Chloekissy's Profile

今日諗住接朋友收工一齊食飯，點知好多人等車變左佢等我。朋友帶我去食放題，第一次食有磯燒的放題。坐下來沒多久，來了一set海鮮磯燒頭盤，有龍蝦、鮑魚、貴妃蚌、象拔蚌和海蝦。全部都很新鮮，特別是海蝦，雖然插在竹簽上，還一直在動！燒龍蝦，蝦尾啖啖肉，龍蝦膏很鮮味。三文魚、甜蝦、馬刀貝刺身，馬刀貝很鮮甜爽口。壽司有針魚、左口魚、帆立貝、三文魚、蟹棒、鰻魚。芝士肉醬焗茄子，超級多芝士，茄子肉質軟稔。日式蟹棒、海老、南瓜天婦羅，口感香酥鬆脆。雞軟骨串，炸得香脆有嚼勁網燒牛扒四季牛肉卷，第一次食這個配搭，通常都是金菇牛肉卷，感覺挺不錯。日式紫芋丸，炸得好香口！芋頭餡好軟滑。…Read More

今天提早跟媽媽食母親節飯，因為那天要上班。媽媽比較喜歡中菜，今次帶她來酒樓吃飯。一坐下來，有這個開胃菜給我們！有木耳、青瓜，炸花生，酸菜，吃完覺得很肚餓。今次點了頗多，包括有9頭南非鮑魚伴玉掌, 鮑魚口感煙韌，鵝掌軟腍入味。關西刺參浸花膠，刺身肉質肥厚，口感軟滑，花膠爽而滑溜。上湯焗加拿大龍蝦伊麵，龍蝦啖啖肉，伊麵底吸收到龍蝦的精華，很入味。欖菜肉鬆四季豆，四季豆新鮮脆嫩，炒得很香口，夠火候！鵝肝醬貢菜炒什菌，我是第一次吃貢菜，味道很特別，質感爽口，另外什菌炸得很香口。黑松露帶子炒蛋，很香黑松露的味道。金蒜粉絲蒸皇帝貝6隻，皇帝貝很新鮮，蒜蓉蒸真的無得輸。…Read More

今日跟朋友去灣仔行街同食飯，他之前食過這間餐廳覺得好食，就帶我來食！今次點了2人套餐，$588頭盤有牛油果烤雞胸沙律配油醋汁，雞胸肉油脂少，但這雞胸軟嫩不會乾。香煎珍寶帶子配辣肉腸及巴馬風乾火腿，帶子口感鮮嫩，巴馬火腿肉質柔軟。是日餐湯是蘑菇忌廉湯鵝肝黑松露醬意大利麵，至愛的鵝肝煎得剛剛好，外脆內軟！ 極黑豚扒配香蒜黑椒汁，肉質軟稔及肉味香濃甜品另外點了流心芝士麻糬厚鬆餅。聽朋友說之前食未有這款，是新款來的，製作需要30分鐘！甜品來到的時候，我們異口同聲嘩了一聲！那麼大個我們吃得完嗎？結果不用十分鐘我們已吃光了！外冷內熱的甜點，切開裡面有麻糬，煙韌的口感，流心芝士味很香濃！…Read More

最近朋友介紹了間餐廳食鰻魚飯。今日在尖沙咀附近行街，就過去食！點知行行下，地圖顯示食店的位置，但見不到東京食堂。原來要穿入大廈個門先見到，好彩最後都找到。我點了蒲燒鰻魚飯（半）和荔枝紅茶。荔枝紅茶我點了少冰，職員很貼心幫我少甜。半條蒲燒鰻魚，配味噌湯及珍珠米。鰻魚經烤過後再淋上蒲燒醬汁，吃來帶少少微甜，層次分明，不會感覺油膩。魚肉的肉質軟嫩，有入口溶化的口感，配合熱騰騰的珍珠米一起吃，有種溫暖的感覺。…Read More

見到幾個朋友都分別黎過食飯，感覺應該不錯。放工就同朋友黎食晚餐！我們選了2人餐！因為有我中意食的帶子、海膽同牛排。前菜點左黑魚籽香煎帶子配檸檬薄荷汁，帶子表面煎得金黃香脆，肉汁豐盛。配合黑魚籽同黑松露醬食好鮮味。時令鮮果沙律，第一次食這種沙律，dressing用蜜糖，好特別！裡面有很多種水果，藍莓、士多啤梨、提子、菠蘿等，好健康的沙律！餐湯我們各選一款，分別係法式龍蝦湯，質感滑稠，味道濃郁。另外是蘑菇忌廉湯，口感香滑，有濃郁菇菌味。主菜點了8安士美國特級肉眼排，7成熟！外層煎得好香，肉質鮮嫩juicy，油脂豐富！明太子海膽意大利麵，海膽好鮮甜，將紫菜、明太子同意粉攪拌均勻，日式風味十足。甜品點了心太軟，配雲呢拿雪糕。心太軟裡面朱古力漿慢慢流出來，好令人著迷。百香果綠茶凍檸茶…Read More

今日同朋友黎旺角搵間cafe食lunch，坐下，傾下計這裡環境舒適，適合一大班朋友聚會。點餐同結賬可以㩒紙巾盒隔離個掣!我哋點左2款午餐、2款小食！黑松露野菌忌廉意大利飯好多野菌，非常足料！飯面加了磨碎的芝士，意大利飯很有咬口，有很香黑松露味。日式黑椒牛柳粒飯牛柳粒肉質軟嫩，點濃濃黑椒汁一齊食，這是一道下飯的好菜式。藍莓乳酪飲品顏色好靚，香甜的藍莓味，加埋cream一齊飲，好香滑的乳酪飲品星星（蜜桃鮮打沙冰）蜜桃沙冰顏色好鮮豔，很濃的蜜桃香味黑椒燒牛肉牛角酥好少食牛角包夾那麼多材料，裡面有燒牛肉片，沙律菜和沙律醬，全部味道很配。燒牛肉很香黑椒的味道！蒜香雞翼蒜粒炸得很脆卜卜，雞翼外皮咬落去很香蒜味，內裡肉質嫩滑！…Read More

聽朋友介紹有間私房菜不錯，所以就帶媽媽來食，聽就聽得很多，其實我是第一次食私房菜。提前預約了今晚食精心配伴 2人餐有4款冷盤，2款燉湯，4款小菜，1款飯，1款甜品。有機沙律菜伴芝麻醬蔬菜好新鮮，蕃茄好甜，望向餐廳入口有種植蔬菜的架，這些沙律菜應該都在這裡種。涼伴黑木耳麻油拌黑木耳！好香，令人越食越想食。紫薯配鮮淮山通常食紫薯都是關於甜品方面，今次是頭盤，鮮淮山好爽口。茶燻流心蛋伴黑魚子醬配厚切茄子流心蛋很香煙燻味道，炸茄子點黑魚子醬，第一次食，味道很配合原盅燉哈密瓜螺頭黑毛豚肉湯燉湯味道很清甜。原盅燉姬松茸淮山燉甘荀黑毛豚肉湯燉湯很香濃，松茸菇好爽口。蝦球水芙蓉看上去好像湯，但其實下面是蒸蛋！蛋很滑嫩！蝦球很大隻，口感新鮮爽口！蒜香芝士焗老外蠔王焗蠔肉質肥美，口感滑溜！遠年新會陳皮骨很少食陳皮的菜色，排骨面有很多細細粒的陳皮很香甜，排骨炸得香酥，能配飯食很好！魚湯浸碧綠溫室菜苗菜苗很新鮮！浸泡魚湯一齊食，充滿魚湯的鮮味！荷香蒜蓉海斑片原籠蒸鴛鴦飯海斑片肉質嫩滑，味道鮮美，將蒜蓉和鴛鴦飯攪拌均勻食，味道剛剛好！時令甜品芝麻湯圓…Read More

今日朋友生日！同佢黎左觀塘the stadium食生日Lunch！一出電梯見到依個遊戲，好少可餐廳會有，大人小朋友都啱玩！入到餐廳，地方好闊落，近吧檯中間仲有張桌球檯！啱晒朋友聚會一齊玩！我哋點左3個set lunch,炸魚薯條 外層炸漿香脆酥鬆，軟嫩鮮美的魚肉好juicy，不會乾身，炸得剛剛好！同埋薯條都好香脆！烤肉眼牛排配薯蓉我們揀了5成熟，肉質鮮嫩，牛肉味濃郁。安格斯牛肉漢堡配炸薯條超級有份量！牛肉好厚身！肉汁豐富又有嚼勁！夾埋芝士、烤蘑菇、煙肉、洋蔥、新鮮生菜同番茄！ 個口唔夠大一次過咬晒全部材料會仲好！特色炸物拼盤好豐富呀！有火辣脆烤雞翼、炸洋蔥圈、芝士棒、粟米金塊、炸雞塊同魷魚圈！芝士棒拉出黎好多芝士，煙煙韌韌！粟米金塊，咬落去入面有粟米粒，好有口感！炸洋蔥圈，食落去甜甜哋，外層脆卜卜。整體黎講，全部炸物都好食啊！會再黎食！…Read More

今晚同朋友去左觀塘嗰邊食晚餐 ，有年幾無去過觀塘，就返朋友放工去方便。入到去餐廳見到好多綠色植物的裝飾，好有田園風味。今次點左個2人dinner set！因為有我想食嘅雞翼同豬手。前菜 餐湯 係南瓜忌廉湯配蒜蓉包面包焗得好酥脆，好香蒜蓉味水牛城雞翼雞翼好大隻👍🏻 看上去以為是超級辣，好在是蕃茄醬！雞翼好夠味，炸得脆，肉質夠滑嫩。卡邦尼意大利粉伴巴馬火腿意大利粉忌廉味很香濃！巴馬火腿肉質柔軟。德國鹹豬手伴招牌三色汁豬手外層好香脆，又不會油膩，內裡夠嫩不會老。用八個字形容「外皮酥脆內嫩多汁」另外配有紫薯蓉，味道好香甜，蔬菜焗得夠軟，好入味。是日甜品 芒果布甸味道不會太甜！剛剛好…Read More

今日約左朋友放工食飯，黎左大圍搵下有咩食，行行下見到依間餐廳，覺得個名好得意，白羊座，就入左去食！我哋點左芝士松露蝦多士，有啲似吉列嘅外層，好濃郁嘅松露味，點埋沙律醬一齊食！另外點左雜扒餐包括有煎蛋、腸仔、雞翼、豬扒、牛扒同埋珍寶吉列炸蝦🍤，揀左蒜蓉汁！配炸薯條同蔬菜煎豬扒同雞翼都醃得好入味！煎得好香！吉列炸蝦好大隻啊！外脆入軟！依度嘅薯條比平時食嘅幼同長，好有薯仔味。餐湯揀左粟米忌廉湯，仲有個餐包。好香濃嘅粟米味道，湯嘅質感剛剛好，面包夠軟熟！冰藍檸檬梳打藍色嘅梳打好靚呀！好似海水嘅顏色🌊…Read More

放早去左沙田行下覺得肚餓去食個甜品都唔算過份😂依款口感好特別，上層好似cheese cake，下層係caramel pudding。一次過食2種不同口味&口感，布甸好滑溜，加埋一齊食唔會覺得漏，可以食多個都得！依個甜品令我諗起之前喺巴塞隆拿旅行，有款好濕潤嘅蛋糕。另一款我點左戀上椰王子（因為有三色芋圓）之前已經想食芋圓，可惜無人陪我食。唯有自己食🙈，裡面仲有小丸子、芝麻湯圓、鮮奶椰皇！芋圓煙韌口感，軟硬適中！燉鮮奶好嫩滑！椰皇嘅肉又好香！好貼心嘅係，依度食完甜品可以去斟英式果茶黎飲，係免費架！可以清一清個口，不錯不錯！…Read More

好耐無喺香港食韓燒，上年喺韓國同오빠食左幾次，今日近近哋去左太和食。留意左依間韓燒好耐因爲有oppa依個字，入到餐廳坐低，睇到隔離張黎左好大份牛肉，即刻落單話要依種。依個係弘大燒肉放題，頭盤有：A4黑毛和牛肩肉，A4黑毛和牛三角腩，澳洲和牛下腹腩，澳洲和牛脷，封門柳，鹿兒島牛柳粒，加拿大牛排骨，無骨牛肋肉，美國牛小排。！我哋想一次過食到好多種唔同部位嘅牛肉，揀依個放題真係啱晒。前菜比左海帶、芽菜&kimchi將燒好左嘅肉加kimchi 同大醬用菜包住一齊食！係有個韓國friend教我咁食！味道好配合！左邊嘅蛋加左kimchi，燒熟左之後味道不錯，少少辣嘅蛋幾惹味。右邊係五花腩同牛舌，牛舌好爽口！牛排骨 燒依個肉好有技巧，係咁剪開啲肉，連骨嘅肉質幾有肉味，好香口牛柳粒、下腹腩、三角腩同牛肩肉，油脂豐腴，入口即溶，餸飯一流！…Read More

放假同媽媽一齊去食放題🤩必點當然係刺身，刺身方面點左：白肉拖羅、新鮮象拔蚌、赤貝、原隻甜蝦、北海道帶子同三文魚。其實我係第一次食白肉拖羅刺身，口感好特別呀！好滑嘟嘟，油脂豐富，入口即溶。象拔蚌刺身口感層次豐富，肉質爽脆、嫩滑。燒牛舌，好正啊！一點再點！燒得好香，牛舌好爽口！牛油炒雜菌、和風珍味浸白蜆、牛油蒜香炒帶子、蟹子沙律、牛油炒粟米&胡麻豆腐。炒雜菌同炒帶子，比較香口北海燒蠔 和風牛肉粒吉列魷魚圈 有啲硬可能炸得耐啲紫心香芋圓 剛得啱啱好，口感煙煙韌韌 芝士蟹子燒帆立貝三色花之戀整體黎講都不錯😋…Read More

今日同朋友去左太子食晚餐，依度嘅餐具好特別呀！把刀好cute。之前去咁多餐廳都未見過依種刀。我哋點左手工啤酒，Palm Speciale Belge (Belgian Amber)麥味比較香Brothers Apple Cider Premium南瓜餐湯配麵包，湯有好濃郁嘅南瓜味道極黑安格斯肉眼牛肉 配大啡菇唔知點解無問我哋要幾成熟😂不過竟然係啱啱好👍🏻墨西哥慢煮粟米 粟米經牛油真空慢煮，加上香辣沙律醬，有少少辣，幾惹味！不錯不錯！蝦&蝦乾PizzaPizza表面有芝士、蝦肉、紅椒&黃椒中間嗰層鋪左好多蝦乾！減少啲蝦乾會好啲，有少許咸。…Read More

好似好耐冇食拉麵，今日放早去左拉麵天王食下午茶。有4款拉麵比你揀，白天王、赤天王、黑天王、限定天王。白天王 豬骨湯底加上秘製醬汁 的赤天王 豬骨湯底加上辣椒🌶️唐辛子等材料黑天王 豬骨湯底加上精製黑蒜油限定天王 根據不同月份、季節變換我最後揀咗黑蒜油 黑天王拉麵，可以揀返自己中意口味&香油濃定淡，叉燒&蔥可以揀要唔要，仲有麵質軟硬度。今次我揀左硬嘅麵質，軟我覺得口感無咁好烤餃子🥟，外皮脆脆哋，一咬落去嗶左啲汁出黎，好彩冇整到人！辣味芽菜，放入去拉麵度一齊食，好惹味！…Read More