珍山些's Profile

晚餐鰻魚烏冬份量少，鳗魚得兩舊，比一般下午茶餐還要少，收$70。所謂厚切豬扒细塊又乾又鞋，號稱招牌菜都做成咁， 服咗佢。收銀個肥師奶態度好差，問佢取廁所锁匙，良久才答：門口攞啦！茶記少有簿仔張單無價錢，問佢取單，要先收錢，再出單，出了單不屑地講：攞去啦！當人乞衣。 如果唔係開正中港客運熱點，多內地客懵然不知，或貪方便一次性幫襯，應該執咗好耐！！總括而言，不會再幫襯 。希望香港餐飲業引以為鑑，改善一下質素及服務態度。…Read More

日圓跌，是去日本旅行的好時機。快一點，去尖沙咀新港中心已經可以感受到濃濃的日本氣息。說的是日本美食橫町，近日開了一家以日本鐵道為主題咖啡店 Hara Café。今日就帶同愛子去嚐一嚐鮮！從遠處就望到Hara Café，走近一點，復古車站及火車車廂帶領我們穿越時空，親身體驗難忘的日本鐵道世界，對鐵道迷、網美網紅而言，絕對是擺拍打卡勝地。#海虎蝦蘆筍燴意粉原隻海虎蝦呈現出金黃色澤，肉質鮮嫩且彈牙，上面的三文魚籽卜卜脆。搭配特製的濃郁鮮蝦忌廉汁，散發出誘人的蝦香。#北海道牛油香煎帶子及蘆筍上枱時牛油煎封帶子香氣襲來，帶子肉質結實，蘆筍清甜新鮮有咬口。#原鉄路全日早餐有煙肉、大啡菇、牛油果、黑松露炒蛋、雞肉腸、沙律菜、煙三文魚配酸種包，配料豐富，全日都嘆到早餐，最啱愛子。#原鉄路一號咖啡無負一號招牌，咖啡味道不酸不苦，自己調節奶量和糖漿，一番讚！#北海道3.6牛奶凍配紅豆用上的食材是我們最愛的牧場牛奶和日本紅豆，入口香滑不太甜，就是好味。#麵豉湯正宗日式湯品，熱辣辣解膩，飲完不會口渴。值得一提：「阪神電気鉄道 311 形」及「箱根登山鉄道 チキ 1 形」復刻實景車廂夠玩味，車窗外播放日本各地風景紀錄片，模仿火車運行在軌道上的景象，讓我們用餐的同時彷彿置身於真實的列車中，欣賞沿途風光。…Read More

放課後去邊？梗係又趕住去上‘’堂‘’，今日三步夾埋兩步走，就嚟到位於瓊華中心六楼嘅‘一鍋堂’，牛魔王，到!，牛精，到!仲有豚肉控，花雕雞，帶子仔都陸續就位。好，120分鐘放题打邊爐，正式開催(炊)!湯底:咸菜胡椒豬肚湯(推介)胡椒豬肚湯已經係一道餸啦，仲要做埋湯底，幾有新鮮感，一於就試下佢啦! 鹹菜豬肚好入味, 不過唔好食咁多留番啲慢慢淆。C餐:高級日本產黑毛和牛、澳洲和牛套餐和牛薄切，油脂分布亮麗吸睛，日本牛偏嫩， 澳洲牛偏爽，啱曬牛魔王。花雕浸安格斯牛 魔鬼辣安格斯牛安格斯牛媲美和牛級數 ，肉質依然鮮嫩爽口，仲要配左花雕或者係地獄級嘅特製辣醬， 口感自然不一樣。西班牙伊比利亞黑毛豬 去皮豬五花肉片 封門柳全部貴價食材，豬肉控就要叫多啲，學弟如我始终鍾情牛家族。海鮮類: 真係花膠 珍珠貝 半殼帆立貝 墨魚仔 墨魚滑手打 手打墨魚丸手打蝦丸 游水海蝦自助區大把選擇，大部分打邊爐配菜呢度都有，仲可以直接手機落單，等佢送埋嚟上菜盛器雅緻骨子，疊起又慳位，叫多幾碟都冇問題蔬菜櫃選擇多 仲有我鍾情嘅西洋菜、羽衣甘藍樽裝飲品 有自家製嘅洛神花茶，黑枸杞玫瑰花茶(推介)等，仲有罐裝汽水， 生啤就要另外自費啦雪糕有手打乳酪雪糕，仲有杯裝 Da Dolce雪糕總體來說，食物種類選擇多，上菜快，自助區就脚，地方整潔，卡位多，磨纱玻璃隔版夠高 ，唔使同人逼餐死 ，私隱度夠，可盡情食。…Read More

要一次過食匀龍蝦，A5和牛，西班牙黑毛豬，海膽，鮑魚 ，三文魚籽 ，鐵板燒會是一個不錯的選擇。身處銅鑼灣，打開openrice, 就揀了這一家位於澳門逸園中心的虎鐵。 #蟹肉海膽松露蒸溏心蛋又一道好考功夫的菜式，半熟流心雞蛋上面有海膽，黑松露，蟹肉，用精緻蛋架上抬，视覺味覺都一绝。 #澳洲黑邊鮑魚成隻成人手掌咁大，師父細心切粒，擺盤精緻，有蟹肉海苔酱，装飾花，配菜有肝胆三文魚，蟹籽等，色彩豐富，最啱打卡。 #龍蝦配海胆汁師父今日選了最新鲜的澳洲龍蝦，同樣拆骨起肉，配以特製海膽汁，完全無違和感，反而增加了龍蝦的鲜甜味。 #A5和牛薄燒 入口即溶，油脂分布剛剛好，配以日本南瓜，啡姑，茄子，蒜片。還有調味的粉红岩盬，個人覺得不沾盬更食出這矝貴食材的原味。 #刺身帶子豆腐鲷魚湯好有中湯滋潤感覺，魚味好出，帶子豆腐好夾。 #香煎野菜有南瓜，大啡姑，茄子。飯局中途清一清味覺。 #黑松露和牛炒飯切碎的牛肉粒，混和蛋香飯香，本來已經好飽，但就忍唔到口。 #西班牙黑毛豬薄切黑毛豚肉包著蒜，葱，沾上精製醬汁，軟嫩豬片塞滿口腔，葱蒜香脆直衝味蕾，好有飽腹感。 #和牛薄燒卷沙律薄片和牛包覆沙律做前菜，為味蕾迎接豐盛的一餐開個靓頭。 #火焰梳乎厘雪糕我揀了抹茶味，仲有粒粒分明红豆，梳乎厘迷你版，上枱時用玻璃蓋著，侍應點火特效，好有日本花火feel. #菠蘿雪葩原隻迷你版菠蘿，內藏雪葩，起索索聲，冰凍入口渗滿菠蘿香。 #意大利玫瑰花茶今日不想喝酒，便點了兩杯花茶，每位一盅上枱，焗一陣已聞陣陣花香，茶色味道清新怡人。…Read More

每個人心目中都有一座古堡! 古堡嘅定義人人唔同。古堡，唔一定要係鐘樓，蠟燭 ，吊燈 ，駝背老人---， 這間位於加連威老道三層高嘅創意西餐廳 ，無論裝潢，餐廳步道，楼梯，餐桌，室內擺設 ，搞鬼嘅餐飲，創意嘅料理， 都畀我一種好‘’古堡‘’嘅感覺。 所以， 我就叫佢做歐風‘’古堡‘’創意餐廳嘞！@-@瑞士名物芝士火鍋濃濃嘅芝士 放在紅色小鍋中， 用熱蠟慢慢興住， 一邊將你每一種食材沾滿咗濃香芝士，食材亮點有西冷牛(上碟七成熟)，蝦，馬鈴薯，西蘭花，脆包粒，風味獨特，仲要熱辣辣，瑞士人真識嘆!地中海奶油海鲜這個不是冷盤，這個是冷盤，這個是冷盤 ，好嘢要講三次呀嘛 !原隻大龍蝦開邊仲要有蝦膏，近尺長嘅龍蝦好多肉，無雪味，有兩隻大鉗，龍蝦控好滿足，伴碟嘅奶油汁混和咗除殼蜆肉，仲有青口四大隻(有殼)，蒜蓉包2件，沾酱食，好夾。燒雞翼我鍾食 配蜜糖芥末醬燒雞翼， 係人都鍾意食， 配埋蜜糖芥末醬 ，真的冇揀錯 (另有原味可供選擇)，難得的是灑上醬汁後雞翼入口都仲係皮脆肉嫩。豆腐豆腐豆腐咖啡 大熱飲品之一，當然要叫黎試下啦， 雪到冰凍嘅豆腐雪糕浸在咖啡中央，估唔到成餐飯食完佢都未溶掉呀 ，之後畢啲雪糕嚟食，仲係啖啖豆腐味 ，夾埋咖啡嘅清香， 唔怪之得咁受歡迎啦。荔枝烏龍茶清新烏龍味加上調茶師用咗兩粒荔枝，加上肉桂條，肉桂粉拌杯， 成件事好有鷄尾酒嘅情調，但係其實佢係一杯好濃香清新嘅烏龍茶。…Read More

自今年情人節開始，這個創新的5D浸沉式演出及四度菜的晚餐就已經開始，我認我是聽到口碑慕名而來，今晚就同愛人拍住拖過来感受一下。劇場分開好幾個部分，每節約10分鐘，休息時就會上菜，唔會掛住食睇漏咗表演。由喜/戲劇大師詹瑞文编導監的劇目，名為，原來好有意思，每道菜式亦與劇情相連，客人枱面仲有張卡紙比你寫低舊時和今日的夢想……我唔劇透太多，有興趣的人可以自己感受下。菜式又如何！？Welcome Drinks藍橘子味，困味偏酸順滑，我鍾意呢杯。西瓜味cocktail，果味偏甜易入口，女仔會鍾意。第一道：夢海浮沉其實係主菜前的湯品，用類似阿拉丁燈的盛器，的的骰骰好矜貴，紅蘿蔔蓉好濃郁，酸甜度適中，熱騰騰上枱，加上“方糖”狀小麵包，放湯中浸淋或直接咀嚼都好夾個湯，喚醒了今餐的味蕾。第二道：舊歡魚夢如月光寶盒的磨鈔盛器，打開時有一個小道具帶來小小驚喜(不劇透)，裡面裝著的是日本刺身，包括有海膽、牡丹蝦、珍寶帶子、鰤魚、拖羅、生蠔、三文魚籽、魚子醬等……，當然還有刺身必備的芥末、日式醬油，重點是樣樣都好新鮮，入口化開，媲美星級酒店的質素。第三道：原野夢園中的夢朱豬與彩虹牛主菜出場，所謂夢朱豬是香煎伊比利亞豬鞍，份量如斧頭排咁上下大，少少酥香，切開肉質呈現粉紅色，肉質爽脆，最喜歡配上蘋果無花果果醬，混和啖啖豬肉也不覺肥膩。而愛人吃的彩虹牛，是由素菜扮演的，廚師用威靈頓牛肉的方式烹調，酥皮香脆、素肉餡中含有大量蔬菜及薯仔，好RICH好惹味。第四道菜：甜椰椰夢歌甜品係用椰奶製成了慕絲外皮，包覆切粒芒果肉，伴碟為生果果醬，還有一個扮鋼琴黑白鍵的朱古力，有動感地飛起來，好有趣、適合打卡。食飽飽，百步走！ 健康又長壽 ！一班演員舞者，誠邀我哋出來手舞足蹈，盛意拳拳之下就一齊玩啦，想不到氣氛又幾好喎！原來一齊跳一齊行真係好開心，仲可以行勻成個場，配合音樂燈光，自己都好似變身做舞者一樣。來到《捕夢之旅》尾聲，一班咁落力嘅演員我哋真係好想同佢影幅合照呀，好在餐廳悉心安排咗拍照時間，你可以同鍾意嘅演員selfie。平日喺文化中心睇劇都無呢個機會！…Read More

位於新世紀廣場即係moko嘅地下位置，有一間好吸睛嘅古早蛋糕店。因為佢嘅布置有一隻貓貓，有一個電話亭，有花，有張木椅，好適合路過人嚟打下卡，拍下照。一日同我愛人經過就自自然喺度打卡啦，打完卡就順便買個蛋糕，愛人唔鍾意啲奇特嘅口味，所以就揀咗原味，最正宗嘅原味。我就鍾意芝麻味，養髮補血呀嘛，所以我就揀咗芝麻味喇。這裡的蛋糕， 咬落去鬆脆香軟，蜂巢狀嘅蛋糕真係好鬆軟㗎，一睇就知呃唔到人嘅。 蛋味仲好香濃添。我們外賣了兩個返屋企，就可以慢慢歎啦，食唔曬記得放雪櫃呀。芝麻味就真係有芝麻流心㗎，芝麻味好香濃，你知啦炒香嘅芝麻真係十里外都聞到香㗎嘛，咁呢度呢，就喺夾咗喺呢個蛋糕嘅中心， 芝麻饀，真重手呀，咬落去呢，啖啖芝麻香，仲有少少流心添。…Read More

潮流喜歡追韓星，我就喜歡追韓燒。裝修骨子， 地方雅緻， 冇油煙味， 整整齊齊，是我對這間 韓燒 的第一印象。 仲有那面figure場好吸睛，喺度打咗唔少卡添。預先用了 GULU app 排隊 ，來都門前 ，就唔使等好方便。飽住瘦身豬套餐 (配韓式菜包，黑毛豬五花，三色前菜，韓風湯)我唔知咩係食肉不食澱粉質的‘’生酮飲食法‘’， 我只知道這個瘦身豬套餐很受歡迎，驟眼看上去好似枱枱都有叫。柯打完好快上菜，撻著個爐就燒得極方便。極上之選 牛 併 橫隔膜(配迷你沙律，韓風湯，少飯，飯素)話明 極上牛嘅質素有保證 我最喜歡燒橫隔膜，牛板腱 ，牛小排…韓燒以牛係最易睇到實素的一環，整體都無失望。嗞嗞作嚮， 看著牛小排，牛横隔膜由鮮紅變嫩啡嗰種感覺好滿足，生熟度隨意控制，任你個人喜歡，唔使傷腦筋叫幾成熟，哈。追加小食除咗牛和豬出色，這兒的牛大小腸，豬大腸，蜂巢豬皮小食不妨追加， 有肥肥嘅脂肪跟瘦瘦嘅皮皮， 燒至金黃入口溶化， 真的冇呃你。我都估唔到，别有一番風味。豬頸肉 唔‘’鞋‘，肥瘦剛好，豬就燒耐少少啦。牛五花，豬五花，肥肉分佈匀稱， 入口鬆軟 ，滑溜 ，食韓燒 冇理由唔點佢啫。韓國蜂巢豬皮，豬皮好快燶㗎，要小心控制火喉呀。燒到卜卜脆，好有咬口。韓式泡菜， 辣汁及泡菜汁就咪放鍋上燒啦，因為好易搶火。 不過， 火力可以調教㗎 ，整體感覺好安全，細路仔都燒得。韓式包肉菜，好新鲜，包住肉上汁一口咬，唔使我教啦。韓式芝士年糕燒到軟糯，似食緊棉花糖，當然無咁甜，必叫。抹茶紅豆牛角包窩夫本來食韓燒冇諗過要點甜品，但見到餐牌張圖咁吸引，又真係忍唔住。 抹茶紅豆係我杯茶，再加上抹茶雪糕，係呀，唔係雲呢拿雪糕呀，口感豐富又熱又凍，即叫即做等一陣都抵呀。奶醬牛角包窩夫 愛人係奶醬fans，佢話呢個甜品令佢一世難忘，係佢嘅 世一。哼!咁我呢。藍柑白桃梳打通常倒插飲品這種最受打卡迷歡迎的，都要起碼近100元一杯，這兒竟然賣28元，仲唔即刻點返兩杯咩。倒轉嗰支係梳打水嚟嘅， 逐啲逐啲滲入去飲品當中，又唔會搶味又夠清新， 飲品仲可以叫少甜少冰，正呀。紅柚荔枝梳打愛人話呢杯襯番佢個pink lady造型喎，至於好唔好飲，我趁佢去洗手間時飲了一口，微微的酸，甜甜的，OK啦。…Read More

一向喜歡食台灣菜的我和愛人 ，今日嚟到海港城 ，行完名店shop完ping , 就嚟到位於港威商場二樓的這一間台式料理店， 這兒装潢雅緻 ，好有台灣風味， 是高格調的那一種。#蒜香三色台腸 這碟三色台腸加了蜜糖調味， 貫徹台式香腸切小粒薄片的特色。 三色者，三種不同的台式腸是也 。其中有一款顏色"黑壓壓"的就是血腸，其實肉味最濃最過癮 ，加上炸脆嘅蒜片 這款餐前小食打開了我的味蕾。#三色鹽酥雞這款鹽酥雞，我覺得似韓式炸雞多一點 ，同樣地口感味道又比韓式炸雞高一點。這兒所說的三色， 並不是三種口味鹽酥雞 ，而是有三種不同的醬料佐雞 ，有辣，有香草，有甜 ，脆脆的外皮， 嫩嫩的雞肉， 比一般台式店的鹽酥雞， 口味更勝一籌。#咖哩起司吉列蝦蛋餅 蛋餅我食得多，層次感豐富材料咁充足嘅都係比較少見。蛋餅裡面加咗天婦羅蝦 ，滿滿嘅芝士拉絲 ，腸粉形狀嘅蛋餅， 切開一小段一小段容易夾， 面頭的紫蘇葉碎， 同蛋餅好襯。 提提你:咖哩味反而不太濃，所以碟邊伴有少少咖哩汁，悉隨專便。#招牌牛肉麵叫得做招牌水準有番咁上下， 牛肉麵又係另一個層次， 跟一般台式店食到嘅不一樣，今次我將麵底轉做紅薯粉絲， 粉絲狀嘅紅薯粉軟绵绵但掛湯 ，牛腱肉是薄切 ，仲有豆腐乾 ，蟲草花乾，溏心蛋，湯底微辣，混和附上的牛油後湯底更顺滑。#手工鳳梨酥麻薯蛋撻即叫即焗有心思，淨係熱腾腾上抬已經加了印象分。這個鳳梨撻夾心裏面有麻薯，層次更加豐富。和日常見慣的鳳梨酥體積大概大兩倍，兩個人分剛剛好。 由賣相至口感都有焦糖燉蛋的感覺 ，你可以切開用手食， 亦可以用刀叉高級地食， 質感有似蛋撻亦似焦糖燉蛋，是必食之選。#宇治抹茶牛乳台灣受日本影響，宇治抹茶當然唔會失禮，加上調混鮮牛乳，這组合冇得輸 。下次我會試下苦瓜汁 ，聽講加咗蜜糖苦味會中和很多。#有氣礦泉水不是我偏心，就連這款礦泉水都特別好飲， 少少鹹味剛剛好， 飲完清爽潤喉，仲要十蚊雞任飲去邊度搵， cp值超高。…Read More

陪女神去觀塘買"包包"(名牌袋)，荷包出血後個人都要補充体力。女神選包叻，我就至識食，一出商場直行，大隐隱於市的hip hotel浮现眼前，二樓餐廳做緊半自助餐，平日有八折，假日都有八五折，CP值高。烤肉眼扒配薯仔蔬菜今晚塊肉眼扒好肥美，5成熟一切即開，最開心见到粉红肉質，入口唔靱，咀嚼幾下已經化開。香煎多寶魚煎脆了的魚皮，配合一絲絲的嫩肉，軟硬口感好過瘾，這兒魚塊非連鳞上，又無魚骨，細路仔都食得。自助餐區有即開生蠔，凍蟹，寿司，刺身，煙三文魚，火腿配蜜瓜，青口，田螺，蜆仔…凍蟹選用毛蟹，肉質爽兼有膏湯品有南瓜湯，中湯，番薯糖水…熱葷有西冷扒，脆豬燒肉，牛腩，鷄肉，椰菜花，西蘭花…甜點選擇多，有葡撻，芝士餅，抹茶蛋糕，一口撻，Movenpick 雪糕杯等生果有水蜜桃(驚喜)，西瓜，蜜瓜，蘋果等另外包餐飲，如要啤酒可自费…Read More

石燒流行了一段時間， 個人亦曾經非常鍾意， 但市面上因為競爭者多， 好多時就會變得雜亂， 同埋質素下降。 今日嚟到九龍城 ，就畀到我一個好大嘅驚喜 ，無論係環境 ，食材， 分量， 服務 ，通通都達到我心目中嘅理想。前菜: 沙律，櫻花蝦味噌湯新鮮嘅羽衣甘藍 有麻醬 木魚花 嘅沙律， 勁多櫻花蝦，味噌湯唔會太鹹啱啱好，原來配櫻花蝦係咁正㗎。三品 有辣味海蜇 ，日本紫薯仔， 芝士蟹棒小食 秘之牛丸 日式釀雞翼 肉丸幾大粒，有番红花點缀。雞翼脹卜卜，賣相已經攞滿分 ，食落去熱辣辣， 芝士忌廉蘑菇，釀在雞翼裏面，好有口感。極上和牛盛會 二人前澳洲和牛封門柳 /美國頂級牛小排，日本九州A4和牛三角胸，日本九州A4和牛上前腿肉16安士的和牛盛會， 啱曬我哋啲呢啲食肉獸， 店主畀我哋升級咗美國頂級牛小排， 個人認為牛之中佢最啱我胃口， 遠糯得嚟又好有牛味 ，油脂分佈均勻， 有霜降嘅賣相。九州A4和牛 質素有保證 ，牛胸肉 好食過上前腿肉， 廚師精心薄切 ，每邊烤40秒就ok。仲有好多菇菇 洋蔥 配菜 烤一陣間 少少燶邊 菇味更加出。飯素 稻庭烏冬 日本烏冬煙煙靭靭 個人認為比飯素高分跟餐飲品: 雪碧 凍綠茶甜品綠茶雪糕 :有抹茶粉和茶筅(刷抹茶的道具)比你玩，刷完自己倒在雪糕球上，輕鬆歎一歎。…Read More

行完市集 ，攰攰哋 !去長沙灣搵下食 ，咁啱俾我發現 這座新樓: 喜遇 ，有間新餐廳 ，係食 秘魯菜，墨西哥菜 ，二話不說入去試下先。前菜 ：蟹肉忌簾芝士炸雲吞脆卜卜 嘅雲吞皮 ，上碟仲熱辣辣 多咗 泰式辣 醬，畀中式嘅炸雲吞層次更高。主菜: 加勒比拼盤這道菜讓我想起 加勒比海盜捕獲一大堆新鮮嘅海鮮食材 (笑)，有 帶子 青口， 虎蝦，大蝦 ，魷魚圈 ，墨魚仔 ，仲加埋陸上食菜雞肉 ，牛肉條， 同朋友飲下食下好正呀。 值得一提，醬汁又係呢味菜嘅焦點，有辣有唔辣任你點。附送: 黑白粟米片個人感覺好過薯條， 好啱送酒。 亮點是墊底的辣蕃茄粒 食咗好醒胃 一般西餐食不到的。小食:伊比利亞豬肉串燒墨西哥畀西班牙統治過，所以食材都有西班牙風 ，呢味西班牙嘅伊比利亞黑毛豬 ， 用竹籤串起來燒，香噴噴啖啖肉， 夾雜咗青椒紅椒， 好有南美風味。蔬菜:時令鮮蔬有薯仔，洋蔥，青紅椒 ，秋葵切粒*** 好有秘魯風味 ，唔係一般的西餐沙律菜， 感覺完全不一樣 ，值得推介。飲品: 柚子手搖冰茶 有熱情果，菠蘿 ，柚子等等嘅選擇。這款bartender特調 ，手搖製作貨真價實， 雖然冇酒精，但有一種醉醺醺的感覺， 柚子味好清新順喉 ，係酒以外嘅另一選擇。…Read More

如果說鰂魚涌太古坊是港島區上班族好CHILL的HAPPY HOURS 聖地！那麼，我認為位於觀塘的海濱匯亦有可能成為九龍區的新蒲點。已經不是第一次來到這個新式飲食集中地商場，今天就揀了這一間以手工薄餅聞名的意式餐廳。海鮮薄餅有我喜受的海蝦、魷魚圈、三文魚、蕃茄……一個大批夠幾個人食，今天兩口子來到，就可以更加盡情。最喜歡意式薄餅的"燶邊"，薄底，毋需滋心搞咁多嘢，先至是正宗的風味。肉眼牛排1吋半厚的牛排我點了半熟，切開粉紅肉身，咬下去啖啖肉汁口腔四淺，唔會太生又唔會太熟，而且份量又是大大份，兩個人食好滿足。意式提拉米蘇這道甜品有大酒店水準，內餡用了LADY FINGER, 吸滿冧酒的口感認真正，大家來到不妨都點一客，兩個人分剛好。一定不會失望。…Read More

旺角新蒲點T.O.P, 是This is our Place的縮寫，這裡其中有一間餐廳，也可以說是我和女友的新蒲點，我姑且稱它為This is our Shop！嘻嘻！炭燒自然放牧西班牙羊排羊排少少羶香，叫了七成熟，一點也不過老過火，我覺得剛剛好，咬開絲絲肉、好甘香，有種難以形容的滿足感，就算不是羊肉控，都一定要試，是今餐的最大驚喜。特色卡邦尼意粉這道菜英文以LAB EAT命名，可想而知是有一定水準。咁就點了試一試，果然芝士份量好夠，每條意粉掛滿芝士汁，鍾意濃味的一定無得輸。同埋煙肉略帶肥肉，炒香到好似臘腸。新鮮生蠔大大隻，好新鮮，淡淡奶油味，又唔腥，可以一試。阿拉斯加長腳蟹肉牛油果沙律長腳蟹肉扎實有咬口，好清新好爽甜，配合牛油果軟綿，好夾。冷凍液態氮薑茶朱古力波好有特色的一道甜品，目測都有好多枱點選。侍應上枱打開透明蓋，一陣煙霧繞繞上升，好浪漫，女友用匙羹輕敲，朱古力皮碎開，裡面的布甸綿滑，仲有少少士啤梨碎。打卡又拍片又要食，好唔得閒。…Read More

鉄板燒係我的至愛日式料理之一，而新派鉄板燒有強勁音樂襯底伴食，有可以近距離看著大廚功架，集視、聽、食享受於一身。磯煮鮑魚廚師已細心切粒，聽侍講，磯煮浸咗兩日，所以味道特濃，不過唔係死鹹，仲有鮑魚味。精選生蠔生蠔真係最緊要食新鮮，不鮮不食是我食生蠔的宗旨，這兩隻有成年人手掌咁大的生蠔，值98分。松葉蟹肉甲羅燒松葉蟹黃塞滿蟹殼，加上兩隻蟹鉗，燒至金黃脆香，是今餐的亮點之一。蟶子連殼上的燒蟶子，好有咬口，又香又彈。推介必點必食之選。日本白粟米話明鉄板燒, 咁啱又係燒粟米咁”橋”。日本白粟米喎，甜度夠不在話下，仲要燒到脆香。比目魚沙律沙律嚟講，用比目魚都的確少見，難得質感與沙律匹配，而且無骨順滑。松葉蟹肉海膽炒飯日本海膽有一定保證，做炒飯可劈腥，本身唔係海膽控，但加埋松葉蟹，加番分。梅雫十年熟成梅酒食鉄板燒配梅酒是我個人選擇，除了可解膩，又可品嚐十年浸泡的味道，餘韻悠長。日本蛋卷(巨峰味)、日本蛋卷(芒果椰子味)點這款甜品夠新鮮，唔係一味叫雪葩、芝士蛋糕，我話的。…Read More