sinyuecheung的個人專頁

辛苦工作了一整天，終於到了下班的時間，與男朋友來一間香港人的小店。店內沒有椅子，只有bar桌，雖然如此，每位客人都是目標相同地為了支持香港小店，所以晚餐時間仍有不少客人排隊等候。我叫了口水雞一份涼麵相片右邊的是涼皮很滑很過癮即時製作，要等10-15分鐘麵好夠凍忍不住吃完一口又一口…查看更多

收工經過好肚餓叫外賣返屋企食呢間餐廳整食物好快，5分鐘內上碟可以揀湯麵/撈麵麵可以揀粗紅薯/幼紅薯/米粉/米線...鐘意濃味可以揀 撈麵鐘意熱啲、飲湯可以揀湯（都係濃味架）可走青揀好麵就可以自由揀餸啦！好多款揀，大致都係車仔麵咁上下形式！一個款+$5或者+$6另外可以加罐裝汽水/豆漿開頭以為豆漿係自家製後尾叫左一次發現係樽裝連鎖😂😂😂笑死成碗既精華味道在於炸醬即係左下角肉醬湯/撈麵都會有炸醬！少少辣，惹味麵就可揀辣度，有唔辣，但係炸醬冇得唔辣架豬頸肉半肥瘦，口感不錯伴碟既炸花生好香口，脆身，但留意！撈麵先有花生，湯麵冇架！想加一份花生+$3…查看更多

終於有機會食茄湯啦話說蕃茄湯出咗好耐，但係一路都淨係食清湯，三哥酸辣，都冇食過蕃茄湯。今次試下啦，想食啲蔬菜，叫做健康少少今晚去到其實經歷唔係太好因為譚仔呀姐冇乜禮貌 呼呼喝喝又唔拎餐牌畀我 叫咗佢幾次落單都冇過嚟 拖下拖下 不過都算啦 想食米線啫 自己屋企冇住家飯食呀嘛唯有落樓下啦叫咗雞肉炸醬茄湯小米 其實叫茄湯係想健康啲 始終有番茄吖嘛 茄湯比較希 唔似蕃滿門傑撻撻而且偏酸 都有少少番茄嘅香味同埋渣既 都ok嘅 但係如果我真係想食好正好濃嘅蕃茄湯咁就唔喺譚仔食啦 會去蕃滿門囉…查看更多

今日同好喜歡食甜品嘅朋友黎到i love you dessert Bar 之前係openrice見到佢上左2018米芝蓮今次終於有機會去試下啦鋪面易搵 係hesheit隔離相對之下hesheit就冷清好多啦今次我叫咗紫薯梳芙厘班戟鋪頭好細 得門口有兩張高凳可以坐通常啲客都係企喺門口食 有啲款式有2件梳芙里就冇雪糕，例如忌廉綠茶梳芙厘班戟就有兩件梳芙厘有啲有雪糕就得1件梳芙厘呢份紫薯味就一份45蚊有一件梳芙厘，不過我覺得豆腐雪糕都幾好食嘅，睇下你哋點揀啦梳芙里都係原味嘅，幾好食，唔實，證明夠空氣梳芙厘上面有少少紫薯粉同紫薯脆片，隔離有紫薯蓉，豆腐雪糕，餅碎，幾粒紫薯同埋一粒心心，一粒米芝蓮嘅公仔全部都可以食㗎 仲有店面有啲牌可以自己寫 想寫咩都得下次試下另一個味先…查看更多

同朋友reu，最好梗係揀旺角樓上cafe, 可以坐得耐，又就到住係唔同地方既朋友叫左6人餐，淨係影左部份相，哈哈野 食 味 道 都 幾 濃 ， 適 合 鐘 意 重 口 味 既 人 去飲品多款揀，可以揀唔同既水果味道配紅茶 or綠茶就唔使加錢hehe店內亦有board game 可以自己揀，但款式唔算好多沙發都幾舒服，不過食物份量唔算多，6個人岩岩夠咁，可能每人2 3啖就冇左1碟最後坐左4個幾鐘走人openrice有book台，有95折，平左4x 蚊…查看更多

8號風球打到黎咩舖頭都冇開開個啲就排哂長龍難得pizzahut有開堂食都唔多人就食佢叫左2人普通批餐 原價175 折左$1401個普通pie 1個麵/飯/雞翼2個野飲 可揀磨菇雞湯/汽水個湯冇特別 都係平時個啲白湯 加mushroom黎得pizza hut雞翼唔少得錦繡至尊厚批可以拉芝士絲係多油架啦好食呀嘛 唔理咁多 食左先有煙肉 辣肉腸 豬肉粒…查看更多

其實上次一開張已經覺得好似吉野x mix pepper luxch , 試左1次，當佢新開張未穩定，唔緊要，今次再試，點知都係咁。。。今次試激似pepper lunxh 既鐵板牛肉飯呢個係攪拌之後影既欣賞佢鐵板夠熱，有炸炸聲，整到飯焦。但係一撥開牛肉，牛肉底係一層油，閃令令，食落都好油，而且牛肉唔似吉野x肥牛, 咬落去比較鞋口實淨，成個飯冇乜汁，亦冇得自助加汁，比較淡口，唔似pepper luncx，但價錢同佢一樣咁貴。味噌湯冇乜特別，係味噌粉既味。冇下次…查看更多

48晚餐算抵食，米線大碗，夠味配埋小食，小食都幾多款，叫左2個米線餐，配紅油水餃，麻辣雞扒雞扒多肉，實淨，驚唔夠飽可以叫呢個小食選擇多不過紅油水餃同平時食開既唔同，汁比較傑身，有自己獨特既味道…查看更多

食左酸辣麵 $18+$7 白蘿白蘿白唔知點解有酸味後尾夾走哂啲蘿白酸辣麵 都幾辣 唔好以為係三哥個隻唔辣既味 其實係辣多過酸😂仲叫左幾串燒烤 燒烤冇影相唔講詳細佢啲燒烤似自己燒個隻味 唔重香料 唔會好似東北個邊落勁多味粉 so far 自己唔想燒又想食下燒烤野都可以黎 不過價格偏貴 咁。。。人地燒埋比你喎 算係咁啦～環境好迫 唔坐個身會hi到後面背隻留意返舖張冇酒牌 唔賣啤酒 但可以去對面便行店買酒過黎飲 唔會另外收費…查看更多

三十幾蚊 送埋野飲 晚餐黎講係平既，試下喇!坐低後，先購票，後上食物。小店人手唔多，1個樓面兼水吧，1個大廚。環境嘗試造到台灣休閒feel, 不錯先上飲品，奶茶偏甜，珍珠偏粉 唔彈牙煙un荔枝綠茶正常水平。肉燥味道唔錯，但豬肉少肉多骨，而且都幾少舊飯偏硬，唔多軟熟，但夠1個人正常份量。牛肉偏淡口，屬正常可接受。合共$76 2人晚餐…查看更多

本身諗住用左張75折coupon, 都知許留山啲優惠不嬲都煩，又要正價，又要限定外賣或者堂食先用得，套餐又唔用得，煩到計左一輪，會員叫套餐有9折，仲平過用75折coupon散叫成日整啲所謂優惠都呃人既btw次次黎粉嶺呢間，staff入廚房都冇人戴口罩，態度唔好，樓面唔夠人速度慢，會員一用app儲分或者用coupon，而唔係用實體卡，職員就會發老脾，話個客唔帶卡，嘟唔到就用唔到，大佬呀，係你地個系統廢，唔係客既問題喎，咩態度麻煩許留山加強下培訓最後 唔明點解80蚊 9折之後會係73蚊次次黎都成肚氣…查看更多

睇完戲行行下去左呢間門口，見啲相都幾靚，價錢都岩預算，諗住是但食完返歸，點個呢間野估佢唔到咁好食我叫左咖哩吉列豬排飯，7喜。食過豬排飯都個豬排既品質係成個飯既靈魂，呢間餐廳真係處理得好好。吉列粉炸到岩岩好，金黃色，粉唔厚，比到岩岩好既鬆脆口感，唔似大x樂個啲炸到過硬，而且唔會同豬排肉分離肉質唔鞋，仲有啲啲肉汁咖哩都唔錯，夠香，少少辣，唔係個種甜椰椰既咖哩，但完全唔食得辣既人就盡量唔好叫喇飯方面，自問對飯冇乜要求，唔識分點叫好，覺得都幾ok，軟熟。汽水就一罐罐咁既，不過好少可見汽水貴過叫凍飲😂😂賤外叫左照燒雞扒飯，凍檸茶。試左雞扒，上碟已經切開左，連雞皮，雞肉滑身，正絕對對得住個價錢，重點係根本唔貴…查看更多

打完波， hku朋友帶我地去食宵夜，就黎左呢間宜記。一開始諗住[甜品舖]食甜品，都三十零蚊起跳，點知好多甜品都係十幾二十蚊，非常親民。有啲餓，但理智同自己講唔可以食咁多卡路里，淨係叫左個甜品。點知呢個甜品超正食極都仲有朋友叫既咖哩飯都幾大碟，多汁，觀感都好吸引。呢間店行平民路線，冇乜裝修，但食物吸引，有機會再去。…查看更多

見有間新餐廳，入去試試味。6:15分入店，有位，但冇人招呼，望左一輪先有人話唔使禁飛，帶我地坐卡位。1男1女叫個2人餐，上左枱先知原來勁多野食。拼盤有蝦餅，扎肉，春卷。蝦餅幾彈牙，春卷都有蝦扎肉就得一片仔，少左啲，但過下牙癮都好半隻雞勁多肉，蕃茄牛腩煲勁多蕃茄，但牛根多過牛腩 牛腩煲送兩片法包，搽左蒜蓉，好脆，但有啲硬過頭成個餐份量超多，2人餐建議可以3，4個人叫。我地2個人食到就嘔咁濟甜品係椰汁糕，份量都比預期中多，但質地比較痴牙總體黎講，每個菜都好開胃，味道唔錯既待應呀姨都幾有禮貌，順路會再去…查看更多

難得男朋友肯同我食韓國野，經過搵食就食呢間喇。叫左3款食物，第一樣石鍋飯。個飯本身冇乜味，落左4次辣醬先有啲韓國味道，不過每個叫石鍋飯既客人都會有支細細支既辣醬住落，唔使怕唔夠味配菜唔多，一個女仔岩岩好。石鍋夠熱，整到飯焦第二樣鐵板辣雞飯。完全冇辣味，得個甜字第三樣squid sushi，估唔到為最好食，3十幾蚊，算抵食，夠哂重口味。hungry korean行平民路線，勝在平民價錢，如果加配飲料/前菜(+$10)平啲就更加好喇…查看更多