ckdessert's Profile

剛剛同老公係呢個商場食完lunch,食到滿肚牢騷,好想食番D甜品開心下,就係呢個時候比我見到呢間餐廳,地方好宽闊,一D都唔迫,當我地翻閱佢地長長既餐牌時,心裡就想(總之唔去之前個間食啦)呢到D甜品好吸引,食物既種類又多,而且D service好好,佢地會話比你聼有D甜品份量比較大,兩個人食啱啱好,唔夠先再叫啦!我都好耐無見過呢D service啦最後我地點左拿破崙千層酥,menu張相影得好吸引,黎到先知好巨,有手掌咁大,一隻叉咁高,不過一D都唔漏,正呀!食完心情好番哂…Read More

原本呢日係同朋友去大欖郊野公園燒野食,點知比我地發現呢個好地方,二話不說要試一試呢到D招牌野.餐蛋麵: 老實講冇特別,不過有趣既係呢碗麵放左係呢個地方,方圓十里都冇埋食,而且天寒地凍,食到呢碗麵我先至知咩叫做甘露薑汁撞奶:奶味好濃,但薑味略嫌唔夠,如果再多D薑汁同再熱D就100分雪糕我未試,因為當日太凍,待天氣回暖番我會再去試順帶一提,雖然看似小本經營而且地方比較簡陋,但係人情味濃,好有鄉土氣息,對於見慣高樓大廈既我地,呢到絕對係一個可以好好放鬆自己既地方…Read More

呢一間鋪頭比我第一個感覺係裝修唔錯,好光猛,但係如果坐滿客既話都會好迫,因為間鋪唔係好大,幸好今日係weekday,唔多人,所以坐得好鬆動.點解我話咁似翡翠拉麵,無論menu種類,食物質素,同服務都有九成似.食物方面:小籠包:好過翡翠,皮薄多汁,每粒挾起都唔會穿灌湯牛肉餅:多汁但個皮幾厚,味道OK嫩雞煨麵,鎮江肴肉味道都同翡翠一樣,無分別,唔知佢地係唔係請左翡翠既師傅過黎幫手呢?服務方面:都係一樣愛理不理,睇得出D侍應好新,唔係咁熟手,落湯類既食物時要落幾次先落到,repeat order時又企到遠一遠,好似同佢自己講野咁!總括而言,佢地無自己既特色食物,而是copy緊人地囉!其實有冇人知佢地係唔係翡翠既姐妹店呢?…Read More

呢一間茶居係我同HONEY既飯堂,我地好多時WEEKDAY都黎,因為佢地有下午茶餐(2:30-5:30),好抵,免茶介免加一,而且有好多卡位,坐得好舒服:當日我地ORDER左一個餐再加一碗肉丸粥,份量足夠兩個人食呢個套餐包括($88)一) 2隻蝦餃,2隻如意上素餃: 雖然係跟餐,但係一D都唔馬虎二) 2個菠蘿叉燒包: 熱辣辣,軟綿綿,超正三) 1碟叉燒腸同1碟油菜: 叉燒腸係我老公至愛,皮做得好薄其實呢間茶居食物水準不俗,佢地既粥底好綿,食到最後都唔會變稀,我地次次都會叫…Read More

剛剛過左結婚7週年記念.當日同HONEY想買個蛋糕慶祝一下,但係一個蛋糕又太大,兩個人實食唔哂,我又好貪心想試多D口味,所以專程由尖沙咀搭小輪去中環到呢一間CAKE SHOP 買 D CUT CAKE食.之前試過呢間既 CHESTNUT ROLLED CAKE, 好好味,好掛住佢,可惜店員話暫時都唔會再有我地唯有試下其他款! 1,CARAMEL CHOCOLATE MOUSSE CAKE ($38) : 我對呢件餅有D 期望,但係焦糖味同朱古力味都唔係好突出,JUST OK!2, COCONUT AND CREAM CHEESE CAKE ($35) : 呢一個食落幾清淡,唔太甜,但係同樣椰子味唔突出. 3, PRINCESS ($35) : 呢一款唔錯,酸酸地,食得出RASPBERRY味,YUMMY 4, STRAWBERRY ROLLED CAKE ($90) : CAKE ROLLED 係呢間餅店既皇牌,水準之作,一流雖然唔係樣樣都好味,但係CAKE ROLLED又真係好有水準(好過半X)希望佢遲D可以係尖沙咀開番間…Read More

其實這裏除了豆腐和麵外,豬扒飽也十分美味.豬扒夠入味之餘肉質鬆軟又厚身;飽亦烘得脆脆,我每一次到澳門都必吃的…Read More

回來了香港幾日, 仍然很懷念它們的葡國鷄和炒蜆.那裏的葡汁送飯一流,而且內有很多洋蔥,鷄蛋和薯仔,十分足料.還有它們那些蜆汁非常惹味,那裡的姨姨說是用葡國臘腸炒成的.雖然那裡地方細細,但是食物很出色,服務態度也很親切; 仲有, 記得要喝它們的葡國汽水(波蘿味),好好味,我還買了2罐回來呢.…Read More