AnxoL's Profile

今日family dinner 咁啱係粉嶺，左揀右揀就揀左呢間唔洗點等位既bar restaurant.餐廳座位寬敞，座位唔密，又播住流行曲，幾好坐，亦都有波睇!食物份量唔係特別多但都好味好熱，整體唔錯。叫左竹炭安格斯漢堡，帶子蝦意粉同埋蟹肉意大利飯。漢堡juicy, 意粉同飯都好香好creamy !…Read More

是日係觀塘又想食下日本野，結果就search 到呢間隱係熟食市場入面既小店。小店唔太大所以坐位唔多，不過晚市唔多人所以完全唔洗等。叫左鰻魚蛋包飯同埋牛小排蛋包飯。鰻魚好大份抵食，蛋好香好滑，整體好好。唯一係牛小排既分量唔多，但咖哩撈飯都好開胃，滿足!小店價錢唔貴，抵食!不過留意廚房唔多人手所以食品係要等。…Read More

是日一早起身，想換下口味就黎左山下食面。山下係一間得樓上座位既小店，地方比較淺窄，但食品一d都唔差。叫左叉燒dx 拉麵+味噌湯底。拉麵彈牙，叉燒都好冧好入味，加上有兩隻蛋，大滿足可能係上水最好既拉麵!…Read More

觀塘唔少好食又抵食既餐，呢間係其一啦!裝修帶d 舊式香港風，但賣既就係西式食品。地方寬敞唔迫。叫左蕃茄大蝦意粉，肉眼扒同埋雞翼。意粉小小辣好惹味。牛扒juicy 但有d 筋。雞翼亦都好味! 整體都好味抵食，可以encore!…Read More

是日適蓬早收，特意黎左北角食飯。一早就黎到呢間好有特色既食店。因為夠早，所以完全唔洗等位。室內裝修用左好多木裝飾，望落舒服，亦都好好座。食店標榜健康，每位餐都會包含蔬菜，叫左豬軟骨咖哩烏冬。咖哩味道好好，豬軟骨好林，烏冬有咬口，而且份量好充足，非常滿足。…Read More

相約左一群好耐無見既朋友re u. 揀左大圍之後就揀左呢間cafe.裝修好特別，好有文青feel，不過店內空間就唔多。self serve 形式去櫃台點菜。食物係輕食路線，份量唔同，早午餐啱啱好。叫左明太子冷烏冬同埋草莓抹茶牛奶。烏冬彈牙幾好食，抹茶牛奶個人就普通，太多味道撈埋反而唔夠突出。…Read More

同事提議去青衣食lunch，所以一行人就去左探索新地方，結果就相中呢間越南野。光線充足地方都尚算寬敞，係商場入面所以好易揾。叫左雞絲喇沙，湯頭味道幾好，雞絲就略嫌唔夠絲，份量只係普通，唔多，算係合格。…Read More

睇戲前無野做，唯有食下下午茶。有人話想食蛋糕，結果就去左simplylfie 啦。店內環境寬敞，所有座位都好好坐，尤其是sofa位。待應充足，好快有人serve。叫左哈密瓜伯爵茶蛋糕同紅莓朱古力蛋糕各一件，賣相好精緻，味道亦都好好，唔錯！…Read More

好耐無食冰室，而apm 好似就只有金記哩個選擇。偷懶之下就走左去食。環境尚算唔錯，卡位空間寬敞，座位亦好坐。不過就唔太夠侍應咁，呼叫侍應都要用d 時間。叫左一個焗豬扒飯同埋一個牛肉米茶餐。豬扒好冧好入味，整體唔錯。牛肉米跟雙蛋同多左就正常發揮，不過不失咁。…Read More

運動過後，夜媽媽最好就係食湯粉！叫左一個牛丸粉一個生牛肉粉。一上枱已經聞到濃濃既牛味，湯底香而不膩。牛丸係嚴重推推介！好香牛味，而且好結實彈牙，係好多地方既越南粉都比唔上！…Read More

座位十分寬敞好坐，早左去到亦都唔洗等位！叫左兩個定食，一係醬油拉面跟炸雞，另一個係醬油拉面跟帶子蟹肉飯。定食份量豐富亦都好多選擇。質素未算上乘但絕對對得起價錢，絕對日式平民飯堂！…Read More

終於黎到食盛名已久既shake shack 啦。坐位有分室內室外，天氣實在太熱唯有等室內位啦。叫左兩個shack burger，一個cheese fries 同埋兩個mango lemonade. cheese fries 芝士醬好夠味。burger 都好有肉味！ 整體唔錯 ！…Read More

是日生日之夜，同女友一齊左挑右選就揀左pici 獎勵我呢個意粉控~ 因為係平日所以鋪頭唔多人，完全唔洗等位，服務亦都好周到。環境: 座位尚算好坐寛落，唔會太迫。自家厠所尚算乾淨，不錯。服務: 未人齊不可入座，但店員都有offer 吧台同drink menu 比你等人。整晚服務周到，店員都好勤快，可能因為平日唔滿座。食物: 叫左佢既tasting menu, 包兩個前菜三個意粉同埋兩個甜品，每一道菜都好食精緻，份量亦都好夠好飽。前菜叫左八爪魚沙律同埋牛肉他他。八爪魚沙律好特別，八爪魚煮得好林好入味。意粉叫左肉醬千層面，海鮮介子面同埋牛面額寛面。介子面係扭成介子形狀既意粉，硬身有咬口但配返個濃味少少辣既醬好惹味。牛面額煮得好林，成個寬面都係香噴噴既肉味。甜品係意式芝士餅同埋果凍配莓醬，兩種都好好食，水準唔錯。…Read More

是夜同事聚會，揀咗呢一間中菜廳，聽聞水準唔錯，大家都好期待。晚飯時段分兩節，六點同八點。六點鐘我哋放工過去一定八點還唔切枱，所以就訂左八點。我哋準時八點鐘到，已經有枱準備好喺度，即刻可以入坐。一行四人，叫咗一個湯，一個前菜，半隻烤鴨，火方，同埋最尾甜品。叫左鈔鍋鹹肉冰豆腐湯，個湯不過不失，其實係因為知道個湯入邊有啲菜，所以先至叫咗呢個湯，當食下菜啦。四小拼係有四款冷盤組成，價格合理。最好食係雞絲粉皮，好濃郁嘅花生醬味，讚主菜係半隻北京烤烤鴨，唔包卷餅咁先試一塊鴨，滿滿都係係鴨油香。皮下面既油脂唔係好厚，所以食多幾片都唔會膩。肉仍然keep到好多汁。配料方面，除咗有青瓜之外，重有蜜瓜同京蔥俾你一齊包。蜜汁燒火方火腿切得好薄，個汁甜度岩岩好，除左夾火腿係個包入面，再用個包點埋落啲汁度食，唔好浪費呀嘛最後食左個高力豆沙當甜品，不錯，作為呢餐晚餐收尾岩岩好。…Read More

是日去行藍田魔鬼山，去行山之前決定食個豐富既港式早餐。佢地上菜速度十分之快，基本唔上唔洗點等就有得食，讚!叫左兩份早餐，一個係厚多士+奄列+蕃茄牛肉面，另一個就厚多士+煎蛋+蕃茄牛肉面，仲包埋熱飲。不論炒蛋奄列都係兩隻蛋既份量，好大份。蕃茄湯底有濃濃蕃茄味，聞落都好吸引!食物味道唔錯亦都唔貴，抵食之選!…Read More