愈食愈想食's Profile

之前一直有0係呢間食早餐...感覺都係普通茶餐廳水準...不過不失咁啦...今日見早收工..仲可以食佢既下午茶 (去到7點)...放工就同老公去食個平晚餐lu...香煎雞扒沙律 ($24): 雞扒好鞋...沙律係普通罐頭貨+沙律醬...自己整都好食過佢..XO醬金菇肥牛炆米 ($28): 好油膩...XO醬無味...食物差都唔係最激氣...D員工態度真係...惡劣到極...落單0個位講野負氣..好無禮貌...送餐0個位就將碟野求其放0係枱邊就算......真係好差...下次唔會再去...…Read More

每個星期都會搵一晚黎呢到食上海雲吞麵...真係又平又抵食...一碗$17有4粒雲吞..加埋豆漿都只係$20...最鍾意d雲吞菜同肉既比例好平均...唔會好油膩...而麵條係比較少食既蘭州拉麵...煮得岩岩好..唔會過淋...最後加上幾滴麻油...簡簡單單又一餐啦...…Read More

想試Pizza Hut個總廚套餐好耐架喇..難得今日老公話陪我食...緊係開開心心去食啦!!由於老公好餓既關係...我地叫左兩個$58總廚套餐 (包餐湯, 主菜同餐飲), VIP優惠既挪威三文魚鮮果沙律, 仲用左75分換左個意式迷你豬肉腸拼雞肉, 食到我地好飽好飽呀...酥皮意大利菜湯 (總廚套餐): 酥皮好薄...菜湯好清新..而且熱到燙口0個種...開一開個胃準備食其他野...意式香草大蝦意粉 (總廚套餐2號): 有5隻大蝦..食落幾爽口...最鍾意個茄汁..甜甜地酸酸地好好味...香煎龍利柳飯配香草忌廉汁 (總廚套餐3號): 龍利柳煎得好靚...肉質又厚又嫩滑...同香草忌廉汁非常夾...挪威三文魚鮮果沙律 ($45VIP價+$5.5加一服務費): 雖然三文魚得兩塊...但作為一道前菜已經好滿意..三文魚好香煙燻味...鮮果(蜜桃,蘋果,蜜瓜,薯仔,士多啤梨)亦好新鮮..好juicy ...意式迷你豬肉腸拼雞肉丸 ($3.2加一服務費): 好鍾意食Pizza Hut既雞肉丸...其他地方食唔到...加埋個秘製茄汁..真係好好味...值得一提既係...呢間Pizza Hut剛剛裝修完無幾耐...環境更grand...d sofa位亦都坐得好舒服...另外..服務態度都唔錯...食完即刻有人執野...又不停加水...值得讚賞!!…Read More

今日選左粵江春同老公嘆茶...初頭以為好貴..點知佢有特別優惠同午市優惠點心...而且都幾0岩食..叫左4樣點心...加兩位茶錢($10位)連加一...都係$76...好抵食...質素仲唔差....如果早茶或下午茶去飲會更加抵..茶錢$5位...下次要試下先...金粟煎蝦餅 ($9.8): 煎得好香口..但唔油膩...粟米好多好甜..蝦餅彈牙....市橋滑燒賣 ($9.8): 初頭以為係普通豬肉燒賣..黎到先知係鯪魚肉燒賣...有新鮮感...魚肉好彈牙好味...豉汁帶子豆腐 ($12.8): 清清地..豆腐好滑...蝦肉都無欺場..好爽...反而帶子無咩味...蟲草花瑤柱灌湯餃 ($14.8): 湯底好濃..飲完成身暖晒...冬天飲更好...有一整粒瑤柱...湯餃都好好味...…Read More

京式鹽焗雞菜飯 ($32): 包1/4隻鹽焗雞, 一碗好大碗既菜飯..仲有豆漿一杯...全部都好好味呀!!碗飯大到夠我食兩餐...鹽焗雞好滑...唔會好咸..味道0岩0岩好...真係好滿意!!…Read More

今次係第3次食別府...第1次係好多年前同朋友慶祝生日...都係0係青衣呢間食...淨係記得如果要堂食我地帶去既蛋糕..要每位收番$50切餅費...知道之後真係想走..不過壽星女話想食..就算啦...當然最後都無0係別府食蛋糕...拎左出海旁切...! 之後都怕左無再去....到第2次去係因為老公話想食...咁我諗住都隔左咁多年就一於試下啦..0個次0係荃灣食又ok喎....點知今日再去青衣呢間...又帶黎唔好經歷....今日同老公叫左5樣野.....全部都水準之下....真係好失望...三文魚刺身 ($38 - 5件): 無左買一送一優惠都算....質素仲要差左好多...見到都唔開胃...豆腐胡麻沙律 ($28): 好多洋蔥...豆腐就好少...牛肉壽喜陶板鍋 ($45): 尚算可以...牛肉得兩三片..加埋兩粒豆腐.金菇..芋絲同菜....本人覺得唔抵食...吉列豬扒拉麵 ($42): 算係全晚最好...豬扒炸得鬆脆...拉麵都幾彈牙...錫紙芝士焗什菇 ($26): 我諗自己整都好食過佢...只係得一d無味既菇...上面加塊芝士...焗一焗就算...d鍚紙完全反映出焗既時間有幾長...一d痕跡都無...除左食物質素差...服務態度都差...落單0個時..個侍應好無禮貌咁趕落單...到埋單..又一手撥d單落我隻手到...真係...唔會有下次....…Read More

今日同老公又去左食日本野...試左第一次食既<峰壽司>...整體上質素還可以...侍應都好細心招呼...值得一讚既係落單張紙可以選<走芥辣>, <走蔥/洋蔥>, 同<走沙律醬>...岩晒唔同口味既朋友...三文魚壽司 ($12 - 2件): 好耐未見過咁靚既三文魚...色澤好鮮艷...食落好新鮮...唔會將貨就價...三文魚手卷 ($12): 普普通通..三文魚無壽司0個d咁好食...峰蛋壽司 ($12 - 2件): 果然係唔錯...上枱時仲出緊煙..當然要即刻試下啦...嘩...未食過咁好食既玉子...好香蛋味...甜甜地...好實淨...真係好好味...峰蝦壽司 ($20 - 2件): 又係必食之選...蝦肉好通透..食落好爽好爽...絕對值$10一件...蟹柳壽司 ($12 - 2件): 無咩特別...可以唔食...三文魚/吞拿魚小卷 ($15 - 6小件): 最失準...d飯好黏口...醋亦太多...唔好食...呢餐食左$121...價錢略貴...而且無咩其他選擇...每次食日本野必食既蟹籽沙律都欠奉...我諗都係試過一次就算...…Read More

好耐無食米線..長沙灣係米線集中地...譚仔仲多過7-11..但食過幾次都不外如是...有d staff 態度仲不敢恭維..而且仲愈來愈貴..所以要另覓好地方喇!! 最後同老公去左<裕一品>..入面裝修簡簡單單..放左好多張長枱...坐得都幾舒服...竹笙蟹柳米線 ($19單餸米線+$5竹笙): 食米線每次都會叫呢兩樣..裕一品既份量比譚仔多..芽菜韭菜都唔少...成碗米線味道唔錯...就算清湯底都唔失色...想食米線既時候..大家不妨諗下其他選擇呀...…Read More

今晚想食甜品..就同老公去屋企附近既黎孖記食...叫左<<芝麻汁杏仁豆腐>>...!! 本身杏仁豆腐係放士多啤梨同芒果..但我地都唔食芒果..問下店員可唔可以選第二樣..店員好有禮貌咁話無問題...實在太好..想食奇異果...但無..最後選左火龍果...唔怕啦..都一樣好味...杏仁豆腐好滑好滑...杏仁香得黎唔會苦...而芝麻汁簡直就有畫龍點睛既作用, 芝麻味好香好濃...配淡淡既杏仁豆腐就perfect...下次會再去試其他...…Read More

今晚同老公出街撐枱腳, 唔想食快餐, 但又唔想食得太貴...行過紅樹林, 見到有特價晚餐喎..由5:30供應到7:30, 有5款選擇, $48一個set包餐包, 餐湯, 主菜同熱飲..仲唔使加一...一間西餐廳黎講..好平架喇...龍利柳沙律: 想食得light d, 所以叫左沙律, 估唔到龍利柳幾好味喎...可惜d沙律唔涷...食暖既沙律感覺好怪..紐西蘭羊扒: 老公話羊扒無咩味...反而d紅飯(茄汁飯)唔錯...今次個ok係比佢個價錢...如果唔係..應該會比"喊樣"…Read More

今日係出左糧既第一個星期日..決定同老公食番餐好...當然係食我最愛既日本野啦! 見到呢間有set lunch喎...價錢又唔算貴..環境都唔錯...就一於試下啦..我同老公每人叫左一個set...排骨湯拉麵+三文魚小卷+前菜 ($48): 第一樣黎既三文魚小卷已經令人喜出望外...三文魚好新鮮..好好食.......拉麵湯底係濃濃既豬骨湯...排骨好淋好入味...但略嫌拉麵唔夠彈牙..煮過龍左少少...燒鯖魚飯+菜碗蒸蛋+前菜+麵豉湯 ($56): 抵食...每樣都好有水準......鯖魚好厚身, 燒得岩岩好...配埋特製醬汁更能提出魚既鮮味....雖然菜碗蒸蛋只有一粒蟹柳, 冬菇同蝦仁, 但d蛋真係好滑好滑....一放入口就滑落喉嚨...好好味!! 估唔到連麵豉湯都咁正...好足料..好香麵豉香...真係好好味...兩個set連加1...$114.4....絕對抵食!! 下次會再去...…Read More

今晚同老公去青衣城行街街...諗住食完飯之後去海傍行傾下計....呢幾日個胃有D唔舒服...想食得light d...決定去UCC食salad...老公就叫左一個餐, 加$28轉set, 包餐湯, salad同餐飲...餐湯-西蘭花忌廉湯: 淡淡的幾好味, 清一清味蕾準備食主菜...漢堡扒餐 ($74): 老公話好好味...漢堡扒啖啖肉...但又唔會實...一切就散...入口即溶..比其他西餐廳更有水準.沙律: 每set只可以出去夾一次...有菜, 薯仔沙律, 吞拿魚, 車厘茄, 啫喱, 螺絲粉......etc...我夾到滿滿一碗...最後都係食唔晒..要老公幫手...唔好睇少呢份沙律...因為好多薯仔既關係...食落好飽架...一個女仔食份沙律就夠晒...值得一提既係服務態度好好...另外..老公仲激讚杯咖啡好味......都唔係想像中咁差姐...有機會會再去...…Read More

今日又熱又焗...完全唔想離開冷氣地方呀...行商場行到5點幾...係時候把握最後食tea時間喇...行完成個荃新天地..最後選左呢到食晚餐...兩個人叫左3個餐...每個裒麵包一杯熱飲...白汁蘑菇長通粉 ($26): 白汁好杰..好creamy...雖然只係得蘑菇...但清清地又幾好味喎...芝士肉醬意粉 ($25): 即叫即焗...一上枱就撈混d cheese..正...好香....好味...推介之選!!牛肉中東包 ($25): cafe少有菜式...幾得意..餡料係豉汁牛肉..夾0係中東包入面...熱辣辣...又夠汁...好味....呢間cafe有人serve..但又唔使加一..一定有下次....…Read More

難得今日放假...同老公去翠園嘆茶先....估唔到十點幾去到都要等幾張枱喎...唔通真係咁好食?...等左10分鐘左右..就有位喇...同老公坐0係邊邊既兩人位...幾舒服...未食野都已經好開心..點解? 因為d茶具好靚呀....其他酒樓只會用白色既普通茶具...成個感覺grand晒..今日係公眾假期...所以無特價點心...連我想食既蘿蔔糕都灌湯餃都無得試tim......我同老公兩個人叫左4樣點心...食到飽飽...韮黃鮮蝦腸粉 ($28): 一定要試...雖然d皮厚左少少...但裡面d蝦補償番晒...好大隻好爽...不過唔知d韮黃去左邊呢? 聞就聞到韮黃味喎...哈哈..蛾姐素粉果 ($19): 皮薄餡靚...無懈可擊...春蛋燒賣($26): 而家好少酒樓做呢款點心...想懷緬一下既..不妨試下....春蛋細細粒幾好味...豬肉燒賣就有少少筋...扣左d分...鮮蝦荷葉飯 ($22): 一向都好鍾意食荷葉飯...但一來出面食既普遍都好大份量...二來動輒都要7-80蚊一客...今次難得有mini版....緊係要試下啦...果然無令我失望...飯粒分明...淡淡既蠔油味...配上叉燒粒, 蝦仁, 蛋絲....好好味...呢餐連茶錢($10位)加一...盛惠$126.5....下次會再去...…Read More

今晚要自己一個人食飯....想搵間西餐試下....行過見到呢間餐廳裝修幾靚...望望門口個menu又0岩胃口...就一於試試....茄汁老虎蝦燴飯 ($39): 份量0岩女仔食...男仔就應該唔夠....整體0黎講算唔錯...燴飯唔太濕又唔太乾...茄汁開胃...老虎蝦好爽...如果可以多幾隻就好喇...下次要同老公試下佢個2人餐先.......…Read More