amy love eating's Profile

完全係俾個外表同餐牌呃晒！！叫左個咖哩雞腿金麵，嚟到個樣係好靚嫁！十足平時見果種泰北金麵！！一對筷子叉落去，搵吓舊雞，了嚟了去都得推麵，唔見雞，終於俾我了到舊雞….骨😅果下都開始覺得怪怪地，不過依然俾佢外表吸引左，唔理3721就試吓個湯再試吓啖麵先，點不知咸到不行，成羹鹽食落口咁款！😅之後我咪將啲麵夾晒去隻碟到避開啲湯底囉…當我夾開晒啲麵之後，清清楚楚見到得條雞骨同指甲咁大嘅肉！！！我就叫個侍應嚟幫幫手，佢拎走左我個麵話俾經理睇吓😅其實點解唔叫個經理行埋嚟？😅你拎住我碗麵行嚟行去做乜嘢？😅離遠見個經理係碗麵叉嚟叉去，轉頭就行埋嚟問我係咪想要多隻？😅我話唔係我想再多隻，係舊雞得條骨喎😅咁佢先話我叫廚房補俾你😅等左十分鐘隻雞髀都未有，咪催吓囉，個侍應話翻熱緊仲有3-4分鐘，好啦3-4分鐘後果然雞髀🍗係有嘅，不過未熱嫁😭😭😭😭😭原本都諗住算，點知食完嘅第二日我肚柯，於是就出現左呢篇負評！！！…Read More

天氣涼涼地，要打吓邊爐 😋經過旺角有新火鍋放題，好似幾吸引就試試佢啦入到去店員仲俾我地抽獎 好彩嘅可以半價食！我就冇乜運 但都抽中蔥餅一包今次揀咗level 3 可以任食海鮮 ，鐘意飲酒嘅朋友仲可以+$48 任飲台啤🤩🤩貪心嘅我叫咗鴛鴦湯底——- 醉雞&沙茶，見幾特別！餐廳一開始會拎一set肉嚟先，一般配料：蔬菜、丸，甜品同醬料可以係出面自己揀，仲有一大個雪櫃裝滿唔同飲品😍竟然有台灣人氣ocean bomb 黑糖珍奶好開心！而肉類、海鮮、麵同熟食都可以用qr code order。湯底嚟到已經聞到啲好濃嘅酒香味，非常吸引，個湯好快就滾..急不及待落啲牛肉試吓先，牛小排、牛肩胛意想不到咁出色！肉質嫩滑仲好有牛味！咁嘅價錢食到咁優質嘅肉，忍唔住要幫佢出個好評讚吓～而羊肉都好嫩，酥味較濃。沙茶湯底正常發揮。海鮮類花枝好味仲試咗佢個蝦卷，鹽酥雞同炸芋頭波波，係新鮮炸起，唔厚粉，都幾好食。總括嚟講係可以再幫襯…Read More

諗住好好地慶祝吓母親節，點知食到一肚火！book咗7點鐘，早咗15分鐘入座，叫咗湯、帶子、意粉、pizza、兩杯嘢飲….嘢飲本身都唔想叫嫁，係叫俾兩杯水都冇俾。個湯等咗15分鐘先有，諗住節日多人又新開就算數啦…個pizza同帶子足足催咗3次，第一次話幫我地入廚房跟跟，等咗10分鐘，見住隔離檯早過我哋入嚟都上咗pizza，咁咪搵第個侍應再問吓，跟住又等咗一陣，但pizza外賣又不斷出喎，淨係嚟咗個帶子；食到一半個帶子忍唔住第3次再催吓個pizza，同個侍應講未整就cancel，佢竟然話我哋第2次催嘅時候冇講到差pizza，好明顯佢聽唔清楚又冇check單，仲可以話係我哋冇講，責任仲卸返落個客到…？？？成個過程係等咗75分鐘而最後都食唔到個pizza，個侍應仲要問啲嘢齊晒未，仲好意思問？？？連飲品啲冰都融晒喇，催咗3次都仲可以問到齊未？冇帶個腦返工？臨尾仲好意思收service charge? Service在哪裡？冇下次，勸大家都唔洗去，反正又唔係特別好食，廢事你要晒時間坐低等又冇得食…Read More

食咗好幾次，完全keep到水準，忍唔住要入黎OpenRice 㩒個正評米米食主要做外賣，鋪位細細，炒飯即叫即炒，好食嘅嘢就點都要等一陣喇。原條饅魚炒飯就招牌菜，仲有櫻花蝦炒飯，食完絕對飽肚，絕對超值。米米食用既係珍珠米，煙韌有口感，饅魚切開一小舊，燒得好香。點解我話世界級？睇圖都明，通常啲饅魚炒飯又濕又油，呢個有燒汁甜甜咸咸嘅味之餘，份量落得啱啱好，最重要係炒得好均勻，燒汁剛好包住粒米，乾身得黎又唔會un住喉嚨，又唔會好濃味，蔥粒又切得幼細，我每不一啖飯都食到蔥香，感覺差唔多到飯焦，少少焦焦地嘅味，但啲飯又唔會好硬總之真係超好食！！！…Read More

💛堅持才有希望💛好多人以為食素唔飽，其實不然，只是心理作用。因為素菜食材都會包含晒人體應吸收既營養（主要碳水化合物、蛋白質和膳食纖維），今餐我食得超飽，超滿足 平日都冇為意有間咁靚餐廳係到，裝修好有童話Feel，色調柔和，小朋友見到開心，大人望見感到舒適。疫情關係，餐廳闊落好重要，我地被安排到卡位，自成一角。餐廳主打Fusion菜，東南亞、西式、日式，包羅萬有😍土匪腐皮卷（$68）上菜時已聞到陣陣孜然粉香味，外形似炸雞槌🍗。入面用左薄薄腐皮卷起一層層，做到雞髀肉咁，食起上嚟好有雞髀肉滑嫩既感覺，配上脆口既外皮，令我對腐皮另眼相看😝泰式煎如餅（$78）繼續係東南亞既菜色🤤🤤好有泰式魚餅既味道，煎得香口，裡面其實係麵筋，有平時魚餅彈牙既口感，但薄身一啲，再沾少少泰式辣醬，頓然忘記左自己係食緊素🤣雪菜毛豆百合燴百頁（$118）呢個平時上海菜鋪都有得食，較為清淡既菜色。不過口感相當good good👍百頁係豆類製品黎，百合同百頁都偏淋，配上菇既煙靭同雪菜既爽口，好正！唯一就係似乎忘記咗落毛豆😂😂成碟餸個賣相唔多掂擔擔麵（$58）食麵湯底好重要！雖然佢冇其他配菜，但湯底好香花生味，唔會好辣，又甜甜地咁，而且麵底相當滑，好食😋焗蘋果穌盒（$58）個甜品好有驚喜，超好食！！賣相high class佢用咗超薄既穌皮一塊塊包住蘋果，相比平時食既apple crumble輕身好多，咸咸地脆卜卜，配上熱辣辣既蘋果粒，再加埋啲cream一齊食，簡直係享受！！好正武肺當道，補肺不容忽視，餐廳奉送每人一碗潤肺糖水，雖然免費，但落足料！絕不馬虎，有良心之餘，食物質素都極佳！！…Read More

呢間係荃灣Baba's station分店，巴巴站經常大排長龍，所以就轉去呢間試試。環境比荃灣闊落好多，有室內、室外之分。而且人流相對少，始終佢唔近市區、地鐵，係條村入面、炮台側。疫情底下，寧願行遠少少，空氣清新D既地方進餐。Baba's station我都食過幾次，比較之下東涌呢間質素仲高D，味道濃郁，同新鮮滾熱辣黎到印度餐廳幾樣野係必叫的:咖喱、Kebab、Samosa、naan，Lassi印度羊肉Kebab roll ($82)kebab係阿拉伯文，就係將俺好左既肉放係垂直肉串架到烤熟，再用好薄既捲餅包住，入面夾d生菜蕃茄咁。有D餐廳就會配上一枝枝沙律醬、辣醬、薄荷醬，唧係餡料上面。呢間餐廳就食原汁原味，羊肉完全唔會蘇，多汁，加埋生菜食，中和左肉類既膩白咖喱雞($85)雖然餐廳推介既係Butter chicken (味道係酸酸地的)，但個人鐘意再CREAMY D，白咖喱用腰果整成，所以特別香口，本身雞難入味，配咖喱就最好不過，雞做得好嫩滑NAAN ($19)唔可以浪費左兜白咖喱嫁，於是就要叫下烤餅點黎食。原味配係最完美的! NAAN比相像中大塊，而且仲係即叫即做，熱辣辣，非常軟熟!!印式燒雞件薄餅 ($88)第一次食印度既pizza，原來係咁好食嫁!!!餅底即搓即烤，薄薄地，餅邊好脆，中間軟熟，d餡超足料，多到拎起塊pizza時太重，d料想跌落黎，雞肉又焗得好，加埋芝士好惹味!!Samosa ($30)咖喱角大大隻，又係剛炸好，外皮金黃香脆，入面有薯仔、洋蔥、碗豆，好有口感Lassi ($28)必叫飲品!!!!! 有甜有咸有加芒果既，香港人較喜歡加芒果，冇咁寡，香口D。我就一定叫甜LASSI!!! 其實就係乳酪飲品，比平時街買既杰身D，飲完會超飽，不過係幫助消化嫁，因為印度菜香料重，需要中和返先對腸胃好!!💛堅持才有希望💛…Read More

專程去一D無被大力追棒既餐廳疫情底下，人人都怕感染，大家選擇外賣回家，黎叫外賣既街坊無停過，而我唔係住附近，所以選擇左堂食。一家小店，老闆娘親切，餐廳仲提供左搓手液同濕紙巾俾客人使用。我中午來到，逢點主食可免費配餐湯/飲品/沙律，我揀左沙律，細細杯開胃菜。韓式辣手撕雞漢堡+薯條 ($59)為左食得方便D，要求左切開一半。個漢堡超高，漲卜卜咁，入面D餡就快要瀉出黎，見到都忍唔住要即刻試下！最面頭一塊芝士、跟住手撕雞、紫洋蔥、蕃茄、生菜，層層分明，份量配合適中，夾係烘得香口既芝麻漢堡包裡面，成啖咬落去，JUICY得黎又唔係濕淋淋果種，手撕雞調味甜甜辣辣咁，仲有D蔬菜咬落索索聲，要一口接一口，超好食！雖然薯條係配菜而已，但絕無馬虎！新鮮炸起，熱辣辣、脆卜卜，仲灑左D味粉係上面，再點埋沙律醬，真心滿足 !6"煙三文魚黑竹碳薄餅 ($65)第一次食黑色既PIZZA，型之餘仲會令到配料更特出，賣相好得！其實竹碳係得個色，食落個味道就冇咩分別，個餅薄薄地，偏乾身，都幾脆。三文魚好大塊，連埋芝士，正墨西哥餡餅配牛油果醬($38)餡餅其實就冇咩特別，入面夾左D茄醬咁，重點係個牛油果醬，辣辣地，帶D酸，點一PAT係個餡餅到，成件事即刻變得好好味，話咁快食晒!!!平時用呢個價錢絕對食唔到咁好既質素，雖然位置唔算好方便，但我都會再去幫襯堅持才有希望…Read More

本人好鐘意食中東菜，所有醬汁、香料都好吸引到我，有日中午行過見到餐廳裝修得好中東風，充滿pattern既布塊，慣用既瓷磚牆，令我不其然停低左望，原來係食波斯菜，見幾得意就決定入去支持下其實睇餐牌都係大概知咩，我主要係睇圖片吸引左而叫。果兩條肉串分別係羊同雞，平時食土耳其菜啲烤肉都比較乾，但佢又唔會喎，食落好juicy，免治肉質地，香料味唔算勁，一般香港人都會接受到。由於兩串肉食起黎會比較膩，側面切到靚靚既蔬菜就可以中和返了！青瓜，沙律菜同蕃茄都好新鮮，再點啲yogurt醬，非常好食！中東菜好鐘意用yogurt做材料，因為平時食啲野重口味，食啲yogurt就可以幫助清腸胃。呢個係青瓜乳酪，凍食的，味道酸酸地，真係可以消除肥膩，唔會食到好濟。寫呢篇食評都係希望佢可以長做長有，將唔同國家食物帶到香港唔同人既口中，嘗試下新事物都係長知識既必要條件！…Read More

好耐冇去過一間餐廳性價比咁高(無論環境、食物、員工態度、價錢）餐廳設有網站可以book定位先（https://steakwithyou.com/），版面清晰易用！如果去到多人就要攞飛慢慢等了由於我地去果日係假期廢事有排等，所以一早就book定位，去到門口果然好多人等緊，但我地可以直接入去坐低。店員遞上餐牌，介紹餐廳所選牛既部位：flat iron，肉質相對嫩滑。然後又續一介紹每款既特色，各自用左啲咩香料調製。size一般就8oz ，都夠食其實。我地最後選擇左香草同黑桃，慕求可以試下唔同味。同埋加左$48轉餐，就有湯同沙律。個湯係磨菇忌廉湯，非常濃郁，唔會稀浪浪咁，沙律菜加藜麥之外仲有啲蟹肉，食落個感覺係新鮮既！順帶一提，都係餐廳主要賣點，等緊食既期間，店員就會拎一盤薯條出黎夾俾你，薯條係任食的，你唔洗主動叫，店員見你差唔多食完就會問你要唔要，基本上薯條個碟是常滿的個薯條🍟熱辣辣，幼身，仲有啲松露味，我refill左4次Herbly Flat Iron ($150)牛選了medium，上菜時已切開，見到好粉嫩，望落好juicy，食得到陣陣既香草味，再配合埋粒粒蒜頭同灑左係碟邊既鹽，有多重味道而又帶出到本身舊牛既甜。Black Jack Flat Iron ($238)我諗呢碟貴在個汁，店員介紹時話係用左少少咖啡去調，再加啲蜜糖，味道唔會好苦。唔知個牛面係咪有咖啡包住，所以顯得好黑，燶燶地咁，呢個都係推介medium 。其實食落又冇燶味既，不過相比香草，的確係有些少苦，側邊舊桃就用得著了！夾埋一齊食，甜甜地，完全可以中和返個牛肉既苦。唔知點解呢塊牛冇咁濃牛味，有點可惜。飲品方面餐廳係有酒飲的，紅酒白酒同cocktail ，不過得一款：Mojito （有分cocktail/mocktail)，為左清新啲，我就揀左mojito 有酒精果隻，幾足料丫，薄荷同青檸都岩岩好。Ps1:餐廳每一個店員都非常有禮貌但又唔會chur住晒Ps2:餐廳入面唔會一大陣油煙味 食完唔會臭住咁走Ps3:連個廁所都乾淨過人食得好舒服，飽住走…Read More

Cheesecake factory已經開左一段時間，平日6點幾黎到都仲要等位等成個鐘...同朋友一場黎到，大家都好想食咁唯有等下啦。入面路又闊座位又闊，坐得好舒服，而且燈光暗暗地有幾分情調。餐廳免費提供麵包俾客人，一款普通軟法包一款黑糖包，再配碟牛油，係非常好食！暖暖地，外面脆裡面軟熟，咬落煙煙unun，特別係黑糖果隻，甜甜地，未落單已經食晒。朋友好鐘意食carbonara，所以係必叫，跟住我地揀多個burger食...順便再添麵包。店員話食物份量好大，burger係出面既double，建議我地唔好再添包😂但我地堅持要食，佢都冇我地乎carbonara ($168)美國野真係大大碟，呢個絕對係4人份量。面頭既cheese係需要同waiter request，佢會拎舊芝士出黎磨俾你，多啲少啲同佢講就得。個friend講到咁好食，我急不及待要試下，個汁比平時食既更加creamy，煙肉亦比平時既多，加埋面頭啲cheese，味道濃郁香口好多。鐘意重口味一定會覺得呢到好食BBQ Burger ($158)佢個size又冇waiter講到咁誇張，都係同平時食burger既地方差唔多（當然同m記冇得比）。呢款係beacon、洋蔥餡，配bbq醬。洋蔥切得好幼，炸粉好多，加埋底下既車打芝士，包又油油地...好漏呀，薯條又超多，share食都食唔晒Red Velvet Cheesecake ($80)無論幾飽都好，一場黎到點都要叫返個cheesecake食下😂呢個除左顏值高之餘，中間夾住啲海綿蛋糕，感覺冇咁漏😂事實上...超級漏。cheese既質感非常rich，側邊有啲白朱古力襯托，同平時食開既芝士蛋糕真係好唔同！頂得順甜既值得一試！呢餐飯叫既野唔多，但飽左成晚...…Read More

係OPENRICE隨意搵到呢間就同朋友去DINNER，之前去過一次但冇開到，今日可以試試佢了。可能我地去既時候仲早，18:30到，所以入座時唔算多人。CAFE環境幾闊落企理，而且每張檯既座位下面有一個布箱俾客人放袋，坐得舒服。落單模式係揀完要咩就自己去Cashier落柯打，落單前要記住自己檯號。香辣蕃茄汁墨魚腸意粉 ($108)呢個蕃茄汁唔會太酸，濃杰度剛剛好，唔會濕淋淋咁，帶少少辣，意粉軟硬度都適中。最重點就係墨魚腸了，非常好食，有D似墨魚丸，彈牙既，但表面會有層皮咁脆脆地。我同朋友都話想齋叫碟腸食蟹肉龍蝦包 ($158)食緊意粉既時候呢個包先黎，所以就攤左一陣先食。雖然如此，個包都仲脆脆地，入面好軟熟，D料幾足，面頭仲放左少少蟹子，總之每咬一口都會食到蟹肉同龍蝦，算鮮味的。薯條應該即炸，熱辣辣。至於果棵菜....冇食到髒髒珍珠鮮奶($43)朋友話黎到唔需要諗，一定係揀呢個飲，賣相唔錯。不過我唔太食珍珠所以冇試到，佢就話幾好味，因為面頭果D係朱古力粉，飲落唔算太甜。原味忌廉梳夫厘($88)梳夫厘係後加的，就咁睇已經覺得佢好SOFT，連最底果層都紮BIN左...我地淋晒D HONEY落去，甜甜地，個質地的而且確好鬆軟，但又唔係食風咁，口感好好。P.S.唔知CAFE係咪有限時呢，店員埋黎執檯果時同我地講時間差唔多，但明明附近都仲有空檯…Read More

放假同朋友去尖沙咀食下TEA，首選就係Dazzling Cafe，坐得舒服之餘野食又好味。可能我地晏左，唔洗等位就入得，仲可以坐係窗口位附近，望住清真寺附近成群白鴿好好FEEL。朋友話黎到一定要食Waffle仲一定要加麻糬，唔洗諗。我地驚唔夠就叫多左個意粉啦。黑松露意大利麵（＄１１８）賣相實在麻麻，唔知係咪侍應傳菜時太心急D意粉側埋左去一邊，汁好夠多，底下果到浸住晒。黑松露味非常濃，意粉軟度適中，正正常常啦，太難有伏。不過黑松露多得濟，食完D黑色痴晒係牙到士多啤梨麻糬Ｗaffle （＄９５＋＄１５）個Waffle好靚好Fancy，影左一輪相先捨得食，搞到個士多啤梨味雪糕都融融地。Waffle個Size幾大，兩人SHARE就岩岩好，佢配有Honey、士多啤梨醬同煉奶。我就最鐘意士多啤梨醬，其他太甜。Waffle真係好好食，焗得岩岩好，出面脆脆地，最主要係我地加左麻糬，咬落去煙煙UN UN咁，正！Hot Latte － Single（＄４５）每天一杯咖啡是必要的，可能叫左ＳＩＮＧＬＥ既關係，咖啡味好淡。不過側邊塊餅幾好食。水果茶壺水果茶都幾足料，幾多生果，酸酸甜甜咁，中和返意粉既膩。…Read More

朋友同我都好鐘意去啲新奇有趣既地方，今日相約左中環食晚飯見呢間幾得意就book左，平時夜晚經過都幾多人去。原來佢有分上下層，我地坐左上層，裝修得好懷舊，似以前啲茶餐廳咁，無論燈飾、一檯一凳、佈置都充滿香港地道特色，幾岩遊客黎...至於香港人就不了，用咁既價錢食我寧願去返真正既茶餐廳，因為正宗，呢到玩味濃，係fusion 睇佢個餐牌見到啲名會笑，啲食字玩得好，不過有時落order少不免有啲尷尬😂研究左餐牌一大輪，我地就各先叫左杯cocktail、兩個big plate耍太極（$128）杯酒比我想像稀，味道甜甜苦苦，酒精濃度一般，好易入口。不過唔明點解叫耍太極嘆茶（$128）杯酒真係用茶杯裝住好得意，酒味濃過耍太極，偏酸，但都飲到少少茶味，幾特別。李小龍蝦（＄２０８）除左小龍蝦之外，仲會配左饅頭。店員介紹白色果兜Mousse係用煉奶打成，筆起一匙羹既Mousse就夠搽係個饅頭到，咁樣食法煉奶唔會太甜，入口即融化既感覺唔會黏黏膩膩，加上饅頭焗得外脆裡面軟林林，口感非常好。至於個小龍蝦，SIZE真係幾少，餐廳會幫你起埋肉，就係殼上既一小片，反轉個殼係乜都冇的，唔知點解咁既擺位會覺得有D唔衛生龍蝦用黑椒汁整，但一D都唔辣，亦都冇搶左龍蝦既鮮味，龍蝦都新鮮，不過不失啦。“李好味”炒飯（＄２０８）烏卒卒炒飯（＄１８８）開初只係叫左個李好味炒飯，D飯粒粒分明，夠乾身，食落香口，有蟹肉、帶子，都係好新鮮，愈食愈開胃，搞到忍唔住要叫多個食。烏卒卒就冇李好味咁多配料，主要係盧荀同面頭既玉子豆腐，雖然豆腐有煎香，但始終比較淡味，所以個飯用左黑松露去炒，味道就剛好中和返。都係鐘意李好味多D。食完飽到痴左線，所有食物都係好食既，但價錢就真係貴左DD…Read More

放假朋友提議去cafe食野傾下計，佢話呢間試過幾好食。點零鐘去到已經坐爆晒，我地坐左係門口梳化位，本來梳化位係好舒服，不過坐正門口既關係，度門經常開關，時不時就好大風。由於我遲到，朋友已經食飽左😂只好介紹我食過既野啦。Benedict egg、牛油果、煙三文係我favourite，一睇到餐牌有款dish有齊晒咁多樣野，唔洗諗，肯定會揀佢。($96)今日唔想飲咖啡，於是叫左杯薄荷朱古力（$40）「好似叫野食飲品可以-$10」朱古力拉埋花，好靚，而且飲落都好濃，算杰身，又未到苦既地步，不過絕對唔會好甜。杯朱古力只係暖暖地，偏凍...唔知係咪啲奶冇坐熱先沖。同埋薄荷味得好少，如果落多啲，冰涼感再重啲，成杯野就perfect了！Benedict蛋個擺盤好樣衰😂果堆雜草好淩亂，望落啲菜又唔係太新鮮，個汁都麻麻地，應該落左啲醋，平時鐘意食沙律菜既我食左兩啖就冇食至於個Benedict，牛油果又係切得不太美觀，而且唔多，如果鋪滿晒個包就好喇。個包底有烘過，脆脆地好香，煙三文魚都唔算太咸，撈埋食岩岩好。面頭水波蛋整得好靚，切開中間蛋黃汁流晒出黎，而且荷蘭醬撈得非常出色！夠杰，夠味，有少少酸、同咸咸地，值得一讚！原來呢間cafe限時兩小時，我地都坐超過兩個鐘，不過到tea time 時段人流多左，開始有人排隊，所以侍應都提醒我地過左鐘要埋單。…Read More

豪大大開左咁多年，佢啲雞扒我一次都冇食過😂但芋圓食左幾十次。當年芋圓未係好流行佢已經賣緊，果時冇得比較，唔知叫唔叫好，但我食左一次就愛上左。到之後專賣芋圓既食店有，糖水鋪都開始賣芋圓，但冇一間吸引到我，啲芋圓唔係太硬就太軟，一係就得果三兩粒，再唔係好貴，唔得。呢個係八寶仙草芋圓奶凍，都係大概30蚊。佢既份量可以當一餐！芋圓好煙un，仙草甜甜地好滑，又唔會一篤就散晒，啲豆豆又煲得好淋，加埋牛奶底，食到令人好滿足！呢兜野係我唯一一款甜品成日心思思想食，希望佢長做長有😭😭…Read More