monmonkeykey's Profile

我呢個大朋友，去到小朋友的節日 – 復活節，點少得要食復活蛋呢!  不過平時係食朱古力復活蛋，但今次就係食復活蛋布甸!知道happylemon出咗個復活蛋，行過就要買嚟試吓~佢有恐龍暴走同火烈鳥暴走，其實即係OREO珍珠奶茶沙冰同岩鹽草莓蛋糕沙冰，但特別的係因為佢頂層放咗一隻珍珠奶茶布甸蛋或莓莓布甸蛋，見到實物好靚！個布甸仲好軟熟，呢個concept幾好，又應節!店舖旁邊仲有一個好特別的鏡，簡直係一個店舖「打卡」熱店!等我下次試埋其他產品!…Read More

仲係放假中，想去Café嘆吓!朋友介紹，官塘有間高質貓Café，就同朋友一齊去試吓!入到去，地方很寬敞，貓貓的數量也有不少，隻隻都好靚!是日餐湯係南瓜湯，南瓜味超濃郁!煙三文魚黑松露芝士忌廉班尼迪 配 法式酸種包班尼迪係用日本無激素雞蛋，感覺都會安全D煙三文魚連埋酸種包一齊入口，味道好夾。如果個班尼迪的蛋黃再流心一點，就更prefect喇!慢烤香草豬扒薯菜配黑松露忌廉慢烤豬扒肉質很嫰，肉汁都鎖在肉裡面，加上黑松露忌廉汁，層次很不錯!400次焦糖朱古力、400次抹茶兩杯都可以先品嚐頂層的醬，然後再攪混飲，兩個都有不同的味道!LUNCH set 包括餐湯、沙律、主菜及飲品，這個食物質量，加上又有甘多貓貓摸，很不錯啊!…Read More

呢個開始轉涼的月份，朋友話想食羊腩煲，我第一時間諗起二鍋頭！滋補羊腩煲火鍋放題都只係 $278/位，梗係唔使諗，即刻 order 啦！大量火鍋佐料比你選擇！未進冬已要進補！未進冬已要進補！肉質軟腍，具羊味而不會過羶配料有枝竹、馬蹄等，羊腩肉肥瘦之間，連骨位置都好滑溜，盡沾惹味湯汁，味美豐腴！淨係食個羊腩煲都已經超哂值！所以我地都係食菜為主，加少少其他蔬菜都已經好滿足了！飲品的選擇都好多！我就鍾意有茶、有蒸餾水！友人就鍾意飲汽水、仙草爽！…Read More

朋友突約，咋咋臨搵野食，要近佢返工地點，就揀咗旺中帶靜的Plato炸新鮮洋葱圈炸洋葱圈，脆卜卜加上香口的洋蔥，沾上沙律醬，作為前菜是不錯的選擇水牛雞翼香脆juicy的水牛雞翼，配上惹味香辣醬汁，一試難忘，邪惡滋味，食到停唔到口！美國安格斯西冷牛扒牛扒厚度不太厚，友人唔喜愛食五成，只好點七成熟，幸好口感都不差，牛嘅外層帶點焦香味加上牛味甚濃，很不錯呢！ 配上一點炸薯仔、車厘茄、沙律菜，既健康又飽肚dinner set加$28可以轉龍蝦湯，龍蝦味幾鮮甜，味道岩岩好唔好太咸朱古力奶昔質地頗濃厚，奶香幼滑，頂層再唧上香甜滑溜的鮮忌廉，吃得人大滿足…Read More

旺角一向都是飲食店舖林立之地，古早味蛋糕店亦漸漸多起來，今日就試試位於旺角道、彌敦道的『有間本舖』。有間本舖是大名鼎鼎的台灣過江龍古早味蛋糕店品牌之一，創於台灣高雄，口味和做法絕對正宗，故此一直人氣爆高，長龍之首，歡迎不言而喻。在台灣有12間分店、泰國有4間分店，香港也已開了3間。香港代理人亦需到台灣學藝二星期，不斷反覆練習，直到台灣老闆滿意品質，才取得代理權，因而保證香港客人也能吃到原味道呀。蛋糕店只有外賣自取，從透明的玻璃，可清晰看見店員製作、焗製、切割蛋糕，感覺上更加衛生。店外會有牌子寫上蛋糕出爐時間，每種口味匀每天新鮮製造，經過便能聞到香噴噴的蛋糕味。古味味蛋糕有四種口味，包括: 經典原味$60、黃金芝士$75、蜂蜜蔓越莓$75及抹茶紅豆$75。蜂蜜蔓越莓味由於是新鮮出爐，加上其他地方未見過有呢款味道 ，當然揀呢款喇！鬆軟的蛋糕，帶著甜甜的淡香蜂蜜味配上微酸的蔓越莓，既特別又好食！店舖還提醒如果即是食唔晒，唔緊要，放入雪櫃，凍住食，有另一風味。…Read More

我好鍾意食瑞士雞翼，鰂魚涌樓下冰室的名物之一正正就係瑞士雞翼，所以黎到必點啦！瑞士雞翼可以單點（$38/3隻），或者跟餐（$58）有餐飲、沙律及牛油多士。跟餐划算啲！雞翼夠熱夠入味！咖喱牛腩飯（$58）午餐價，咖喱夠味，又唔算好辣，味道調得剛剛好；牛腩份量好多，絕對夠飽肚！鹹檸七（跟餐加$10）懷舊風裝修：都幾旺場！午餐時份的餐牌：單係午餐都有13個餐，非常多選擇。除了瑞士雞翼，仲有番茄濃湯通粉都係呢度皇牌，下次要食了！…Read More

喺旺角返工，有乜好處？人又多、車又多。但從另一角度諗吓，正因為人又多、車又多，即係交通方便，餐廳林立，學7仔的口號“梗有一間喺你左近”，尤其女人街，差不多十步內也有一間餐廳。不過揀餐廳都好麻煩，所謂花多眼亂。咁今次點好呢？今日就揀一間店名夠“爆”的……美味小鮮肉，夠爆未？呢間主打一人火鍋，仲有潮州粉麵，主打香港人的主意“快、靚、正”。自家製潮州豬肉丸併南乳豬手麵，豬肉丸味道不錯，豬手入味，午餐不錯的選擇。…Read More

所謂“秋風起，三蛇肥”，冬天一到，有乜搞作？？當然打個邊爐，大家一齊滾吓滾吓喇！！今次除咗打邊爐，仲要嚟個粥底添，掂呀！！上茶前，先嚟個九宮格，你想要乜，就攞乜。呢度的粥底，是先把米煮溶，變成綿綿的粥底，有別於坊間的粥底火鍋。我們選上了“鮑魚雞粥底”，肥雞鮮鮑共煮一鍋，正呀！記得！！記得！！鮑魚只要滾一滾就得，如果唔係就冇眼睇。鳳城水餃，大大舊，餡料足，正！！打邊爐的新歡“蝦膠釀老油條”，不可不試。火鍋必備“美國肥牛”我的至愛“白鱔片”…Read More

當我想吃海膽，我就會想起S2 Kitchen……咁有乜方法？？咪就係訂位，叫嘢食。十層海膽杯，S2的台柱，那有不點的可能？單單材料和手工，已經值回票價。由底至上分別放有海帶碎、北海道紫海膽、松葉蟹肉、白蝦、三文魚子、藍鯨吞拿拖羅蓉、沖繩海萄葡、黑魚子、燒白飯魚脆片，而紫海膽足足有三層。店員提示我們先慢慢吃掉海萄葡對上的，再好好享受下層的時光。 芝士魚餅，上枱時，已嗅到濃濃的芝士味，一口咬下，芝士就從魚餅中湧出來。S2特色海膽火焰卷，上枱時，店員會點火，記得留位置給他們，而這時就相機先決的時間。火燄把卷物烤得帶點微熱，正好把上層的芝士弄到有點溶溶的，更香口，正宗的又睇得又食得。 三文魚夾餅創作壽司，燒白飯魚薄片配上三文魚壽司和蟹籽，就是特別的美味。 清酒鮑魚雞翼，餃子雞翼食得多，中間放入鮑魚，真係要encore！！海膽燒岩蠔，話明海膽盛宴，又點可以冇咗佢？？不能忘記的魔鬼組合，大大隻的岩蠔，配上濃濃的芝士汁，再鋪上鮮甜的海膽及放上一堆堆的蟹籽，真係感動到流淚雲海板上飄，用秋葵打碎製成醬料，配上海膽和蒟蒻麵，味道清新，麵質彈牙，海膽鮮甜。 樂師傅海膽雪糕，海膽已經進化到雪糕喇，仲係自家製，不試，絕對是你的損失。…Read More

S2除了海膽，仲有鐵板燒，今晚我們就行到去佐敦，試吓佢的錢板燒，睇吓沒有了海膽的S2會是如何？美國薄燒牛肉北海道二本蟹爪青檸人蔘茶、煙燻鴨胸沙律盛合杯、三點刺身，青檸人蔘茶，味甘，加上原個青檸，怕甘的你，都要一試；而沙律杯和刺身用料新鮮，而沙律杯比想像中精彩。西京醬煎煮銀鱈魚，喜出望外之作，銀鱈魚很香口又脆口，加上下層的西京醬，味甜，真的很特別。北海道二本蟹爪配香煎牛脷，YEAH！！我的最愛牛脷呀！！仲要係厚切，外脆，內彈，光盤行動，START！！另外，還配上四隻蟹爪，煎得香香的，為了享受蟹味，調味料，我也放棄了。美國薄燒牛肉（五成熟），內裏包了大量青蔥，一口咬吓，更能突顯牛味，真係POWERFUL。S2特色黃金炒飯（松葉蟹肉），有炒飯和炒麵揀，但當我吃了炒飯後，我會建議你，一定要揀炒飯，差不多每粒飯也給蛋包裹，一試難忘。燒野菜S2鐵板紙包蜆湯，鮮，甜，煮的時候最吸睛。甜品，泡芙…Read More

觀塘區由當然的工廠林立，轉變到各式各樣的餐廳於工廠大廈內林立，想食乜嘢菜，觀塘都可搵得到。今天，兩條佬，覓食於觀塘，食乜好？要Men啲的，唔該！所以日本和韓國也全飛，咁串燒點？？Sure，Men得起喇！芥茉凍花螺，肚餓呀，除了熱食，先來個冷盤，因為馬上有得食。花螺彈牙，但大家記得要把下面加了芥茉的醬汁吃，才是重點，要不，會打了個60% off。秋葵，一種特別的食材，就好似榴槤，喜歡的，必叫，不喜歡的，送也不要。我？咪就係見到一定點的人囉，食得健康D，食得好味D。燒白鱔串、魚旦（陳皮），白鱔又是我必點的串燒，呢條白鱔，啲肉肥厚過我的豬腩肉，加上廚師燒得很入味，只容喺口，不容喺碟。港式陳皮魚旦，街邊加上咖哩食得多，串燒我還是第一次，下次BBQ，又有新搞作了，多謝廚師的嘗試。茄子，原條的食得多，厚切的就比較少，厚切的好處在於更加入味，蒜味更濃更香。燒聖子皇，單單體積已贏了，沒話可說，你仲想知乜？燒煙肉廣島蠔，上枱時，嚇了我一吓，竟然有六隻廣島蠔，嘴都O咗。廣島蠔配上煙肉，一個字『香』！！厚切牛脷串，又是我的最愛，厚切，更彈牙！！…Read More

朋友介紹食好嘢，地點爆就腳，咁姐係喺邊呢？原來就係喺旺中對面，與旺角地鐵部口零距離，等等，我好似賣緊樓盤廣告。鮨心。旬節，主打OMAKASE，日語意思為廚師發辦，大廚會為你選最優質及時令食材，客人不需要看餐牌，只需要選不同價的套餐，真方便。樁TSUBAKI先付（冬瓜配貝柱、甜蝦配豆腐凍成杯飲、田樂茄子、枝豆水無月配黑豆、金針雲耳粟米醬、海葡萄配巨蜂），單單第一道菜，已經很日本，又精緻，為咗影呢張相，都用了不少紙巾去抹我的口水。唔好意思，係有啲誇張，不過在煮法和味道，真的絕對贊贊贊。刺身3點（螺貝加海鹽、赤牡丹蝦、拖羅 ），店員會告知你食用的次序，由味淡到味濃。用料的選擇，我也要服了，尤其是入口溶化的拖羅，就唔可以多一塊嗎！！料理一品（黑松露海膽蒸蛋）,好誇張的黑松露，配上滑滑的蒸蛋，海膽都好似成了配角似的。握之壽司3貫（深海池魚 加柚子皮、梳子魚、馬糞海膽、海棉蛋），有在好的地方嗎？？沒有…有不滿意的地方嗎？？有！！就是可否再Encore。吸物（小蜆麵豉湯），普通的日式湯，用米卻大滿足。甜品，總結是心滿意足！！…Read More

荔枝角的新蒲點，就是D2 Place，餐廳多，味道就，要試過先知道。今晚，我們就點了“北海道爐端”的燈，試吓日式風味。和風汁天婦羅軟殼蟹沙律，沙律是為了大家可以走更長遠的路，食更多的食物。但，竟然有咁多軟殼蟹，我的計劃要失敗了，今晚又更食得好飽。燉炸白蘿蔔，一款只見名字特別，就點的小吃，但卻收穫了驚喜的回報。由於蘿蔔是炸過，所以外層帶有微脆的口感。而外層的帶咸味道，配上內層的清甜，形成了一個對比，最重要是回味無窮。火炙左口魚邊壽司、芥辣八爪魚軍鑑壽司，食日本嘢，冇了壽司，好似差了什麼，所以就點了。其實沒什麼，就不是用料新鮮，火炙左口魚配上一點明太子，味道太咁囉。白鱔串，又是我的最愛白鱔，肉厚多汁，燒到爆香，Wonderful。煙肉芝士奶油意大利面（加明太子），餐廳的一大推介，店員先用火槍把芝士面溶化，然後放上意大利粉在芝士上炒，好魔鬼呀。南國美人…Read More

S2 Kitchen食過了，可惜價格相對高（冇法，用料靚），不可以時常吃。可能老闆聽到我們的聲音，就開設了新的“丼瀛”，價格相對大眾化，可供不同的人，享受這餐廳的獨特手法。丼瀛龍蝦刺身雙層爆丼（海膽蒟蒻沾麵），丼瀛的特色兩層菜式，大家先享受特色的刺身，配慢慢享受下層的蒟蒻沾麵。海膽蒟蒻沾麵，用海膽調配出來的沾麵汁，配上爽滑的蒟蒻麵，沒有了正常沾麵的咸，更加上了海膽的鮮甜之味。築地壽司杯，很有特別的一道菜，一次過滿足幾個願望，而且用料也很好，真的來個大滿足。楊枝甘露沙律，沙律食得多，用芒果汁做上沙律醬，你又試過未？？未，就快啲來試喇白桃乳酸特飲…Read More

地鐵觀塘多了兩個站，方便了居民，也方便了一眾的搵食兵團。今天我們就搵食到黃埔，當年紅極一時的蔡瀾美食坊。陳醋珊瑚紅海蜇頭，海蜇爽脆，而且陳醋已很入味，一道開開心心的開胃菜。名館蝦餃皇，在一眾的點心中，店員落力推薦蝦餃皇。一籠四隻，大大粒，咁咪姐係裏面的蝦也是大大隻，蝦肉爽滑，店員果然沒介紹錯。金銀蒜蒸娃娃菜，濃香的金銀蒜，味香但吃下不會口臭，加上娃娃菜已吸收了精華，真係好正。私房金黃球泡飯，湯中的黃金球是什麼？？話明泡飯，就當然時一個大飯團。大家慢慢把飯球弄開，就變成了泡飯。由於黃金球是用油炸過的，所以泡飯更增加了口感。蝦球蟹子銀絲煲，用料靚，粉絲整得又干又入味，配上蟹籽，更增加了咬感。蜂蜜柚子蝦球，冇錯，又係蝦，配上柚子醬和炸的做法，爆香口。…Read More