和講筆's Profile

今晚和好友衝上雲宵！香港101頂樓「Odyssée」，電梯門一開就feel到整層的氣派感。餐廳低調不失奢華、柔和燈光瞬間進入放鬆mode。服務生親切地帶位，order了6個 course set一陣，精緻Amuse Bouche就上桌了，小小一口卻層次豐富，瞬間打開味蕾。接著Burrata Cheese讓我這個起司控徹底淪陷，creamy 質地搭配無花果和榛果，甜咸交織，口感一流。朋友大讚法國洋蔥湯濃郁得恰到好處，搭配布里歐餅干，每一口都是幸福。一道藍龍蝦絕對是今晚亮點。龍蝦肉彈牙鮮甜，搭配的濃湯把鮮味襯托出來。Threadfin馬友魚的肉質細膩，搭配魚湯和蛤蜊口感濃厚帶甜。主菜的美國頂級牛柳火候完美，切開是誘人粉紅，搭配慢煮牛尾和蔬菜，肉食愛好者的我表示滿足。Soufflé壓軸甜品更是驚喜，草莓酸甜清新，為這頓大餐畫下完美句點。服務全程貼心但不打擾，服務員對每道菜都瞭如指掌，解釋得清楚明白。這餐飯不只填飽肚子，更像是一場味覺旅行，有時工作辛苦最好就係找個地方好好獎勵自己。…Read More

這間位於尖東海旁對面馬路的餐廳，視野開揚，餐廳有戶外和室內，不過我們一到步有點下雨，所以不坐外面，而內面的環境，燈光柔和，很適合聚一聚傾下偈。Emerald Pandan CoolerGolden sunset Fizz兩杯飲品透心涼，一杯帶點班蘭味道比較柔和，另一杯七大有熱情果比較清爽，各有特色。Chicken Malaysian Satay雖然都是串燒，卻有自己嘅獨有口感，肉較韌，點一些串燒花生醬，再配搭一些青瓜及菠蘿，幾醒神。Deep Fried Prawn Basket 蝦大大件，炸得夠爽脆，點醬口感更有層次。Pad See Ew泰式炒河，河粉不是平時食開的一條一條，而是將河粉炒得比較碎，所以不需要用筷子夾起，用匙羹就能食到，口感方面，炒得要不似港式的河粉，口味鹹甜比例方面比較偏向甜，是另一種風味。Kangkong Belacan炒通菜，炒得香口。Durian Sticky Rice & Coconut S：榴槤椰子雪糕糯米飯，最滿意的食物，榴槤飄香，配搭椰子給糯米飯都是很好的組合。…Read More

生日相約朋友晚飯慶祝生日，位於尖沙咀The One19樓的這間餐廳，不論是內部的寬敞樓底，通過一倉一倉的通透玻璃盡覽維港景色，或者到露台感受清新空氣，心曠神怡！《法國藍龍蝦他他配鵝肝脆雞皮、醃製蛋黃及生蠔葉》外表看似簡融合了不同的食材及醬料配搭，鵝肝雞皮口感爽脆，連同龍蝦他他一齊食有多種層次。《日本帝王蟹蛋泡沫配24個月法國康蒂芝士脆片及海膽》擺盤精美，是一道不僅藝術品，用脆片簪上皇帝蛋泡沫，口感有多番層次，味蕾超越想像。《荔枝車厘茄凍湯配西班牙紅蝦及酸甜西瓜皮》荔枝清甜，加埋西瓜清爽，配埋紅蝦肉的爽嫩，頗為有心思。《龍蝦配香酥脆皮、魚子醬及清酒忌廉汁》龍蝦肉身爽脆，加上魚子醬的鹹香味，再配搭埋忌廉汁，又是另外一度口感層次豐富的菜。《熟成雞胸肉卷配龍蝦汁脆炸雞肝及菊芋蓉》雞胸加上龍蝦汁的配搭幾新鮮，沒有違和感，雞肉卷肉質嫩滑，雞肝脆口，唔錯。《腐皮法式千層配豆腐忌廉芝士桂花茶》腐皮脆口，千層酥皮亦是脆口，配上豆腐芝士，出奇地好味，加上桂花茶雪糕，一冷一暖混合來吃，有驚喜。整體來說，環境攞滿分，食物有很多創意，服務亦佳，是不錯的體驗！…Read More

大部分海鮮檔或酒家吃的海鮮都是養殖的，口感始終不及野生捕獲，所以十分難找到。今天朋友相約此飯店晚飯，地點有點隔涉，不過入到去有不少食客，證明食物品質有一定保證。朋友說之前來吃過感覺不錯，所以約我再來encore。我們叫了兩個海鮮套餐，港幣449元一位，有十道菜，包括鮑魚、鰻魚、琵琶龍蝦等，服務員端來海鮮材料，然後逐樣逐樣放在蒸鍋個海鮮都有不同的蒸焗時間，蒸爐可以設定時間，一夠鐘就會響，咁就唔怕錯過。每個海鮮都很鮮味，基本不用再點醬汁，當中我覺得野生琵琶龍蝦十分特別，首先其外貌不揚，而且也不怎麼像平時吃的龍蝦，龍蝦的尺寸也不大隻，不過聽服務員解說，琵琶龍蝦活在深海當中，無法人工養殖，所以十分稀少，是罕見品種。口感方面，琵琶龍蝦的蝦膏軟糯，肉身爽嫰，雖然尺寸不大，卻可撩起一舊肉，吃得滋味。吃完所有海鮮後，還有一直在蒸鍋煮的粥，加入菜脯及葱，十分惹味。最後更有椰汁燕窩做甜品，圓滿一餐！；整體來說，用蒸來烹調的食物，可以吃到食材的鮮味，比起平時的打邊爐，更可以食到最自然的好味。…Read More

今晚和朋友在銅鑼灣問月酒店嘅《大宅》中菜廳晚宴，廳內裝潢優雅，尤其牆上放了一罌一罌的食材倍感古典風滿滿。叫了兩客晚餐套餐，共八道菜，每一道菜講求精緻美觀，前菜的「椒鹽溏心鮑魚角、脆銀魚乾、琥珀核桃」，各有鹹甜，個人來說每樣嘢都好味，鮑魚的煙韌，銀魚嘅脆口，加埋合桃嘅咬口，每個小食都有特色，前菜來說份量亦夠，食完便迎接下一道菜。「蟹黃銀針燴玉帶」，刺身級帶子，兩面輕輕煎一煎，再燴在蟹黃湯中，整個口感層次豐富，尤其帶子煙韌帶爽，所以好食嘢，一粒就夠，好過食十幾粒似等貨就唔好啦。「拔絲咕嚕肉」除咗有酸酸甜甜好開胃嘅咕嚕肉之外，還配有脆口嘅油條，加埋菠蘿及洋蔥等配料，是不錯的一道菜。「蝦子花膠濃雞湯.拌菜苗.手工拉麵」品嚐過幾道菜之後，如果個胃仲有空間，尾聲還有這個拉麵，面身幼細嫩滑，配上花膠濃湯，令麵更有味道。整個食餐體驗，除了舒適環境外更有質素不錯嘅食物，整體印象難忘。「蝦子花膠濃雞湯.拌菜苗.手工拉麵」品嚐過幾道菜之後，如果個胃仲有空間，尾聲還有這個拉麵，面身幼細嫩滑，配上花膠濃湯，令麵更有味道。…Read More

維園天后站附近嘅亨環天后24樓有間「宴•鐵板燒」，今晚就相約朋友到此晚膳，來到大廈搭的升降機是玻璃幕牆，可以由下而上望出風景。步入餐廳就見到一排嘅吧檯甚有氣勢，反而其他散枱就不是太多，每個座位都可以見到廚師烹調食物的情況，而我正前方的主要是看到廚師做冷盤、切魚生的情景，中央的位置就可以看到廚師用鐵板煮食的情景。餐廳提供唔同嘅套餐，豐儉由人，當然食材新鮮係最緊要，今次就揀咗特選和牛套餐，共11道菜。煮之前會先畀你望下將要煮的食材，童叟無欺。《自家製醬汁煮南非鮑魚》南非鮑魚煮到口感煙韌有序，肉唔唔會死實，食落去係知道鮑魚嚟嘅，唔會有啲煮到過咗龍食落去好似擦子膠咁，同埋佢嘅醬汁係幾好味，不過又好難用文字去形容，總之就係味，另外佢仲有個蘿蔔墊底，蘿蔔吸曬汁，食落夠juicy 。《金倉魚腩手巻》在餅乾上鋪滿滿金倉魚腩蓉，加埋其他醬料及紫蘇葉，一啖放在口中，多重口感充斥口腔。《季節刺身三點》刺身係食師傅嘅手工同埋刺身嘅新鮮程度，呢三款刺身都做足同好高分添。《海鮮茶碗蒸》呢度菜雞蛋蒸的時間掌握得好，夠嫩滑而不鞋口。《野生生猛龍蝦》終於到鐵板燒主角出場，原隻龍蝦我和朋友每人一邊，廚師先將龍蝦起肉先至放在鐵板烹調，擺盤同味道都一流，我先將碟龍蝦360度旋轉欣賞一下，然後再慢慢品嚐，龍蝦肉爽口，煮汁亦配搭得很好，好味。《香煎鵝肝伴自家製醬汁》鵝肝煎香之後放在多士上，放在口一起吃中和了鵝肝的油膩感。《日本宮崎和牛》和牛煎得熟成度合適，配搭蒜片、鹽、話梅絲都是不錯的選擇。《煙肉香蒜炒飯》廚師說煙肉並非一般煙肉很咸的口感，飯粒也層次分明，所以飽都食得曬，另外仲配了一個濃郁嘅熱湯，不錯。《炒雜菜》是日精選甜品係抺茶布丁做飽腹滿足，今晚鐵板燒宴食得很舒服和體驗很好，值得encore。…Read More

在大圍較地鐵站偏離一點點的位置有間居酒屋，地方不算大，但座位安排尚算舒適，讓人感到放鬆，有時我覺得反而呢啲比較偏少少嘅舖子有他們的特色，有不一樣的體驗。《太刀魚刺身》平時很少見這款刺身，所以叫來品嚐，這道刺身的魚肉爽口，油脂冇三文魚咁多，感受到新鮮海水味，啱清淡口味的人。《雞皮串燒》這道菜燒得香口，外脆內嫩，無疑是邪惡之作，一試難忘。《牛舌心串燒》牛舌心的部位口感特別，咬下去有一種彈牙的感覺，搭配燒烤的香味，實在不錯。《芝士酒盗》這道菜滿滿粒粒芝士，口感滑溜，如果搭配飲酒絕佳，一口接一口停不下來。《日式炒烏冬》炒烏冬的香味四溢，麵條炒得煙韌十足，份量也足夠，絕對值得點來分享，如果唔夠飽食呢碟嘢就實足夠。《汁煮牛舌》牛舌燉得淋搭配入味的蘿蔔，那個汁也很濃郁，啱哂濃郁口味嘅人。《魚生太卷》這款太卷用不同魚生配搭而成，口感層次豐富，絕對比一般配搭的太卷精彩。用餐接近尾聲時，注意到隔離桌點了一瓶大酒，還滿有儀式感地用錘子一擊蓋子，詢問服務員得知，店內不時會有一些隱藏菜單，這款叫做「月桂冠（一扑入魂）」的酒，特別適合一班朋友聚會時享用。講開又講，服務員仲特意帶我參觀了二樓的派對房，一眼見晒空間容納十位左右的朋友，並且現場提供卡拉OK，自成一閣，啱一班朋友聚會時可以唱歌、吃小食，氣氛非常開心。…Read More

銅鑼灣出名多食肆，除咗大街大行嘅地舖，仲有好多商業大廈嘅樓上食店。今日相約朋友去到 tower535食日式fusion菜，叫了一客二人套餐六百幾有足11款食品。另外亦用餐廳提供嘅打骰盒，用打骰來決定飲乜。一杯粉紅色櫻花心心眼，夠晒搶鏡。另一杯酒濃郁配搭梅子酸甜提升芳香甘醇，放粒大塊冰保持冰感。前菜芥辣八爪魚、炙燒北海道帆立貝同三文魚，個人鍾意八爪魚有又咬口，味道加入了芥辣更加惹味。串燒食得多，但當中嘅「溏心蛋豚肉卷」印象未食過，溏心蛋嘅流質口感配搭醬汁豚肉係一個有趣嘅配搭，食落幾好味，印象唔錯。另外一款「明太子山藥」淮山爽爽地幾特別。「甜甜辣辣炸雞」，有點似韓式炸雞，外皮鬆脆，加埋甜辣醬汁，一件吃了有一件，停不了口。唐揚炸豆腐，簡單得嚟味道又唔錯，外皮唔算太脆，融合蘿蔔蓉口感有幾特別。「牛油果忌廉芝士」太卷，你個配搭又係另一驚喜之作，牛油果和忌廉本身都係creamy，組合來吃口感特別。「壽喜燒牛肉」太卷，相對上是常見食材，牛肉燒得幾香有少少肉汁，令太卷冇咁乾，好吃。甜品係吉士鯛魚燒配綠茶雪糕，即叫即做所以還熱哄哄，連雪糕一起吃一熱一凍，好食。晚餐體驗佳，價錢亦有較高性價比，所以整體感覺也不錯！…Read More

今晚來到國際金融中心商場的唐述品嚐中菜。入去坐之前要經過長長走廊，每踏前一步都有所期待，兩旁牆身中國風圖案盡顯特色，入到大廳內並不是一貫中菜廳的燈火通明，反而像西餐廳燈光柔和凝聚了輕鬆舒服的氣氛，確實是與眾不同。《世味人生》九道菜，首來「慢煮泡椒聖子皇」：這個碟是特別製造的，將乾冰藏在碟內，乾冰的煙從碟上的孔走出來製造的煙霧瀰漫效果很好，十分像仙境一樣。聖子經過慢煮肉質淋而不韌，泡椒微辣更加惹味。珍寶珠：外貌似珍寶珠，含在口中是一粒冰球，味道有人參味，碗上有豆蓉是點來，可以當作小食。「金腿雪燕甜豆芙蓉羹」：這碗湯羹清淡卻又口感豐富，雅俗共賞。煙霧瀰漫的還有這個鮮蠔屈雞煲，最欣賞是加上了酒，更惹味，畫龍點睛。「脆皮海參鵝掌」：最特別是海參的外皮是脆的，與傳統用炆煮方式相比，簡直到轉了我的思想。另外鵝掌和冬菇炆得很淋，芡汁亦很惹味。前菜輕食細嚐 ，有蕃茄、淮山、花甲，不同煮法烹調，各有特色。用花膠、鮮菌同栗子煮的飯，幾口實，因為用咗炆的方式，便沒有了炒的鑊氣，反而有種暖糯口感。整體每一個菜都有其獨特之處，對於《世味人生》我覺得並不是說從菜餚中嚐到人生甜酸苦辣，反而重點是用「時間」去品嚐菜餚，不要像吃快餐般求求其其食一餐，有時都要放下腳步，放多點時間在世美食物之餘才可說是品味人生。…Read More

兆萬廣場是美食天堂，各層都有不同主題放題，今次約朋友去了廣場9樓的極上帝王水產，一入到去人頭湧湧，我們被安排到一個四座位的枱。就坐一刻戰鬥格即時提升，急不及待用手機掃描qr code睇下有乜嘢食，基本上以往有得食嘅亦都會一直有提供，大胃王挑戰一觸即發！先來龍頭刺身船，盛載各樣刺身，乾冰營造出來的煙霧是排場效果，刺身之中赤蝦尺寸長度好比手指！似乎係幾重本，食落口感唔錯，幾新鮮。除咗可以叫一些煮熟的食物外，更可以用燒烤或叫火鍋，原來放題形式越來越多樣化。所以我叫了一些牛肉，除了已經煮熟嘅一口牛，仲可以叫生牛肉來燒，然後又可以將生牛肉放在鍋裏煮熟，一牛多食，可以享受不同食法的口感層次。特別一講，喺佢哋嘅社交平台點讚就可以獲得häagen-dazs或者係Movenpick雪糕一杯。簡單講，放題就係要放鬆心情，食得盡情，尤其是一大班人最好用「放題」唔使就住就住，開懷暢食一番最開心！…Read More

有時私房菜唔係開到大街大巷，而喺開在一些大廈樓上，所以都會有機會走漏眼「得寶軒」私房菜就在灣仔聯發大廈1樓，入到去面積不算大，散枱幾張，也有三間包房，裝修不過不失尚算企理。坐的時候是晚上八點，客人比較多。《太白海蝦拼脆炸饅頭》之前我未食過用酒糟煮法，酒糟半帶甜的淋在蝦身上，蝦夠大隻，肉爽而不韌，另外，用脆炸饅頭點些酒糟來食，甜甜哋與饅頭幾夾。《白飯魚南瓜蒸肉餅》白飯魚鹹鹹地滲在肉餅上更加香，南瓜就有中和肉餅的油膩感，配搭得宜，有呢個餸就要伴飯食先和味，撈埋汁仲可以食多幾碗飯添。《蘆筍水果炒斑塊》每舊斑塊份量十足，伴著蘆筍、蜜瓜、配菜一齊炒，很夠鑊氣，魚肉腍身口感不錯，其他配菜亦炒得香口。《雪梨豬展燉湯》清甜不膩，夠晒滋潤。三餸加一個燉湯，兩個人食剛剛好，整體嚟講，每個餸的味道也不錯，服務態度也親切，食飽飽就滿足了。…Read More

「三才」本身在寶琳外賣火煱丸類、魚片出名，近來發現開埋粉麵店，地點就係佢哋而家舖頭嘅附近，雖然有點隱蔽，但一眾為食友又點會唔知，就好似我咁見到就即刻入去食。舖頭係冇乜裝修，但就空間大而且整潔，坐得一啲都唔侷促。我叫了牛雜拼雲吞河粉，牛雜入味，雲吞爽口，牛腩汁唔會好濃恰到好處。芥蘭17蚊一碟，用個碗裝都幾大碗，份量ok！泰式鳳爪~比較少見粉麵店有這類小食，所以就嗌了一份，鳳爪無骨夠入味，酸酸甜甜好醒神，我自己一個人食，食下一隻食下又一隻，不知不覺就清了。值得一提係佢哋嘅辣椒油，用咗指天椒同埋炸蒜蓉，遠遠都聞到辣油香，點會唔流口水。而我最鍾意嘅食法就係落辣椒油再加醋，刺激得嚟又惹味。…Read More

踏入11月，天氣稍為下降，可以食返啲熱辣辣嘅食物暖身，除咗打邊爐之外就係食燒肉，今晚就決定同朋友去呢間燒肉店食燒肉。西塔路太太呢間係大陸人氣排隊燒肉店，內地主要係用傳統炭爐甚有風味，不過香港只用返一般嘅電爐係有點可惜，不過佢另一個賣點係啲醬料同埋肉類都係唔錯，肉類都多選擇，就好似特色肥牛和特色瘦牛，肥牛會有多少少油脂所以口感冇咁乾身，已瘦牛則已爽口為主，兩種口感都各有特色。可以單點或者叫套餐悉隨專便。我們叫了食物後，服務員隨後遞上自家製的東北特色芝麻醬，加入醬油、蔥花等攪勻，蘸上牛肉一齊食，有種似花生醬與芝麻之間的口感，比平時只係點豉油來得更加特別。厚切五花肉幾好食，因為又有肉和脂肪各佔一定嘅比例，呢種平衡嘅口感好有咬口。至於另外一樣牛五花烤扇貝，將肉和扇貝一起烤，混和來一起吃，多重口感層次都唔同。整體食物不俗，服務亦到位，不錯。…Read More

“Deep Sea Oyster and Steak” 聽個名就聯想到專食生蠔同埋鋸扒，趁著朋友生日，就約到這家餐廳慶祝。餐廳唔算大，亦唔係什麼高規格裝修，係一般嘅西餐廳格局，反而燈光昏暗有情調，氣氛寧靜適合傾計。menu上頭幾頁係一啲套餐介紹，之後就係單點類別，一目了然。最特別呢度唔係淨係食扒，仲有日式嘢食，就好似呢一份刺身拼盤，有三文魚、蝦、貝類等等，西日合璧，刺身方面都幾新鮮。來到這間就一定要叫生蠔來品嚐，望落去夠大隻，食落夠juicy。美國安格斯牛扒份量足食落有咬口而冇渣，不錯。多士鵝肝，鵝肝油脂不會太多，剛剛好，食落就唔會好滯，加埋塊多士中和油份就啱啱好。三文魚頭味噌湯，有海帶、魚頭、大蔥、蘿蔔、腐皮，夠晒足料，又唔會太鹹，幾好。紅桑莓紐約芝士蛋糕，香濃芝士味配搭紅桑莓口感豐富，一件兩個人分啱啱好，就唔會太飽。今晚呢一餐食物加環境都是不錯的體驗。…Read More

8月去了一趟日本旅行食盡日本嘢，返到香港至今不時諗起仍然津津有味，所以趁住朋友約食飯都特別搵一間日式餐廳。中環擺花街與威靈頓交界嘅《海言どんぶり専門店》是一家魚生飯專門店，門面一塊白色布盡現和風感。店鋪要行落一層，入到去一眼見晒座位唔多，聽朋友話中午好容易成日滿座，不過我覺得反而對食客都好，咁先唔會因人太多而影響到食物嘅質素。Menu上嘅食物選擇很清晰，主力是各類食材的魚生飯。首選了《海言廚師發辦魚生飯(特上)》由廚師發辦總帶著盼望，見到鋪滿嘅刺身食材也為之雀躍地，吞拿、拖羅、海膽、魚子、鯛魚等等十多樣，刀工精緻，望落很豐富又顏色繽紛，外觀滿分啱晒打卡，而味道方面，食得到食材魚鮮，每一件真係要好好細嚐。成碗飯嘅比例基本上是魚生七成飯三成，不過嫌飯唔夠可以再添，醋飯帶出淡淡酷香幾好味，所以我就添了一碗，配上豉油也美味。《江戶前散壽司》從網上找到的資訊，江戶前壽司所強調的是壽司料經過醬油、鹽、醋來醃製，甚至是以炙燒、烘烤等手法調理並搭配褐色漬飯嘅特式，直接食而不需再沾醬油。而眼前這個以傳統長形盒盛著各類刺身一樣咁精彩，除了有新鮮刺身外，同時加入傳統食材好似腐皮、玉子、牛蒡漬物等等，再加上有經混入昆布漬飯，特別口感從中感受頗富地道色彩美食。套餐有沙律、蒸蛋同湯，夠晒飽。8月日本旅行至今相隔個多月，終於食番呢餐一解鮮魚刺身之念，食完又計劃下次嘅日本之旅。…Read More