ppappleeva的個人專頁

屋企人生日，路過見佢個套餐好抵食咁，就試吓佢個$888/6位套餐10款菜式，每款菜式份量夠味道唔錯，比想像中好，我地6個都好滿意要讚下上菜快，服務員好好態度會推介俾朋友…查看更多

睇過其他食評都好十五十六，但始終母親節同兩老想試吓其他嘢，睇呢間都岩一家人食就決定試吓～～叫左個套餐有：咖哩蟹+小拼盤+蒜片牛柳粒+飛天通菜+泰式炒金邊粉+兩客甜品+兩杰飲品另叫左：小食拼盤、串燒、菠蘿炒飯、蝦刺身、烤薄餅、油酥餅飲品有：龍眼水、星夏啤酒、芒果椰汁冰、紅豆椰汁冰、藍蝶荔枝冰以上所有我地都好滿意，呢間我一定會再食…查看更多

Shopping完當然想舒舒服服坐低食啲嘢，諗左幾間先選擇佢，點知⋯⋯首先掃安心、量體溫、影埋針卡，都無人帶位，咁自己搵位啦，眼見只有一張未執枱嘅卡位，因為想坐舒服啲，所以坐低左；之後我問店員「麻煩可唔可以幫我執一執枱先？」，點知回我一句「嗰張未執架，做咩唔坐第二張呀！」態度不可接受及令我幾尷尬！當時見幾個店員圍埋一齊吹水哈哈大笑，唔覺得佢地好忙，點解要咁講嘢？呢間嘢一次夠！！…查看更多

點心任食，仲要係一4粒燒賣、兩件大大件雞扎、一碟正常飲茶份量嘅鳳爪，4粒擂沙球⋯⋯⋯燉湯都唔錯，足料雞煲好夠味，見隔離枱仲可以加雞坐得舒適，整體都好滿意，一定會回頭再食如果上邊爐料快番啲，飲品多番啲選擇，就一流…查看更多

之前食過幾次，覺得還好，先會特登搭車出去食今日再食，簡直不知所謂，難食到暈，轉左廚房嘅，都唔好爭咁遠啦⋯⋯上海炒粗，一大陣薑味，有色水，但無豉油味；鍋貼，味道同之前食兩回事！以後都唔會再幫襯，都唔知食左啲咩太想盡快走所以無影相…查看更多

葵廣從未有食肆令我感興趣，今日無意之中行到嗰個位，睇睇餐牌，俾佢即蒸點心吸引到，二話不說決定左是日晚餐地方兩個人叫左1/氣鍋雞2/焗豬扒飯3/金錢肚4/小籠飽凍檸茶+茶走氣鍋雞：用料十足，雞好入味，配菜豐富焗豬扒飯：鮮茄醬，唔似大集團食肆一味得個酸字，豬扒好正，芝士好夾個飯，好味😋金錢肚好冧，好味小籠包亦唔錯以後去葵廣，必食之選埋單只係$206，對得住個價錢有餘難得一間咁有質數嘅冰室，由西貢過去食都變得合理…查看更多

晚餐試過不錯，今日嚟試早餐，晨早流流感覺差，都無咩心情食！晚餐時叫嘢食係叫餐牌上Number，今日嚟叫早餐，都係照舊叫Numbet啦，點知亞姐「梁艷X」粗聲粗氣話唔好叫Number，咁即係點呢？跟住落餐過程說話語氣都唔好，既然咁唔滿意，自行要求公司唔好提供Numbet俾客叫囉！係個老人區、幾間食肆嘅地方咁嘅態度，係咪一定要食呢間？！一肚氣，未必有下次…查看更多

嚟過幾次，以往嚟親九展睇戲，都係睇戲前必到之選，事隔兩個月再嚟，服務態度奇差！我並唔係要求茶餐廳地方會有酒店級嘅服務，但可以令我全程無胃口，一絕！剛坐低睇緊餐牌就有職員埋嚟想落單，我睇都未睇完，同佢講轉頭先就黑口黑面！問攞茄汁好似要乞咁，第一次俾樽底嗰幾滴，再問就俾碟仔配給咁，茄汁咁貴架咩？其他餐廳都係成支擺低啦⋯⋯食物已經唔係特別出眾，貪佢好坐先會再幫襯，但以後情願坐KFC都唔會再嚟貼錢買難受！！…查看更多

已經食左好多次，最近有位新面孔大叔，安排坐位時問搭唔搭枱，答佢唔搭，佢就指住我同老公話「咁你等下先啦！」說話粗聲粗氣又嘈，好似去左大排檔咁，唔太好受！食物上枱時無為意，老公份井（33號）少左天婦羅蟹柳同雞尾腸煙肉，之前食咁多次都未試過，只怪自己無睇清楚⋯⋯⋯⋯食物唔差，價錢大眾化，住第二區嘅我地每次都專程嚟食，希望日後會有改善啦…查看更多

態度差！我明白茶記早餐忙，但唔會三個餐錯漏百出都正常啩？叫亞姐話有錯，個個都聽唔到，企嚮隔離枱都聽唔到！聽到喇，應喇，一句「咩呀！」咁好聲好氣同佢講咩問題，亞姐仲要死唔認錯！上嘢食整濕我放椅上手袋，擺枱面就話我抵死，放椅上面都可以同我整污糟，好嘢咁唔滿意唔好做！我俾錢受你氣架？…查看更多