piggycp's Profile

台式餐廳其實觀塘都唔算少，日月堂成日都聽，今次終於得閒試到🤣🤣 推薦指數：🐷🐷🐷🐷（5分滿分）（原因：份量多，性價比高)🐮牛三寶麵 𝐇𝐊𝐃 80性價比高，牛筋，牛𦟌同牛腩每樣都有兩大舊，粗麵好爽滑，又煙韌👍🏻湯底濃郁中帶少少甜，唔會飲到人好口渴🐮紅燒牛肉麵 𝐇𝐊𝐃 70紅燒既湯底會更濃更香，帶辛辣味🌶️，三大塊牛𦟌都好入味，唔會柴。麵底我地都係default揀粗麵，好match🥰，不過差10蚊only，建議揀牛三寶會更過癮🤣🐔炸鹽酥雞 𝐇𝐊𝐃 48可以自己再加鹽酥粉，炸得好香脆，裡面又juicy!!🌯虎咬豬 𝐇𝐊𝐃 36即係台式刈包，夾住豬肉同酸菜，配以鹵水汁，唔夠飽可以叫個試下🤣🥤凍鳳梨紅茶/荔枝紅茶 𝐇𝐊𝐃 15大大杯，店員主動問我地洗唔洗少甜少冰🥰出到黎甜度剛剛好，餘韻帶有紅茶香環境：空間感都幾大，仲有幅仿台灣既壁畫🥰不過工廈位置都幾隱蔽，google map帶左我遊左好耐花園😂😂…Read More

本來諗住去食老闆娘，諗住7點鐘應該唔會太多人，點知都係排到出街市門口😂。所以轉戰荃灣廣場，點知一落樓見到呢間門面裝修得靚靚仔仔，以為係café，八卦一望，原來係食泰國菜，亦見到唔少食客，所以就入去試試佢😳，有驚喜呀！推薦指數：🐷🐷🐷🐷（5分滿分）（原因：環境氛氛relax，食物質素中上，CP值高）🦀️招牌蟹肉煎蛋捲 𝐇𝐊𝐃 98每一舊都塞滿餡料🤩，蟹肉同雜菜比例一半半，口感滿足，外面既蛋皮煎的幾香，一定要點隔離既辣椒醬🌶️，鹹辣口味，過癮！🦐泰式鮮蝦冬陰功湯 𝐇𝐊𝐃 98其實我好怕香料味過重既冬陰功湯，每次都叫但成日都伏左😂。難得今次冇🥹！雖然叫左小辣都幾辣，不過酸酸辣辣啱晒我口味🤣。入面海鮮超多，亦都夠新鮮，98蚊呢個份量真心不錯👍🏻🐮泰式乾炒牛肉河粉 𝐇𝐊𝐃 118河粉好滑好滑🤤，好彈牙，質感乾爽唔會過油，呢款係3款菜入面唯一唔辣的，但依然味道濃味突出！🥭芒果活性乳酸菌屎樂冰 𝐇𝐊𝐃 68應該係餐廳最近新出既飲品，夏天飲返杯沙冰真係好舒服🫧，芒果乳酸味好出，上面仲插住支益力多，好QQ🥰環境：餐廳有上下兩層，行型格工業風，地下成面玻璃樽牆好吸睛✨，環境比較昏暗，同frd date一晚都幾relax…Read More

其實香港真係唔少有心思既burger店！係銅鑼灣行街行到攰攰地，就試下呢間網上都幾多好評既burger店，又真係不錯wor🥳推薦指數：🐷🐷🐷🐷（5分滿分）（原因：burger質素高，裝修精緻）🍔和牛漢堡combo 𝐇𝐊𝐃 139麵包有驚喜🤩，除左烘到卜卜脆，仲搽左牛油係到，好香！和牛juicy又鬆軟，牛味好重，呢個價錢食到和牛真心不錯～薯條用既幼薯，雖然唔係我地鍾意既粗薯口感，不過勝在一樣新鮮炸起，熱辣辣👍🍔古代漢堡combo 𝐇𝐊𝐃 139麵包一樣好香，同和牛漢堡好似，不過呢個牛肉用既係安格斯牛，牛肉比較有口感，厚實😋！配上特色醬汁，酸酸地幾開胃，食晒一個都唔會膩Blackcurrant Mango Tea/ Peach Tea 𝐇𝐊𝐃 35加35蚊就有大大杯果茶，鍾意飲甜既可以揀mango，peach tea會比較清爽～環境：雖然店內空間不大，但裝修精緻有心思，食得又影得😉…Read More

四川風味版既好湯好麵俾我地係中環遇到了😍！味道一樣有誠意、一樣令人驚艷、一樣高質❤️‍🔥！餐廳收埋係石板街側邊攤檔既後面，門口細細個，唔留神真係會無視左😂，但好味程度唔可以無視呀！推薦指數：🐷🐷🐷🐷🐷（5分滿分）（原因：每樣味道都好出色，絕對會回訪試埋其他既程度😗）🍜日式叉燒擔擔麵 𝐇𝐊𝐃 78超超超濃厚既花生香味🤩，口感醇厚，辣度同麻醬比例剛剛好（我好怕麻醬過多既擔擔麵，將住個口既感覺），但呢碗唔同！真心好香👍🏻👍🏻！叉燒厚度適中，入味軟糯，用上粗麵條，超掛湯，同湯底絕配💕！🍜川牛麵 𝐇𝐊𝐃 95一上枱個浸麻辣香味就湧晒上黎🤤，湯頭神奇地麻辣中居然帶點甜😳，會越食越辣，但一d都唔嗆喉嚨！亦完全唔會油🥰！牛肉新鮮夠嫩，溫泉蛋增加口感，同擔擔麵一樣選用粗麵條，但唔太掛湯，湯底比麵質更驚豔～🥟龍抄手 𝐇𝐊𝐃 15/2粒得2粒價錢唔算實惠，但質素搭救！鮮、香、辣、滑，值得一試👍🏻！辣椒油好香，用黎撈其他一定都好正姐～🥗口水雞絲沙律 𝐇𝐊𝐃 35中西fusion菜🤣，擺盤同配料都十分西式，但味道係口水雞又好特別，清爽，小辣🍵大麥茶 𝐇𝐊𝐃 5 凍檸茶 𝐇𝐊𝐃 8凍檸茶叫左少甜，直情變左唔甜😂，大麥茶同川菜會更夾，解辣環境：雖然店面好細，但依然感受到老闆有擺心機係裝修到，有一面牆掛住各種四川面譜🎭…Read More

九龍城唔單止泰菜了得，有一間老字號茶餐廳都一定要試！🐷已經靜雞雞幫襯左幾次🤣🤣。今次俾佢說到我晚餐陪佢食茶記，估唔到又真係幾好味喎😳推薦指數：🐷🐷🐷🐷🐷（5分滿分）（原因：真心高質茶餐廳，價錢又相宜）🦐滑蛋葱花蝦仁飯 𝐇𝐊𝐃 68好味既程度係你會掛住，專登過嚟再翻炒個種🤤！！蝦仁超彈牙超爽，半生熟既滑蛋又香又滑，淋上自家製豉油，將鮮味level up🤩🥘窩蛋牛肉煲仔飯 𝐇𝐊𝐃 108一打開蓋就香味撲鼻🔥🔥，調味本身較淡，但加埋自家製豉油，甜鹹味出哂黎！我覺得出色既煲仔飯一定要成個底都有焦🤣🤣佢做到了！🥜法蘭西多 𝐇𝐊𝐃 32好耐冇食到咁有誠意既西多了🥹🥹，麵包好鬆軟，就算係邊邊位既西多，依然食到花生醬🥜，仲要係有花生粒粒個種！最邊邊位仲有一半係蛋黎！真材實料👍🏻👍🏻🍨雪糕咖啡 𝐇𝐊𝐃 38估唔到咁傳統既茶餐廳，會有雪糕咖啡😳！雖然細細杯，但唔會係hea你的！咖啡超香濃，唔會酸，帶少少苦澀，配上雲呢拿雪糕，甜度苦味好balance✨環境：傳統舊式茶餐廳，座位較細，但勝在乾淨企理…Read More

長沙灣既人氣餃子店，係葵芳開左新分店，見近近地就去左試試佢！d餃子果然配得上個鋪名呀下～推薦指數：🐷🐷🐷🐷（5分滿分）（原因：湯餃好味，平價之選）🥟雙拼湯餃（粟米&雲耳椰菜）𝐇𝐊𝐃 49/10隻湯底係野葛菜生魚湯，清甜中帶有魚既鮮味🐟，真材實料冇味精👍🏻！而且野葛菜生魚湯仲清熱毒，作為偽健康既香港人，差唔多飲晒成碗🤣。餃子粒粒飽滿，皮薄足料，唔會有麵粉感，粟米餃夠晒甜，雲耳椰菜口感爽脆，兩款都好味，好難取捨🤯🥟雙拼煎餃（韭菜&甘筍沙葛）𝐇𝐊𝐃 39/6隻煎餃就試另外其他味道，有少見用沙葛做餡料，甘荀既甜配搭沙葛粉粉地又有d咬口既感覺，出奇地幾夾😍！煎餃外皮亦煎得夠香脆，唔會燶。韭菜煎餃就一定冇得輸架啦，每次食餃子都會叫🤣，加埋辣菜脯一齊服用，口感味道都double🤭，不過真係有d辣架🍐熱雪梨茶 𝐇𝐊𝐃 8依家天氣潮濕又焗，雪梨茶夠晒清甜潤喉，好有屋企煲既感覺😚🥬蠔油生菜 𝐇𝐊𝐃 16大大碗生菜，新鮮爽口環境：雖然店面空間較細，但一樣乾淨企理…Read More

好耐冇去café打卡喇！呢間座落係二級歷史建築裡面，環境都幾隱蔽🚪，招牌既蛋包飯今次太飽就冇試到，淨係試左甜品，一樣好值得推薦俾大家👍🏻👍🏻！推薦指數：🐷🐷🐷🐷（5分滿分）（原因：環境舒服，蘋果批必試，會回訪）🍎Apple Pie with Ice Cream 𝐇𝐊𝐃 128其實我係為左呢個蘋果批所以特登的🐷陪我去食，果然冇令我失望🤩！蘋果批焗得超酥脆，好鬆化，裡面蘋果蓉足料又香甜，仲加入提子乾，完全唔膩，我自己都可以啪成個🤤🤤。要小心唔好直接擺入口👄，辣嘴仔架，所以蘸上雲呢拿雪糕同cream，🍦冰火兩重天既口感，暫時冇任何其他一個蘋果批可以比得上🤫！🍰Hojicha Cake Roll 𝐇𝐊𝐃 62蛋糕體濕潤，焙茶cream順滑香濃，有茶香🍵，係一個好味既蛋卷，但稱唔上驚艷～☕️Lotus Latte 𝐇𝐊𝐃 54一上台就被佢個杯吸引到，同店內既復古裝修好襯🫶🏻！Latte完美呈現lotus餅乾既焦糖咖啡味，蘸上隨杯附上既lotus餅乾，perfect～🍵Iced Matcha Latte 𝐇𝐊𝐃 59抹茶就叫左凍的，上面鋪滿一層cream，口感好smooth，cream比較稀，不太甜，抹茶亦唔會過份苦澀環境：最吸睛既一定係門口既榻榻米，不過今次坐唔到。但好好彩都俾我地坐到店內第二個打卡位😬，後面既mosaic窗影相好靚。空間感亦夠大，非常舒服😌…Read More

之前係上環試過泰館，一試難忘，其實灣仔呢間先係第一間店！泰館主打金麵，而泰麵主打船麵，泰館我地俾足五🐷，所以泰麵一定要試埋，睇下兩間有咩分別嘛😏！推薦指數：🐷🐷🐷（5分滿分）（原因：menu選擇較少，泰館既環境氣氛同食物種類我地更like）🐮招牌泰式和牛濃湯粉 𝐇𝐊𝐃 158船麵係泰麵既主打就梗係要試喇！湯底極濃郁，好重香茅味，但食多幾啖會覺得過鹹🙈，半生熟既和牛大塊又嫩👍🏻，仲有牛丸、蔬菜、炸豬皮做伴菜，真係幾多料，河粉亦好滑🐷炸豬頸肉配番茄辣醬 𝐇𝐊𝐃 88三碟入面最鍾意呢個😂，豬頸肉彈牙香脆，加埋炸蒜超香口，番茄辣醬係靈魂🤤，酸酸辣辣又濃郁，唔會覺得油膩，個sauce絕對係highlight✨🦀招牌泰式蟹肉炒飯 𝐇𝐊𝐃 158蟹肉就冇之前食既和牛炒飯香口了，可能因為少左和牛既油脂香，口感會light d～蟹肉好多。一定要淋上隔離既泰式調汁，增加香味環境：裝修一樣係泰國街頭風，但空間比泰館細好多，坐得冇咁舒服🙈（而且呢間冇offer世一香蕉Nutella 煎餅🥺，為左煎餅同環境，都係會投上環泰館一票）…Read More

自從試過牛頭角總店既金飯館之後，我地都愛上呢間超有鑊氣既炒飯😍，間唔時就會去幫襯。知道佢地新開左間2.0係旺角，同牛頭角唔同，呢間主要做肉餅飯同焗飯🍚，想試佢地最出名既椒鹽豬扒，就要去返牛頭角個間喇～推薦指數：🐷🐷🐷（5分滿分）（原因：兩間差不多定價，炒飯會更吸引😂）🧀️芝士焗沙嗲牛肉飯 𝐇𝐊𝐃 85呢個屬於「第一啖驚艷，後面越食越heavy」系列🙈。濃郁沙嗲醬配上厚厚的芝士🧀️，蘭王蛋既蛋汁🥚同裹滿沙嗲醬既牛肉，焗飯既每一樣食材都好濃味，味道超豐富，又邪惡又滿足🈵️！但食到一半已經投降🏳️，太膩喇🥴，你會覺得唔洗食晒成個，就已經鈉超標😂😂😂 叫炒飯會冇咁膩（而牛肉唔知係咪好難焗熟，入面至少有3，4塊牛肉仲係紅色未熟😕，另外仲有d係咬唔爛，牛肉都幾失望）🍅蜜桃鮮茄焗豬扒飯 𝐇𝐊𝐃 78焗豬就好味得多👍🏻！蕃茄好新鮮，酸酸甜甜，對比焗沙嗲牛肉飯，簡直變左輕食咁😂，茄汁好多，炒飯底keep到粒粒分明又爽口，豬扒都夠嫩，蜜桃俾茄汁味蓋過左，感覺食落同蕃茄冇乜分別。價錢焗豬黎講偏貴炸魚肉燒賣 𝐇𝐊𝐃 15/6粒堅魚肉整成既燒賣，咬落口感偏煙韌，點埋沙嗲醬食，不過不失-同場加映-🦐招牌蝦頭油炒飯 𝐇𝐊𝐃 78之前係牛頭角個間回訪時食過，旺角都有！推薦❤️！超有蝦油香味，大量櫻花蝦乾鋪係面，每啖飯都可以食到好多蝦仔🤩，仲有d蠔仔，蝦仁，炒飯粒粒分明，配上脆脆蝦乾仔，真係忍唔住一啖接一啖咁食！完全唔膩，不過份量依然太大食唔晒😂環境：店面唔算大，平日夜晚食座無虛席。舖頭位置唔算超方便，openrice寫既d出口2分鐘係冇可能行到的😂…Read More

我真係唔呃你，鍾意食泰菜既，一定一定要試呢間‼️好食到係我逢人都要介紹，就算幾飽都絕對唔捨得食剩，每道菜都like爆既程度❤️❤️❤️。連續幾年都入選米芝蓮推介既餐廳果然名不虛傳🥹推薦指數：🐷🐷🐷🐷🐷（5分滿分）（原因：全部都好好食，十級推薦！）泰北咖喱雞金麵 𝐇𝐊𝐃 148咖喱金麵係呢到既招牌菜🌟！咖喱充滿椰香，金麵Q彈爽口👍🏻，加埋上面撒既脆脆，口感好豐富，雞肉滑嫩，正✌🏻泰式火車炒飯配和牛 𝐇𝐊𝐃 138好重口味但好滿足，和牛俾得一d都唔小氣，基本上可以每啖飯都食到和牛🐮，酸酸辣辣，超正✌🏻泰式香蕉煎餅 𝐇𝐊𝐃 98 加配椰子雪糕 𝐇𝐊𝐃 36呢個真係世界級！！！我地基本上食完上面兩道已經好飽🤰🏻，但最後都忍唔住食哂碟🥹煎餅係厚實派，加埋滿滿既Nutella 同煉奶，真係不得了🥰椰子雪糕清甜唔膩，甜品星人一定一定要嗌🤤泰式奶茶 𝐇𝐊𝐃 48泰奶梗係食泰菜必叫喇，香醇唔死甜，真係食得好滿足🫶🏻環境：行復古東南亞裝修，一秒令你返泰國🤭…Read More

青衣都係另一個出名既美食沙漠🏜️，基本都係連鎖餐廳，不過發現呢間台式餐廳，竟然仲有賣港式早餐😲，附近既青衣街坊終於唔洗淨係食大快活、太興、百分百喇😂特別翠怡街坊仲有冇未食過呢間呀？推薦指數：🐷🐷🐷🐷（5分滿分）（原因：平價高質！早餐到11:30好評！）🥢沙茶牛肉公仔麵 𝐇𝐊𝐃 34（配炒蛋+牛油厚吐司）炒蛋好滑好滑😍，帶有奶香，出色！吐司烘得好脆，牛油味香，上台熱辣辣即刻食好好味😚，另外選擇配台式厚吐司🍞（二揀一）就冇炒蛋，吐司一樣厚度，只係上面搽既醬唔同，所以覺得炒蛋加吐司呢個更正😋。沙爹牛肉麵偏辛辣，公仔麵唔會煮得太稔👍🍽香草雞扒伴蜜味台灣腸𝐇𝐊𝐃 38（配炒蛋+牛油厚吐司）炒蛋同多士一樣好評👍，雞扒煎得香脆，肉質嫩的，台灣腸偏細條，但味道好味，會爆肉汁💦☕️凍特調咖啡，蜂蜜綠茶 + 𝐇𝐊𝐃 3咖啡好濃，帶小小焦香味，好飲！蜂蜜綠茶甜度適中，正常冇特別環境：裝修仿效台灣車站，睇得出有落心機❤️，座位闊落舒服…Read More

川菜黎講呢間雖然唔算平，但可以望住維港景🌃，仲上過米芝蓮推介，食物質素同環境都值呢個價錢嘅👌，節日或者紀念日可以做慶祝餐廳呀😉！推薦指數：🐷🐷🐷半（5分滿分）（原因：精緻川菜黎講味道合格，環境氣氛Good）🐮水煮安格斯牛肉 𝐇𝐊𝐃 288（半份）牛肉十分嫩🤩，香料味重，一上桌就已經聞到麻辣嘅香味，但唔會太辣，底下仲有寬粉，索晒d汁，煙煙韌韌🐷香酥冰梅骨 𝐇𝐊𝐃 178酸酸甜甜，外皮煎過又有少少脆，掛滿酸梅汁，開胃又滿足🌶️乾鍋茶樹菇 𝐇𝐊𝐃 188估唔到茶樹菇又幾夾川菜wor！乾鍋未試過叫茶樹菇嘅值得一試，炒得乾身又帶點脆脆的，口感我地好鍾意❤️食落亦唔會覺得好油🍜雜醬麵 𝐇𝐊𝐃 68/位主食就隨便叫左碗雜醬麵🤣呢個價錢相對份量唔算少，麵條掛湯彈牙🦷，每啖都可以食到肉醬同紅油掛滿麵條環境：靠窗夜景100分🌃，當日我地只能坐普通卡位，燈光偏暗，不過座位十分闊落，侍應態度亦好好👍🏻…Read More

之前係大陸飲左間新加坡茶飲ARTEASG既牛油果甘露，即刻對牛油果➕芒果🥑🥭呢個combination好感度大增💓！咁岩有日行街見到荃灣廣場開左間新茶飲有喎，就試試佢有冇ARTEASG 咁好飲🤩推薦指數：🐷🐷🐷🐷半（5分滿分）（原因：好飲的！水果好新鮮，不過價錢偏貴）🥑牛芒甘露 𝐇𝐊𝐃 42同ARTEASG既牛油果甘露味道差不多，牛油果加芒果椰汁西米露💛，芒果味道比牛油果濃，正常甜度都唔會過甜，口感同樣濃厚👍🏻，好飲！（價錢係ARTEASG一倍，不過口痕想飲絕對ok！🉑️）🍇葡萄啵啵 𝐇𝐊𝐃 42超級refreshing😘！夏天飲一流！口感比牛芒甘露輕盈，成杯充滿好香既提子香🍇，裡面仲有脆啵啵增加咬口，同樣甜度適中，一d化學水果感覺都冇🥰！我地一致覺得呢杯更好飲🤭環境：商場裡面既open area，等既時間較耐，好彩有幾張枱凳可以坐低等…Read More

普通茶餐廳既晚餐時間唔係碟頭飯🥘，最多就係加多樣鐵板餐，所以平時我好少會夜晚食茶記，覺得太頹😂 但旺角呢間冰室反而係茶記價錢，cafe既餐單！連我呢個對茶餐廳一般既人都會想再翻”卓”😝推薦指數：🐷🐷🐷半（5分滿分）🍫朱古力漏奶西多士 𝐇𝐊𝐃 36為左佢，我會再翻撻🤣 IGable得黎仲好好味！西多士上面鋪滿朱古力粉，切開花奶就會漏哂出嚟🤩 流心效果好睇又好食😋🥩蜜桃焗豬扒飯 𝐇𝐊𝐃 68呢個好似係晚餐先有，係常規menu就唔見有，不過我諗只係將番茄轉做水蜜桃（不過係罐頭既）豬扒飯正常發揮，唔會太乾太韌🥚日式玉子鰻魚飯 𝐇𝐊𝐃 72滑蛋幾滑嫩，原條鰻魚加甜燒汁，好好肉但味道普通😂🥫餐湯揀左羅宋湯，酸酸地仲有小少辣，開胃☺️ 奶茶茶味幾濃👍🏻環境：整體用白色做主調，開揚乾淨…Read More

上年去長洲諗住朝聖下，點知原來佢下晝4點就關門，摸門釘🥲今次終於食到了！唔知係咪因為天氣太熱，當日去長洲既賓客人數唔多🤣，我地唔洗排隊就直入了！推薦指數：🐷🐷🐷（5分滿分）（原因：上菜速度較慢，如果要排長龍就唔太值得了）🐮沙嗲牛加雞翼米通 𝐇𝐊𝐃 46沙嗲好濃郁，仲食到花生碎好香🤩，帶點辛辣，牛肉入味唔會韌，好味👍🏻！而且佢有出面茶餐廳少見既米通，不過🐷話米通質地只係不過不失，唔夠彈牙🥲，我小食就覺得都唔錯，滑溜溜的，雞翼都好香唔會乾身🐮沙嗲牛加豬扒米通 𝐇𝐊𝐃 46一樣既沙嗲牛，但豬扒唔記得叫另上，浸哂落d湯到淋哂😩重點係豬扒好乾😂😂😂腌料好味但口感好扣分🙈🥤凍奶茶 𝐇𝐊𝐃 18冇得跟餐配，18蚊一杯只能說非常一般🙈而且奶茶好快就上左，等到碗米通到杯奶茶已經溶晒冰😩建議大家出到去買其他野飲仲好😟環境：有室內户外area，好彩我地坐到入面，夏天坐出面仲要等咁耐真係會燥😂😂（沙嗲牛我地等左半個鐘🫠）…Read More