Rasw's Profile

見到佢menu覺得好多野都想試同好正咁，揀左玉蘭香綠拿鐵加茉莉綠茶凍，唔知玉蘭係咪白蘭花所以揀，但無感覺到特別重既花香味之餘，茶味淡，質地薄身，奶水咁，重點佢無加到綠茶凍比我，我諗我自己泡茶加奶都好飲過佢，真係唔知自己飲緊咩，唔知點解咁多正評，總之menu咁fancy, 但飲完好失望…Read More

我們是二訪這餐廳，第一次是好幾個月到半年前的晚餐，也是free flow appetizer, 但沒有主菜，這次再訪的free flow前菜其實跟上次很類似，所以再來主要是想吃吃看他們的主菜。首先我們十二點半前來到，waitress只有一人，很快就全餐廳滿座，你可以想像free flow的速度有多慢，一開始他們會五個選項都逐一送過來，後來他們當然也不會等你一小時free flow appetizer結束後再上主菜，反正吃完主菜還剩差不多二十五分鐘前我order第一輪encore的appetizer, 後來旁邊的客人都上了一兩輪free flow, 大概二十分鐘下來我還是什麼都沒有，一問waitress之下發現是漏單了，waitress雖沒什麼表情但態度算誠懇所以我也沒說什麼，其實這麼忙的情況下也沒把客人的order jot down還是free flow漏單也是必然的事。因為free flow時間在第一輪encore才剛幫我下單的情況下只剩下五分鐘，所以我再加點一輪，兩輪下來我們點了五個前菜，各兩人份，因為我們有兩人。重點來了，到一點左右有個男的開始上班，其實我東西已經等了好久了，他來上菜時用一個特別大聲跟傲慢慵懶的聲線說beef tataki, 然後背着我們說:多吃點，我會認為他那句話是在讓我們難堪，而且那時候已截單所以那句話也沒有意義。其實我們除了本來餐廳一開始設定給的五個前菜，我們兩輪加起來也是再點了人頭份的五個前菜，因為主菜份量很少，我們甚至沒有吃飽隔兩小時後在茶餐廳再點了個午餐跟下午茶。而且他們上菜超慢又漏單，我們12:45左右已經吃完一輪前菜跟主菜，等完加點的五個前菜要2:00。再者就算我真的點很多也不應該受這個氣吧，貴餐廳如果不願讓客人re-order的話是不是該考慮不要做free flow? 至於主菜，我個人是覺得還可以，但同樣點了蟹膏意大利麵的兩個女生不是蟹膏沒吃完就是麵剩一半，要知道麵的份量其實四五口就可以吃完。反正上次光顧這餐廳，餐廳入單不小心少給我們入一杯$150的酒我們也有誠實告知，我不認為我們要受這樣的待遇或是我們是奧客，總之我們也肯定不會再光顧了！…Read More

之前飲過一次芝士奶蓋桂花大紅袍加桂花凍已經覺得好好飲，因為我對手搖都好挑剔，覺得香港手搖最大問題就係茶味好淡，溝埋奶蓋就變奶水都唔知自己飲緊乜，越香茶個茶同奶蓋既平衡做得好好，桂花凍係有花香同茶味，之後見到外賣自取有七五折超抵，距離上次飲只係一星期都忍唔住即刻再買，因為唔係成日去中環，但今次想讚既係因為我揀左六點外賣自取，但到七點三都唔得閒拎，店員打比我提醒我訂左奶茶，驚我唔記得，仲一早已經幫我雪住。重點係我去到拎時，佢仲好客氣同我講唔好意思打比我，因為好多客都唔記得拎，仲耐心介紹點飲最好。我記得上次訂單有誤會，都係女店員無講啲咩就爽快地整過一杯比我，而家香港好難有好既服務，而且店員好靚女笑容好sweet, 我會繼續幫襯，希望可以多啲分店就好！…Read More

其實我已經幫襯過五次，但依然有好多野想試，想讚員工好有人情味同服務有溫度，你會感覺佢重視每一位客人，而且挑剔既我好開心上水有一間地點方便，餐點選擇多，水準高又好坐同安靜既cafe，小小既店同有限既人手可以堅持提供咁多選擇比客人係好有熱誠先可以做到。簡單黎講，多次經驗係蛋糕同飲品大致都好出色，蛋糕真係比好多知名既品牌甜度同材料口味配搭都好，guava, pistachio, earl grey, mango pandan都值得一試，稍為遜色係青蘋果香茅，因為expect好清爽但青蘋果味唔夠又無乜酸味，不過奶味好香。野飲焙茶同特濃flat white好出色，抹茶都好飲但前兩者會驚喜啲。意粉試左海膽同牛肝菌，兩個都好食但海膽會想encore, 口味豐富好多同好鮮。但都要老實講，食過兩次主菜都有朋友點牛，但大家都認得牛好un! 店家需要注意！今次黎聽到cafe可能會八月結束營業，因為業績未如理想，希望cafe最終可以捱得住，如果唔係上水真係損失一間我好喜愛既cafe同餐廳！…Read More

全日無食野，晌華園門口聞到好香牛腩味，入到去先知係出名食清湯腩，有巴基斯坦咖喱牛腩，清湯腩，牛三寶，配飯配薄餅配麵都得! 入正題，由於真係好肚餓，我叫左個芝士流心西多士下午茶餐加牛三寶撈麵，點知牛三寶撈麵份量好大，牛肚牛根牛腩各四五件仲大大件，食唔哂😅牛腩唔肥又夠淋，牛根夠軟又入味，牛肚都好味，麵都好多，根本就二人份量! 芝士西多士都好味，老闆推介加煉奶，第一次試但原來好夾，芝士雖然唔係真係會流出黎但係溶溶地好好味!難得一間茶餐廳咁真材實料，而且我留意到佢menu好多選擇亦有唔少特色野，喜愛奶茶既我覺得呢間奶茶都好厚滑，茶同奶平衡得相當好，下次一定要再幫襯!…Read More

之前响fb見到呢間餐廳14:45-17:15 $78加一任食五款pizza沙律薯角同幾款腸仔加一罐汽水，難得有事要去灣仔，終於可以試下沙律菜好新鮮，車里茄又夠甜，雖然無dried bacon但有cheese，仲有basamic vinaigrette，款式雖然唔多但我同男朋友都各食左兩碟呢款係佢地既特色pizza, 應該係blue cheese加蘋果片，我個人係好中意因爲blue cheese既味道無平時咁臭，同甜野一齊食非常容易接受，但我諗其他人好似麻麻地，因為每人都係食左一塊。腸仔我個人覺得肉味麻麻，食多塊pizza好過。所有野都係新鮮出爐，每樣pizza都好食，只係睇啱唔啱口味，餅皮好薄又煙un 其實覺得呢間餐廳幾有心，計埋我同男朋友全場得三枱六個人，但佢都不停refill, 服務態度都唔錯，環境都好好又適合傾計，希望可以多啲人幫襯，呢個優惠真係好抵！…Read More

紫芋星星雞蛋仔($23)之前都係幫襯荃灣，試過蜜糖流心同肉鬆紫菜都唔錯，原來葵廣都有。其實芋頭味就梗係恆發出名，但旺角成日排到打哂蛇餅，所以就試下呢間水準如何，點知係失望既首先覺得呢度員工唔太專業，响收銀前企左十秒佢都係𠸊低頭㩒梗電話發現唔到我既存在，而且通常雞蛋仔一出黎會吹一吹紙袋外既都會脆，但呢間無！我期望係入面會係有芋頭餡，但其實係無！雞蛋仔係椰汁味重，但唔太食得出芋頭味，不過外形見到係幾靚幾開心既，不過真係無乜驚喜，好小可好辛苦先食哂一底，雞蛋仔暫時都係媽咪雞蛋仔水準最一致！…Read More

今次已經係近期第三次幫襯，每次去深水埗都好掙扎，因為深水埗實在有太多又平又好食既地道野，但係呢間茶餐廳我實在係印象深刻，因為位置超近地鐵站出口，行幾步就到，而且環境比起一般茶餐廳舒服衛生，唔會有濕立立同笠痴痴既感覺，而且坐位好闊落坐得好舒服，野食選擇好多而且有質素份量又多，見到都開心！而且我真係念念不忘佢既熱奶茶，奶味濃郁又有茶味，又夠幼滑，唔係好多地方做到！男朋友覺得炸脾同薯條最好食都係茶餐廳既，我又好中意食茶餐廳沙律，所以我地好瘋狂咁兩個人食左三個餐，飽到晚飯都唔太食得落擺到滿哂，真係大件夾抵食嫁，而且無乜油膩既感覺，炸得好乾身，當堂覺得無咁唔健康，但又有肉汁，好勁回鍋肉炒公仔麵，好多肉好多荀好多芽菜同韮菜，而且又係唔太油同好乾身👍🏻瑞士汁雞翼炒烏冬，又係乜都好多，雖然我中意食燜雞翼多過炸雞翼，但整體都好好食，食完真心覺得唔洗比咁貴去太平館…Read More

之前佢新開既時候我已經想試，但好似又要排隊而且價錢都有啲貴所以遲遲未食，上網見到佢好似要搬定唔做所以有買一送一優惠梗係要試啦。去到以為會人山人海，點知竟然唔洗排隊，店員超好人，我試左玫瑰、煙肉同曲奇味佢都無嫌我貪心！玫瑰有明顯既玫瑰味，仲好似有碎花瓣，要挑剔其實佢都有少少artificial, 但要食得出係玫瑰其實都難免有人工既味道。曲奇有碎曲奇，口感豐富又滑又濃郁。煙肉有啲似maple加煙肉碎，唔會怪，係似偏甜既雲尼拿。男朋友揀朱古力，都好濃同滑。最後我揀曲奇配曲奇，但其實有啲後悔，我覺得玫瑰會清新啲，雖然曲奇都唔係話好甜，但食到後尾都會漏，希望佢搬前我可以再試！…Read More

最近facebook好多media promote梗呢個韓燒$99優惠，但又好多人留言話係伏，例如漏單、等好耐啲野先上同其實唔係$99加一，係$119加一。去到覺得油煙味幾大，抽風麻麻，地下都油油地，員工應該好忙或者根本唔夠人，所以唔好期望太多，但一分錢一分貨，又唔會話要受氣既。海鮮中午只有三款，生蠔魷魚小八爪魚，味道都可以。配菜雞翼都幾大隻，牛小排醃得幾好味，最上果碟最上果個豬真係幾驚喜，份量超大，好長好厚，係出面百幾蚊一碟既份量同水準，皮都烤到又香又有咬口。牛舌又麻麻，又薄又乾又'un'，其他肉就無乜印象。主食都有啲選擇，粉絲味道幾好，又唔會油到接受唔到，石頭鍋飯都正常唔錯，但豆腐海鮮湯個豆腐竟然係燶既，有明顯既燶味同苦味，而且豆腐亦唔係滑果隻，係又爛又鞋。整體黎講99加一（一至日）咁多選擇同呢個質素都好值得一試，而且佢有好多款野飲，應該啤酒都係免費，仲有烏龍茶，apple cider, grape cider, mango juice, 蘆薈汁，檸茶，汽水等，淨係野飲都值二三十蚊…Read More

貫徹一向見到新野就好想試既宗旨，見到坊間少有既奶茶味雞旦仔又點可以唔試呢臨近收工店員都好好服務，仲主動話我知加$3可以要維他奶茶（濃茶味或普通）/啡走紙包飲品。食得出係維他既奶茶味，仲覺得似earl grey, 但如果以$22黎講入面無餡又有啲單調同性價比不高，始終加多$3既其他選擇如朱古力同紫薯番薯入面用料都好豐富，所以都係建議試下就算或者唔太餓之選！…Read More

我係超級雞蛋仔fan, 見到有特別味就會好想試，而摩芽流心蜂蜜味好似未响其他鋪見過。整既時候見到佢有落蜂蜜，正當疑惑點做到流心效果就發現佢落yogurt果啲爆珠，真係好聰明，仲增加左雞旦仔既口感。雖然佢脆既程度同媽咪雞蛋仔比較都係媽咪略勝一籌，但都已經相當唔錯，而且佢價錢又實惠啲！如果要挑剔既係由於蜂蜜應該唔可以加熱，所以都有輕微既酸味，但似乎都無辦法解決。總括黎講比起幾廿蚊個唔一定流心既蜂蜜流心旦糕，我會大推呢個$23流心蜂蜜雞蛋仔，我以後經過荃灣一定會再幫襯其他口味…Read More

頭先打既食評到post果刻無哂，所以就簡潔地打多次啦。生蠔細隻但新鮮，有海水味，加檸檬汁已經好食，一人食一打都無問題。白酒well chilled, 好飲過飛機貨色但唔好有期望。麵包粉團咁湯無咩特別龍蝦份量肉質都ok, 對得住呢個價Risotto好淡，黑松露味聞到但食落唔太濃，要加salt and pepper先食到落去(但枱面無任何condiment)Ribeye叫五成熟，肉質ok同煎得嫩口，但表面燶左有苦味，mustard都係叫先比食到豆腐味但不太cheesy，係好淡味既一個dessert總結生蠔OK, 但其他野都一般，而且服務麻麻(有兩個好但有兩個唔好，叫埋單都不瞅不睬)，試過就算無下次！…Read More

雖然我好想試四色芝士多士，但今期期間限定既紫薯芝士都係我至愛，店主都唔知限定會做到幾時，所以早食早享受啦。等左大約十五分鐘，熱辣辣多士出爐，估唔到紫薯同芝士都幾夾，而且麵包表面應該有牛油同蜜糖非常香脆，食完啱啱好唔會太漏，不過食果時會好論盡成手成面都係，而且餡料好易會跌埋一邊。總括黎講我下次都會想再試佢其他款式既多士，好似好吸引咁，等候期間聞到佢個牛都好香。…Read More

星期五下午五點幾同朋友二人黎到，只有兩枱人，餐廳環境好好空間感亦好，好適合傾計，服務都好好，唔會催落單，同响吧台既甜品師唔覺意有眼神接觸佢地會微笑，又會主動加水。本來想叫pancake, 因為上網見到好厚身個樣好靚但原來賣哂，於是就叫左Blue Rose Ice-cream Waffle（$55）同Honeycomb（$98）既一個甜品。Waffle賣相好好，有好香朱古力味，口感都唔錯，唔係淨係得個脆或者太淋，雪糕雖然好香玫瑰味，但我覺得有啲太artificial, 但朋友就唔覺。至於honey cheese ice cream口感都幾特別，唔係淨係雪糕，食得出cheesy, 亦溶得好慢，入面係honey既冰，完全食得出好清甜既蜜糖味。至於隻蜜蜂因為切唔開所以朋友食左，佢話係好甜既糖膠，不過幾chewy不至於太難食！下次都會想再黎試下佢既甜品，不過感覺上waffle/pancake性價比好啲同埋比較出色，而且雪糕又有特別既味可以揀，至於$78-98果啲甜品就主要係creative同靚。…Read More