puilamlaw的個人專頁

早兩日睇完早場，去咗黃大仙食嘆嘆下午茶，因為見到網上好多好評😋😋叫咗花生醬吐司配沙律，夠曬健康！花生醬好香份量夠，沙律菜新鮮好脆！再叫咗個炸四寶丸配沙律及薯條- 蕃薯條好好味，好香蕃薯味，四寶丸有驚喜。一粒花枝丸，一粒豬肉丸、一粒芝士流心牛丸，最後一粒薑容流心牛丸！好特別！第一次見！餐飲綠色飲筒個杯四季春烏龍茶，唔太甜烏龍味夠，另外一杯茉莉綠茶，茉莉夠香好好味🤤原本諗住食少少野，食食吓見隔離枱食牛肉麵，再睇下餐牌再叫多幾樣野！台灣牛肉麵湯底睇落好清，但好香牛肉味，牛肉好大嚿，但好夠淋，配埋大量蔬菜，蔬菜好甜食落都有啲牛肉湯味！佢配菜一個辣，一個酸！可以中和牛肉嘅味道！台式鹽酥雞夠香脆之餘又仍舊保留肉汁😎肉鬆芝士蛋卷 好多肉鬆芝士，熱食仲有芝士拉絲！香芒雜雜 見menu 張相望落份量唔算好多，點知上枱見到嚇親，有芒果布甸，少有嘅夠芒果味，又夠滑！ 芒果雪糕，應該係細過食開嘅味。芒果千層蛋糕，啲忌廉好食，仲有一層芒果肉，一齊食酸酸甜甜好開胃！仲有泡芙，有啲芒果醬，比起平時食嘅泡芙多一種滋味！…查看更多

好耐之前朋友經介紹認識呢間店，朋友仲話啲芝士蛋糕好出色，必試。不過第一次去係星期六，太太太太太多人，所以冇試，今次平日放假咁岩又出開深水埗，所以打算去試下😎😎星期中午12點零，唔洗排隊，店入面都full 左7成🤭 同朋友傾完之後決定叫左一個湯餃都同一個淨煎餃加兩個芝士蛋糕share🤤🥰韮菜豬肉湯餃（6隻）配上海幼麵餃子入面好足料，皮都夠薄，湯底唔同一般既店，見到湯底有啲應該係赤小豆同牛大力既湯料，果然係家的味道🤩洋蔥豬肉煎餃（8隻）應該係即叫即煎，上到枱都係熱辣辣🤗外皮好脆，洋蔥係紫洋蔥，特別甜，食既時候我仲加左啲辣菜莆，又多一層口感🥳😋😋原味芝士蛋糕細細件，可以試多啲味，質地有軟身既芝士蛋糕，而且芝士味好濃，但又一啲都唔膩，真係好出色🤤開心果味芝士蛋糕開心果味好重，但又唔會遮左本身芝士蛋糕既味道，一樣係食曬成件都唔會覺得好膩，不過建議食左原味先再食開心果味🤭 諗起都仲想再食😌…查看更多

今日一早同朋友上鳳凰新村食呢間車仔麵，原因係朋友推介覺得好正☺️ 今次一試，果然冇介紹錯🥰同一般車仔都一樣，一入門口就先揀麵底同食咩餸，我今次揀左蘿蔔，牛肚同午餐肉，河粉底，店員會問要唔要辣，唔辣就沙嗲汁，辣既就咖哩汁，我揀左辣既，之後再加埋店家自製既菜甫，冇得輸👍🏼👍🏼 牛肚好淋，唔會咬得好辛苦，蘿蔔一樣好入味，至於午餐肉就正正常常😂😂 我朋友就叫左白腸，鳳爪同韭菜餃，個韭菜餃好足料，皮又夠薄。鳳爪都好淋好夠味，佢一樣加左菜甫，簡直為碗麵錦上添花，宜家講起又想食啦🤤😋有野食又點可以冇野飲，我地分別叫左凍檸茶同熱咖啡，檸茶茶底好香濃，夠甜之餘又唔會蓋過個茶味👍🏼…查看更多

今日經過將軍澳Monterey 到呢間Seoulmate ,門口嘅餐牌睇到啲幾得意，就入去試下！小雪人黑松露帶子炒飯打開個蓋就有煙走出嚟，啲煙散咗之後就會見到個雪人，好可愛。雪人係用蛋白做嘅，一切開就聞到好香黑松露味。炒飯夠乾爽唔會太油。除咗有帶子仲有菇同豬肉好足料👍🏼炒飯加蛋白一齊食可增加口感好好食😋韓式年糕扮腸粉、燒賣因為係韓式年糕，所以好好咬，好煙韌，又唔會好似腸粉咁吸得太多醬汁。食食下仲發現有幾隻鵪鶉蛋😋😋榛子忌廉焦糖香蕉窩夫配雪糕 窩夫好脆，可以加埋朱古力雪糕一齊食，或者加忌廉食兩種不同口味。焦糖香蕉好香好脆，平時對香蕉興趣唔大，但呢個香蕉令我對香蕉另眼相看😌飲品方面都絕對唔馬虎。芒果奶昔蓋雪山店員推介的，上枱已經見到好靚、好開心。芒果沙冰口感，再加上奶蓋咸咸地好特別。係出面cafe未試過！蜜桃沙冰唔會太甜，但又好有蜜桃香味！而且餐廳好好，有幾個室內位置畀有BB車或者狗狗坐嘅車車畀客人。員工仲好有愛心同耐性！…查看更多

係新蒲崗食早餐，周圍都好多人，行到呢間Ben 哥米線冇乜人所以就入去😅叫左個沙嗲牛米，跟餐有個腿蛋同包，好似係有其他野揀，我就揀左火腿炒蛋同凍檸茶。一見到碗野就心諗呀姐係咪比錯，咁少既🤯呢個係一擺低既賣相，我完全冇掂過架之後我諗係咪因為多湯，所以我就用餐具撩下，將佢地撈曬上泥睇下有幾多啲米粉同要係勁碎，最後我要用匙羹食😅腿蛋同凍檸茶正常，唔多講🙃🙃🙃(唔怪得冇人排隊）…查看更多

呢日同朋友係九龍城搵食，見到呢間添財記好似好出名所以就入去試下😎我叫左個牛肚麵，牛肚好淋，麵都好爽口唔會好大陣鹼水味，加少少辣椒油都更加香，湯底都好濃郁👍🏼朋友叫左個餐蛋炒麵底，雖然材料簡單，不過食得出一啲都唔馬虎，午餐肉煎得好香脆，煎蛋半熟🤤 個炒麵底都好食，唔會好膩我地再追加左個炸兩，但係唔記得影相🙃不過個腸粉皮有啲厚，同埋成碟野都係凍，應該係整好左擺係到，入面條油炸鬼都已經唔脆，呢樣有少少失望🫣🫣…查看更多

今日同朋友係九龍城食lunch🤤經過見到呢間韓國菜既門面好似好正宗，見價錢唔貴就入去試下。星期五既下午1點幾，我地3個人岩岩好有位唔洗等，不過我地之後有幾枱客都要等，真好彩😌 雖然係最近門口既位，加上今日有啲涼，有人出入果時會有啲凍，不過都ok 既🤧有前菜但因為望落太好食我唔記得影相，分別係有薯仔絲，泡菜同埋菇，睇食評話可以無限refill 不過我地冇需要所以冇試refill, 大家試完不妨話聲我知☺️我叫左個拉麵炒年糕，啲麵好有咬口唔會好淋，雖然麵既份量有啲少，不過因為有年糕搭救所以都飽既，仲有幾片魚糕，不過如果啲魚糕厚返🤏🏼🤏🏼會好啲 😊 雖然個人覺得唔算好辣，不過唔食得辣既朋友就要留意啦～ 同埋中間隻蛋係全熟就有少少美中不足🥲水餃年糕湯，個湯有啲紫菜，就咁飲都好味👍🏼 水餃皮夠薄，好多餡而且隻數都唔少，我食左一隻，食到好似有啲粉絲同埋一般餃子既口感但我講唔出有咩材料😂 建議大家可以一試menu 上就咁寫住燒牛肉，我地問左店員，店員話係有飯🤣 個牛肉好淋好有牛味，唔會好嚡口，配埋白飯食好送飯🥰 總括泥講係會encore, 下次叫多幾個朋友一齊去試其他野🤤 今次3人lunch 埋單唔洗$180 都算係咁啦😉…查看更多

今日經過銅鑼灣，見到有玉桂狗主題拉麵。幾特別，剛剛又過咗午餐時間，冇咩人就走入試下😁雖然已經11月尾，但今日仲係好熱🥵 既然咁熱就緊係叫個麻醬沾麵試下，麵質煙韌有咬口，配埋爽口青瓜，好清爽！叉燒同埋豬軟骨好淋、好入味。😋另外仲叫左個特制黑醬油拉麵，一上枱就聞到好香嘅醬油味，一見到就即時試啖。拉麵爽口，流心蛋蛋黃好香，玉桂狗魚餅又可愛又好好食😋小食方面有玉子章魚燒，塊玉子隻玉桂狗前後兩面唔同款，好有心機。章魚燒上面好多紫菜同木魚絲，一啖擺入口，好多層次同味道，好好味😋見到雞翼都幾靚，又叫一份試吓，雞翼香口又入味。天氣又熱又濕，同朋友叫左一人一杯特飲試下先，波子汽水味梳打甜甜哋，香橙梳打酸酸甜甜好特別…查看更多

同朋友一早經過九龍灣工廠區，見到呢間一冰廳有粟米忌廉湯通粉好似幾吸引所以就入左去🤣 我見keep 住有客入泥堂食或者外賣，應該都幾出名😏😏沙嗲肥牛公仔麵配炒蛋及奶油豬我見個menu 有手指公所以試下，係正常既一般沙嗲牛麵，不過啲肥牛比較韌，而且肥仔數量比較少，可以唔洗試。不過個粉蛋幾好食，夠嫩滑🤓鮮粟米忌廉湯火腿通粉配煎蛋及丹麥多士個湯好重粟米味，如果喜歡飲粟米湯既就係試下，不過個人認為個通粉有少少淋，如果有歧少少彈性就perfect 啦～～ …查看更多

呢日係新蒲崗食lunch, 見到呢間位於衍慶街名叫手拉麵既小店，離遠已經見到有師傅係到拉緊麵，所以就打算入去試下🤙🏼我同朋友叫左個招牌小籠包，香辣牛肉湯拉麵同雞絲冷麵☺️首先講下個雞絲冷麵，雖然雞絲唔算多，不過因為麵既份量好多，所以覺得都抵既😂 麻醬比較杰，證明冇溝水😎 加埋啲青瓜食落好fresh 唔會好膩，再加上手拉麵夠彈牙，食落有驚喜👍🏼到個牛肉湯拉麵,個湯底食落好香，應該係落左花生？有少少沙嗲湯既感覺，唔會太辣，唔太食得辣既朋友都可以試下，牛肉好淋，湯既手拉麵同冷麵做法食落又唔同，不過一樣都係咁彈牙🤣😋到左小籠包，我見在場每枱食客都叫左一籠，我都當然要試下啦～～ 一籠有5隻，隻隻都大大隻，食落個皮又唔算好厚，不過好多湯汁好juicy 👍🏼 入面啲肉都幾多，我個人認為係必試的😍仲叫左杯菜蜜，好細杯唔多抵同埋比較淡，可以唔洗叫🤫menu…查看更多

今個weekend 同朋友去左佢介紹位於土瓜灣既餃子店，雖然假日店內已經人山人海，但好彩依然有兩個位比我地唔洗等✌🏼舖頭係scan QR code 落單，個人幾鍾意呢種落單方式，可以比自己慢慢揀😁白胡椒雜菌豬肉餃麵一碗有5隻餃，加上麵既份量好多，同埋係電話order 果時可以自己揀啲麵要唔要淋啲，多蔥少蔥走蔥果啲都可以自己揀，夠曬細心🥰 我冇特別揀個麵要淋啲，但係我食既時候個人覺得偏淋，同如果唔鍾意食太淋既朋友就要留意啦。不過餃子都好多餡，食落好香胡椒味，又咬到啲菌類既粒粒😋酥炸豬排撈麵本身見到個價錢覺得一碗撈麵要$50 有啲貴，不過見到碗麵之後覺得都抵，因為份量一樣係好多，雖然都係偏淋。同埋豬排都有好多好嫩滑，新解炸起既豬排外皮脆卜卜，下次可以再encore🤙🏼🤙🏼 煎韭菜豬肉餃主打餃子又點能夠唔試多款餃子😂 有5隻同10隻揀，因為驚食唔曬所以揀左5隻。一樣好足料，熱辣辣上檯，外皮好香口☺️我地仲加$10 要左個手工蜜桃紅茶，好香桃味又唔會太甜，好飲👍🏼總括而言，下次去開土瓜灣都可以再去，可以試埋其他野🤪😎…查看更多

今日同朋友突然想食素，係朋友介紹之下泥到位於尖沙咀既呢間多國菜素食🙂 店員有禮貌又細心，見到我地拎住一袋二袋即刻比個籃我地擺野，等我地可以坐得舒服啲🥰👍🏼因為我地少食素食，樣樣都想試😂 因為驚兩個人食唔曬，所以經過一番掙扎之後終於揀好左😂😂小食拼盤雖然menu 上面好似冇講明邊樣係邊樣，但我地大概都從食物既外觀分到，因為真係好似☺️ 一上枱，啲野食熱辣辣新鮮整好，炸物外皮好脆，我最鍾意就係個雞翼，入面係腐皮有條雪條棍扮雞骨🤭🤭 論最驚喜就係個炸牛油果，真係冇諗過牛油果都可以炸👍🏼 估唔到又幾夾😋鮮蔬豆腐粉絲煲呢個既外觀就好似大排檔嘅鑊氣小炒🤓 入面有娃娃菜,豆腐,粉絲，西蘭花，椰菜花，芋頭同埋啲瓜類，成個粉絲煲好夠味，份量足食極都仲有😂😂😂牛肝菌乾燒伊麵個擺盤好靚，牛肝菌份量好多，啲伊麵好入味😍 仲有啲菇類同埋蘆筍作點綴🥰🥰焗蓮蓉西米布甸呢個係一個熱既甜品，西米同啲布甸夾埋好香，好有mochi 既感覺，個人覺得甜度剛好，布甸入面有啲蓮蓉好滑，令成個甜品又再多一個層次伯爵茶芝士蛋糕個蛋糕細細件夠的骰，唔洗驚食完正餐食唔落件甜品☺️🤙🏼🤙🏼 一入口就feel 到芝士味，之後就食到伯爵茶既香氣，真係有驚喜下次去食想試下個大啡菇,見到隔籬枱食覺得好似好正🤭🤭🤭…查看更多

呢日同朋友出左銅鑼灣食早餐，係街市附近見到呢間尚君如夢，成間舖好colorful 望見個menu 見食既野都正常，所以就入左去試😀一坐低第一時間睇menu 我地分別叫左沙嗲牛肉出前一丁配老火中湯底+火腿炒蛋多士。我朋友就要左香蔥豬扒米粉配羅宋湯底+飯太陽蛋多士。 我地一見到可以揀湯底都覺得好新奇🤪 出面好少餐廳可以咁揀🤙🏼🤙🏼沙嗲牛肉出前一丁沙嗲味都幾濃，出前一丁煮到岩岩好，唔會太生又唔會太淋，配埋個老火湯底個味道幾特別🎊🎊 至於個炒蛋我覺得有啲奇怪但又講唔出邊到怪，但又完全冇調味，最後我都冇食曬洋蔥豬扒米粉豬扒都幾嫩滑，唔會好韌，個羅宋湯底都幾好飲，太陽蛋都正常發揮👌🏼 飲品方面，我朋友叫左熱咖啡，一收到杯飲品就見到好多泡，朋友話飲落似係用粉沖既，覺得麻麻地。我就叫左杯特飲，凍既檸檬洛神花蜜，飲落雖然有啲甜，但好香洛神花同蜜糖，如果想試建議少甜🤓🤓…查看更多

兩個九龍人今日新界一日遊，好似咩都好新奇咁😂 我地係元朗行完商場想搵元朗大馬路點去，開住google map 經過呢間炸物店有啲餓，所以決定買少少野食下😋 我地order 左個中size鹽酥雞，落完單之後我地就問下店員元朗大馬路點去，幾位店員都好有耐心詳細解答🥰👍🏼🙏🏼等左5-10 分鐘左右，我地既鹽酥雞就有啦～ 店員今次仲開埋個google map 再詳細解釋多次點去大馬路比我地知😂 真係好nice🤗 我地既中size 鹽酥雞份量都合理👍🏼 即叫即炸熱辣辣，肉質都好嫩滑，不過表面就有別於一般鹽酥雞，比較似一般炸雞，不過都好食既👍🏼😊…查看更多

今日同男朋友入天水圍行街，因為冇食lunch 行到T Town 5:30pm 左右有啲餓🫠行經呢間日本居酒屋望下個menu 又好似好正咁，又突然有啲想食三文魚刺身，所以趁冇乜人所以入左去🥰😌 我地兩個人坐卡位，十分舒適見到個menu 咩都想食，幾經掙扎終於都揀到😋😋 舖頭係用QR Code 落單，岩曬我😌 我地首先揀左期間限定Menu, 分別係銀鱸壽司，蜜柑鯛壽司同愛女魚壽司🤗 3款魚我都係第一次食，之前完全未聽過，所以都好好奇個味道銀鱸係三款入面最比較爽口，蜜柑鯛就相對軟身，魚身食落有淡淡既蜜柑味都幾有趣👍🏼👍🏼 至於愛女魚既味道清甜鮮味，肉質肥美👍🏼😝我仲叫左個壽喜燒湯底嘅牛肉火鍋，一上枱已經feel 到個震撼，大家睇相就知，雖然面頭全部都係牛肉，但都睇到底下好多配料，有菇類，娃娃菜，洋蔥，豆腐，仲有啲一條條好似粉絲嘅嘢，個壽喜燒湯底甜而不膩，啲料索曬啲湯底真係好正🥹 而啲🐮全部都大大塊又唔會韌我男朋友order 左咖喱吉列豬扒飯，咖喱係甜既咖哩，分量好足，我男朋友食完都嗌曬飽，豬排炸得好鬆脆，肉質嫩滑👍🏼 仲有啲應該係跟set 既麵豉湯，前菜，沙律同埋一個小甜品仲有兩杯飲品，分別係青蘋果小子同埋白桃玉露，青蘋果小子有好香嘅青蘋果味，攪勻飲唔會太甜😃 至於白桃玉露，因為係梳打所以飲落好解渴，唔捨得飲曬🥹最後我地仲叫左12件既三文魚刺身，一樣係肥瘦適中，feel 到係好新鮮既。本身都擔心叫咁多野會食唔曬，但最後完全冇呢個問題😂😂 希望下次有機會再encore🤙🏼🤙🏼…查看更多