Law_3618's Profile

想食點心醫肚但又唔想係酒樓慢慢坐？晚夜收工想食點心但酒樓得小菜？近年多咗點心鋪流行，但多數都係新派點心，唔係唔好食，但又好似有啲太fancy～今次嘅得閒飲茶價錢實際，可能係適合嘅選擇，路過可以一試。【得獎蝦餃之王】 - $36蝦仁爽口彈牙，調味恰當，配搭聲稱自家製嘅辣醬有提鮮效果。辣醬較似xo醬，以乾貝類為主，辣味來得快，但唔會持續太耐，令人驚喜。【龍蝦湯鮮竹卷】 - $33鮮竹卷即炸香脆，再淋上龍蝦湯有不錯的口感。而用呢個價位有龍蝦湯都無乜埋怨，不過湯頗淡，加上稠糊嘅口感似汁多啲。【XO醬菜苗餃】 - $32菜苗餃嘅餡並無包實，而係放咗XO醬係頂。XO醬都唔少，為菜苗同蝦提鮮。啲皮無包實反而令菜苗保持口感唔會爛，可見大廚嘅小心思，亦令味道層次更豐富。【懷舊香菇燒賣】 - $32食到結實肉粒，菇粒同蝦，感覺到真材實料。【陳川粉蒸排骨】 - $32陳川粉似係街市買啲，隱約有啲酸味，粉漿厚身，蒸完之後做唔到條理分明反而痴埋一舊，口感太淋，有種蒸太耐嘅感覺。綜合推薦度：🌕🌕🌕…Read More

Pizza手法層出不窮，有菠蘿定無菠蘿，多肉定多菜每人口味都有唔同。但嚟到呢喥一定啱你口味。事關老闆會按照客人要求自訂pizza，一旦成功錄用更加會以客人命名成為餐廳嘅菜單之一。因此菜單上嘅pizza 名都係以客人命名，亦有唔同創意嘅pizza。而且貓老闆亦會在場招呼客人，老闆都會同客人傾下計，絕對係社區中嘅好聚腳地。言歸正傳，餐廳食物即叫即做，味道恰當，pizza 味道有驚喜，感覺到老闆嘅熱情。餐酒上老闆亦闊綽提供比外面多的份量。【德國風情 （Uncle Ping Gor）】 - $178平哥係由德國肉腸，蜜糖芥末醬，車打芝士為組合。肉腸芝士，味道香濃純厚，令人滿足，適合食肉獸。蜜糖芥末醬能夠解膩造就味道嘅平衡。pizza 低偏薄身外脆內軟，容易入口。【香煎黑毛豬鞍扒配蘑菇忌廉汁】 - $238豬鞍扒厚身豐富，成塊煎理應會多汁嫩口，但從切面上有煎痕可見餐廳為求快熟切開再煎熟令肉汁流失，口感略為過硬扣分。但肉質不錯，醬汁味道溫和。配菜亦有用心處理。綜合推薦度：🌕🌕🌕🌕…Read More

雖然綠底紅字嘅招牌非常顯眼，但餐廳本身並唔起眼，猶其太子大角咀一帶不乏小菜對餐廳並無過大期望。誰知道餐廳喺口耳相傳地成為一枱難求嘅人氣餐廳，更加係帶嚟意想不到嘅美味。餐廳價錢合理，味道出色，用料充足，食材多元化，唯有環境稍為狹窄，路過附近搵飯食都絕對值得一試。【集眾極品雞】 - $238（半隻）少有地會附上雞雜，雞肉本身多汁嫩滑，咸香味道十足，但個人口味認為略嫌過硬，但味道良好。【鎮店小炒王】 - $158小炒王用上韮菜，走油炸過嘅竽頭絲，菜莆，蝦乾，腰果一齊炒，炒得夠乾身，口感十足，調味恰當，乾爽唔油膩，蝦乾仲帶有淡淡咸鮮，香口惹味。【鐵板薑蔥炒蠔】 - $158選用鐵板而非砂窩令炒蠔食到最尾唔會油價，蠔身大隻且鮮味十足。半煎炸過嘅蠔更加唔掛汁，十分香口惹味。【金沙黃金鮮魷】 - $148中意食香口嘢嘅人去嚫食小菜必食之選，金沙香口炸漿薄身，魷魚爽口，口感香脆輕薄，每舊切得比較大所以食多兩舊會有少少油膩感。綜合推薦度：🌕🌕🌕🌕🌗…Read More

餐廳比人印象都係歡樂嘅運動酒吧，卓球枱等娛樂設施齊備，適合愛玩或睇波嘅人去享受一晚。今次試下喺Happy Hour收工時間去chill 下。 調酒亦有心思，特色調酒主打日系口味，多以日本地名與文化命名，而且用嚟打卡鏡頭效果不錯。環境舒適闊落，確保每枱都有一定空間，店內佈置咗唔同燈具，植物嘅裝飾，用嚟CHILL聚亦唔錯。🌟【Sakura】 - $98（HH）以Gin酒為基底配上玫瑰糖漿及荔枝酒為主嘅有氣梳打酒，杯邊有糖口味偏甜清爽易入口，用香檳杯適合打卡，酒味唔濃加上氣泡水嘅清爽適合唔中意酒味太濃嘅女士們。🌟【Lost in Kyoto】 - $98（HH）以迷失京都為名當然用上抺茶，牛奶為主要味道嘅調酒。以伏特加為基底令抺茶奶昔唔會太甜，亦突顯到抹茶輕輕嘅澀味，係口感圓滑嘅調酒【免治雞肉棒/雞頸肉】 - $20（HH）雞肉棒配上燒汁略咸，但口感嫩滑，不過不失。【雞軟骨/雞肝】 - $15（HH）都係急凍貨嘅味道，分別用鹽或燒汁調味，無驚喜亦無失望咁，【金黃炸薯條】 - $18（HH）【黑松露野菌披薩】 - $128披薩以松露野菌芝士為配料，黑松露味突出，披薩薄身香脆，份量精緻，適合佐酒。…Read More

有時同三五知已係旺角既想慢慢食又唔想食咁貴都唔知食乜好。今次介紹嘅串燒就位於朗豪坊附近地鋪，價錢經濟。味道唔算特別但勝在夠重口味，不過店舖並無提供酒精飲品，要嘅就要自備啦。【蒜蓉原條茄子】 - $28茄子燒得夠透，唔會有澀味或過硬。蒜蓉配上辣粉調味不算特別，但卻係簡單粗暴嘅美味。【厚切牛舌心】 - $45牛舌心香較，唔會咬唔開，而且算係厚，外皮香脆。【燒免治雞肉棒】 - $28 / 兩串雞肉棒偏硬，有點過熟，欠缺汁醬而用上孜然粉調味口感乾身。【五花腩肉串】 - $42 / 三串全餐驚喜嘅餐點。燒得外脆內軟，孜然粉調味能突出油脂嘅甜味，送酒一流。而且呢個價錢有有3串，絕對係扺食之選【鍚紙蒜蓉娃娃菜】 - $38 意外地外甜嘅娃娃菜。由用鍚紙兜包住燒，令到水分唔會流失，反而濃縮咗，加上蒜味令人滿意。【流心芝士年糕】 - $27純屬個人喜好，味道如想像一樣。綜合推薦度：🌕🌕🌗…Read More

今次介紹嘅餐廳晚市主打五種味道嘅烤魚，七種火鍋湯底以及雞煲，選擇豐富，除咗香辣嘅湯底迹亦提供蕃茄，梛子等湯底，適合各種不好辣嘅食客。即使選擇烤魚亦可以餐廳睇落雖然係茶餐廳格局，但老闆仍用心經營絕不馬虎，配置多個材料櫃提供食自助火鍋食材，飲品，甜品等，係係元朗當中令人感到驚喜嘅晚餐。餐廳價格為對比同類型餐廳相近，🌟[香辣味烤魚] - $198任食（7點-9點期間）餐廳將大過手臂嘅原條新鮮鱸魚對半切開油炸，魚身調味上有較多孜然粉，同魚唔算好夾但接近年輕人口味。而浸係乾辣椒等多樣秘制配方調配嘅湯汁之上，以鱸魚嚟講烤魚魚味尚算充足，但勝在新鮮，肉質結實雪白。魚身上粉漿薄身炸得香脆。湯汁中蘿蔔、萵筍、薯仔、芽菜煮得軟身吸滿湯底嘅香辣惹味。配料 & 飲品食完烤魚後嘅自助火鍋配料豐富，提供鮮蝦、蠔仔、花甲等海鮮，亦有牛栢葉，鵝腸，鴨血等，以任食嚟講種類豐富。飲品有店鋪提供嘅特飲，生果並非用罐頭材料可見有心思。綜合推薦度：🌕🌕🌕🌗…Read More

天龍咖哩以咖喱作為主打提供價格平民但份量極大嘅餐點，本來平日就受附近居民學生車房嘅午餐。餐廳亦有適當裝修，比鄰近鋪頭更突出，食物價錢合理，算係一間不過不失帶少少驚喜嘅餐廳。【金牌牛魔王咖哩大四喜飯】 - $114咖喱以大量洋蔥，薯仔等蔬菜加入紅油煮成咖喱，比起傳統咖喱更加似係用西餐煮湯方式烹調，因此咖喱汁較稀。用料充足但味道唔算香濃，欠缺香刁辣，好似辣油浸洋蔥咁餐點包括牛腩、牛舌、牛肉片、牛筋口感軟冧但味道唔算突出。跟餐兩塊油穌餅香脆份量十足，兩個人都夠食。【咖喱生煎肉餅飯】 - $57肉餅同咖哩分開煎，所以肉餅本身無咖喱味，而且肉餅明顯熱過咖喱。但肉餅結實，食得出真材實料。🌟【天龍雞片卷】 - $42雞皮卷係全餐驚喜。雞皮包住雞肉味道香濃。無骨啖啖肉嘅豐富口感配上椒鹽同泰式雞醬會令人諗起台灣夜市嘅滋味。綜合推薦度：🌕🌕🌗…Read More