Missloveseat's Profile

最鍾意食新開嘅日本餐廳，餐廳嘅裝修好有日本園林風，唔使飛去日本都好似喺日本食omakase 咁❤️❤️食嘅係晚·17品1️⃣前菜3品-螢光魷魚好鮮甜，夾雜海水味-汁煮黑梅貝好好食喎！肉質彈牙😆-沖繩水雲岩石上嘅海藻，加左自家醃製嘅淮山，同埋三文魚子，酸溜溜，好開胃2️⃣刺身4品（季節限定）-北海道水八爪點wasabi ，再點鹽或壽司豉油食，鮮味十足，吸盤好爽脆，彈牙煙韌！-深海池魚上面有少少梅子醬紫蘇花，就咁點豉油食就OK-南澳龍蝦刺身開咗之後就放落冰度，肉質收返緊啲，食落口做到鬆脆嘅口感。蝦肉配上蝦頭膏非常鮮甜，加Wasabi食就得，唔好點豉油-和廣草鰹魚加左薑花，不用點豉油，因為已經落咗自家煮麻油蔥豉油。佢係新鮮廚房煙燻，食落多重口感，混合味道，食完良久，煙熏味仍在口中洋溢3️⃣煮物鹽燒拖羅下巴淺嚐青檸，加蘿蔔蓉點酸汁食，皮脆肉嫩，油脂豐富，好好味4️⃣壽司6貫（季節限定）壽司碟上有漬物，有自家製牛蒡，以及薑。壽司全部不用點豉油，師傅已調味，包括：1.象拔蚌爽口鮮甜2.伊左木 鮮甜得黎有口感3.島根原産池魚非常之肥味4.熟成十四大拖魚魚味更濃郁5. 赤蝦配北海道海膽大大隻，大滿足6. 炙燒左口魚口感肥美，炙燒後滲出甘甜魚油， 更加濃郁甘香5️⃣A4和牛丼輕輕篤開流心蛋黃，蛋汁瞬間流出來，入口濃密，口感好正。和牛非常之肥美，成個丼非常可口6️⃣地蛤清湯好清甜，連啲豆腐都好好味7️⃣甜品抹茶奶凍自家製奶凍，抹茶味十足，非常Creamy，正！8️⃣飲品除咗有茶飲之外，餐廳仲設有清酒Free Flow😄我地揀左sparking wine(Corner Stone Brut N.V.)，邊飲邊傾好盡興呢一餐食得好滿足，我俾100分！餐廳嘅店員同師傅都係好友善，師傅風趣幽默，食得好開心。下次一定要再黎！…Read More

今日同男朋友到大埔行街，網上見到一間隱世鐵板燒店評價好好，一於去食！我地食入門八道菜廚師發辦套餐，包括：沙律：材料有三文魚、沙律菜同埋清甜菠蘿，食落好開胃！前菜：梅酒鮑魚真係第一次試，好有新鮮感。味道清新，帶有梅酒嘅甘甜，口感爽脆。鐵板海鮮兩品：我哋兩個嗰碟係唔同嘅-牛油扇貝大大粒，肉質豐厚腍滑，加上牛油香氣加倍滋味-蒜蓉南非鮑魚肉厚帶嚼勁，鮮味十足，當然仲有蒜蓉香-廣島蠔好肥美，甘香可口！-鱈魚啲皮好香脆，肉質鮮嫩，好好食😍鐵板肉類一品：-秋田縣雞扒表皮香脆，肉質緊緻有彈性，正👍🏻-澳洲牛柳粒一啖一粒，好香口，我地叫五成熟，味道啱啱好炒飯：炒飯炒得粒粒分明，有啲蔬菜粒，唔會太油膩甜品：焦糖牛油多士上查滿咗吉士同埋十勝紅豆蓉第一啖咬落去已經覺得正😍飲品：揀咗兩杯啤酒，一邊飲一邊傾下計，越傾越起勁呢一餐食得好滿足，亦都傾偈傾得好開心，呢度任坐唔嬲，廚師店員都好Nice…Read More

我朋友好中意今中菜，今日佢生日，一於食中菜！明廚主打海鮮同鑊氣小菜，我地叫左1️⃣油鹽焗火焰奄仔蟹呢個菜式製作需時，上菜時都令我哋好驚艷，首先隻蟹勁多蟹膏，店員點火嗰一刻，我哋都嘩咗一聲，視覺效果一流，太啱打卡啦奄仔蟹超過二分一都係膏，好香濃，入口綿密微甜，正！蟹肉都好細嫩，帶鹽焗嘅微鹹，好美味，下次食都要叫！2️⃣油浸筍殼魚估唔到條魚咁大條，炸得金金黃黃，店員會幫我哋用匙羹開咗條魚，等我哋可以好容易食到裏面鮮味十足嘅魚肉，口感清甜，好嫩滑，入口即化。魚嘅外皮好香脆，令到呢道菜式食落有多重口感3️⃣豉椒炒花甲皇上菜嘅時候熱氣騰騰，好有鑊氣，蜆肉鮮甜彈牙，帶微辣，好惹味4️⃣椒絲腐乳小唐菜 份量好多，每一條菜都裹滿咗腐乳，撈飯食一流5️⃣白飯叫左咁多美味嘅菜式，叫碗白飯撈汁食都正6️⃣飲品方面揀左加多寶，清熱解毒7️⃣前菜係花生，好香好脆，我地食到一粒都冇剩🤣餐廳啲食物質素真係好OK，仲有勁多款小菜同生猛海鮮想食，可惜今次得兩個人食，下次要約齊班friend嚟食大餐先得！…Read More

今日去左一間韓國餐廳食飯，呢度食物選擇好多，有燒肉、唔同嘅鍋、韓式小食等，我地叫左：1️⃣部隊鍋成個鍋好大，入邊嘅食材超級豐富！平時成日同男朋友爭食午餐肉，不同呢個鍋兩邊都各擺左午餐肉、腸仔等，唔使爭！另外，仲有新鮮嘅豬肉， 幾嫩滑。當然唔少得蔬菜：金針菇、翠玉瓜、大葱，仲有大量嘅泡菜，加埋嫩嫩嘅豆腐、煙靭嘅年糕，超飽！食到好滿足。個火一路開住，我哋就一路食，慢慢食，完全唔使驚啲嘢食凍晒😄2️⃣辣泡菜炒豬肉鐵板上，熱辣辣！賣相好吸引，泡菜同埋豬肉嘅份量都好多，堆成一座小山！啲豬肉超級入味，好惹味，唔會太辣，我鍾意豆腐上加泡菜同豬肉，好夾😜3️⃣真露燒酒好易入口，女仔都啱飲。邊飲邊食邊傾偈，chill! 4️⃣小菜八碟估唔到有成八碟小食，芽菜、茄子、翠玉瓜、豆皮、菠菜，仲有泡菜（今日真係食咗好多泡菜）。佢嘅薯仔都幾腍，幾好食。最特別係有涼粉，真係估佢唔到😃呢度坐得好舒適，環境闊落。建議叫多啲朋友一齊嚟食，咁就可以食匀唔同嘅嘢啦😆…Read More

自從新年後，個肚腩一直大落去，真係要清減下！見到PokéToké呢間鋪主打養生健康bowl，就放心入去食啦😆全場滿，要排一陣隊，好受歡迎啊我叫左Signature Bowl 大滿貫壽司飯上面堆左座小山，用料非常豐富，色彩繽紛🫶🏻除咗厚切三文魚同吞拿魚粒，仲有中華沙律、雜錦香菇、牛油果、蛋絲、蟹籽，加埋山葵蛋黄醬，仲有沙律菜、紫菜絲、木魚絲、黑白芝麻，撈匀食，好正！對於為食嘅我真係太開心，咩都可以試匀😆基本上每一啖都係有唔同嘅味道同埋口感，非常惹味，因為啲材料實在太豐富，魚生都好新鮮我加左每日前菜 同埋 三文魚豆腐昆布湯前菜嘅八爪魚🐙份量好多，勁大粒，昆布湯就要清清地，解膩另外叫左一個熟食，和風牛肉丼見到粒溏心蛋就已經好期待，即刻撈勻啲飯食😆 牛肉微焦，份量足，廚師一啲都唔吝嗇，醬汁偏甜，撈勻啲飯食，非常可口，食到一粒飯都冇剩啊仲有小食酥炸魷魚圈，炸到卜卜脆，點沙律醬食呢一餐食完唔會覺得好空虛，估唔到健康嘅嘢食都咁好味呀😝…Read More

嚟到一間新餐廳同好朋友相聚，呢度裝修得幾靚幾舒服，食物選擇好多，主打串燒，同埋有一個超級靚嘅九宮盛盒😋必點Harmony 九宮盛盒（配飯）放上枱嘅時候，忍唔住哇一聲，好大份，擺盤好靚！最吸睛就梗係海膽蟹肉丼，鮮甜海膽配上蟹肉蟹籽，撈勻啲飯嚟食，味道一流！蝦同呑拿魚刺身都好新鮮，第一次試黑松露配吞拿魚。魚塊燒得外脆內軟，味道可口。豬軟骨估唔到咁好食喎，腍得黎又有嚼勁，個調味100分。另外仲有雞肉，同埋充滿海水味嘅海葡萄沙律，仲有啲漬物，多重享受，非常滿足！壽喜燒野菜小鍋素冬天食壽喜燒，熱辣辣，暖笠笠，啱晒！湯汁鹹鹹甜甜，味道濃厚，菜同肉都用料新鮮，最正就係將牛肉沾滿蛋液食，滑嫩可口。安格斯牛小排串肉質厚實，牛肉味比一般其他牛濃郁，味道香濃。蟹肉蟹籽沙律非常之清新嘅沙律，勁多蟹籽，蟹肉都好多，基本上每一啖都食到，讚👍🏻鷄中翼大愛雞翼，燒雞翼正，大大隻，肉質嫩，非常惹味柚子豚肉蘆筍卷豚肉包住蘆筍，豚肉腍嫩，蘆筍脆嫩，外軟內脆，配搭清爽，好味道😘柚子醬鹹鹹地，沾黎食別有一番風味呢度嘅環境舒適，員工態度殷勤，食物都有驚喜。有一啲本地嘅品牌喺呢度擺賣，除咗食嘢仲可以買嘢，一舉兩得…Read More

今日黎到一直都好想食嘅一間餐廳，慶祝兔年到😋我地叫左：1️⃣Seafood Platter A可以揀四款海鮮，我地揀咗小龍蝦、扇貝、蝦、原隻魷魚🦑成個海鮮袋個醬汁都係非常之濃郁，海鮮就夠晒新鮮。小龍蝦好惹味，扇貝鮮甜，魷魚彈牙，鮮蝦係超多隻，鮮嫩多汁，同樣彈牙可口。除咗海鮮，本身仲有原個薯仔，佢唔係好腍好似薯蓉咁，但係都幾好食，最後食晒成個㗎😚跟住仲有大大粒嘅腸仔、超級入味又清甜嘅粟米👍🏻另外配左香草包，亦都可以揀蒜蓉包用啲包嚟點汁食，超正，一定要試！2️⃣Carbonara充滿濃郁嘅蛋香😛意粉口感較煙韌，食落好creamy ，但又唔會濟嘢飲就揀咗mocktail 3️⃣Pineapple On The Floor 最愛菠蘿🍍勁大杯，清甜解渴4️⃣Mojito 同樣都係好大杯。薄荷加檸檬，充滿夏日風情，清新又解膩呢度嘅佈置都好有特色，花咗心思，坐得都好舒服，同埋啲嘢食真係好啱打卡，味道一流，推薦！…Read More

適逢聖誕節，梗係要同朋友飲返兩杯。尖沙咀有好多酒吧，今日見到呢一間裝修都幾靚，我鍾意佢牆上貼滿左雪花，啲燈光都幾浪漫，忍唔住影咗幾張好型嘅相😆店員都好熱情，同我地推介左幾杯嘢飲，我地揀左：1️⃣Tart-Too 蛋撻呢杯cocktail 造型就100分！又真係幾似蛋撻味，好creamy嘅口感，仲有牛油香，我覺得有啲似Baileys ，好啱女仔飲喎！我幾中意2️⃣New Fashioned朋友揸車，所以佢唔飲得酒精飲品，咁佢就揀咗mocktail，一打開個杯蓋，一縷白煙飄出嚟，超級夢幻，打卡之選！飲落帶煙燻嘅味道，唔會好重口味，有悠長餘味。飲嘢之餘梗係要食少少嘢，我哋叫咗：3️⃣前菜Platter超好味嘅燒雞泡魚乾，口感煙韌，咬落鮮甜，配埋沙律醬、七味粉，一流！燒明太子咸香配上爽脆青瓜，幾好。酒盗芝士配餅乾食，芝士帶濃烈芝士香味，芝士愛好者必試！枝豆拌些許海鹽，過下口癮。4️⃣蟹肉沙律造型好靚，忍唔住狂影相📸️蟹肉好鮮甜，沙律係海帶，拌咗柚子汁5️⃣ 意大利餛飩配白松露油雜菇醬不嬲都好鍾意食意式雲吞，黑松露醬汁充滿奶油香，推薦！6️⃣牛舌超正超正真係超正！擺盤靚，牛舌肉質軟腍爽口，充滿濃郁的牛肉味，我鍾意配埋辣椒絲，少少辣，多種口味。呢一間酒吧好chill，約埋三五知己嚟飲番杯嘢，食啲小食，非常合適…Read More

又到聖誕假，去唔到韓國旅行都可以黎呢度食野，真係似去咗趟韓國咁🤩呢度嘅裝修好有心思，整體感覺非常溫馨，座位舒適，仲有啲好有趣嘅壁畫☺️食物選擇多樣，我地叫左1️⃣醬油蟹之前去親韓國都會食醬油蟹，其實就係好似刺身咁。入口覺得好鮮甜，幾Creamy，仲帶啲漿性，口感幾得意咖！佢主要係用醬油醃製，食落唔會太鹹，配紫菜飯食一流。真係好想去一轉韓國🇰🇷2️⃣奶油芝士炒年糕極之推薦🥳年糕軟糯，掛滿餐廳嘅秘製醬汁，美味可口。呢個醬汁唔係淨係得個辣字，辣中帶甜，且好creamy，充滿奶油濃香。佢唔係淨係攞嚟點年糕食，配用料豐富嘅壽司卷、香口嘅粉絲卷、薯條、餃子都一樣咁夾，咁好食。我最鍾意就係炸蝦天婦羅🍤好香脆，夠惹味惟一問題就係太大份啦，食到我哋勁飽，叫唔到其他嘢食🥹前菜都好美味下次一定要同多啲朋友黎食，呢度節日氣氛好好，適合大夥兒聚會🥰當然三五知己一齊暢談吃喝非常之啱！…Read More

呢度可以選擇嘅菜式好多，見到其他枱食嘅任何嘢都好想吃😂當啲菜全部都上齊時，有啲嚇親！份量好多啊，但只係$450左右1️⃣原個菠蘿海鮮炒飯賣相好靚！即刻影返幾張相😚同埋真係估唔到佢個份量咁多，好足料，每一啖飯都係食到肉鬆、海鮮同埋菠蘿🍍 菠蘿帶淡淡果香，食落非常開胃2️⃣豬肉片泰式炒粉絲好有驚喜！因為第一次食泰式炒粉絲，粉絲炒得乾身，味道濃郁，有鑊氣！搭配最大大片嘅豬肉片食，好滿足。我個人好鍾意食🥰3️⃣馬拉盞炒通菜通菜新鮮爽脆，鹹香惹味！4️⃣冬陰公鮮蝦湯 細食泰菜必點，香味濃郁，味道鮮美，酸酸辣辣，香料味十足👍🏻同埋用料足，份量足，我哋兩個人一人都至少飲到兩三碗5️⃣飲品泰國椰青好大個，清甜可口，同埋佢好體貼，已經將蓋頂嘅椰肉挖鬆左，食嘅時候好方便！珍多冰就係好多料，甜甜的對呢間餐廳嘅嘢食非常滿意，味道方面一流，好啱香港人口味，價錢好合理，下次一大班朋友嚟都會揀呢度，邊個想食泰菜我都會推薦呢度😘😘…Read More

今日黎到一間乾淨企理靚裝修嘅餐廳，野食選擇好多，有港式麵食、泰式小食、中式小菜，又有打卡呃like牛角包🥐，我地揀左：1️⃣手撕雞雙拼鵝油撈麵我揀左鹽焗手撕雞拼豬手，首先份量好多，一定食得飯！撈麵帶陣陣油香，麵質較爽而滑口，好惹味。鹽焗手撕雞充滿麻油香，中意食辣可揀麻辣味。豬手好腍嫩，滿滿骨膠原😋2️⃣全日早餐手撕雞牛角包食過未？呢個中西合璧嘅組合好夾喎！個包香脆，配上麻醬手撕雞，好新奇，都好味道！仲有超嫩滑蛋，記得加落個包食。另外不得不讚佢個叉燒，好肥美，肉汁豐富，味道香濃👍🏻👍🏻👍🏻全日早餐當然仲有新鮮沙律，茄汁豆同腸仔。3️⃣酸辣無骨鳳爪非常之入味嘅鳳爪，酸酸辣辣好開胃！😜4️⃣鹹檸樂七喜同裝住冰同咸檸檬嘅杯分開上，倒左七喜就係咁篤個檸檬，又甜又鹹，夠曬冰涼，爽！5️⃣奶茶茶味香濃呢餐食得好滿足，環境舒適，住附近嘅話呢度可以做飯堂😆…Read More

葵芳都開咗東京街日本料理外賣店啦！勁方便葵芳友，即係我買😎我同家姐揀咗兩個lunch set：1️⃣K17 彩虹丼，另有麵豉湯，加沙律🥗好開胃$65賣相好靚喎！一共有八款魚生：三文魚、真鯛、油甘魚、八爪魚、吞拿魚、熟蝦、池魚、魷魚，魚生最緊要新鮮，我就覺得夠晒鮮美。最鍾意梗係油甘魚，好肥美，池魚同三文魚都唔錯！飯嘅份量都幾多，仲有湯同沙律，相信男人都會食得飽。2️⃣KO1 叉燒拉麵餐，都有沙律，再配三文魚手卷$68 呢個一打開真係幾驚喜，忍唔住打卡！平時買其他舖頭嘅拉麵外賣都有啲驚，會驚腍曬。不過東京街就因為分開裝，同埋師傅好用心擺盤，睇落去真係好吸引糖心蛋做得完美，超美味，叉燒厚切，好juicy，肥而不膩，唔會鞋😚佢係豬骨湯嚟，味道濃郁😆麵質都剛剛好。另外仲有一個手卷啊，三文魚好新鮮，食完勁滿足我會好推介呢個餐東京街葵芳店因為係新張開業，買滿$300，即刻減$50，好抵！勁啱全家人一齊買壽司飯！如果係會員嘅話，指定嘅餐都會享有八折優惠添。不過我覺得就算冇優惠都好抵食啦哈哈😆…Read More

今日黎到一間裝潢好有心思嘅餐廳，有和風祭典之感，卡位好有特色，好開心可以坐到打卡🥰食物選擇好多，我地點左：鰹魚沙律好多沙律菜，下面有好多塊鰹魚，口感較爽口清新。成個沙律酸酸甜甜好開胃鹿兒島甘薯䐁肉鍋個湯底飲落好好味。食材好新鮮，佢啲豆腐嫩滑，冬菇厚肉，蔬菜都索曬啲湯汁，所以好鮮甜。豚肉食落口感爽嫩，沾醋汁食更覺清新！三文魚刺身(4切）我就好鍾意食三文魚🍣新鮮可口！北海刺身丼刺身新鮮就自然味美。將Wasabi醬、豉油加落飯，撈勻呑拿魚蓉食，好正！帶子甘甜，油金魚肥美呢餐食得好滿足。呢度服務都好好，店員好有禮貌。同埋個環境好舒適，靜靜地傾吓計，愉快的一餐。…Read More

之前食過，一直念念不忘，今日約朋友喺旺角食飯，即刻諗起呢間餐廳！我地叫左：1️⃣脆米紙薄餅香脆嘅米紙薄餅上面鋪咗青瓜絲、生菜、蘿蔔絲同埋臘腸粒，加上酸酸甜甜嘅千島醬，食落好開胃！2️⃣越式惹味粟米條粟米炒得咸香，鮮甜多汁，令人食到唔停口😆3️⃣差不多一尺蝦賣相好靚，隻蝦真係好新鮮，肉質非常彈牙可口！蝦頭裏面都有好多蝦膏蝦肉，記得切開嚟食啊！同埋我好鍾意佢嘅炸芋頭絲，卜卜脆！4️⃣嫲嫲南越湯 招脾金邊粉湯底用上牛嘅五個部位熬煮，好鮮甜！牛肉好嫩，牛筋口感腍，牛丸爽口彈牙，仲有牛面頰、牛腱，夠晒豐富！佢嘅金邊粉都做得好好，食到最後都唔會腍曬，仲係好好味😋推薦！5️⃣越式發酵茶葉沙律口感非常豐富嘅沙律！估唔到都幾辣，但係又好惹味，為味蕾帶來刺激！6️⃣cocktails 兩杯都係打卡之選，上面放左勁可愛嘅波波1.DEEP SEA FANTASY呢杯係有gin 嘅，裏面有石榴同埋海葡萄，飲落甜甜地，帶啲酸，好易入口。溝埋杯邊啲鹽飲，又咸又甜，幾得意😎2.TEARS OF MERMAIDRum酒加藍柑橘、荔枝、梳打，顏色好夢幻，飲落幾有層次。呢度啲嘢食同野飲都好有特色，都有唔少打卡位。平日都就嚟滿座，值得一試！…Read More

今日喺西營盤附近影吓相打卡，行到肚餓就食啲嘢。見到呢間餐廳嘅嘢食選擇豐富，仲有fusion菜烤雞肉粒披薩 Pizza即叫即整，配料豐富，醃製過嘅烤雞帶少少辣，好惹味！份量十足💕牛排捲餅 呢個好驚喜，上菜嘅時候牛排係用鐵板上，香噴噴，發出「滋滋」聲，令人垂涎三尺🤤牛排味道濃郁，洋蔥同甜椒條都好一齊烤過。將牛排同配料放上烤過焦香嘅捲餅，再加上醬汁，包括牛油果醬、希臘乳酪、番茄醬，非常美味，好有層次感水牛城雞翼雞翼大大隻、啖啖肉，酸酸辣辣，非常開胃，佢仲配咗個辣醬嘅，不過其實唔加都好夠辣Mojito 薄荷味好重，飲一啖好似去咗非洲大草原，非常之清新！記得唧埋啲青檸落去啊啲嘢食每一樣都好有質素，食到舔舔脷侍應都好友善，播放住好輕鬆嘅音樂，過咗個好chill嘅晏晝…Read More