Nychingg's Profile

第二次黎依間上次剛開張無耐 太多人 出餐就要等好耐今次見依間野冇乜人 唔洗排隊 就諗住試多次Btw落單係要行出去收銀落2人就點左佢2個農夫早餐因為上次黎都係叫左同一個餐 果陣full左場 就等左半個鐘 所以今次特登問佢製作時間佢行一行入廚房望左一眼 就答我10分鐘咁我就話ok先落單然後埋位等等左20分鐘後 佢員工走黎同我講：「唔好意思 依個要製作耐啲 要20-25分鐘，你要唔要轉過第二個餐？」然後我地話：「頭先落單特登問 話10分鐘炸窩，依家已經等左廿分鐘 先同我地講要多廿分鐘？」然後佢就淆底唔出聲行開左 中間我地又催多佢兩次 即係問到底整唔整到比我地佢只係答 做緊做緊最後等左差唔多40分鐘先到仲要漏依樣漏果樣 又漏腸 又漏塊包 連三文魚都成份漏左其實我地發現到 但廢是叫佢整 因為唔知又要等幾耐不過佢地員工自己又無啦啦發現整漏左然後逐碟逐碟上返比我地仲要連唔好意思都無講 其實佢啲野都係煎一煎 都冇乜調味 唔明點解要整咁耐後入左啲客人 叫左意粉 都比我地早出餐似乎係揀易出餐嘅黎做 而唔係跟落單嘅先後次序做最後仲要半成品咁比我地 都幾荒謬最後我地lunch hour得返10分鐘左右食野趕頭趕命食唔切之餘 仲要跑返公司搞到胃抽筋其實佢又唔係平 依個價錢 依個服務 無下次 嬲到癲左…Read More

第一次寫食評就獻比你地見佢好近我地公司Lunch Hour就去試下Menu選擇唔多 叫左個最保守嘅冬陰公大蝦意粉 （$110）同 All Day Breakfast （$120）餐前有個湯仔 飲唔出係咩湯 但味道一般 等左20mins左右上菜個意粉都正正常常 但偏咸 啲意粉偏硬身而個all day breakfast 啲bacon同腸 其實overcooked，但都算正常 無乜特別。去到依度我都覺得接受到。到跟餐 叫左2杯Iced Mocha （跟餐$25/杯）我同個fd都比佢驚豔到 未飲過咁難飲嘅Mocha 得個酸味外 飲唔到咩味 然後唔攪勻佢 啲水同啡係完全分離 但佢又冇攪棍可以攪 局住拎支匙羮攪 但味道冇分別 都係得個酸味7-11啲咖啡仲好飲過佢 服務其實又冇 要去出面櫃檯叫餐比錢先 餐具又係要自助去拎 埋單$280 但同食物質素完全唔成正比食完拿拿聲閃人 冇下次🤭…Read More