fhyyan的個人專頁

東廣場咁多野食天氣凍啱食返啲熱辣辣嘅湯米線暖胃呢間雞湯好濃郁款式都幾多🥣姫松茸竹笙花膠雞米線 $78超足料聞到好香蟲草花松茸香味吸收曬湯汁🤤花膠都好多舊好爽米線煙煙韌韌好好食！雞脾肉食落好滑好嫩而且又好多件🥣燒豬頸肉濃湯米線 $56豬頸肉邊邊位幾香脆而且爽口食落唔乾配濃郁嘅雞湯米真係超正👍🏻仲有木耳腐皮配料食落都好香🥚麻藥蛋 $28醬油溏心蛋加左麻油食落更加香～🍹柚子蜜天氣凍飲柚子蜜暖下身就最啱了！…查看更多

估唔到K11行入啲收埋左間慢煮牛丼！平日夜晚都滿座要排隊等一等🫣慢煮熟成美國牛肉薄身得黎又大塊食落都幾嫩一款配拉芝士番茄醬意粉配煎蛋一款配珍珠米飯配溫泉蛋番茄醬真材實料有好多番茄蓉撈埋cream酸酸甜甜意粉軟硬適中牛肉揀紅酒燒汁都唔錯👍🏻珍珠米煙煙韌韌跟沙爹汁好夾！仲要撈埋溫泉蛋好滑🤤小食：秘製熟成牛辣肉醬配脆炸薯條薯條就咁食都好酥脆唔油！加埋肉醬食好特別，而且肉醬調味唔會好鹹試過肉醬撈飯食超好食🤣建議大家叫埋呢個小食試下！呢到嘅果酒都係日本牌子飲落果味重易入口👍🏻…查看更多

之前聽朋友介紹過isquare附近有間蟹食過好好食嘅餐廳依家大閘蟹季節又黎了🥹套餐$688試到6樣野幾吸引！大閘蟹都幾大隻，蟹肉鮮甜🤤拆開都好多蟹膏蟹粉籠仔姿飯 姿飯唔會太硬，撈埋蟹粉食真係超正蟹粉小籠湯包 大過拳頭嘅小籠包！🫣勁多湯汁好鮮甜，蟹味突出清炒豆苗 豆苗新鮮又多，加啲蟹粉一齊食都好夾！蟹粉魚翅 超大兜夠曬抵食，蟹膏蟹肉夠曬多薑茶湯圓 中式飯後甜品啱曬依家天氣涼涼地店員話呢到每日蟹粉蟹膏鮮拆，原來都開左40幾年。呢個價錢食到咁多款蟹嘅菜式夠曬抵難怪都見到唔少遊客黎食，夠曬大家庭聚餐都啱曬…查看更多

一開始有燉湯，門鱔連骨魚皮，雞煲湯有蟲草菇香飲落鮮甜唔馬虎👍🏻雞件嫩滑份量比得啱啱好食完唔夠先再加😙魚皮脆卜卜Like FB share仲送埋刺身拼盤魚生，八爪魚，北寄貝，蝦等等爽口新鮮✨廚師推介炒蟹🦀好惹味！蟹膏好多，蟹肉鮮甜大大舊安格斯牛肉薄切唔韌海鮮湯底火鍋配龍蝦海鮮盤超正啖啖肉好爽好鮮甜，海蝦彈口！鮑魚黎到嘅時候見到仲係好生猛仲識郁蟹一樣都係好多膏🤤另外再叫埋玉米，萵荀片，娃娃菜湯底有咁多海鮮滾過，蔬菜食落都特別鮮甜啲最後仲有埋生果食🤩…查看更多

冇諗過圓方原來有個咁chill嘅地方餐廳設計歐美style都好多外國人坐室外😆睇餐牌原來帶小朋友黎仲提供免費野食啱曬一家黎，又有happy hour🦐Popcorn Shrimp $155細細碟但份量都唔少🫣食落有驚喜因為唔係想像中嘅味道！鹹鹹地香料幾特別擠埋檸檬汁幾清新🐔Chicken Parm $198邪惡嘅芝士配炸雞扒熱辣辣有蕃茄醬汁酸酸地食落一啲都唔會day仲帶點脆脆嘅口感🍕Margherita Pizza $188呢到嘅pizza原來經過發酵三日先再焗！餅底薄得黎又脆脆地番茄sauce仲有果肉唔馬虎同mozzarella cheese一齊食好正！仲有橄欖油香🤤🍰Tiramisu $85偏濕潤嘅tiramisu但cream都好滑一齊食都唔會好甜細細件作為飯後甜品啱啱好😚🍹Fruit Punch $79酸酸甜甜夠曬fresh！🍹Lychee Mint Soda $79薄荷香葉同荔枝味好清爽仲有大大舊荔枝果肉😍…查看更多

天氣熱熱地想買返杯野飲解渴見價錢又唔算貴🤩白桃烏龍：超大杯都只係$23！本身唔鍾意太甜叫左少冰少甜啱啱好。烏龍茶底味道突出白桃味唔會太假招牌茶走：奶茶比例溝得幾好又濃，飲落係泰式奶茶嘅味道，鍾意泰奶嘅推薦！開心果巴斯克蛋糕：口感creamy得黎好滑，每日新鮮整！芝士味都幾重，開心果味又唔會太淡，share食啱啱好唔會太甜！其他甜品都好好食咁價錢唔算貴，西柚系列第二杯仲要半價好抵！！下次要試下先😙…查看更多

黑松露牛肝菌意粉 $68黑松露香味十足🤤意粉帶點彈牙撈勻個汁好好食！而且好多菇整體食落又唔鹹！仲要呢個價錢好抵🫣Margherita Pizza $118餅底鬆軟有咬口芝士香味都幾突出👍🏻番茄醬底食落唔會好油膩10吋同朋友share啱啱好😙雙喜薯條配黑松露蛋黃醬 $68薯條炸到外脆內軟熱辣辣蕃薯條亦都好香甜重點唔會好油👍🏻點埋黑松露蛋黃醬勁好食送酒小食一流～Peach Wheat $78桃味同啤酒又幾夾甜甜地易入口！Grape Gose $78鍾意果味重啲嘅揀呢個啱曬而且啤酒嘅麥味都幾突然但一啲都唔苦…查看更多

好耐之前見唔少人介紹今日公眾假期黎到就接近滿座🫣同朋友叫左一人一個主食同甜品，超大份呀帶子海鮮喇沙意粉筍夠嫩同新鮮～帶子表面煎香食落又夠味意粉軟硬度適中掛汁，喇沙味都好濃郁鍾意食喇沙嘅值得一試呀！千島醬慢煮雞肉香草薄餅批邊脆得黎唔算好硬而且厚批鬆軟度都唔錯啖啖肉又唔會太乾，同千島醬味道都好夾伯爵茶糯米窩夫黑芝麻糯米窩夫兩款糯米窩夫煙煙韌韌外脆鬆軟黑芝麻同伯爵茶味道都好突出😍配上楓糖漿同伯爵茶醬食朱古力雪糕亦都幾滑唔會食到碎冰而且都好大份啱晒幾個朋友一齊share食！…查看更多

蒸汽火鍋海鮮勁鮮甜🤤豬牛雞都有個個位都有簾遮擋不論自己食/一大班朋友食都很可以！午市精選有兩款蝦，魚片，蟶子，蜆，鮑魚，蔬菜都齊曬其他海鮮可以額外加錢一款揀南瓜芋頭粥，一款魚湯米線隔離就有張紙教埋你邊款蒸幾耐簡單又過癮一啲都唔麻煩好快就有得食😋蜆肉就算唔點豉油都食到佢本身嘅鮮甜！蝦肉，蟶子，鮑魚，北寄貝，元貝都好爽口唔韌龍蝦超飽滿！蝦膏好香，肉質彈牙🤤蔬菜新鮮款式都算多～三款丸都好彈牙，其中牛丸超爆汁🤣南瓜芋頭粥食落幾香而且吸埋蒸海鮮嘅汁多種鮮味魚湯味道都唔錯，加埋米線煮爽滑唔會太淋豬牛雞亦唔騷👍🏻…查看更多

隱藏於酒店入面嘅cafe森林系設計舒適優雅主食意粉飯都強調森林色調菜名都好特別😆唔好睇佢好似好細碟咁其實個底好深份量勁多！明太子蟹肉意粉可見勁多蟹籽同蟹肉！醬汁方面控制得好好唔多唔少👍🏻夠creamy又掛汁而且好濃郁蟹嘅鮮味仲有三色椒嘅香菠菜煙三文魚意大利飯健康之選飯粒軟硬適中有咬口而且好香菇菌味🤤份量一樣夠曬大份！牛油果菠菜香蕉奶昔冇諗過菠菜可以咁樣同奶昔配搭有啲驚喜✨帶少少菠菜嘅青味但完全係可以接受嘅程度又唔會蓋住本身牛油果同香蕉嘅味道甜甜地都好smooth！…查看更多

黎到佐敦呢間出名食小炒同雞粥嘅餐廳各款港式中菜/小食選擇都唔少同朋友叫左6樣野好夠飽！魷魚鬚同海蜇手撕雞都可以叫半份而且價錢唔貴！啱曬想試下又唔怕食唔曬👍🏻海蜇爽口，魷魚炸得好脆食落唔油膩蔥花蝦米腸好滑唔會太粉亦都好香蒜泥汁脆皮豆腐外層酥脆內裡濕潤薑汁紅棗糕比例調配得唔錯食落都好煙韌！腐乳通菜牛肉好惹味又唔太鹹牛肉好淋，通菜食落都好爽凍檸茶清爽唔會太甜👍🏻晚餐仲有客飯套餐都係6-70蚊港式常餐/三文治都有融合茶餐廳同中菜選擇👍🏻…查看更多

Megabox出名食豬手嘅the salted星期四優惠叫頭盤，主菜就可以半價優惠好抵！焗四式芝士馬鈴薯丸子水牛芝士/車打芝士/巴馬臣芝士/藍芝士味道好濃郁！不過有少少膩但同朋友share就啱啱好啦呢間菜式唔係好多餐廳都有，丸子食落帶點煙韌👍🏻豬手薄餅豬手就算切成一粒粒食落都好香口pizza夠鬆軟，番茄底sauce整體唔會鹹仲有蔬菜配料一齊食更滋味😋蝦墨西哥夾餅 烤過嘅墨西哥餅配酸酸辣辣嘅醬汁，牛油果醬等等勁開胃🤤蝦肉好多隻而且好彈牙新鮮！西班牙海鮮飯海鮮5款，魚肉嫩滑，蜆肉青口蝦都好新鮮烤完唔會乾👍🏻飯亦帶點微硬嘅口感恰到好處擠啲檸檬汁完全唔會覺得膩…查看更多

燒紐西蘭肉眼牛扒配洋蔥炒薯仔＆燒汁 肉眼扒唔算好大塊但好厚一人份量都好夠配埋薯仔同蔬菜。肉質保持多汁柔嫩，油脂分布均勻👍🏻洋蔥薯仔炒得香甜又淋，炒香洋蔥提升整體層次，配上燒汁食完全唔會鹹燒三文魚伴焦糖洋蔥忌廉長通粉三文魚外皮勁香脆，切開入面魚肉好嫩唔乾好好食！焦糖洋蔥呢個調味都幾特別但好夾！帶微甜仲有少少三文魚油脂香。長通粉又唔會過淋啱啱好！厚班戟，焙茶醬，柑橘，朱古力脆米&黑糖蕨餅焙茶同柑嘅果香又幾夾！焙茶醬微微苦澀又香。Pancake厚身鬆軟，空氣感十足😆黑糖蕨餅有柑香食落煙韌有驚喜！餐湯蘑菇味濃郁入口又順滑檸檬茶夠曬fresh～…查看更多

泰式綠茶冰* $68 超打卡able嘅特飲！茶味突出就算加埋煉奶都唔會太甜，啱曬依家夏天，就算舊冰融到咁上下都完全唔會溝淡左斑蘭椰奶* $48 入口順滑椰奶香濃，充滿斑蘭香，甜度適中斑蘭灸鳳* $368 烤雞皮脆肉嫩！件件都肉汁豐富，雞脾肉超滑！即使係雞胸都唔會太乾鳳尾蝦金邊粉* $128 金邊粉爽滑彈牙，而且蝦仲係去埋殼好方便😆蕃茄醬汁酸甜開胃，仲有辣椒同砂糖可以撈埋一齊食添青木瓜沙律* $68 青木瓜爽口，配搭酸辣醬汁清新開胃，配花生碎仲有香脆口感彩虹椰汁糕* $50 分層顏色鮮艷得黎椰香突出！口感煙韌又唔太甜，每人兩件啱啱好呢到仲有好多套餐啱曬約成班friend上黎share食唔同款嘅泰菜😋…查看更多

冇諗過經過一間小店竟然有湯有糖水同港式小食！仲有牛油果奶昔同飯款式真係夠曬多而且飯嘅價錢唔貴夠曬經濟實惠！不過依家夏天咁熱食糖水消暑先🥹綠豆沙綠豆淋得黎帶點粉嘅口感但飲落都好順滑好多好足料！甜度啱啱好喳喳加左椰汁再香啲，配料豐富，芋頭同幾款豆類，好滿足因為啖啖都食到唔同配料，甜而不膩而且仲係經典嘅港式糖水楊枝甘露芒果配清新柚子肉，西米，椰奶，果香十足，芒果夠甜，柚肉爽口，椰奶香，而且大大碗！墨魚餅彈牙又爽，配泰式甜酸醬好開胃，食落唔膩又唔會好鹹，推薦～想坐低慢慢食舖旁邊都有幾個座位可以一路休息一路食👍🏻…查看更多