愚皎媽's Profile

住左大埔幾年，一直都有幫襯呢間小店，由之前晚市只有單點，到近呢一年推出套餐，比之前更抵食。今晚叫左個2人套餐再加生蠔同串燒，每一樣都覺得好食，特別係生蠔超鮮甜，套餐入面每一樣都有水準，唔似有啲店用比較差既食材係套餐度咁hea，希望多啲人去試下，唔想又多一間有誠意既小店消失啦⋯⋯PS. 提議店內有位叔叔如果係出樓面招呼客人，換返對乾淨啲既鞋會好過對黑忟忟既白膠靴🥸…Read More

去左幾次食lunch, 覺得最好食係黑蒜湯底，小店位置有限，所以有時都要等位。整體來講都係好味道既，最奇怪係佢個儲印仔規矩，我地6個人一齊去，由3張2人枱合併，每張2人枱有一個QR code, 我地自己落返自己碗麵，埋單時俾左3張儲印仔卡我地，表示唔可以6碗麵一齊給印仔，因為我地分開左3個QR code落單，其實如果野食好味，有冇贈送印仔儲免費碗麵都冇問題，只係覺得佢哋處理手法好新丁啦！…Read More

幾年前有食過新蒲崗店，記得質素唔錯，就約埋朋友去尖沙咀店食晚飯。去到坐低睇餐牌研究一輪，到店員再解釋先知餐牌上既多個二選一或三選二都係冇得揀，因為佢冇貨，心諗應該冇問題吧，收得幾百蚊位，應該唔會俾太差質素既海鮮嘅..可惜大部分海鮮都不似預期，失望到好多都冇影相…1）蒸一夜干喜之次：唔喜歡口感，食淡既咸魚咁唔ok2）大蝦：我食果隻有少少膏，肉質彈牙，但朋友隻肉質有啲淋唔新鮮3）鮑魚：正常4）聖子：肉質係滑嘅，但超級咸5）馬刀貝：又係超級咸6）蠔：一蒸完開蓋就聞到有臭味，同個女店員講，佢話蠔係咁既味，我再續隻聞，有2隻特別臭，再同另一男店員反映，最後換左馬刀貝代替7）大元貝：粒肉一啲都唔大，仲要蒸過龍8）龍蝦：冇青年龍蝦，又唔想食琵琶蝦，所以每人加左$98轉大龍蝦半邊，就係新鮮有膏唔錯既9）膏蟹：今晚第一名！肉好甜多膏10）蔬菜籃：清甜，呢一味終於用得著碟鼓油11）粥底：咸到飛天，應該係因為啲海鮮令到咁咸，食左2啖就放棄12）額外order: 安格斯牛肉，好味既可能見到有咁多好評，之前又有食過，所以期望太高吧，但今次嘅體驗就性價比偏低，呢個價錢有好多其他選擇喇～…Read More

今天放下午假，到海港城食完午餐行過見到呢間熊仔咖啡聞到好香就入去試下。女店員細心講解唔同咖啡既分別，就決定買一杯Americano 同一杯Flat White。因為人唔多好快就叫我攞咖啡喇，一拎上手覺得好熱就同男店員講，男店員話隻杯已經係2層架喇，就冇再理我，我見到沖咖啡位有杯套就自己加啦，但由於我拎住好多野，都整左一輪先套到，跟住好在我朋友剛到就幫手，俾著其他咖啡店唔會咁樣漠視顧客吧。Anyway, 咖啡味道唔錯既，烘焙味好香，但希望對顧客多啲細心同耐心。…Read More

今晚一心黎食海鮮為朋友慶祝生日，揀左個每位$700幾蚊既套餐，海鮮係新鮮嘅，但店舖人手嚴重不足，令到我地食每一樣野都要等起碼10-20分鐘先再上下一樣，到中段我哋忍唔住要自己蒸了，否則唔知要等幾耐先有職員黎。10樣嘢食左3個半鐘，等到累，職員又累，到最後好期待既粥底，可能因為冇人照顧，所以似腐竹糖水多啲，職員拎入廚房倒到啲水再煲，但已經冇晒海鮮味...埋單每人要$900，真係貴左啲，老實講，真係有啲失望，之前食九龍城果間好好食架，今餐真係有啲趕客！…Read More

Food was nice, but waitress service attitude is really poor like always talking to each other and looking at the handy phone at bar area before we saw a tall guy (looks like a supervisor/boss arrived. The way they communicate with us is not professional but more like we were troubling them. At last, threw the pen to my friend for signing the credit card pay slip. Their performance made me hesitate to return. …Read More

在圓方中庭有2間意大利菜,幫襯過另一間多次,今次決定試下旁邊呢間。不用訂位,7點WALK IN,安排我地坐近廚師角落位置。一開始就冇咩事發生,但當下就有2隻蚊支坐埋落黎...咁起初都諗住算喇, 但佢地係咁係我地既沙拉同飲品間飛來飛去, 我地最終要求換位, 以為會有改善, 但原來成間餐廳都有, 會見到佢天花角落同牆上裝飾都有蚊支停係上面,不論生同死都有...到食物方面, 價錢唔平架, 諗住第一次保險D就叫佢SIGNATURE DISH啦~ 但又係一般質素....至於服務, 可以講似茶餐廳, 所有WAITERS都唔講野架,不論上菜,收碟,換碟,都冇講野,唔會話係咩菜,問下我地可以收碟未,直到埋單, 多謝都冇一句...到底咩事呀??? 一句到尾, 唔會再幫襯!!!…Read More

自幼在元朗長大, 為左重拾一些當年既回憶, 相約一班舊周學仔到元朗走一走....正在找哪一間食店解決我地既晚餐, 無意中走過一間小店, 被店內其中有一枱上的蒸籠吸引住我既視線, 我見到一隻大大既花蟹用一層糯米墊底既菜色, 又冒晒煙咁, 就同d朋友講不如就食呢間啦, 試下新野都好呀~我地坐低左, 然後周圍望下其他人叫乜, 多人叫既就一定冇錯啦~ 可能店主(我估係啩)見我地冇咩idea, 所以就主動推介佢地自創或者比較有特色既菜比我地, 又真係幾有特色wor~1) 明鑪金鍋雞 -- 用錫紙包住個鍋, 再用爐加熱, 令到d雞又入味又滑2) 風沙黃金條 -- 起初以為係炸茄子, 但原來入面係蓮藕黎, 有驚喜3) 籠仔糯米蒜蓉蒸蟹 -- 我的至愛, 隻蟹好新鮮, d糯米飯又有蟹味, 又有蒜香4) 酒糟煎中蝦 -- 第一次食用酒糟煮既小菜, 個香味好特別5) 杭州骨 我地4個人, 叫左5樣, 真係食到個個肚漲漲呀...連本身打算食b記甜品都食唔落喇...今餐好滿足, d野好食, 店主又nice, 我會再黎既~~…Read More