Ang813's Profile

下午行完街覺得有d攰加上有少少餓諗住這裡個地方坐低休息下.店鋪面積都算幾大,都有唔少人,不過好在唔使等位.見到仲有下午茶餐可以點,就點咗兩個試下.佢哋嘅下午茶餐時間到下午6點,炸雞脾份量都可以,外皮炸得好脆,肉質都可以,不過薯條一上臺就已經係凍嘅,另外脆魚柳比較薄一塊,份量唔算多,搭配嘅沙律唔錯係水果沙律,另外跟餐嘅咖啡一般,加咗錢換個紅豆冰都算唔錯,唔會太甜,紅豆唔會一粒粒.整體嚟講一般,不過都幾適合休息坐下食個下午茶.…Read More

呢間嘅吐司係韓國好出名,宜家係澳門有分店,咁啱店鋪地點距離住嘅地方唔遠,早上起身就過嚟食個早餐.店鋪唔大,店內有少部份位置,去到嘅時候冇咩人,所以唔使等.有套餐選擇亦都可以單點,吐司嘅選擇好多,今次點咗兩個套餐試下,飲品揀咗「焦糖玛奇朵」同「摩卡咖啡」,吐司方面就要咗「千島墨魚吐司」同「豬柳MVP吐司」咖啡味道唔錯,拉花都好靚,吐司份量唔錯,上嚟嘅時候已經切好兩半,吐司烤得啱好,墨魚肉口感夠爽,搭配千島醬酸酸甜甜幾好味,豬柳吐司味道都唔錯,醬汁比較多,整體食落唔會好乾身.…Read More

日本超人氣芝士撻登錄澳門,咁啱嚟澳門玩,當然要去試下喇.[环境]店鋪位於大堂巷巷口,店面唔算太大,冇提供堂食,全部都係打包.新開期間有活動,用支付寶付款仲有85折,超抵.雖然去到都已經開始排緊隊,但整體速度都比較快,落單俾錢唔使等好耐就已經攞到手菜單選擇唔算太多,今次就要咗個「经典原味芝士挞」,原本以為唔會太大一個,但攞到之後發現份量超足,幾重手下,有成6寸咁大,仲要幾厚一個,3～4個人都夠食.中間嘅半熟芝士食落口夠滑,唔會好水嘅感覺,芝士味香濃,同蛋撻嘅感覺有d似.撻皮會好厚,食落唔算太硬,都幾鬆脆下.價錢方面個人覺得性價比高,一個先係MOP80,整個芝士撻份量同味道都非常唔錯,當然仲有其他可以試下.…Read More

雖然未到夏天,但天氣都已經覺得熱,係澳門大三巴行街買嘢之外,都仲有唔少小食同甜品可以選擇.呢間手工雪糕店係門面就掛住米芝蓮banner,店鋪唔大,冇提供座位,雪糕口味都係水果較多.店鋪比較好嘅係有得試味,尤其對於有選擇困難症嘅人嚟講,可以試下想食嘅味道再決定要邊种口味.雪糕可以揀杯裝定甜筒裝,今次試咗草莓芝士同Black mango,兩個味道都唔錯.份量都幾多下,雪糕口感都幾順滑,香味唔會太重,整體價錢方面都可以.…Read More

呢間手工雪糕之前睇過🍎介紹過,老闆係日本人,開業無幾耐就已經攞到米芝蓮推介.雪糕味道方面都係便日本風味較多,有d都算比較特別嘅味道,好似有🌸櫻花,櫻花葉,豆腐,沖繩海鹽等,另外鐘意抹茶嘅話可以試下特濃抹茶.今次試咗🌸「樱花」味,「冲绳海盐」同柚子,三個口味個人覺得柚子味道有驚艷到,唔同一般其他雪糕柚子,食落點都會有少少假嘅感覺,但呢個柚子嘅味道同食真正柚子肉嘅味道好似.「樱花」味道唔會太甜,「冲绳海盐」有少少鹹鹹哋,但唔會好鹹,感覺好特別.…Read More

朋友介紹呢間嘅翅唔錯,今次去開有時間就去試下.店鋪係大三巴附近,唔算太難搵,地方唔算大,去到嘅時候好在唔使等位.除咗翅之外,店鋪都有其他菜式選擇,價錢方面中等,但因為今次係想食翅,所以就冇點其他餸試.「花胶海参中鲍翅」「石锅中鲍翅」點咗兩個翅,份量都幾足,個湯底夠濃,搭配🍚撈嚟食,味道都幾唔錯.下次可以再試其他,佢哋嘅翅嘅選擇都有好多款,價錢有便有貴,要注意呢間分店只收現金,除咗呢間店外,係氹仔都有分店.…Read More

見到朋友嚟食過發相好吸引,就過嚟試下,地址唔算難搵,就係大三巴附近,中午12點先營業,1點前嚟到，已經開始要排隊，由於店鋪面積唔大，所以位置唔多，同埋人少一定係要搭臺一齊坐。排隊嘅時候差唔多拍到會要求點好餐，所以一坐落唔使等太耐就已經上到臺。點咗個「招牌花胶海参煲仔」，份量都幾多，因為係碗仔翅，所以湯頭唔會好濃，適合直接飲，可以自行添加調味料，不過個人唔鐘意加胡椒粉或者醋，鐘意食原味，整體味道唔錯，材料都幾多下，值得試試。…Read More

呢間之前有嚟過，果次就係食pizza 套餐，今次因為係附近行街有d攰，順便坐低食下嘢，點咗個小食拼盤同個意粉。首先上菜速度稍微有少少慢，拼盤份量唔算太多，整體味道嚟講都可以，個意粉就麻麻地，首先係d意粉整體比較乾身，同埋食落唔算太熱，所以意粉已經一舊舊，加上意粉整得唔入味，食落去簡直就冇咩味，另外其他配料可以講係分開嚟整，最後擺上去咁。兩者味道可以講係分開，未試過食過咁乾又冇咩味嘅意粉，唔知係呢間整得唔好，定係本身就係咁樣嘅。…Read More

雖然唔係經常嚟食，但呢間嘅麵真心覺得唔錯。已經都算比較早嚟到，都基本上坐滿人，個人覺得呢到嘅麵夠爽口，湯底都可以，除咗單點之外，仲有套餐選擇，可以根據個人喜好進行搭配，除咗麵之外，雞翼我都幾鐘意，有南乳嘅香味，表面炸過夠脆，整體食落唔算太熱氣，仲有飲品，薏米水唔會太甜，帶有些少姜味。整體性價比都算唔錯，出品速度都可以，不過店鋪就只收現金，呢點有少少唔係咁方便，畢竟依家有唔少支付方式，如果提供多d選擇會比較好。…Read More

已經唔係第一次嚟，店鋪唔大，位置唔多，所以人多嘅時候，一定要需要搭臺，如果遲咗就要等位喇。之前嚟係食鐵板扒，份量多，價錢中等，整體味道方面都唔錯，性價比高，不過就係環境一般般，所以睇你係食味道定環境喇。今次就食是日午餐，有主食外，仲有湯同飲品，一共先係34蚊，夠曬抵食，出品速度夠快，主食份量都唔少，可以選擇意粉或者飯，意粉煮得啱啱好，一塊雞扒有個碟嘅一半有多，雞肉都夠嫩，搭配翻個汁味道唔錯，性價比高。…Read More

網上見到評論呢間新開嘅餐廳主打手工魚麵，見到視頻推介都幾吸引下，所以就同朋友嚟試試。可能入到嘅時間都比較早，店鋪冇咩客。餐牌內嘅選擇唔算太多，有湯麵同拌麵選擇，魚麵有兩種，可以根據個人喜好選擇。兩個人點咗兩個唔同嘅湯麵，選擇兩種唔同嘅魚麵，打算對比下有咩唔同。每份麵都會搭配前菜，辣椒醬同四季茶一杯。前菜有梅漬車厘茄，味釀腐竹，車厘茄稍微少酸，腐竹比較淡，辣椒醬唔算太辣。和牛整體味道較淡，黑毛豬食落口感比較脆身，同埋唔算太肥，所以唔膩，搭配魚麵一齊食味道啱啱好，湯麵嘅湯底都唔錯，不過就唔算太濃。雪白魚麵口感比較脆，比較爽口，手工魚麵就煙煙韌韌，口感唔錯。…Read More

今期pizza hut推出嘅新款有兩種，有海鮮同雞肉，除咗可以單點之外，仲有套餐選擇。同朋友睇過之後都係要咗個二人套餐，選擇咗個千島黃金海鮮pizza，另外蜆肉湯都加咗酥皮。等咗10分鐘左右就慢慢一道道菜攞上嚟，個火腿沙律份量唔多，但芝士味夠重，個酥皮湯嘅酥皮就唔夠酥脆，稍微比較塌，pizza味道唔錯，芝士都夠多，焗飯嘅汁都算多，不過因為白飯口感唔夠硬身，食起身比較粘口，蜆肉焗薯蓉味道都唔錯，蜆肉都算多。…Read More

今次選擇中午時段過嚟食放題,提前一日打電話預約以防嚟到會冇位.當日中午12點嚟到,店鋪唔算太多人,未至於爆滿程度,中午除咗放題之外都可以係正常點餐嘅,而中午放題嘅用餐時間係12點至3點,其中2點半就會停止收單,但飲品同雪糕就唔受限制,中午同晚上嘅食物選擇冇咩太大唔錯,晚上就會多咗酒精飲品選擇.落單方面係寫紙仔嘅,今次都有留意到上餐嘅速度都OK,亦都冇出現漏單問題,不過可能都係因為中午時間人唔算太多,所以呢種情況唔會點出現,晚上就可能有D唔同.至於食物選擇方面都幾多下,每樣份量都唔會太多,所以點嘅時間自行斟酌,畢竟係放題所以都唔好太浪費食物.刺身都幾厚切,食材都幾新鮮,壽司品種都幾多,壽司嘅飯唔多,所以唔驚會食飯食飽,但個人覺得雪糕方面嘅選擇比較少,雖然每人都會有一杯Haagen-Dazs,但雪糕只有3種選擇相對比較可惜.但整體嚟講性價比都唔錯,同埋中午時段相對冇晚上食得甘趕.…Read More

晚上凌晨時分，同朋友係廟街附近搵食，其實唔算太餓，所以行咗一輪之後就諗住嚟呢到食個麵算。由於係凌晨時間，店入面都冇咩人，兩個人分別點咗一個牛雜麵同清湯牛腩麵，等咗5分鐘左右麵就上嚟喇。份量方面都算幾多，無論係牛雜或者係清湯牛腩嘅量都幾多，清湯牛腩味道唔錯，牛雜都幾好，麵夠爽口，湯底都算唔錯，另外後來再加多一個青菜，份量都ok，不過因為加耗油，所以稍微較鹹咗少少。但整體嘅味道都唔錯，價錢價錢方面都唔算太貴，性價比都幾好。…Read More

當天打電話預約都要成9點半，如果想約早d 就要提前。提早咗去到，可以等該時段入座後有位置可以提前入座。最後係9點前就可以入座。地方其實都算大，落單係用平板落，甘就唔使下下都叫服務員落單，可以節省時間。上菜速度都算快，可惜兩個人嘅臺太細，一下子點咗嘅野上黎都冇地方放。店鋪除咗係日式自助餐之外，增加咗海鮮燒烤，雖然海鮮選擇不算多，但貝類方面都唔錯，夠大隻。燒起身都算快。兩個人起送一份指定海鮮，日式選擇方面選擇都唔算太多，但基本上都夠，刺身每塊都係厚切，口感夠足。炸物都唔錯，飲料係自己攞，選擇都幾多。仲有幾款啤酒揀，雪糕就係雀巢，冇哈根達斯，有點失望。不過整體性價比都唔錯，如果鐘意海鮮同刺身嘅話就啱曬，可以同時有兩種選擇，聯繫多幾個人一齊去會仲好。…Read More