killerben's Profile

入到呢間野,已感覺到十分唔掂!服務粗聲粗氣,國語流俐,粵語話音不正。埋到枱,櫈上有飯不特止,地下兩塊扒,差D跣Q死!點左野,黎到問九次係唔係你嘅先放低。少話凍0茶甜到阿媽唔認得。進餐途中,職員同另一食客因搬枱起爭執,食客即時嗌見老細,當然不得要逞,食客即時嗌埋單,大力放低張單喺柜枱。呢間野可一不可再!…Read More

今日1300入黎食晏。一個人搭枱無問題。坐對面位先生㩒緊手機。看似坐左一段時間，仲以為佢食左hea緊。等左大約5至10分鐘，我叫嘅煎蛋免治牛肉飯到嘅時候，呢位先生突然對侍應講：「人哋遲過我黎都有，我乜都冇！」我仲以為我好彩。唔抵食就預左！碟飯細，我好快就食完，大約1330左右。但我杯熱檸茶未到。諗住食晏時間多人係耐少少。於是乎等多10分鐘。呢10分鐘內，對面位先生已經嘆緊熱熱奶茶，眼面侍應不停有凍奶茶、凍鮮奶、熱奶茶拎俾附近D枱。於是我又問一問話爭杯熱檸茶，如是問左三次都未有。最後一次，1340再不恥下問：「我爭杯熱檸茶，問左三次都未有，你哋係咪有乜野問題？」再等多兩分鐘，熱檸茶終於都出場！食茶餐廳有食法國菜享受。招呼一流！！…Read More