蝦頭's Profile

🎉 好友生日，恭喜恭喜！一早就預約左一間好正嘅順德私房菜餐廳 名門私房菜！🎂呢間餐廳喺灣仔，位置超方便，喺市中心，朋友聚會就唔駛擔心交通問題啦！📍一踏入名門私房菜，環境好優雅，每張餐枱之間都有足夠嘅距離，好寬敞，好適合嚟呢度食飯同傾計！😄💬我哋黎睇下佢哋嘅菜單啦！首先，杏汁豬肺花膠湯，呢個湯係用燉湯方式煮嘅，湯味清澈鮮甜，正好可以滋養返肺部，啱哂而家好多人咳嗽嘅情況。🍲🌱開胃菜方面，我哋揀咗糖心皮蛋子薑，呢個菜醃得晶瑩剔透，中間仲有流心部份，一口咬落去口感十足，超級好食！仲有炸茄子配喼汁，呢道菜炸得外脆內軟，口感好似杏鮑菇咁，同埋配上喼汁仲更加鮮味，好好味又開胃！🥚🍆😋然後，我哋食咗冰鎮鮑魚，鮑味濃郁，肉厚有咬勁，再配上Wasabi豉油，口感好鮮味又爽口！仲有京蔥爆關東遼參，呢個菜充分浸透名貴海參，膠質十足，爆香嘅京蔥味同微辣嘅京葱，搭配入味嘅海參，一軟一脆嘅口感，對比好強烈，超讚！🍣🍲🍤仲有煎釀豆腐，呢個係順德傳統風味，豆腐滑滑嫩嫩，釀入爽口嘅鯪魚肉，口感超級美味！另外，我哋都品嚐咗蝦乾魚肚芥菜，清甜可口嘅上湯入面有蝦乾嘅咸香味，魚肚充滿膠質，爽滑唔腥，軟滑入味，真係好難抗拒！🍤🐟🥦當然，唔能夠錯過佢哋嘅XO醬名門炒飯！呢道炒飯水準超高，爽口有咬勁，每粒飯都夠味，外面仲有香脆嘅飯焦香，香氣四溢！即使已經食到七分飽，仲係停唔住食，一口接一口！🍚😍最後，嚟一碗足料番薯糖水，薑汁香味唔過份，薑甜適中，溫暖胃口一流！完美地慶祝好友生日！🎉🎂(個炒飯好味到要打包唔想浪費 哈哈)糖心皮蛋子薑…Read More

小妹咁岩附近返工 Lunch time隨便揀一間食飯一間小店 但好多人排哂隊（好彩係等外賣）我就入去試試 平時都唔會食牛腩 覺得會好韌 攝牙罅見到評論話牛腩好食 我就試一次又抵食！ $3x 加$5多一個餸！！食完回頭好多次！因為牛腩起碼5-6舊 好香又入味 又林 原來可以咁好味 唯一覺得係有點肥膏 真係要試…Read More

對上一次食揀了lv4, 開年期間當然豪氣少少揀lv5.lv5 日產和牛 只有3款 牛西冷 咬好耐都咬唔開 最終果斷放棄幸好 其餘2款 牛肉眼 及 牛肉眼貝肉蓋 係好好味 對得住呢個價錢另外lv5 既醬油帆立貝 都係必食燒完唔會縮到好細粒 而係彈牙有口感 完全無雪味 朋友燒到恰到好處 回頭下單率upupup以前牛角好似無提供生菜包肉食 依家自助吧有提供羅馬生菜 值得讚揚 可以解油膩飲品方面 果汁 蘋果、菠蘿都好好飲 唔會死甜 朋友話雪梨太甜lv5 價錢只可比你試一試日產和牛 如果你主打要食日產和牛都係建議去其他專門店…Read More

同男朋友去澳門旅 專登揀一間遠離旅客區既水蟹粥店幫襯相對而言 唔洗排隊排咁耐 而且價格合理 適合2人份量一開始店員係客人面前用熱水過一過所有食具 非常貼心 值得一讚2個人叫左4樣 估唔到都食到10分飽 證明份量足料水蟹粥（一碗份量）第一次食 加上2個人 叫一細鍋都搞唔掂 所以一個粥碗 都分到每人2個白飯碗既份量 水蟹鮮甜 粥底有菜脯 好有口感 唯一可改善係蟹鉗可以再剪開少少 因為唔係好食得哂入面既肉牛肉腸本身我地都非常鐘意食腸粉 見到夜晚都有得食腸粉說叫 滑溜軟軟 牛肉香濃 一定要encore 腐乳通菜份量大大碟 有鍋氣 而且通菜好新鮮乾炒肉絲麵第一次試食依個麵底 乾身好味 肉絲份量都好多 每一夾都可以連同麵入口 一再回味 不過依個麵等得比較耐…Read More

難得放假又天氣好 約埋閨密去搵下靚靚cafe 打下卡上網見到相片都好igable 非常適合打卡既環境去到既時候都不禁「哇 好靚呀」因為佢既擺設以及佈置都充滿歐陸風格加上臨近聖誕 放置聖誕樹及裝飾 成個氛圍都好靚不過食物質素就一般 Matcha過甜而冰塊融化太快 成杯變到淡左All Day Breakfast 煎既食材都煎得唔夠香 平時食既蕃茄都會輕輕煎香個表面 比較遜色…Read More

之前同朋友幫襯過幾次 今日放工 帶個同事去食返餐好既平日時間 星期四都需要預約好先有位 如果經 sevenrooms book枱, 仲可以享有折扣優惠添證明依間真係好受歡迎～先係點左一份黑松露薯條 $58薯條熱辣辣炸起厚切薯條帶少許松露香, 每一條都外脆內軟 口感一流然後叫左一份 蒜蓉牛油烤蔬菜 $58香噴噴牛油香配上新鮮椰菜花西蘭花 fresh~我同事點左一份香煎北海道帶子龍蝦汁扁意粉配三文魚籽帶子鮮甜無比又厚肉食落有咬口 煎得恰到好處表面微焦而入面非常juicy 嫩口扁意粉煮得軟硬度適中 龍蝦汁超濃郁一上枱賣相已經好吸引😍味道驚艷 十分難得意粉完全掛上龍蝦汁 加上少量三文魚籽而我自己就點左一份燒澳洲帶骨豬扒配香茅芥末籽忌廉汁豬扒的肉質嫩滑 感覺還帶點煙燻香味 配上香茅芥末籽忌廉汁後 感覺全不膩口 醬汁調配得非常出色野味 食材本質被昇華…Read More

臨近年尾 打算同屋企人出去食返餐好既 屋企人同我都未試過私房菜 覺得好貴 唔知岩唔岩食見到好多人推介依間 於是預訂4人晚餐餐廳職員非常有善解答 確認時間地點地點非常方便 觀塘地鐵站D4出口 落天橋就到入到去私房菜館 目測都有5枱座位 而每枱之間又保持一定距離 有些是房間入面 有些則用屏風間隔 私隱度高 榮哥拎左好多獎牌獎杯 未開始食已經感覺菜式一定有水準 開胃前菜自家制甜酸齋, 調味剛好 唔怕食多幾舊黑白木耳, 爽口開胃 冷盤茶燻流心蛋伴黑魚子醬配厚切茄子, 煙燻香氣四散, 流心蛋濃郁香滑, 厚切茄子吸了黑魚子醬, 入口軟腍雙色墨魚仔, 醬汁加入少許芥末, 微微刺激味蕾, 墨魚仔彈牙爽口本地水耕沙律菜伴芝麻醬,  蔬菜新鮮, 連這兩棵小菜也有擺盤, 非常重視色香味既要求湯水原盅燉哈密瓜螺頭黑毛豚肉湯&原盅燉姬松茸淮山甘筍黑毛豚肉湯鮮甜濃郁, 不會油膩, 湯水吸收豚肉鮮味, , 每一啖都暖入心, 滋潤暖胃蝦球水芙蓉菜名形容得非常貼切, 蝦球肉質結實且彈牙水芙蓉則是蛋白, 順口滑溜, 綿綿口感黑松露醬炒花尾躉班球配鮮露筍魚肉結實 魚皮彈牙有嚼口 露筍鮮嫩無渣 兩個食材帶有淡淡黑松露味而不會蓋過魚的鮮味荷香蟲草花牛肝菌蒸沙欄雞荷葉墊底 讓雞肉吸收其淡淡荷香, 雞肉鮮嫩多汁韓泡汁煮牛面肉配雙色蘿蔔第一次嘗試牛面肉, 肉質炆淋入味, 醬汁濃郁, 帶點微辣魚湯有機時令鮮蔬魚湯鮮甜, 配上時令蔬菜, 可幫助解膩, 清新爽口大紅大紫炒飯飯中切有一粒粒紫薯, 連帶飯素一起進食, 多層次口感, 十分煙韌即使去到最後一道主食, 家人也很快「清盤」甜品芝麻湯圓 皮薄滑溜,芝麻沙沙口感, 味道濃郁,甜入心, 2粒剛剛好 第一次食私房菜 屋企人都大讚食物質素有水準 菜館掌握上餸時間 令一餐飯先後有序廚師發辦果然沒有失望 更加有驚喜感到非常滿足 價錢亦只是$4XX左右 …Read More

觀塘好多各式各樣既外賣店 今日外賣左依間泰國菜食完覺得好滿足呀抵食又好味～ 即叫即整 等得唔耐 非常快手地理位置又近地鐵站 一個街口就到招牌海南雞海南雞份量多 起碼8/9件 良心企業 餸到飯既份量 並非下面放菜底扮多 其實得3舊既技倆脂肪少 皮薄爽滑 連皮食都唔會覺得油膩 肉質結實之餘又嫩滑 保留香濃雞味而幼滑口感 再配埋香噴噴既油飯 真係好開胃 好滿足😋泰式酸辣肉碎飯肉碎選用左半肥瘦既豬肉 肉碎炒到乾身入味 酸酸咸咸辣辣地 份量又係超級多 餸飯一流 食完飯都仲淨好多肉碎 如果有埋一兩塊生菜 就可以變成生菜包咁既食法價錢只係$50 就有海南雞/泰式肉碎飯 抵食…Read More

天氣凍咗就想食火鍋上星期就去咗油麻地x銀座廣場新開嘅臺式自助火鍋店勁食套餐分為幾個Lv、我就揀咗Lv 2性價比幾高鍾意海鮮嘅朋友可以揀更高嘅Lv 3或Lv 4海鮮任叫【Lv 2🐮肥牛/🐷豬肉$258】我揀嘅Lv 2包括幾款牛肉同豬肉牛肩胛食起上嚟最出眾、好滑同肉味好夠🥳叫咗幾round 嘅肉都keep 到水準😎👍【🥘沙茶豬筒骨鍋】一開爐就聞到勁香沙茶味❗同豚肉牛肉都十分之夾😋基本上唔需要再加調味已好好食🤤【🥘人蔘雞湯鍋】經過原條人蔘熬煮、非常清甜，而且食到最尾都唔覺好濁😌、適合唔想太邪惡嘅朋友【台灣特色小食】個人大推甜不辣、炸過嘅魚肉外脆內軟，口感一流🥰其他仲有鹽酥雞，黄金芋泥球、手抓餅等。質素都冇揸流灘【配料自助區】提供嘅食材大概有30種最抵讚係佢個凍櫃係keep 住噴冷氣保溫🥺🥺🥺👍每盤最上面都保持冷凍而自助區甜品竟然有杯裝Movenpick 😱，仲有童年回憶嘅鷹嘜奶同紅豆雪條😍😍【+$48 🍺臺灣啤酒任飲】種類唔少，分別試咗兩款女仔好易入口、啤酒味一啲都唔濃🌸果香味重。而罐嘅包裝都幾igable總結而言食物質素中上👍QR code 落單速度快👍湯底有質素👍坐位舒適👍地點都幾就腳，下次有機會再試佢其他Lv 嘅套餐～依家去仲有高清世界盃 直播睇⚽️啱哂同男朋友或者一大班波友去喇🥳…Read More

淘大一個小角落 一間鹽水雞店雖然店舖不大 也有吧枱位置 供3-4人堂食叫了一份3配料組合有鹽水雞 鹵蛋 杏包菇 原味上菜用膠盒裝 看似份量細細 食落份量非常足台灣味道 夏日涼拌好食…Read More

油麻地C出口 轉個彎已經到達小店日系裝潢 5-6枱座位 坐得舒適老闆非常友善好客 安排座位後 用心講解餐牌料理進食前，貼心地提供防彈汁小圍巾我叫了這碗黑蒜油叉燒拉麵濃郁黑蒜香湯底 麵質恰到好處 軟硬適中 配上一大片紫菜 溫泉蛋 賣相好好朋友的櫻花蝦拉麵湯底帶點微辛 好濃的櫻花蝦味 特別之處有一個櫻花蝦天婦羅 外脆內軟除拉麵外，幾款串燒都好吸引雞皮燒到脆香 咬一啖油香滿嘴一口牛厚切半肉半油脂分佈 入口有種溶化感覺 唔會燒得老身雞軟骨有別於平時的粒粒雞軟骨 這個部位特別爽脆 而且啖啖肉牛舌本身不太喜歡食牛舌 怕韌 怕蘇但朋友大讚 厚切之餘 爽口不蘇 店員見到我怕 都過來叫我不用擔心 牛舌是特別挑選了最好味爽口的部分來入貨 亦是有別平時出面食的 我嘗試一塊 果然好好味香蔥雞蛋卷 不過不失 沒有多汁的口感特濃芝士蛋糕入口即刻溶化 非常濃郁芝士味當晚食了拉麵、串燒及甜品 肚飽飽 滿足…Read More

放工突然好想食雲吞去左佐敦既白加士街 依度開左好多食肆今晚揀左盛記粥麵 因為門面夠光猛 衛生企理既感覺個晚都好多人幫趁 亦都有學生幫趁 侍應姐姐好快幫我安排座位 睇到餐牌價錢親民 所以學生哥都負擔到 有粥粉麵飯 任君選擇我即刻可以落單 叫左5粒淨雲吞 加 炸兩。等唔夠幾分鐘 好迅速地上左碗淨雲吞一個女仔叫淨雲吞加其他野 岩岩好胃口湯底係用新鮮大地魚我唔食魚都覺得湯底好鮮甜美味 而且加埋韮黃既雲吞 簡直絕配粒粒都新鮮包得飽滿 大小適中 鮮蝦同豬肉混合彈牙爽口 肉汁鮮甜 咬一半都唔會跌哂出黎 包得好好 皮薄餡靚食到差不多 炸兩都上碟原來係即叫即炸 有驚喜有圖有真相 目測已經知道腸粉滑溜透薄 炸兩脆卜卜 絕對用心製作 難怪咁多人都叫炸兩另上豉油 花生醬 甜醬我先唔加醬原汁原味試試 真係第一次食到咁好味既炸兩 唔係講笑！炸兩仲係好脆口 加上滑滑既腸粉 即刻推介比朋友我之後加哂3樣野 真係停唔到口 好快地K.O. 食到依個質素 我覺得個價錢非常抵食又親民 …Read More

之前食過呢間餐廳嘅鐵版三文治覺得好唔錯, 見到有沙律賣, 今日要做運動, 無謂食得咁heavy, 於是就叫左個Salad一試, 4餸嘅沙律都係$58, 唔算貴, 我就揀左吞拿魚、西蘭花、雞肉同埋烤豆腐, 黑醋醬. 雞肉加左少少香料, 食落都幾有雞味, 唔會淡茂茂, 烤豆腐食落有少少似豆卜,  配上黑醋醬都唔錯…Read More

今日lunch好肚餓於是就去左買燒味飯, 燒鵝叉燒飯 雙拼再加一個例湯, 例湯係粉葛豬骨, 不過味道就比較淡, 燒鵝質素一般 , 但叉燒就比較乾同鞋口, 不過呢個飯連例湯只係$38 , 無謂太高要求吧~…Read More

自從食過呢間酸辣粉之後, 再無食過其他酸辣粉係好味過佢, 不過呢間店只有企位, 無坐位, 只可以外賣又或者企係度食, 呢間店我最鐘意嘅配菜就係魚蛋同豬腸, 蘿蔔幾乎係每次必點, 佢嘅魚蛋係陳皮魚蛋 , 豬皮中間係無通乾淨, 係有好多脂肪嘅. 蘿蔔真係超級入味, 諗起都口水直流上一次係叔叔整嘅酸辣粉真係比較好食, 今次係姐姐整, 雖然都唔錯但就有高低之分, 希望下一次黎買外賣會係叔叔整~…Read More