層糕同忙果黑糯米,無問我哋要凍還是熱,已整熱給我們,好細心;今餐真係食得好飽,仲叫咗兩杯飲品~埋單$348,食咗咁多嘢好似好抵,其實唔知係咪九點後有七折,如果想食既朋友,打電話去問下啦~…Read More

團購價$43買咗兩張,另外要加一,有前菜/湯/飯/柚子茶四選一,加主菜,加豆腐,諗住應該份量唔會多,點知食得好飽,而且又好味;因為食物太吸引,食食下先記得影相我同男友點咗兩個前菜(泡菜),一個湯,一個飯,鐡板牛仔骨,泡菜豬肉石頭飯,兩杯飲品,豉油豆腐同辣椒醬豆腐這個飯冬天食就最啱,因為好夠熱,不過就太多飯蕉,豬肉有啲乾食~哩個男友話好好味,送飯一流,有三大块骨同棷菜好足料~食咗一半先記得影,所以有啲核突,舊豆腐幾大舊,都幾滑唔錯~普通一杯柚子茶~仲有個湯,係紙菜湯,可以不提,因為好淡,可能韓國既味係咁啩總括哩餐食得好飽好滿足,而且覺得個團購好抵好值,因為以上套餐原價哩講真係要八九十蚊先食到,我買過咁多次團購哩間韓食家真係好正,唔會減份量,服務又好,又易book位,唔似有啲團購同埋自己賴過嘢真係揾苯,所以買團購時都有啲怕,真係要睇清楚條款同睇下好唔好彩…Read More

黎過兩次光顧食餃子 餃子皮係我食過既最好味~第一次無寫食評,今次補番; 第一次黎點咗香麻牛展面(唔記得個名)$34啲牛展唔錯,係分開上既,拉面係清湯底 紅油抄手5/$23,男友話食過咁多次抄手,哩間最好味,其實紅油抄手應該係辣,但哩度唔辣,皮薄,一定要試 (不過我覺得貴咗啲)镇江排骨米線(都係唔記得個名)$32,唔記得個味道LU 第二次黎食午餐,點咗雙拼餃子面$28有韭菜同椰菜餃,係個面無乜味啲餃子都好好食,加餐飲至尊熱朱古力奶茶$6 咸菜胡椒豬肚米線$33,湯底幾入味,唔錯,加餐飲凍柠茶$7 如果妳係鍾意食餃子又鍾意清清地既,一定要黎試試~…Read More

6月26號朋友生日買咗個咖啡蛋糕,味道都O.K既,價錢$2407月1號嫲嫲生日買咗個藍啤梨蛋糕,味道好好味,好重藍莓味,不過太多mousse同好快溶,價錢$260其實兩個蛋糕都唔係話太甜,但我本人鍾意藍莓味多啲,下次我想試下訂批/撻試下,因為未試過…Read More

嫲嫲八十歲大壽無大攪只係屋企人食餐飯慶祝,煌府唔錯喎,訂一圍都比房而且仲有麻雀打同唱K,真係好啱我同屋企人;本來以為酒樓唱K會好差,原來又唔係喎,八十後都有好多歌啱唱喎,好後悔無早啲到,唔係就可以玩耐啲嘛包一圍係壽宴餐三千幾蚊,大約菜名我就講唔出,只知有乳豬,有魚翅,花菇飽魚......味道都唔錯,壽包有大又好味(只影咗壽包既相);我真係好鍾意哩度因為裝修得好靚服務又好,其實平時都有黎飲茶,但食晚飯就第一次…Read More