chilll.carton's Profile

去到餐廳都非常大，可以滿足到大班人gathering，而餐廳亦都有分3個餐俾客人選擇，而C餐重有紐西蘭羊架同日本松葉凍蟹腳，如果鍾意食羊架同蟹嘅朋友就唔好錯過喇🥰今日我哋叫咗B餐，包括有:安格斯牛板腱安格斯牛仔骨安格斯牛粒安格斯封門柳皇室無激索豬腩肉雞泡魚乾鮮甜扇貝脆炸榴槤波波安格斯牛牛嚟到枱，相當靚仔😋加埋佢地嘅醬汁燒，非常好食👍而皇室無激索豬腩肉就啱曬我呢啲唔可以食得咁多激素嘅女仕們😋爐亦都方便我地燒野食，唔會燶咗，再食得多咗🥰熟食方面，都有好多唔同嘅選擇，包括炸雞翼、鹽酥燒賣、燒韭菜，味道唔錯👅最重要係我叫咗蒜蓉焗蠔，勁多蒜蓉鋪面，啲味入曬隻蠔到，好味道👍食完熟食，再去串燒吧到拎串燒食，種類勁多，重拎咗唔同味嘅雞翼嚟燒，隻隻都唔同味道，話好好食😋而我繼續串燒我嘅粟米🌽非常大舊同好甜😝正👍總結: 地方夠曬大，多人黎食都唔驚唔夠位坐😎食物種類超多，無論係小食、串燒同熟食，梗有你想食嘅嘢😋如果想輕鬆任食串燒就千祈唔好錯過喇😝…Read More

今日上到去，環境非常光猛，門口亦有鐵板燒，好正😋由於今日我哋唔想食得咁heavy😎所以就叫咗定食😝今日我哋叫咗呢啲:- 日本長野日本黑豚定食- 新齋橋六宮盛首先嚟嘅係黑豚定食，黑豚表面非常靚仔，炸得非常脆，食落去唔會太厚粉👍蒸蛋燒滑，係少有唔多其他料嘅蒸蛋，係1個正嘅純蒸蛋 （有1塊仔日本魚蛋都👌），推介😋而之後嘅六宮盛，第1個吸引我去食嘅係蒜頭，食落去真係好重味，但個醬料又勁好味，所以我係食曬🤫而魚生丼亦非常新鮮，魚生款式唔錯🥰由於我唔食鰻魚嘅關係，我俾咗人食😆佢話熟食唔錯👍整體全部嘢都好好食😋總結：地方夠大，可以叫曬一大班fd約會👍食物質素高，擺盤亦唔錯，魚生類新鮮，如果想食曬魚生同熟食，就唔好錯過喇😝…Read More

入到餐廳，餐廳都算大，座位都好闊落，去到啱啱見到有枱10人嘅枱食緊飯，餐廳非常適合大班人聚會👍坐低咗睇完Menu，花多眼亂🙈見到燒肉Set Lunch好抵食，就叫咗以下嘢食:- 801盛 （普通飯餐）- 神盛Kami （紫菜流心蛋飯餐）801盛包括咗黑毛和牛肩胛肉、腹前牛小排同蔥鹽味雞腿肉😋801盛除咗有齊唔同嘅肉類，重要醃埋，燒起上嚟就更香👍 黑毛和牛肩胛肉🥩一燒，啲油就出曬嚟，超香😍食落去超嫩口，而且好重牛味🥰用嚟撈落飯1流👍而雞腿肉係用蔥鹽味醃埋，但絕對冇遮蓋原來嘅雞味，食落都係非常嫩口，值得1讚👍神Kami就有特上牛胸腹肉、腹前牛小排同牛板腱肉😎特格推介特上牛胸腹肉，燒好後油脂滿滿，加上醬汁同紫菜飯1齊食，非常好食😋總結: 所冇肉🥩都好高質，好好嘅油脂😝Set Lunch抵食多選擇，而且多人聚會都冇問題👍最重要係有得免費泊車😆絕對推薦🥰…Read More

去到嘅時候已經係下晏2:30，但都重有好多人排隊等位，都要等咗1陣先有位，今日都只係排排坐😆睇完Menu，今日我哋叫咗:- 慢烤雞腿芝士蛋吐司🍞- 紅燒台式牛肉麵🍜- 芝士火腿肉鬆蛋餅🥚- 花枝丸🍢- 桂圓杞子玫瑰三色圓🍡 （芋圓、地瓜圓、紫薯圓）首先嚟嘅係慢烤雞腿🍗芝士蛋吐司🍞仍然Keep住水準，大大舊肉，芝士🧀仍然好香，流曬出嚟😋吐司🍞食落勁鬆軟👍之後係紅燒台式牛肉麵🍜牛肉好鬆軟，入口即溶😋麵亦都好彈牙，好味道😊跟住嘅芝士火腿肉鬆蛋餅🥚今次係第1次食，肉鬆夾落蛋餅冇得輸，肉鬆嘅甜味🥰令到成個蛋餅唔會太膩，令人想1食再食😎小食花枝丸🍢食落冇之前咁鹹😋食完飲啖烏龍茶，夾👍最後嘅桂圓杞子玫瑰三色圓🍡有濃濃嘅滋潤味道👅食完感覺好補🥰三色圓都好多，真材實料😆總結: 食物仍然保持水準👍雞腿仍然大大舊，牛肉麵牛肉鬆軟，多人排隊，想試嘅朋友就要早啲嚟排隊喇😊…Read More

去到見到餐廳見到為慶祝開業20周年，9點後入座有半價優惠，抵食🔥🔥今日我哋叫咗沙嗲湯底，湯味夠濃，重有好多嘅花生🥜粒，唔錯😎見到隔離枱叫咗蟶子皇，我都唔執輸，叫咗2隻嚟食😋非常新鮮👅價錢又唔貴，值得推介👍之後叫咗鱔片，切得好靚，好簿身，淥落去好快熟，食落非常鮮味😋除咗打邊爐，我哋重叫咗2個熟食，分別係椒鹽百福豆腐同椒鹽點粟米、茄子😋2個椒鹽都勁好食，唔會勁鹹，豆腐好滑，唔會太過乾身😋送酒1流👍總結: 9點後半價超抵，海鮮新鮮👍熟食有驚喜😋如果鍾意打邊爐食海鮮，1定唔可以錯過😊…Read More

今日我地都食咗好多野食😋首先嚟嘅係刺身拼盤，食落非常新鮮👍作為打邊爐前菜，份量剛剛好😋跟住再嚟1個濃濃嘅雞湯，店員叫我哋先飲雞湯再食雞煲😋湯好香，已經夾晒渣，飲落去雞味好濃，好好飲🥰之後嘅特色雞煲，1嚟到已經好香，加上阿卵再炒多2炒，香味出曬嚟😆每舊雞都係啖啖肉🤪真係好超開心，對於大食嘅米奇嚟講，係1個大滿足😋最後嘅邊爐，先嚟海鮮拼盤，海鮮分別有海蝦、龍蝦🦞鮑魚、蟹🦀同帶子😎樣樣都好新鮮，特別龍蝦🦞嘅肉超甜👍最最最後食到肉類同其他火鍋配料，好多款式🥰我哋今次叫咗安格斯牛肉、牛骨髓、珍珠蠔等等😋所有配料都新鮮好食，非常唔錯👍食食下有店員嚟話依家like埋店舖社交平台page，就會有抽獎，我哋今日就抽到東風螺，又多樣海鮮食😋總結: 雞湯好飲，雞煲好食，海鮮亦都非常新鮮，推介1定要食啲海鮮😋配料好多款式，多到食唔曬，如果鍾意食海鮮嘅話，就要嚟試下喇😋…Read More

今日我哋去咗元朗嘅撈得喜火鍋冰室食，好少冰室可以打邊爐同有雞煲食😆環境都幾好唔錯，全部食物同飲品都係自助，非常方便👍飲品方面見到2個自家制茶，分別係酸梅茶同水果茶😝水果茶飲落甜甜地，好過飲汽水👍有氣又食唔到嘢🤣今日我哋叫咗椰子雞煲，員工話湯底係椰子水嚟😍加埋雞落去煲，飲落非常清甜😋雞亦都好滑，好好食👍食完雞煲就打邊爐，自助區見到蠔，即刻唔執輸都試試佢，係流浮山蠔🥰好新鮮，食落去唔會散，好食👍之後試咗肉類，所有肉類都喜出望外地好食，睇落去普普通通，但食落好新鮮好彈牙，勁好食👍即刻再食多2碟😋總結: 茶餐廳式既消費，自助任飲任食，椰子🥥雞煲底打邊爐喜出望外👍肉類新鮮好食😋，各位元朗友可以一試😊…Read More

今日食嘅係打邊爐加點心放題😋點心有成廿幾款到，當然我哋就食唔曬，所以叫咗幾款唔同點心🤪今日食咗嘅點心有: 蝦餃、燒賣、蒙古流沙包、牛柏葉、炸雲吞同鹹水角😋點心嚟到時熱辣辣，餡大大夠，由於大份嘅關係，唔敢食咁多🤣 （因為要留返嚟打邊爐）邊爐我哋今日叫咗鮮茄薯仔排骨鍋，邊爐湯底足料，邊爐材料有肉有蝦，肉類好食😋重有鬼馬釀百花，有啲驚喜😍除咗邊爐同點心外，自助區亦都有好多小食，有碗仔翅、銀心粉同豬紅蘿蔔等等😋諗到想食咩都會有😝除咗點心同邊爐外，重有中式甜品😆有桂花糕、椰汁糕，重有兒時嘅啫喱😆見到即食，勁開心😝總結: 點心好多款式，熱辣辣👍邊爐足料，自助區超多嘢揀，值得再叫朋友去食👍…Read More

入到餐廳環境光猛，座位非常寬闊，適合家庭聚餐👍坐低咗睇完Menu，見到太多餸，唔知食咩好，最後叫咗呢幾個餸:- 海蜇手撕雞（半隻）- 椒鹽鮮魷- 西蘭花炒帶子- 蜜汁燒鱔首先食嘅係海蜇手撕雞，有好多雞，味道調味唔錯，大大份，食咗1半都已經有啲飽😋之後嚟椒鹽鮮魷，份量都係好大份🥰炸皮勁薄😋1食已經係鮮魷😍正宗啖啖肉👍跟住嘅西蘭花炒帶子，嚟到見到帶子，真係好好好大粒呀😍食落去好味道👅送飯1流😋最後加叫咗個蜜汁燒鱔，蜜汁岩岩好，唔會太甜👍燒鱔燒到有少少焦燶香，食落脆脆😝非常推薦大家叫呢個餸😋喺睇menu時，發現咗晚市孖寶套餐，有魚、有雞、有菜，都只係百幾蚊，下次會再同屋企人去食套餐🥰總結: 餐廳座位非常寬闊，菜式量大，套餐非常抵食👍非常推介蜜汁燒鱔😋如果朋友小聚會，非常適合🥰…Read More

大瀛喜真係好多野食，好多野都想食，但係又驚食唔曬，最後我地叫左呢d野:- 刺身 （三文魚、 海赤蝦、北海道帶子、拖羅、池魚王、油甘魚、章紅魚、金磚慢煮紅酒鵝肝）- 壽司 （三文魚腩、油甘魚腩、花之戀）- 手卷 （蟹籽、海膽)- 熟食 （海膽蟹粉鮮甜蟹肉粥、金湯蟹黃花膠金勾翅、避風塘炒魷魚、壽喜燒牛肉鍋、一品蟹肉扒西蘭花）- 甜品 （D24榴槤蓉、蜜瓜雪糕、芒果小丸子椰皇布甸）刺身今次較為特別既有感覺鵝肝都係比較軟身，但今次食呢個紅酒鵝肝係好似朱古力咁，硬硬地，但食落味道唔錯，係比較新鮮嘅食法，如果大家唔怕新奇嘢，可以一戰感覺鵝肝🤣今次手卷食咗蟹籽同海膽手卷，海膽鮮甜，可以食多幾個👍熟食方面，由於大股東好鍾意食蟹，所以我哋嗌咗海膽蟹粉鮮甜蟹肉粥，完全唔腥，重有好多料食，唔怕飽肚嘅話一定要試🥰之後食埋壽喜燒牛肉鍋，壽喜燒湯夠晒甜，超正😝最重要一定要試嘅係金湯蟹黃花膠金勾翅，真係同酒樓食嘅一樣咁滯，個湯超甜，花膠又大隻，補身一流😊最後嚟到甜品，見到我最愛嘅D24榴槤蓉，梗係唔好錯過啦，今次見到有蜜瓜雪糕，兩樣超級甜野加埋，加倍嘅甜🥰我食咗一大杯😂重有食咗芒果小丸子椰皇布甸🤟食完真係飽晒，下餐都唔使食喇😝總結: 新出既熟食品質唔錯，重有好多唔同嘅選擇，樣樣都好吸引👍唔食生野既朋友仔，黎食放題都唔怕冇野食😍…Read More

環境乾淨企理，坐落去都非常舒服👍我哋今日叫咗呢啲:- 招牌麻辣雞煲 （BB辣)- 魚皮餃- 手工四寶丸- 豬頸肉片- 頂級黑豚豬腩片- 白鱔片- 土豆片- 白菜仔- 大檸茶首先我哋食咗招牌麻辣雞煲，今日我哋想食少少辣，所以叫做BB辣，辣度我哋都食到，非常惹味👍雞食落好滑，唔會嚡熠熠😝我仲食咗啲洋蔥，非常入味，好味道😋食完雞煲後，姐姐就幫我哋加咗湯打邊爐，如果鍾意食魚嘅朋友，非常推介白鱔片，嚟到嘅時候冇諗過係咁大碟😝仲要非常厚切，淥完上嚟都唔會縮水😆食落去仲勁新鮮，非常推薦大家叫白鱔片👍跟住即刻試埋頂級黑豚豬腩片，全部大大塊🥰勁抵食，淥完上嚟食，完全唔靭😋老人定冇牙都食到👍另外手工四寶丸都好好食，唔會太大粒同太實，淥完之後，入口依然係彈牙，值得叫嚟品嘗🥰總結：雞煲辣度剛剛好，雖然我哋只係食BB辣，但係都食到辣嘅開心🥰邊爐食材新鮮，絕對新材實料，樣樣都大碟，白鱔片重係厚切添，岩曬我哋呢啲鍾意食魚嘅人👍鍾意食麻辣雞煲嘅人就唔好錯過😊…Read More

刺身非常新鮮，除左平時嘅會食到既刺身外，今日重食到薄切章紅魚，真係好薄好鮮甜，另外好耐冇食既拖羅，切得非常厚身，啖啖肉既感覺好開心😆為免自己食得太多飯而食唔到其他野，我只係叫咗三文魚腩同花之戀，同樣都係厚切，食落去有口感👍雖然係日式放題，但係熟食係不可或缺既一環，金湯燴花膠既花膠好大塊，食落去亦都好冧😋花雕醉鮑魚，嚟到擺款好靚，食落酒味濃，好味道😝川燒珍寶鮮豪燒，最鍾意呢個熟食，因為我真係好鍾意食蠔，少少辣非常惹味，令我1叫再叫😋除咗熟食，場裡都有得排隊拎正嘢，今期係北海道海膽手卷同海膽探羅蓉鱈魚脆脆，2個都係師父即叫即整，所有嘢都新鮮，食完即刻排隊再拎，爽😋最後食甜品🙈因為我好鍾意食榴槤，所以就整咗碗D24榴槤蓉乳酪軟雪糕食，勁正，啲榴槤勁香，食落去勁甜，食完雪糕勁滿足😋總結: 刺身同壽司都非常厚切，熟食喜出望外有水準😋即叫即整嘅手卷同壽司都非常高質👍如果對日式放題有要求，咗就1定要嚟試下😎…Read More

今次嚟轉咗新Memu，除咗打邊爐，重有得食雞、豬手同牛尾煲，而且重有烤魚食，真係唔食返夠本，邊對得住自己😝最重要係咩❓係無限時任食，呢次重唔Fat Fat😎今日食嘢嘅次序:- 秘製火焰牛尾煲- 香濃黑椒豬手煲- 二鍋頭惹味雞煲- 海鱸烤魚- 鴛鴦湯底邊爐首先嚟個牛尾煲，侍應會幫你炒埋同有得睇火焰表演🤣秘制醬汁1流，如果有飯可以撈返碗飯食😋牛尾鬆軟，唔會太難食到啲肉，唔錯👍之後嘅豬手煲，有濃郁嘅香味，豬手細細隻，可以食完即刻再食，唔經唔覺食咗好多都唔知，正😋再嚟二鍋頭惹味雞煲，之前食過1次，水準不變，多芫荽好香🤗 （侍應會問你要唔要芫荽🙈），大量雞令到我忍唔住食多幾舊 （Carton唔食得咁多雞😢），開心😝食完煲就食海鱸烤魚，好大條鱸魚，味道有得揀辣定唔辣🌶️由於我同阿卵都唔食辣，所以揀咗唔辣🙈食落啖啖肉，唔會太老，好食😝最後邊爐，我地都已經7成飽了😝但唔好俾佢停，食埋佢🤣今日我地叫左越式香濃牛肉鍋同蕃茄薯仔濃湯鍋，侍應好細心同我哋講，牛肉鍋有青檸，滾咗嘅時候記住要拎走啲青檸，唔係會好酸，同埋牛肉鍋有少少辣，但食落都OK冇問題，感覺幾清新，食得少少辣嘅人，都可以一試👍總結: 可以坐好多個鐘嘅舖頭唔多，我哋今日坐6個鐘，即係傾咗好耐偈，有非常多唔同類型嘅食物供應，食到攬住個肚走，如果想同朋友傾耐啲計，又有多款食物，就千祈唔好錯過😆…Read More

聽咗個名好耐，但依家先嚟試到，都要排咗1陣隊，先入到去食😝我哋今日叫咗呢啲:- 沙薑雞飯- 椰子雞米線- 椒鹽粟米- 金磚豆腐沙薑雞飯，份量岩岩好，唔會太多飯食唔曬，沙薑汁好香，味道👅正，撈飯1流，雞🐓亦都滑溜，食落去啖啖肉👍我哋同姐姐講想要多啲汁，姐姐二話不說即刻幫佢加，服務好好👍👍👍然後就到我嘅椰子雞米線，雞🐓嘅份量好多，椰子味好重，嚟到飲咗幾啖湯👍米線份量剛剛好，雞🐓雖然浸住湯，但仍然好滑溜，好好食👍唔錯😋嚟小食喇，有椒鹽粟米同金磚豆腐，椒鹽粟米唔會太鹹，細細舊，可以1口放到入口食，開心🥰金磚豆腐嚟到熱辣辣，岩岩新鮮炸出黎，好好食，皮薄餡靚，1咬個皮已經溶化咗，真係會令你不停食😝正👍總結: 所有雞🐓嘅主食，份量岩岩好👍小食亦都非常出色，姐姐態度勁好，只要要求唔過份都會幫到手🥰以後應該會成日嚟幫襯✌️…Read More

舖頭位於food court位置，唔算顯眼～服務員態度不錯，但買野飲需要時間等（因為只有2位店員）今日叫咗珍珠鮮奶茶，半糖👍甜度非常好，以往叫半糖都好甜，但呢間就唔算好甜😍茶味亦比其他店舖濃🥰…Read More