jy13011's Profile

下午茶餐嘅細海南雞飯，可以揀油飯白飯，例湯或者餐飲，$46 係 OK 嘅，啲雞嘅份量都唔算少，味道亦唔錯，但係個飯比較生、硬，扣好多分囉，個湯就唔使特別提，一般嗰啲例水。…Read More

終於等到麥吉在香港開店！周董喜愛的茶飲店，果然好飲好正，試晒所有款式。烤布蕾奶茶不得了，滑滑嘅烤布蕾加在奶茶中，味道原來好夾。梅子凍苿香綠好清新，梅子果凍好食，係可愛嘅瓶裝，瓶裝嘅選擇另外仲有奶酪奶茶同奶酪草莓鮮奶。下次要試吓各種生果茶，仲有多多系列。配料方面，除咗一般嘅珍珠、芋圓同寒天，仲有抹茶凍、咖啡凍、蜂蜜凍。個裝修好乾淨簡約舒服，提一提避免在午飯時候去，實在會多人，又霸到靚位打卡，而且要等嘅時間都比較耐，不過好味係值得等嘅。仲有一啲限定商品，有咖啡杯、手抽袋、杯套、貼紙等⋯⋯ 都幾可愛。…Read More

經過餐廳見到環境唔錯，終於去咗試，地方光猛乾淨，有一邊仲有窗望街，感覺幾好幾好坐。食物味道都可以，試咗 pizza，意粉同拿破崙蛋糕，都滿意嘅。唯一覺得麻煩嘅係洗手間要兜返上商場要啲時間。…Read More

呢度店舖細細，成間舖大概坐40人左右，但係坐得一啲都唔算逼，重點係唔似一般啲地道中菜小炒店嘈喧巴閉嗰種，感覺良好，最怕戰鬥碗。記得要 book 位，海鮮菜式要預訂嘅，老闆娘會 WhatsApp 講低有咩係要預訂，好簡單貼心。今次試咗泰式糟鮑魚、蔥油滷乳鴿、花甲蒸水蛋、鹽焗大頭蝦、XO醬油麥菜、最愛嗰個蟶子炸米底，超正。四人份咁樣加埋每人$400都唔使，唔係講笑真係堅好食又抵，老闆娘仲送咗我哋一個椒鹽九肚魚。…Read More

呢半年相約唔同嘅朋友組合已經食咗好多次，大家都覺得呢間好食，質素穩定，性價比算高。佢個避風塘瀨尿蝦肉真係每次必食，拆晒肉啖啖肉好方便。有個好味醬烤骨，呢個大家都鍾意呀，黑毛豬肉好嫩口好好食，酸酸甜甜送飯一流。仲有例牌嘅當紅炸子雞，個皮炸得好脆好食，另外嘅芥蘭爽肉煲、白灼鮮牛頸脊肉、豉油皇炒麵，呢幾樣都係我心目中嘅推介。究竟係啲嘢好好食定係大家都肚餓，每次好快就已經 K.O. 晒枱上所有嘢，相信好快又會再去食。…Read More

因為想要就番響觀塘夜食，同埋朋友仔繼續揀食中菜，不過呢間真係冇下次，今晚叫嘅呢4款冇樣好食#蠔餅 因為我要走蔥，但係又唔使要啲蠔多過脆漿嘅，好立一啲都唔鬆化#招牌話梅骨 呢個招牌只係好一般#辣子田雞 顛覆咗我食咁耐辣子田雞嘅印象，明明只係個辣田雞煲，仲好意思響 menu 度寫明話係乾身，同埋啲蔥多度呢#芥辣炒新鮮脆鯇片 又係啲蔥多到我以為係叫咗碟咩菜炒脆鯇片係咁催問我地叫嘢飲，好似一定要另外叫嘢飲咁，唯一好嘅係上菜好快，可惜唔好食，而且價錢一啲都唔平…Read More

呢度最吸引嘅相信就係$10食一隻生蠔，質量唔錯，性價比高，而且冇限制數量，可以放任咁食，爽呀！今次就試咗今晚推介嘅海鮮盤，除咗半打蠔，仲有海膽、魚子、蝦、螺、芥末八爪魚、魚生片，都好食。pizza 係我最鍾意嘅薄脆款式，仲叫咗煎鵝肝多士，飽！…Read More

一間 bookmark 咗好耐嘅法式小餐廳，由 starter、entree、main course 到 dessert，甚至兩杯嘢飲，大家都好鍾意，碟碟清。小店嘅裝修簡潔舒服，擺盤精緻，價錢合理，性價比高。…Read More

食品飲品都有幾多選擇，感覺吸引嘅，waffle 新鮮熱辣，味道唔錯，飲品夠靚又幾好飲，同行朋友叫咗咖啡都話味道可以，唯獨價錢有啲貴，不過都係香港地方貴租，實在冇辦法。…Read More

大家都對杯飲品果隻 bear 好有興趣，就相約去試吓晚餐，杯野飲個正價係有啲貴嘅，不過旨在打卡開心囉。啲嘢食就仲有好大嘅進步空間，應該可以更加好食嘅，係有啲失望嘅。…Read More

朋友介紹話荃灣一間好食又抵嘅酸菜魚午餐，咁啱人在荃灣就滿懷希望去試⋯⋯因為第一次食，唔清楚呢間餐館辣嘅程度，已經特別叫小辣，結果係辣到根本食唔出個味道，分量還可以，魚片都挺身嘅。個午餐係白飯任食，我就好鍾意食薯粉，姐姐話可以加錢加埋，睇單先知道要 $25，價錢都唔緊要，重點係原來得果幾條，真係少得可憐，食完都唔知道自己食過啲乜，我唔係大食都冇 feel 冇飽肚感覺，完全係要食多餐。本身仲想同朋友下次再去試其他嘢，但係而家真係太失望⋯⋯…Read More

北角近期嘅一間排長龍餃子店，終於買咗兩款返去整，紫菜肉餃同白菜肉餃，其實味道只屬正常，唔覺得好似講到咁誇張最好食😅😅多人買唔知關唔關疫情事，簡單方便掛，今日星期日晏晝四點幾，大概有 10個人左右排隊中，比之前經過嘅人數少，即管跟隊試吓囉，結果都等咗成 30分鐘，店員嘅服務係有禮貌嘅，但速度實在太慢🙈呢盒 $54 一磅多小小（已經食咗一半），全部大概有二十幾隻，平均兩個幾一隻，價錢抵唔抵真係見仁見智🤭…Read More

吃咗生蠔、鵝肝多士、豬肋骨、甜品 tiramisu，其實仲有一份牛扒未來得切影相，朋友已經吃緊！之前睇到其他評價有 d 擔心，但原來水準其實唔錯，好彩最後有去試，價錢其實唔算好貴，据扒食西餐就預咗，好多牛扒選擇，今次試嘅係安格斯牛扒，肉質 OK，medium rare 掌握都好，下次會再去試其他…Read More