為食肥妺妹's Profile

我成日都去潮福打邊爐，但係就係未試過蒸氣石煱，成日見到隔離枱都食，所以今日就特登嚟試下睇下同火鍋有咩唔同。本身個套餐已經包左燉湯，龍蝦、貝殻拼盆同乳鴿，食完你到已經飽了一半，仲有個Menu可以無限次任點裏面嘅嘢食嚟蒸，蒸完海鮮嘅精華落晒下面個粥底度，食埋個粥你點會唔飽呀。飲品都有個List 任飲嘅，價錢係視乎時間同星期幾去的有不同，但最貴加一後加埋其他收費4佰幾蚊左右，但海鮮夠新鮮，又食得夠飽都值得，但記住如果想去食最少要2位起呀。…Read More

我好仲意打邊爐，不過係街外食親埋單時都超貴，後來朋友介紹我試任食火煱，咁即管試下啦，睇左個價錢起碼合理先啦。我選左個$168/位（2位起）的任食火鍋餐，包一個火鍋湯底，一份海鮮拼盤，一隻乳鴿同一份肥件。另外有任食的Menu及任飲的汽水。雖然要加醬油及花生$20同加一服務費但真係好抵食。我選了醉雞火鍋湯底，有半隻雞及有些藥材配料，個湯底好香濃好夠味。 海鲜及生料也好新鮮。值得推介。想打邊爐又多個好地方了。…Read More

我去親西貢，必經西莎路，原來一直經過的這條路有一間西莎茶座係食正宗泰國菜的。原來住附近的人已經一早知這裡有美食。座低係茶座裡面，可以選擇坐室內或是室外。氣氛同一般餐廳唔同，幾得意。我點左好多人都鍾意食嘅炸蝦餅、泰式炒雜菜、及泰式生蝦。炸蝦餅，好多地方都有得食：，但要好食就並唔容易揾到，這裡的蝦餅，蝦肉落足料，好夠蝦味，而且好彈牙，脆脆地咬落去口感滿分，直得推介泰式炒雜菜，最仲要係個汁同火候。這𥚃的汁味道好好，只係個菜炒得唔夠火喉，所以比較硬身，如果可以炒多陣應該會好好味。泰式生蝦的蝦就唔係太鮮，但個汁就超好味，不過唔食辣的朋友就唔好試了。…Read More

迪士尼探索家酒店落成後，去過好幾次，但未曾係嗰度食過野, 今次就睇下有咩好食。發現其中一間餐廳環境唔錯，估計係食西餐的。走到入去坐底感覺氣氛都唔錯，Menu上的食物選擇唔算多。我掂左西班牙海鮮炒飯，海鮮都好新鮮，配料十足內有帶子、蝦、蜆、臘肉腸等等，但可惜飯底炒得太軟了，唔夠口感，飯汁欠鮮味，無咩特別。總括唔係好好味。另外點左一份牛脊肉牛脊肉就煮得味道唔錯，肉質夠鮮嫩。但價錢就略為貴了。附上Menu以作參考…Read More

晚上我同一班好朋友一齊去又一城睇戲，但因為時間緊迫所以根本嚟唔切食飯，本身睇完戲已經好夜，所以諗住冇乜嘢可以食，點知朋友介紹原來有間食pizza嘅店開到好夜，啲Pizza仲好好味添.去到嗰度梗係唔少得點Pizza啦, 我重點左一個好特色嘅冷麵佢好似西式咁煮D海鮮，放係日式冷麵上面， 賣相唔錯，估唔到食落去竟然好搭配。好好味。Pizza 又薄又脆好香口，材料新鮮。佢地仲有好多唔同一般Pizza 店的菜式，真係好介紹。…Read More

聽講銅鑼灣金朝陽中心2期有好多新嘅食市，我就未去過；所以今日特登約朋友夜晚去嗰度試吓，我後來選擇左一間食涮涮鍋的，打邊爐就打得多啦，但係我就未試過涮涮鍋。入到去一坐低，發現可以望到維港嘅景色非常之靚，裝修都唔錯，好乾淨，一啲都唔似一般嘅火鍋店。我同朋友都叫咗一個＄388一位嘅任食套餐，都幾抵食，我最欣賞嘅係佢嘅火鍋湯底，有好多選擇；而且好特別。最後我叫左一個冬瓜卜卜蜆海鮮鍋，裏面有冬瓜、新鮮嘅蜆、蟲草花、少少蘿蔔同其他配料。個湯底青得來又有海鮮嘅鮮味，好清甜好好飲，淨係飲過湯都已經好滋味。佢哋其他嘅頭盤都好出色，Menu上嘅飲品係免費任叫嘅，佢哋嘅沙冰有好多款式，個賣相好得意而且好好飲，係特別推介。因為食物選擇都唔少有時間一定會再去試埋其他美食，價錢都好合理，附上Menu及其他食物相片。…Read More

同幾個好久沒見的朋友聚舊，梗係要搵一啲特別嘅餐廳食飯啦。我諗來諗去都唔知去邊度好，結果就揀咗我朋友工作附近嘅地方就係奧海城啦，上網搵吓發現有一間好有情調嘅西班牙菜就決定定位喺嗰度食啦。去到打開餐牌，發現有好多特色嘅美食好多都係未聽過嘅，我自己本身就好少食西班牙菜所以好有新鮮感。我特別想推介俾大家嘅係西班牙香燒乳豬仔，佢每件吹波波嘅乳豬加埋青瓜同一片多士， 食落口乳豬個皮好趣，啲肉好香；因為有青瓜嘅關係又唔會覺得油膩，配搭得好好味不過就要Encore 先夠喉了。另外佢個香煎蟹餅都好好食，好友蟹肉味好鬆脆。值得推介俾大家其實我仲有好多嘢食想試𠺢，價錢又合理，下次一定要再去附上Menu參考…Read More

今天去到馬𩣑山與朋友聚聚，佢地竟然有好介紹，帶左我去一間中菜館，一去到口已經有好多人排隊，好彩我哋一早攞定飛，如果唔係就有排等😊。因為我係第一嚟，所以我點左一D好普通的菜式諗住夠穩陣😅，點知D嘢食嚟道竟然有意外驚喜，賣商有花啲心思。這個咕嚕肉望上去就覺得佢好好味，旁邊仲擺咗半個菠蘿，好得意。食落口外邊脆脆地，入面肉質好林，酸甜味啱啱好，值得一試。仲有這碟腸粉個名好得意，所以叫左睇下係咩，點知黎到，原來係一碟XO醬腸粉上面放咗大蝦。腸粉同大蝦都好入味，又唔會太辣👍但係我最鍾意嘅係呢碟砂礓豬手，豬手全部起晒骨，仲切到一粒粒，個汁好好味，食完唔停得口，這碟豬手就係咁成為我的至愛😋👍👍。下次一定會再去試埋其他菜式。…Read More

今天同朋友去左九龍灣Mega Box 決定試下這間餐廳，佢地餐廳在外面望唔係好突出，但佢地的食物好有驚喜。其中叫左煙鴨胸蜜桃法式薄煎餅，佢的煎餅做得好薄好趣，中間放左啲蜜桃同鴨胸加上調味醬，裏面餡料好豐富加上外面嘅煎餅又可以中和返；簡直係絕配😋😋。好味指數爆燈👍👍。另一個必定要試嘅食品係「太極扁意粉（黑、白松露）」。食松露意粉我都食得多啦，但從未食過咁好味嘅。佢嘅扁意粉煮得好creamy但又唔會覺得膩，軟硬度啱啱好而且松露味道好濃郁，真係好味。搞到我想再食多碟😂。我叫左其他嘅食物都好出色，價錢非常合理，下次一定會再去😃…Read More

我知道厚pancake係依家香港好流行，但我竟然未試過，所以決定一定要去試吓。今日我就搵到呢間餐廳有厚pancake食啦。我同朋友一行三人各自叫咗個lunch set. 同主角"Pancake"呢個淡忌廉蟹肉意粉，味道唔錯，有探探嘅青檸味道。泰式煮法嘅燒春雞，跟咗特製嘅香料煮的，味道比較濃，都幾好味。:)這個帶子、蝦煮的飯賣相好靚，但係未到就差啦，啲飯生米，煮飯嘅汁味道好奇怪，成啲飯嗰個味道同海鮮一啲都唔配合，生米就已經扣晒分啦，所以呢個係唔推介嘅。最緊要就係講個pancake啦，個pancake好出色，佢好軟滑，面頭加上焦糖唔會太甜味道好香濃，啱晒一啲唔喜歡太甜嘅人士食，但係佢另外跟埋蜜糖可以自己隨意加多少，咁就可以啱埋仲意甜的人了…Read More

聽講元朗有好多好嘢食，就諗住走一轉睇吓究竟有啲咩好食啦，行吓行吓竟然畀我見到大榮華酒樓，係以前好舊式、好多年前個一種酒樓嚟嘅。佢樓下仲有間自己嘅餅店。個樣同一般榮華餅店應該冇乜分別。但係因為屋企人鍾意食老婆餅，所以就諗入去買D，比見到有一啲好似鬆糕嘅食品，個樣好平凡，一啲都唔起眼，黃黃地色，咁就順便買咗兩個。返到屋企一打開個包裝袋，一陣陣嘅香味飄出來，好香嘅蛋味同奶黃味，咬落去好鬆軟，我未試過在一般餅店買到咁鬆軟嘅蛋糕，奶黃味都好香濃，食到中間仲有一層奶黃喺度添，呢一層奶黃，出奇地咁好味，令成個蛋糕更加加分。以後一定唔會特登去買。…Read More

今天去左科學園發現嗰度食肆都幾多，主要係提供早、午、晚餐比嗰度返工嘅人。我最終入左一間叫星馬屋的餐廳，嗰度嘅裝修有D似一般嘅茶餐廳，但又乾淨啲，面積就好大了。一睇佢個餐牌，見到佢食物嘅選擇好多，價錢亦都係30幾蚊至70幾蚊不等，一啲都唔貴。最重要係佢嘅下午茶餐大部份都係30幾蚊，仲要係到晚上七點先會停止供應，會包一種主食同一杯熱飲品。另外加$3仲有個湯。下午茶餐嘅份量一啲都冇小到。我叫左個西冷扒意粉加杯熱飲都係40幾蚊，就食得好飽了，味道唔差。總之超級抵食，大家有時間不妨去試吓啦。…Read More

今晚嚟到灣仔合和中心，睇來睇去都好似無咩嘢食，本來諗住過去對面馬路會有多啲嘢食啦。行行吓比我見到間日本料理喎。於是就睇下個Menu睇吓有咩食啦，個Menu都OK都係我鍾意嘅嘢食，有烏冬、天婦羅、刺身等等。一入去坐底去個感覺好好，因為嗰度嘅裝修同我經常去喺日本食蟹嘅餐館好相似。好有歸屬感，裝修同日本嘅餐館一樣好有feel。我點左一板海膽、海老天婦羅烏冬、番薯天婦羅、一個凍嘅蕎麥面。海老天婦羅真係好好味，粉漿唔多，又脆，蝦好新鮮。烏冬湯底煮得好好。我點嘅嗰板海膽亦都好新鮮好味。整體食品質素我好滿意。一定會再去。如果價錢平翻啲就更好啦。但希望員工接待客人嘅服務態度 能改善下，禮貌一啲就更好啦。…Read More

最近朋友經常推薦我去試下新開的餐廳，主打cheese cake. 但我心想蛋糕我都經常食，來來去去咪又係個D。今天難得兒甥女放假，咁啱佢又想試這間餐廳所以就一齊去試下。一入到去環境唔錯，近似60年代美式餐廳。我叫左一件鮮香蕉忌廉芝士蛋糕及一件檸檬馬令芝士蛋糕，兩款都係HKD79. Size 比一盤的大件，有忌廉伴碟，賣相唔錯。先講先忌廉香蕉芝士蛋糕，好濃嘅香蕉味道又唔太甜，係意想不到的好味。另一件檸檬馬令芝士蛋糕，檸檬香味及芝士味混和得好好再配上伴佔的忌廉，都好好味。只係價錢就偏貴左小小。…Read More

相信各位朋友假日都會去西貢行下，特別係養狗的人仕。個道美食多籮籮，想食啲乜都要花啲時間去諗下。今次同你地推介的係Pepperoni，佢地逢星期三晚市便會推出佢哋主打嘅牛柳買一送一優惠，牛柳分量十足，肉質鮮美Juicy，加埋伴碟的薯條炸得好好味，伴碟的還有沙律十分吸引，最重要係價錢超抵，約$180/份再送多1份；但留意返加一係以正價加一的。但總括嚟講都係抵食。宜家好難仲有D平、靚、正的餐廳了。最好預先訂定位啦！…Read More