一齊食勻全香港's Profile

已經同朋友食過好幾次 今次終於唔偷懶 出post介紹🤣椰子雞鍋 ($258)本身想叫雙拼 但店員建議單點椰子雞鍋 因為入面已經有成隻雞～個鍋實在係非常抵食!! 一開始會分碟上隻雞 比你知道無偷工減料🤣 滿滿既健康protein 煮完出黎都好滑好好食 大推！✨牛小排 ($328)依家7:30後入座有promotion! order牛小排就送 雲吞+餃牛小排d雪花睇落已經好吸引 拎黎打邊爐係再適合不過！雲吞塊皮都好薄 同埋有陣豆香味 同一般既雲吞皮好唔同 好好食😋 聽店員講所有餃類都係當日朝頭早點心師傅包，韭菜餃更加係即叫即包！😳另外仲叫左白鱔 ($158), 豆腐紙 ($68)同雜菜拼盆 ($98)推介大家試豆腐紙!! 每次都一定要嗌🤣食落去有種豆香 甜甜地 煮兩秒就得 比較起黎健康過響鈴好多!…Read More

之前一直好鐘意食舊鋪Cobber, 佢既咸食同甜食都超出色, 原來舊鋪已經執左 😳 開左呢間Mochi同一間Waffle~平日dinner去都full house 好彩等左一陣都入到!大蝦黑松露忌廉蘑菇意粉 ($128) 加餐包＋餐湯＋沙律（南瓜忌廉湯）都係加$20～好抵！ 大蝦份量都幾足 有6隻 意粉幾掛汁 水準幾高～香脆雞扒撈通粉 ($108) 見係新出既 就試試佢🤣 但原來個撈通粉係凍既 嚇親我😂 通粉沾左d mayo mix蟹籽既醬 幾有口感 但本身expect係熱既 所以有D期望落差😂 蜜糖芥末炸雞（4件）($68)細細件 2個人share岩岩好! 雞肉都好juicy～花生芝麻牛奶麻糬 ($68)好似淡水食個款~係木薯粉做既麻糬 比較水狀 有好多花生芝麻粒比你yam 個人鐘意食糯米粉做既多D🤣開心果巴斯克芝士蛋糕 ($88)新出! 好濃開心果味! 上面仲灑上好多開心果粒😋 好有咬口不過都係鐘意舊Cobber 多d🥹…Read More

成日去唔同區食雞白湯拉麵 估唔到係自己住既區有間咁出色既!彩本身係專做沾麵既小店 依家就同埋Tori mama提供埋麵條～淺草唐揚雞胸 叉燒雞白湯拉麵 ($95)依家開始食多d protein 一見到呢個拉麵有65g protein 15g collagen 即刻心心眼 輕鬆補P🤣個湯底真係要用驚艷來形容!!!🤤🤤 就咁飲一啖係會覺得落左牛奶或者忌廉 好濃滑 食完忍唔住問店員😂 原來個湯只係用雞 洋蔥 蒜頭 薑 用機高溫高壓將膠原蛋白同埋脂肪融合以乳化😳 真係好出色!!麵條呢期可以揀柚子/ 小麥 雞白湯呢d比較heavy既襯返柚子就岩岩好!! 除左平時既溏心蛋同叉燒 呢個拉麵仲跟埋炸雞😋 炸雞係用薄薄地既雞胸拎去炸 炸粉唔會好厚 點一點湯都幾好食! 但個人就鐘意塊叉燒多d 一D都唔乾 同埋好大塊👍🏼貝汁鹽味雞清湯拉麵 ($95)本身其實想叫兩個唔同既雞白湯試 但店員話呢個係日本新潮既湯底 亦都好推介 所以點都要試一試 🤣 估唔到食住雞白湯咁濃味既野 再試返鹽味清湯都冇失色! 😳 湯個雞味好濃郁 但好清 一d都唔會膩 上面d花甲亦都好鮮好肥美 我覺得好值得一試👍 上次星期五7pm去到直入 但一坐低就已經開始有龍 希望之後都唔洗排太耐先食到～～下次要食埋海鮮雞白湯! 😋…Read More

一訪再訪既高質Café!香烤雞肉多士 ($108)基本上次次去都會叫呢個 🤣 雞扒好juicy 好大份! 配埋流心蛋 個底有Red Hummus, Rockets, Feta Cheese, Green Tahnini Dressing 仲有Walnuts同 Dried Cranberries 夾埋個sourdough一齊食好有口感😋 同埋好飽肚 最鐘意既係有少少印度香料 但好適中 唔會咁重香料味😂濃蝦汁蟹肉扁意粉 ($148)係用左蝦湯整既sauce 仲有cherry tomatoes同唔同既herbs 食落好濃蝦味 帶有少少辣 好惹味! 啖啖蟹肉 意粉係比較幼身既~都好掛汁👍除左佢地既toast 佢地既baked goods都非 常 出 色!✨Banana Bread ($35)Banana Bread真係!!!!一百分!!! 焗到外脆內軟 入面好moist 有少少walnut同埋banana係入面 份量都好大 下午茶食岩哂!好食到買左個takeaway🤣English Scone ($30/piece)Scone都係次次會order既野! 簡直係佢地既hidden jam! 好脆好鬆軟 唔係超重牛油味個隻 食落比較light 配埋clotted cream同jam岩岩好! 😋叫左杯Riesling同Apple Espresso Tonic ($50) 白酒配意粉好夾! Apple Espresso Tonic應該就係加左D蘋果糖漿 不過飲落都唔會太甜 夏天飲岩哂! 😋…Read More

係入選米芝蓮指南既鐵板燒🤩 weekend lunch set都係$480 算好抵！Starter係沙律 加左芒果汁同少少醋 酸酸甜甜好開胃！之後就係最愛既茶碗蒸！每次食日本野都好期待🤣 好嫩好香蛋味 入面仲有蟹肉汁同飛魚子 增加口感！第三道北海道帶子係mvp✨帶子用比海道白粟米鬚包住再煎 食落好香粟米味😍 帶子煎得岩岩好 d肉仲好嫩滑🥹 仲包住自家製既他他醬！側邊仲有自家製茄醬 不過個人覺得唔點仲好食～跟著就係香煎銀鱈魚 先分開皮同肉 塊皮煎到勁脆！銀鱈魚 不過覺得唔係好夠魚油🤣 不過配埋紫菜牛油汁 都夠哂油脂感覺～最後一個meat dish就係A4宮崎和牛 油脂分布好均勻 唔會太肥太膩 用左壽喜燒汁一齊煮 再點埋生蛋食 perfect池！之後就係蒜片炒飯同自家製vanilla gelato 夠哂飽好滿足🥰…Read More

位於ktown既burger place! 自己住左係個頭咁耐都未食過 係個髮型師介紹先去食🤣 佢有好多款酒/ cocktail! 好岩weekend邊飲酒邊食野 仲有D位係對住馬路 個feel好chill!🤩Fish & Chips ($158)炸魚好有驚喜! 無諗過一間專賣burger既鋪頭可以整得咁好食! 炸粉一D都唔厚 入面D肉係一塊塊 好juicy 好嫩滑!😳😳 仲有海量薯條 配埋tartar醬同茄汁 好容易就清哂D薯條🤣Bombay Chatt Burger ($88)呢個係好有印度風情既burger!✨ 除左雞肉patty 用香草醃左, 入面仲有halloumi, tamarine chutney and mint mayo 好得意! 未試過呢個配搭 幾新鮮👍 入面夾左蕃茄, 生菜, 紅洋蔥 解一解貝膩~~~ 個包勁大勁厚 仲用牛油煎香左 個底就算有好多mayo都唔會浸濕左塊包!Classic Smash’d Cheese Burger ($88)入面有Monterey jack cheese, 蕃茄, 生菜 pickle, 秘制patty 就正正常常~~個人覺得雞個款更特別!每款burger都可以揀single / double 怕唔飽/ 食肉獸可以叫double呀! 大約都係加$30加$30 就有Combo set 包野飲+ potato fries / sweet potato fries 個Sweet potato fries勁好食 上碟熱辣辣卜卜脆 入面啖啖蕃薯蓉😋心目中最正既burger都係 hohon 同 beeger~~ 有無人有其他recommendation🫡…Read More

船街不嬲都多西餐 依家仲開左間日式餐廳! 即刻試試佢 weekday lunch time都好多人!Lunch menu都有幾多選擇 從刺身 串燒 鰻魚飯 等等都有 全部便當都有配味噌湯 茶碗蒸 漬物! 價錢又100中去到300幾都有 ～鰻魚飯定食 ($268)鰻魚即叫即燒 所以都要等大約20分鐘~~ 但係係值既! 有兩大塊鰻魚 好足料😳 燒到有陣焦香 側邊好脆身 如果肉可以再厚肉D就仲正！鰻魚下面有紫菜同淋左鰻魚飯醬汁 好正！刺身5種定食 ($328)刺身有中拖羅 生蝦 鯛魚 鯖魚 赤身 款款都好肥美! 雖然只係中拖羅但都入口即溶 呢個價錢都算抵食 🥰…Read More

空間感十足同埋好多vegan options既cafe✨Hanger Steak ($288)腹肉牛排煎到大約medium well 淨係用左Herbs 同檸檬簡單調 覺得呢個dish最好食既係個Cheese cabbage bake🤣 用左椰菜切絲再撈埋芝士薯蓉 勁好食😋😋Crispy Snapper Burger ($168)有3大塊炸魚 估唔到份量有咁多 平時d餐廳都係得1塊 🤭 炸皮好薄好脆身 入面D魚肉仲係好juicy 無特別調味 食得出係新鮮既👍 burger兩邊都茶左他他醬 幾好食😋平日after 2pm有set 平好多 無記錯hanger steak只係$168 仲要包杯野飲! 抵好多🤣叫左Dragon Berry ($68)同 Black Coffee ($42) 杯smoothie係香蕉 藍莓 火龍果 chia seed 椰子yogurt oat milk 一d都唔甜 感覺好健康🤣 仲加左coconut flakes係頂 好有咬口!…Read More

無骨甜辣炸雞 ($103) / 粟米炸雞 ($123)每次都一定要揀half half! 可以試哂兩隻味 😋 懶人梗係揀無骨 咁就唔洗用手食 😂 (雖然我覺得有骨既係正宗D同食得開心D😂) 炸雞做到外脆內軟 炸皮唔會好厚 入面D肉就好嫩滑😳 粟米炸雞入面有幾舊粟米 而炸雞面頭有好多粟米粉 仲有d 粟米片! 夾埋雞一齊食好有口感!韓式玫瑰炒年糕 ($188)呢款係新出既item! 成日睇mukbang d人都係食呢款 終於都到我食😋 入面有魚糕 椰菜 三色椒 香腸等等配料 份量係超級大 兩個女仔應該就咁食呢份就會飽左🤣 年糕比較幼長 我地都覺得似烏冬多過年糕! 味道有好多層次 除左甜辣味 仲有好多海苔粉灑係面! 🤤…Read More

平時去佐敦都係食開澳牛 今次同朋友食dinner想坐好D 去左呢間係澳牛對面既樓上café! 好彩有book位 星期五晚勁full! 😳餐廳係用貓貓做logo 佢既杯同好多餐具都印左貓貓圖案 好得意 有緣既話仲會見到貓貓真人行來行去🤣 個個都好想同佢玩!極厚切牛頸脊 (牛魔王之選) ($285)牛頸脊牛味濃郁 (但我都接受到! 朋友覺得好正🤣) 咬落去無咩筋 配埋薯蓉食好快就清哂!茄香肉腸海鮮雜燴意粉 ($148 )海鮮既份量好慷慨 夠哂2個人分! 有青口 蜆肉 蝦 魷魚等等 蕃茄醬汁酸酸甜甜令人好開胃! 意粉唔係太硬 亦都好掛汁 好滿意! 🥰朋友叫左啤酒 我就試芝麻豆腐花奶昔 ($68)!上面有層cream 好香芝麻味但唔會太濃 濃到好快飽個隻 配埋豆腐花感覺好light好健康 (自欺欺人)🤣 …Read More

每隔一排都想食既天天！😋天天海南雞（中份）($169)海南雞都係一貫高水準 👍 雞皮好滑 同埋肉都好嫩 配埋d醬真係岩岩好 🥰 黎到天天海南雞一定要叫呢個名牌菜!黑磨豉醬炆豬軟骨 ($129)呢個都好抵嗌! 好大份 有8舊up 豬軟骨 下面仲有惟山吸哂d汁 唔係煲到好淋個款 好有咬口 係我鐘意既質感😋砂鍋新加坡黑胡椒羅氏蝦粉絲煲 ($149)呢個聞落去真係好似返左新加坡咁🤣 蝦好大隻 仲要有6隻 下面既粉絲都好入味 用黎配飯真係一流!雞油飯 ($23) 同 白飯 ($19) 雞油飯係食海南雞必備😋 好香好入味! 我地兩個淨係狂食個雞油飯🤣因為有D小插曲店員仲送左 新加坡原味豆腐花 比我地食 好嫩滑好似豆腐牛奶布甸!…Read More

諗起有段時間無食鐵板燒 見到帝都酒店櫻田日本餐廳推出咗個超抵二人set, total 1588 就食到A5和牛同澳洲龍蝦 性價比超高😍前菜既日本水菜伴熊本蕃茄配柚子汁 好鮮甜開胃 👍牡丹蝦刺身即場係漁缸撈起再處理 蝦肉鮮甜帶點稔口甘鯛立麟燒配菠菜汁 - 師傅將魚皮煎香 再用淋熱油方法令魚麟企起身睇落好治癒！魚皮好似薯片咁非常脆口 魚肉雪白帶點咸既菠菜汁取代鹽去吊味❤️澳洲龍蝦配黃金多士 - 師傅現場即劏龍蝦再起肉 剩低既蝦膏就用牛油煮成濃郁醬汁 龍蝦肉鮮甜爽口 絕對值回票價🥰熊本A5和牛薄燒甘香而不膩 師傅將炒香嘅香蒜同蔥粒細心用和牛包好 係幸福滿足既味道🤣阿蘇高菜山椒魚苗炒飯同味噌湯都好出色～炒飯粒粒分明 而味噌湯用咗剛剛食完既澳洲龍蝦頭一齊煲 好鮮甜呀😍…Read More

以前係cwb既café~~ 原來係classy既姐妹店! 但呢間風格就好唔同～個人覺得好有韓國café 既vibes! Café 掛既畫都係以簡潔同可愛為主 🥰Owl Day Breakfast ($148)Granola Yogurt, House salad, 芝士腸, 明太子玉子燒, 大烤菇, parma ham同埋 belgian waffleAll Day breakfast 都係大同小異 但每次都係忍唔住叫🤣 整體味道都幾好 最有驚喜係玉子燒同個waffle! 👍 玉子燒口感軟綿 同明太子好夾 同埋出面既café多數都係scrambled egg呢個算有心思! Waffle就整到外脆內軟 就咁食都好好食! 🤤66%加勒比木香純黑朱古力心太軟配自家製豆腐雪糕 ($108)嘩呢個心太軟真係 非 常 出 色! 😳 影左一陣相先食都仲keep到暖粒粒 一切開流心係用澎湃來形容! 個朱古力好濃好甘 好耐無食過咁出色既心太軟 🥹 豆腐雪糕係自家整既 冰感較重 配埋心太軟一凍一熱真係好正!! 縣の白Matcha Dirty ($98)第一次見到有matcha dirty既選擇! 二話不說即刻同朋友order左 仲配左呢款縣の白抹茶粉抹茶回甘醇香 鮮味好出 配埋鮮奶好滑 一D都唔會有草青味 🥳熊寶寶Chocolate Latte ($68)呢度出色3D Latte Art 所以點都要試杯! 真係整得好得意 見到都唔捨得飲 好岩打卡 🤣 飲落就似熱朱古力～坐得好舒服~店員都好好 係weekend既好去處！…Read More

好耐之前lunch time去食既zipzip 成日想po都唔記得左 依家menu應該已經轉左～不過試過幾次佢既食物質素都係好高 一定係再回頭之選😋💛Lunch set仲包seasonal salad / daily soup!唔使mok殻是拉差雞尾酒大蝦蛋包蕃茄飯讀哂佢呀 ($118)唔洗mok殻既蝦真係一大賣點 平時係屋企都已經懶mok殻 出到街更加唔想mok 餐廳一定好了解食客既心理 一見到就想食! 🤣 蝦好大隻好彈牙 同埋都醃得好入味 而蛋一如既往咁滑 同埋份量勁足成個飯都可以送蛋 蕃茄味可以再濃D就好喇～麻藥唐心蛋手切牛腹肉冷烏冬 ($98)平時餐廳都係整日式唐心蛋 呢度有麻藥唐心蛋真係好驚喜! 食落個咀有陣麻味 好正 配落冷烏冬好夾! 手切牛腹肉啖啖肉 一D都唔老 好好食 配埋好彈牙好有咬口既烏冬真係一流! 😋😋加$38仲有homemade cake! …Read More

又係同 bello food 齊齊覓食既時間! 🥰 今次揀左呢間有海景既餐廳! 餐廳係復古英國圖書館裝修 好有特色 仲要有live music! 氣氛好好 好岩慶祝去食! 我地去個日基本上枱枱都係慶祝緊生日/anniversary 唱左好多次生日歌 😂我地試左佢既 Tasting Menu ($1,388 pp) 一共有八款菜式Cecina de Wagyu Beef CarpaccioSpanish Red Prawn CarabineroHokkaido King ScallopBouillabaisseSpanish Sardine ConfitSmoked French Eel PastaCharcoal Grilled A5 Miyqzakigyu Rib CapMango Mousse Pandan cake餐廳麵包係最重要既食物之一 🤣 包係微暖既牛油餐包 但略嫌牛油味唔夠重 好彩餐廳仲會serve埋三款自家製既牛油 包括basil black olive + blue cheese sun dried tomato 增加返個牛油香 👍咁多款appetizer 最有記憶點既係Spanish Red Prawn Carabinero同埋Hokkaido King Scallop ✨ 兩個都係用生紅蝦/生帶子做既appetizer 紅蝦上面仲有塊用墨汁做既皮 再配埋passion fruit dressing 好refreshing! 😋 而帶子tartare 加埋蘆筍同埋jalapeno sorbet 好得意好辛口 第一次食唔係甜味既sorbet 仲有d昆布啫喱 一齊食口感同味蕾都好豐富!Bouillabaisse係龍蝦湯 入面有慢煮鮑子 蜆 蝦 同埋cognac cream 龍蝦味好intense! 😳Mains 就係Smoked French Eel Pasta同埋Charcoal Grilled A5 Miyqzakigyu Rib CapPasta係自家製既 份量超大 似係平時餐廳 a la carte menu既份量 🤣 食落就類似carbonara～配左煙燻鰻魚 第一次食煙燻鰻魚 但我個人就鐘意日本燒/蒲汁鰻多d 🫢 而Sliced Miyazakigyu A5 rib cap宮崎A5和牛牛柳 既肉好淋身 好多脂肪 牛味就相對上無咁濃 岩我食 🤣世貿中心真係多左好多餐廳! 紀念日/ 生日都可以去呢間餐廳試下 👍…Read More