atesomethingnew的個人專頁

如果自己一個嚟到尖沙咀，又想食日式嘢食嘅話，通常都會諗起呢間餐廳，因為佢嘅選擇非常之多，無論係自己一個定係一班人去食都非常之適合。魚生丼飯有preset好嘅，如果唔啱你心水嘅話你仲可以自行選擇配料，特定製造一個你覺得最match嘅配科combo。如果唔想食丼飯，仲有壽司同埋其他日式小食可以揀。可能因為性價比比較高，所以晚餐時間成日都見到人哋排隊，就知呢度幾咁受歡迎😛 地理位置亦都非常之方便，地鐵站行幾步路就到。…查看更多

同朋友喺尖沙咀行街嘅時候，即興想搵個地方坐底食野望海景，原本想去嘅餐廳原來已經執咗好耐，所以誤打誤撞就黎到呢度啦，不過都冇嚟錯😌除左叫左cocktail，我地仲叫左Spanish Style Fish and Chips做小食，好奇西班牙式同著名嘅英式Fish and Chips有咩唔同。原來Spanish Style 加左Pimenton，姐係紅甜椒粉，係西班牙料理入面相當重要嘅調味料之一。紅甜椒乾燥過後磨成粉之後，再經橡木桶煙燻同埋調味。經過Pimenton調味後再配上cheese非常之惹味😋食完可以去尖沙咀海旁散吓步，過一個寫意嘅夜晚🌃…查看更多

原本想搵一間位於太子嘅Cafe打發時間，喺度發掘緊有邊間Cafe適合嘅時候，突然醒起神經餵飼。以前試過喺度叫咗個lunch set同杯咖啡，由於佢入座後唔限時，可以坐底慢慢嘆杯咖啡，悠悠閑閑咁過咗一個下午。今次我叫左杯latte，唯一美中不足嘅係杯咖啡唔夠熱，只係暖暖地。雖然飲食方面好似冇以前咁好食，但值得讚嘅係佢地啲menu成日都唔同，每次嚟都可以試吓唔同款式，同埋勝在佢可以唔限時間坐，適合同朋友嚟吹下水。可能今次係下午茶時間嚟，所以冇咩人排隊，記得以前嚟食晚餐有好多人等位。…查看更多

記得以前去主題樂園玩都會玩完先出去市區食晚餐，因為喺主題公園入面大部份嘅餐廳都係偏貴。但而家樂園遲咗閂門，都逼住要喺樂園食埋個晚餐先有力玩落去。如果想易啲拎位少啲人排隊嘅話，可以六點前去餐廳食咗晚餐先，因為六點過後好多時候一家大細都會沖去餐廳度充飢，到時就會好多人排隊㗎喇。Roasted Half Chicken Combo 烤雞套餐呢份烤雞套餐有半份雞，仲有炸薯條做配菜，仲包埋一杯飲品，飲品方面可以揀汽水或者普通水都得。最令我驚喜嘅係價錢原來都唔算貴，只係大約$150，同喺市區食個晚餐差唔多，大大令我對主題公園嘅餐廳一定係貴呢個印象改觀。重點係佢個份量係超夠，飽足成個夜晚，有力繼續玩機動遊戲喇😆…查看更多

平時去開其他分店嘅春水堂，今次第一次嚟到希慎廣場嘅春水堂食飯，發覺佢嘅裝修都幾特別，有別於其他分店，相信係同佢店舖嘅位置有關。店舖位置屬於露天，由於近大堂中間所以人流都比較多，位置亦都好顯眼。佢入面嘅座位大部份都有矮牆隔住，大大提高左食客嘅私隱度，令食客食得安心。嚟到春水堂梗係要飲佢啲台式飲品啦，今次試飲咗佢杯鐵觀音鮮奶，茶味非常之夠味道，配上鮮奶非常之好飲，一啲都唔會令人失望。另外再叫咗一碟香酥雞，炸衣嘅厚度剛剛好，皮肉唔會分離，食完成碟都唔覺得膩😊…查看更多

作為飲奶蓋嘅頭號fans，行街見到有買奶蓋嘅飲品舖頭點會唔試吓😝 不過今次就冇特別驚喜啦，奶蓋唔厚身，唔早啲飲晒杯嘢飲嘅話，啲奶蓋就會同茶融為一體，第二就係啲奶蓋未係咁突出，飲完杯嘢唔會回味。…查看更多

每次經過Lungo都好想買佢哋整嘅bagel，今次就買左 chicken & wasabi mayonnaise bagel sandwiches，雞肉同菜嘅份量一啲都唔馬虎，bagel則搽上厚厚嘅cream cheese & mayonnaise sauce，超值得bagel控去嘗試~咖啡我就試左Flat white，除咗鮮奶外，仲可以揀轉soy milk，啱晒啲只係飲植物奶嘅顧客。下次有機會想試吓入嚟堂食，食下佢嘅環境😛…查看更多

Twelve cupcakes not only have mini cupcakes, it also has birthday cakes to offer 😍 平時經過twelve cupcakes，每次望親都覺得好適合用嚟做散水餅，可惜一直都未有呢個機會。今次係因為朋友生日終於可以試吓佢哋啲蛋糕，啲餡就唔似普通海綿蛋糕咁，似返cupcakes餡，有小小似brownie嘅咬口，整體嚟講都算唔錯。希望有一日可以試到佢啲cupcakes，外表非常之精緻，款式琳琅滿目，有時仲會根據節日推出符合節日氣氛嘅款式。…查看更多

十幾年前，珍珠奶茶開始喺香港興起，台式飲品嘅店舖喺街邊隨處可見，唔少人茶餘飯後都會買一杯嚟滿足自己第二個胃。然之後不斷演變成其他類型嘅台式飲品，例如係黑糖珍珠鮮奶咁，甚至乎係酸奶。直至呢幾年，大家開始注重健康，健康飲品係呢個市場上面越嚟越有market 😉今次叫咗呢個金桂花茶，額外再加左桃膠，桃膠帶有少少甜味。高纖係桃膠嘅其中一樣特性，有助排便，間接地幫助排毒同美顏，仲好飽肚，比起珍珠健康得多😊 …查看更多

每次去IKEA食嘢感覺都好似食自助餐咁，因為佢有非常非常多嘅選擇，價錢上亦都相對實惠，仲有餐湯同埋唔同款嘅餐包拎添🥖🍞🥐 每期又有唔同新嘅嘢食，成日嚟食都唔會覺得厭，不過當然都要嚟開MegaBox先喇，始終呢個商場交通不太方便~ 今次我就試咗佢嘅三文魚扒，份量非常之大，對比喺出面西餐成百幾蚊一份，IKEA真係非常抵食，唯一一樣可以再做得好啲嘅就係啲食物可以再熱啲，有時拎完嘢食比完錢行到埋位份嘢食已經冇咁熱 🥺都係一班朋友嚟食先開心，大家可以share多啲唔同嘅小食，試盡晒佢啲款式😆…查看更多

I had not been to central for a while ~ visited this new restaurant and ordered a seasoned and grilled salmon fillet served with arugula. The salmon fillet was very juicy and the size was just enough for me. They have a lot of other choices on the menu, perhaps I will try their famous burgers the next visit. …查看更多

以前做小朋友嘅時候入主題樂園最怕喺園區内食野，因為一般價錢都實在太貴喇，成日都捱餓出返市區先食野。夏日炎炎，比太陽曬到脫哂水，要補充返啲能量同水份先可以繼續行程💦 咁啱喺企鵝館睇完可愛嘅南極小動物後，見到有間有冷氣嘅餐廳就毫不猶豫同朋友一齊入去食野同抖下😇 好幸運地排左15分鐘就入到去，侍應帶我地去一個位置係同企鵝🐧距離好近 😱 本身諗住係充飢，冇諗過會見到企鵝😱 🍣 香煎三文魚配檸檬牛油汁 $248🍛 吉列豬扒飯配鮮茄汁 $228食物方面，係以份量取勝，可以見到份吉列豬扒完美地蓋過成一大碗飯，味道就唔會話去到返尋味嘅程度，but when you could dine with penguins, what more could you ask for? 🥲環境 score 11 out of 10 🐧💞…查看更多

好鍾意飲肥仔水同茶嘅我聽到朋友話喺MOKO開咗間養生茶舖，有啲心動想試 🥰 雖然MOKO唔係好就腳，但想試吓呢一間主打健康嘅飲品舖所以就嚟咗喇店內嘅位置都算多，買完唔洗驚冇位坐 👍🏻 望望menu, 原來佢除左養生茶之外, 係仲有desserts 架😳 皇牌氣血茶 🌷🍵試左佢地嘅皇牌飲品皇牌氣血茶，成份包括紅棗、桂圓、千日紅等，有調經止痛、暖宮驅寒之作用，好適合一眾月經不調嘅女士 👩🏻‍🦰推介各位茶控去品嘗😝…查看更多

飲奶茶加奶蓋由中學開始已經興起咗好耐，要係咁多間飲品舖突圍而出一啲都唔容易，某啲飲品舖將個奶蓋做得好甜令杯嘢飲非常之膩，另外一啲就將個奶蓋做到好水，飲唔出奶茶同埋奶蓋之間嘅層次感，個人覺得一個好飲嘅奶蓋要有三點：第一係要份量唔孤寒，好多人買奶蓋奶茶其實係想飲奶蓋，奶茶只不過係配角，如果奶蓋太少會好失落；第二係要夠厚，咁樣先飲得出個層次感，又有啲嘢飽肚；第三係要有其獨特性，先可以喺眾多同類競爭對手脫穎而出。NUT TEA就三樣都齊晒🤩…查看更多

牛油果紫菜軟殼蟹包 🥑🦀食炸軟殼蟹除咗要夠香脆之外，上枱嘅時候一定要夠熱，唔夠熱會大扣分，由於呢個菜式係餐廳其中一個招牌菜，所以我對佢好大期望。一上枱即刻試吓隻軟殼蟹熱唔熱，好開心佢仲係熱辣辣仲好香脆添 ☺️ 另外一個重點係夠晒大隻呀 🦀餐廳嘅地理位置都幾方便，喺太子地鐵站行過去只需要幾分鐘，不過門口就唔係太明顯，行咗幾次Miss咗個門口，同埋要齊人先入得，上次我早咗嚟大熱天時喺門口都等咗陣，不過都值得嘅 ☺️…查看更多