kristy.chow.357的個人專頁

琴日屋企人冇煮飯，就去咗屋企附近一間新開嘅餐廳食石燒牛扒。門口有部機，可以自助點餐，好方便。餐廳都有好多唔同嘅選擇例如有，牛小排，西冷牛扒，肉眼牛扒等等。如果唔想食牛，都有好多唔同選擇例如鰻魚，羊架，雞扒等等。點完餐之後，就可以自助去拎湯，飯，同埋沙律。我哋叫咗一份牛肩胛同埋西冷牛扒。每一個餐都會跟薯條同埋粟米。薯條係即叫即炸，食落卜卜脆。粟米都好甜同好香牛油味。西冷牛扒好大舊，食落好有牛味。西冷牛扒比較多油花。另外，牛肩胛肉質好軟腍，食落好juicy。我比較鍾意食牛肩胛多啲。…查看更多

琴日同屋企人去深水埗附近買嘢，經過見到呢間餐廳幾吸引，就入去試咗。餐廳有好多唔同嘢食，例如雞煲，烤魚，串燒，干鍋同不同嘅小炒。同屋企人叫咗一個酸菜魚同香辣肥腸干鍋。~~酸菜魚好大兜，有好多魚片，食落超滑溜，好好味。一定係新鮮魚。酸菜魚都有好多配料，例如芽菜，蓮藕片等等。食落唔算好辣，唔食得辣嘅我都覺得ok。~~香辣肥腸干鍋一送到黎，真係俾佢嚇親，因為有好多辣椒。但好彩食落唔算好辣。肥腸嘅份量係超級多，食極都仲有。肥腸食落係脆卜卜，好正，好入味，勁香。我哋另外仲加咗雞腎，食落好爽口。佢嘅干鍋可以自由配搭，仲有好多唔同種類。~~竹蔗水唔會好甜。…查看更多

同朋友去太子行街，突然想食西餐，就帶咗朋友去呢間餐廳，之前食過呢間餐廳，覺得幾好食同價錢唔貴。同朋友叫咗個精選二人餐，都包好多野。有餐湯，主食同意粉，仲包埋飲品。主食同意粉選擇都多。我地叫咗嘉璐連州燒美國豬背骨同炸軟殼蟹南瓜忌廉意粉。仲加咗錢叫埋煙三文魚芒果什菜沙律。兩個人都食到好飽~~煙三文魚芒果什菜沙律沙律菜都好新鮮，配埋酸酸嘅汁，食完好開胃。煙三文魚都好新鮮，芒果好甜。~~ 嘉璐連州燒美國豬背骨份量好大，燒得好香，食落肉質鮮嫩，好juicy，唔會燒得好乾。加埋d汁，好惹味。~~ 軟殼蟹南瓜忌廉意粉成隻軟殼蟹，炸得好香脆，食落好香口。D意粉吸晒啲汁，好好味，食落好juicy。…查看更多

由細到大最鍾意食雞翼嘅我，見到呢間專門買雞翼嘅舖頭，梗係要幫襯下。餐廳有好多唔同款嘅雞翼，例如文青風玫瑰雞翼，黃金鹹蛋黃焗雞翼，泰式冬陰酸辣雞翼同港式避風塘蒜香雞翼等等。我就叫咗個$128嘅套餐，佢有12隻雞翼同一杯飲品。我叫咗文青風玫瑰雞翼，黃金鹹蛋黃焗雞翼同港式避風塘蒜香雞翼。D雞翼全部都大大隻，啖啖肉。文青風玫瑰雞翼外貌已經好吸引，有玫瑰花瓣做裝飾，食落甜甜地，仲有d花香味。之後，黃金鹹蛋黃焗雞翼，呢個真係推薦好鍾意食鹹蛋黃嘅人叫。因為食落好重鹹蛋黃味。鹹香細緻，又有沙沙既口感。最後，港式避風塘蒜香雞翼，香港人口味，好重蒜味，食落有少少辣，好惹味。餐廳仲俾埋手套，咁就唔怕食雞翼整污糟隻手。…查看更多

同屋企人去黃埔買新年野，經過呢間餐廳，突然又好想食台灣野，就入去食啦。我地叫咗幾樣野share食，有台式滷水拼盤，台式肉鬆起司香蔥蛋餅，鹽酥排骨肉燥米粉，羅氏蝦龍蝦汁手作麵同草莓香草蜜糖磚塊歐軟。~~台式滷水拼盤有好多種類，包括有雞翼，豆腐，牛肚，牛𦟌，五花腩同糖心蛋。樣樣都好好味，滷得好入味，特別係牛𦟌，好軟腍。~~台式肉鬆起司香蔥蛋餅即叫即整，食到好濃既芝士味，同埋肉鬆一齊食，好夾。外皮好脆口，好香蛋味。大推~~鹽酥排骨肉燥米粉排骨好大塊，炸得好香脆，食落脆卜卜。個台灣米粉好細滑，勁好味。~~羅氏蝦龍蝦汁手作麵每條手作麵都充滿咗龍蝦汁，好好味。隻蝦都好大隻，肉質爽口彈牙，好新鮮。~~草莓香草蜜糖磚塊每次去茶木必食，勁中意食。即叫即整，要等15分鐘，但真係好值得，多士勁脆，配埋士多啤梨雪糕，係絕配。…查看更多

同朋友去深水埗買嘢，朋友話西九龍中心新開咗一個好岀名食炸雞髀，佢之前係油麻地食過，話好好味，一定要帶我去試試。我地叫咗2隻雞髀，一隻係生炸雞髀皇，另一隻係鹽酥雞髀皇同一個秘製豬扒撈丁share食。~~雞髀皇唔係講笑，真係真係真係好大隻，大過我隻手。雞髀即叫即炸，雞皮食落好脆卜卜，d雞肉十分嫩滑，好多汁。雖然係炸，但食落一d都唔油。跟餐仲有薯條，薯條份量都好大，都係炸得好脆。~~ 秘製豬扒撈丁豬扒好香好嫩滑，撈丁都好好味，本身已經落咗醬汁，好夠味。另外，會俾埋辣椒油，加埋係更加好味，少少辣，好過癮。…查看更多

屋企附近新開左一間食越南湯粉嘅餐廳，今日放假同屋企人去食個lunch。同屋企人叫咗2碗湯粉，一個係招牌火車頭湯粉，一個係香茅豬頸肉湯粉，仲加咗一個小食越式炸蝦餅。~~招牌火車頭湯粉可以選擇河粉或者檬粉或者金邊粉，我就選擇左河粉。碗粉勁大碗，2個人share食都夠。有好多配料，牛肉，牛展，牛腩，牛丸同扎肉等等。牛丸好好味，好彈牙。湯底都好清甜。牛腩都炆得好軟腍入味。~~香茅豬頸肉湯粉唔會燒到好乾。肉質爽口，加埋個汁，少少酸少少辣，好開胃。~~越式炸蝦餅即叫即炸，炸得好香口。蝦餅好重蝦味，真材實料，食落好彈牙。…查看更多

放假同屋企人去食個lunch，呢間餐廳環境好舒服，可以hea下。餐廳有lunch set，好抵食，包埋餐湯同餐飲。~~香草帶子天使麵帶子好大粒，食落好爽口彈牙。天使麵分量都好多，天使麵吸晒啲汁，好好味，食落好juicy。~~西西里烤豬鞍好大碟，有兩舊好似手掌咁大嘅豬鞍。食落肉質鮮嫩，好juicy，唔會好乾。加埋d汁，好惹味。~~法國鵝肝手打牛肉漢堡個漢堡好大，夠2個share，有好多配料，有生菜，蕃茄等等，好新鮮。牛肉好厚身，充滿肉汁。鵝肝食落都唔會好肥膩。薯條都好脆，好好味。~~煙三文魚芒果沙律沙律菜都好新鮮，配埋酸酸嘅汁，食完好開胃。煙三文魚都好新鮮，芒果好甜。…查看更多

同屋企人去土瓜灣探親戚，親戚介紹呢間點心專門店話好好味，價錢又唔貴，叫我地去試下。點心款式都幾多，價錢仲唔貴。同屋企人叫咗幾款點心，都唔洗2百蚊。~~水晶鮮蝦餃好好味，蝦餃好足料，好多蝦，蝦好彈牙。皮都好薄。~~沙嗲金錢肚好重沙嗲味，金錢肚煮得好軟熟，連蘿蔔都好甜。~~原籠蔗糖馬拉糕呢個係我的最愛，好好味。馬拉糕食落好鬆軟，好香蛋味，唔會好甜，一定要叫。~~蟲草花膠灌湯餃好足料，灌湯餃勁大隻，仲有花膠同鮑魚，真係好抵食，個湯好清甜。~~韭黃鮮蝦腸腸粉皮好薄，有好多蝦。蝦食落都好彈牙同爽口。~~蜂巢芋角盒炸得好鬆脆，唔會太厚。同埋，一d都唔油。啖啖芋泥，仲有芋頭粒，好好味。餐廳仲要唔洗收加一服務費，下次一定會再嚟，好高質嘅點心專門店。…查看更多

突然好想食炸雞，諗起之前食過一間好好味，於是約埋朋友去。炸雞有好多唔同口味包括原味，甜辣，醬油同芝士等等，好多款都好吸引。最後同朋友揀咗自選半半炸雞，就可以試2隻味。~~炸雞叫咗芝士調味炸雞同醬油炸雞，因為即叫即整，大約等咗15分鐘。炸雞就新鮮滾熱辣送到嚟。炸雞食落熱辣辣。雞炸得好脆，雞肉好嫩滑。芝士調味炸雞上面鋪滿芝士粉，好重芝士味，好正。~~牛膝骨湯 (跟飯)之前嚟好似冇，今次多咗好多主食選擇。湯飯都有幾款包括蔘雞湯，牛雜湯同豬肉湯等等。送上來嗰陣好熱，賣相都好靚，有好多蛋花。個湯清清地，有d藥材味。牛膝骨份量都算多。…查看更多

同屋企人去金魚街買魚糧，經過門口見到呢間餐廳下午茶幾抵食，就入去試吓。下午茶選擇都幾多，有拉麵，有烏冬，魚生飯等等。我同屋企人叫咗兩個下午茶餐，一個係牛肉烏冬配壽司同迷你海膽什錦魚生飯，加咗個小食，天婦羅蝦。~~天婦羅蝦即叫即炸。食落好香口，好脆。蝦好大隻，食落好爽口。~~ 牛肉烏冬配壽司好大碗，仲有3件壽司，食得好飽。牛肉份量都算多，有成7，8舊。烏冬好滑，湯底都好清甜。~~迷你海膽什錦魚生飯有好多魚生，有三文魚，吞拿魚，蝦同魚籽。當然仲有海膽，海膽好甜，好好味。三文魚食落好香油脂味，口感同味道都一流。…查看更多

同同事食lunch，去咗公司附近嘅一間新開餐廳，餐廳主打湯飯，仲有麻辣滷水小食。同同事叫咗2個湯飯同3個小食share。~~還原妹豬湯個名好正。湯用豬骨，上等老雞，瑤柱熬煮而成，冇落味精，飲落好清甜。湯飯有好多餸，包括滑雞，花膠同姬松茸。雞好滑，啖啖肉。花膠好大片，充滿骨膠原。~~蠔門不碎好足料，好多蠔仔，粒粒都脹卜卜，食落好鮮甜。~~麻辣滷水鴨舌份量都算多，鴨舌好新鮮，食落好爽脆。秘製麻辣汁好香，麻度辣度都啱啱好。~~麻辣滷水聖子我最中意食呢個，隻隻聖子都好大隻，新鮮。食落好鮮甜，加埋d麻辣汁，好惹味。~~麻辣滷水雞腎雞腎好爽脆，好好味。呢個d茶全部都係無糖，好健康。…查看更多

細細個屋企人成日帶我去食鋸扒，今日突然好想食，就決定去一間懷舊老店，回味一下。餐廳有好多款不同鐵板餐供應，有美式同港式。我同屋企人叫咗2個港式鐵板餐，一個係什扒餐，另外一個係帶子牛柳餐。每一個餐都跟咗餐湯，餐包同飲品。~~什扒餐呢個好抵食，好大份，價錢又唔貴。什扒餐有雞扒，豬扒，香腸，火腿同薯條。雞扒煎得好脆，雞皮食落脆卜卜，雞肉都好嫩滑。豬扒都好嫩滑，唔會乾。~~帶子牛柳餐叫咗7成熟，牛柳有2件，好大件。牛柳好厚肉同多汁。食落好Juicy，肉質好嫩滑，加埋黑椒汁，好惹味。帶子都好大粒，食落好鮮甜。另外，薯條吸曬啲黑椒汁，都好好味。…查看更多

朋友想食泰國菜，我就帶咗佢去岀名多泰國菜嘅九龍城，去咗一間我之前食過覺得好好味嘅餐廳。~~泰式串燒 (雞同牛)可以一串一串咁叫，唔洗一定要叫半打以上。可以留肚食其他食物。燒得好香，雞同牛都好嫩滑，食落都好juicy，唔會好乾，配埋沙嗲汁好惹味。~~泰式炸蝦餅好抵食，有好多舊。即叫即炸，熱辣辣。炸蝦餅好重蝦味，食落好彈牙。~~泰式粉絲焗大頭蝦呢個超推薦，好惹味。一上枱已經好香，粉絲份量好多，食落好濃味。大頭蝦已經開邊，好方便食。蝦肉好扎實同彈牙，仲有蝦膏。~~椰青夏天飲好正，好甜好解暑。~~珍多冰好重椰奶味，好正。…查看更多

琴日同朋友去旺角行街，朋友話呢間餐廳裝修得好靚，好有日本feel，帶我去試下。餐廳環境真係幾好，我同朋友坐卡位，坐得好闊落。餐廳用咗不同顏色嘅燈籠去裝飾，好有日本嘅感覺。~~ 三文魚刺身三文魚好厚切，好新鮮。食落好香油脂味，口感同味道都一流。~~鰻魚卷鰻魚都算大片，加埋青瓜，玉子，蟹柳，同埋燒汁，味道超夾。~~照燒魷魚筒即叫即燒，等咗10分鐘左右，燒得好香。份量都算多，足足一條。食落好爽口，配埋個照燒汁，好惹味。~~德州雞皮餃子第一次食雞皮餃子，原來好好味。用雞皮當餃子皮用，雞皮食落脆卜卜。肉質嫩滑，好好味。…查看更多