為食小白's Profile

由於食晚餐,環境太黑,坐得十分擠迫, 無乜心機影相總括黎講, 食物真係超班.佰零二佰蚊個晚餐唔貴 扒好食,賣相佳不過坐得真係十分擠迫, 兩佰呎唔夠既地方夾硬坐十二三個客, 仲要成餐飯果個疑似老闆娘既女人不斷黎指導你, 督促你食飯,連杯餐荼放響張枱既邊個位佢都黎話你 :"唔好放呢度,放埋去" 佢收唔切碟,張枱根本無位擺,唯有疊上隻吉碟度啦, 老闆娘一見就九秒九走黎話你:"唔好疊埋隻D碟啦 "先至幫你收隻吉碟, 食到九成都未食完就隧張單埋黎話:"好多人等位, 唔該埋單先",態度十分趕客不過有熟客黎,  老闆娘就十分殷勤, 笑面盈盈如果為美食而黎,可以推介, 不過要預左受氣…Read More

之前幫襯過麵包，有驚喜，所以今次專誠食cake,芝士cake係我既至愛，　等一陣都低既，包裝精緻，返到屋企，吃一口，oh, 有Ｄ失望，芝士味唔夠濃，質地有Ｄ空氣感，口感唔夠＂粉＂同實，跟本地另外兩大連鎖麵包店出品既芝士cake不相佰仲，下次都係食麵包好Ｄ lu…Read More

朋友介紹, 星期五一行7人到此晚飯, 地點好似好吊腳, 其實響土瓜灣市政街市後面一街中間, (見到轉角間廟行入去就係架啦)呢度有幾個餐可選, 要響訂位時講埋選邊個,我地攔左"招牌蟹大蝦龍躉餐",有:－XO金沙粉絲肉蟹煲蒜子乳香爆白鱔煲椒盬焗大花蝦深海大龍躉西蘭花炒球時菜豆腐蚊深海大龍躉脆皮菠蘿咕嚕肉豉油皇炒麵（呢度免茶芥免加一）準時7:30到達，個場好似無乜人，其實訂晒枱，walk in 怕要吃閉門羹了，先上大蝦同豆腐炆龍躉，兩樣都份量十足，賣相討好，店家提醒個炆龍躉有魚皮果Ｄ肉最正，要快搶喔，哈哈。。。吃一口，茨汁味道剛好，唔會太咸同杰身，魚塊夠滑再黎粉絲肉蟹煲，嘩，大家真係俾個份量嚇親，一大煲既粉絲上配巨蟹一大隻，真係不欺場，　基哥好自豪佢能做到粉絲咁乾身，唔係油淋淋一大pat咁，所以唔怕"漏"同 "滯",呢個係真既，　粉絲乾身得黎夠煙韌，唔係乾爭爭而硬果隻，個蟹亦鮮味再黎既係鱔煲同咕嚕肉，鱔煲有大量蒜子，所以鱔塊吸收晒Ｄ蒜香，南乳汁夠惹味，（店家提醒要＂撈起＂才吃喔）　咕嚕肉既脆槳夠薄身，啖啖肉（唔係有Ｄ食店，只有骨，無咩肉）茨汁甜酸適中最後係炒麵，雖然係普通既菜式，不過基哥用心令個炒麵唔油膩個人認為可以用Ｄ比較粗身Ｄ既麵可能效果會再好Ｄ，因此麵身太幼，食落去有乾爭既感覺…Read More

呢度地方好難搵，話就話奧海城，其實響奧海城外面，要響商場出面至搵到，室外氣溫成三十幾度, 諗住坐室內無咁熱，點知一樣，室內無咩冷氣, 好似去左大街邊大排檔咁。三個叫左炒通菜, 炸蝦餅,冬陰功,泰式奶茶, 咖哩牛腩,油酥餅炸蝦餅即炸即上枱, 好味,要快D食,唔好攤涼左浪費了,冬陰功比較淡口, 唔夠酸香辣,唔夠惹味, 比較適合怕辣既食家, 起碼易入口D,雖然小妹喜歡港式奶茶, 不過佢杯泰式奶茶都對口味, 比較港式奶茶甜些 (當然唔及響泰國地道果D咁甜到漏)野食選擇唔係太多，亦唔係特別平或特別好食，怕熱既我真係一路食一路想走…Read More

旺角難搵食就預左，　所以有朋友未夠六點就黎拎定位，　個場都係兩成滿，我地三個人，侍應安排一張二人枱size 既位俾我地，　我地要求坐四人枱，講明唔會坐好耐，反正大把枱，侍應堅持唔俾，ＯＫ算，心諗無下次，佢地Ｄ野食份量少得可憐，個碟又唔係細，　我地三個人要叫九碟野至飽，但張枱擺唔落，十分狠狽野食味道ＯＫ，不過重味精食完超口渴…Read More

鐘意食雙皮奶, 約左人響附近食晚飯又未夠鐘, 於是入黎食小小野坐下消磨時間, 叫左碗凍既紅豆雙皮奶,奶味唔夠濃,　唔通因為Ｄ紅豆搶左味?　下之都係叫普通雙皮奶穩陣Ｄ…Read More

第一次幫襯葵芳呢間分店. 午餐無 set lunch, 無所謂啦, 叫了個肉眼扒$118 (+10%),個扒上枱時真打左個突, 份量少得可憐, 幸好我食量不大, 如果男士一定唔夠, 不過味道OK, 個焗薯都可口, overall 叫合格啦.…Read More

星期三放假, 出去老尖搵食, 同行人士想食韓野做午餐,當然 no objection 啦, 原先想去金巴利街,不過見呢度都有韓食, 地點又比較就腳,就黎一試,午飯時間一點半左右,當然要等, 好彩只等左幾分鐘,不過佢地人手極度不足, 我地坐低左差不多十分鐘都被無視, 枱未抹,水都無杯, 遲遲未俾餐牌我地, 我真的按捺不住, 自行去拎餐牌 lu落order都擾攘左好耐至有人黎招呼, anyway, 前菜三小碟kimchi終於黎啦, 好味啵 ~(呢三碟 kimchi 可以refill 架 !!)主食我地兩個人要左三樣野：牛肋骨跟飯既set, 炸醫麵, 炒年糕。牛肋骨大大件, 都有五六件, 汁好夠味, "賣飛佛", ARM晒我呢D食肉獸,炸醫麵味道一般啦, 勝在份量足,炒年糕有點令人失望,年糕份量大少, 配菜就多 (其實年糕唔係咩貴價食材 je)Overall呢度食得過, 韓國人都黎幫襯, 價錢亦親民,不過真係要D耐性…Read More

星期五晚同三大一小上去食, 多人到爆, 坐得逼之餘亦超嘈, 感覺唔太良好,由於餐廳太暗,無影相.  食物方面,好食值得encore既有:－１）　三文魚刺身－好肥美２）　炸大腸－即炸即上，個皮依然脆，３）　豬頸肉－調味做得好４）　鷄軟骨－都係即炸即上，不過比較細粒５）　一口牛－入味唔韌唔會＂鞋＂６）　生蝦刺身－　雖然係送既，不過好對版，夠鮮, 夠醒胃７）  羊架 - 必食, 無羶味,夠肥美,可惜要等成個鐘至上枱, 仲以為佢漏左單...8 )   天婦羅- 炸日本蕃薯, 好味已經唔係第一次幫襯, 不過佢地D選擇比以前少左, 例如芝士年糕無左,應該無下次......…Read More

去開附近既工廈拎野, 攪完都成八點鐘, 要開飯咯,抬頭見東廣場大大個花園餐廳招牌,唔洗諗, 上去搵食~去到見都有6, 7 個人等緊位, 我地要等四張枱, 無所謂啦, 唔想再周圍行.我地兩個人, 叫左羊扒拼牛扒跟意粉,同鐵板肉眼牛扒, 頭盤要水餃, 牛扒黎到, 淋汁上去既"JA"一聲, 煙霧迷漫,呢個情境, 令人想起廿年前讀書時代第一次食花園餐廳,D扒既港式味道依然無變: 即係給鬆肉粉處理過既肉質,唯一美中不足就係個汁太咸, 仲有少量味精, 食左一陣要叫餐飲解渴lu埋單$196, 算平靚正, 坐得唔逼, 又唔怕星期五被限時埋單,黎開呢頭, 都會再黎…Read More

星期五晚放工即興出左油尖旺, 正為開餐地點費剎思量 (因為好多食肆響星期五既要訂枱又要限用餐時間),途經 JD Mall時, 醒起曾經過呢度二樓, 見有一間門面不俗既酒樓,於是同朋友上去搵食, 未夠7點上到去,地方幾大, 算寬敞, 當時成個場都係得三幾枱客,正好, 唔怕無位兼坐得唔舒服或被催促結帳.我地可以舒舒服服傾下偈.雖然呢度標榜食順德菜,不過都有鷄煲火窩任食,我同友人得兩條友, 又唔係食得多,簡單食D就得 lu.我地只要了芝士焗波士頓龍蝦伊麵底 ($198)同咕嚕鷄球 ($88), 我們兩個女孩子吃, 挺足夠的.Order 完, 侍應叔叔十分熱情的端來生猛龍蝦給我們看一下,邊說"..好靚架,幾新鮮.."跟手拎去整.咕嚕鷄球好快上左枱, 整體份量都幾多, 賣相討好, 吃一下, 鷄肉外既脆槳沒有過厚, 太好了, 鷄肉亦唔會韌或 chi牙,個汁醒胃之餘唔太過酸, 得呀 !!跟住龍蝦都上了枱, sorry, 賣相似乎略遜一籌, 不過熱騰騰, 香味四溢入口都唔係好差je....侍應叔叔反正閒著, 也走來問我們:"如何？對胃口嗎?"我地都話ＯＫ好吃食左唔夠兩個鍾就埋單走lu，連加一茶錢醬芥共$348不錯的一餐如果經開呢頭，想唔洗等位，同朋友慢慢舒服的食餐飯，呢度都唔錯，尤其是人多吃飯都唔怕坐得逼。…Read More

幫襯左呢度好耐, 差不多係指定飯堂, 最鐘意佢地既意粉, 係我想要既口感, 意粉唔會煮到淋bet bet 之餘, 又不會似正宗的有D梗, 汁亦不會水水的, 帶點杰身正是我杯茶, 所以去開金魚街都會黎開餐.....佢地依家MENU 轉新玩法, 一個價錢有晒頭盤,主菜,甜品(+咖啡 或 奶茶), OR 另一個價錢包埋餐湯,當中頭盤,主菜,甜品都有一堆俾你選擇....今次選左牛肉粒做頭盤同 carbonara做主菜, 牛肉粒熱騰騰上枱, 個汁極濃, 如果送飯真係一流 carbonara 既煙肉很足, 我呢D食肉獸唔怕唔夠喉.甜品要了西多, 都OK的,連加一都係$178一位, 以呢個地區,環境寬敞同食物質素, 算不賴,又有別緻既卡位, 係同朋友傾偈既好地方, 會再來... …Read More

好朋友搭車經過, 發現呢間新餐廳, 星期四放工專登去試食, 由荔枝角地鐵站過去, 都要行幾分鐘,門面好grand, 同附近既大廈感覺都幾格格不入,餐廳都幾hard sell, 例如sell 紅酒,是日special....等仲要我地問佢先肯遞上 set dinner 既 menu, 唉!由於我on diet兼食量唔多, 決定散叫 duck confit ($188),好朋友則選擇要set dinner ($280)既羊架,overall 食物不俗, 份量唔會太大, 我個鴨脾個皮仲好脆 tim 食物同餐廳入面既環境都唔錯, 最arm 靜靜地談心.不過心理上總覺得咁既價錢, 花響荔枝角既餐廳,唔係太值…Read More

"好朋友"好有雅興, 突然想食中式晚飯,兩條友, 我地又唔係食得多, 真係難諗食d乜響網度搵下搵下, 最後去左呢度睇個menu, 似係主打順德野 (例如炒鮮奶) 同河鮮 (每兩$10-$20不等)佢地有一人鮑魚套餐 $189 (兩位起), 不過除左鮑魚鵝掌外,個餐入面其他野真係唔係好arm 我地口味, 所以都係散叫算啦 ~伙計同部長服務都算唔錯, 除左 sell 左我地兩次食魚之外,我地無叫到都無黑面,餐牌十分精美, 賣相都幾吸引, 我地叫左: -砵仔蒸鵝腸呢味餸應該製作需時,不過佢地上菜又好快啵,我地一人叫左一碗白飯黎送, 熱辣辣, 都幾好味架,份量仲幾多tim ~ 肥仔鷄 (<=唔知係咪一個肥仔發明哩個菜既呢?? )我好 like 呢個, 因為碟鷄有大量洋蔥絲,已經幾惹味, 再加埋紅棗 同杞子黎蒸, 味道特別d, 鷄件又唔太肥太膩, 亦夠滑, (響屋企自己應該可以整到) 雖然menu 話半隻, 不過我唔覺佢足半隻 lor ........... 漁湯漁滑小唐菜, 叫呢個係純粹想有d 菜俾好朋友食, 又濕濕地口, 無咩特別雖然都有食剩野,不過都係要叫個 dessert 黎滿足一下心癮,menu 果d 好似幾正咁啵: -最後叫左杏仁茶同雙皮奶, 都有d 水準, 唔差啵,埋單連茶錢醬芥加一服務費都係$348, ok 丫 ~雖然佢地位置比較僻, 不過在座好多似係熟客.最緊要係呢度唔會椅貼椅, 是夜又唔太嘈, 大家都可以傾到偈,可以再來的 ~…Read More

[潮流興 homemade 曲奇, 過年前經過始創地下, 見到原來菠菲都有出, 今日開工大吉,中午落新都會買左一盒 12oz, 盛惠 $51 個大洋 : -賣相當然無 jenny 個熊仔罐咁靚, 不過自己食無所謂,佢地都有相當多款, 我每樣都要左d,都分唔到邊d打邊d, 唯獨是黑色個隻曲奇, 係竹炭xx 味,食落佢地d曲奇, 無jenny 果d咁粉,咁鬆化,咁重牛油味,感覺 light d , 食多幾件都唔怕滯…Read More