MiFFy BB's Profile

今餐係澳門之遊既最後一餐, 食完就要返香港啦, 本來我地4點靚鐘就坐船走, 但因為好想試吓非常有名既六記, 所以有酒店大堂 HEA 咗個靚鐘過嚟.我地6點10分, 由十六蒲行過嚟, 諗住過到嚟都係搭4個字, 等佢一陣開門啫....點知去到, 人頭湧湧, 好多人巳經坐係佢隔離舖位等緊, 而伙記們仲食緊飯, 我地就坐係伙記台隔離, 行慢步, 連位都無埋...幾恐怖.因為大家都好期待, 所以連相都唔記得影.米通鯪魚球 : 好味, 炸得好鬆脆, 唔會話有油益味, 正淨雲吞 x2 : 雲吞7:3比例, 唔錯, 最欣賞係個湯, 香濃而滑, 比起下午食既禮記, 過之而無不及.大腸併鳳爪 : 好淋, 都入味, 但唔係話好正, 算OK啦豉椒炒蜆 :麻麻地, 蜆太細隻, 個汁唔夠惹味, 又偏咸, 唔算合格豬骨粥 : 3大舊豬骨, 但問題係, 你會食到粥還粥, 豬骨還豬骨分開煲既感覺...JUST OK蝦子撈麵 : 香口彈牙, 有蝦子咸香, 比起祥記做得更好, 我上次係祥記食, 係苦既呢餐係澳門遊, 我覺得排名第二既餐廳, 有機會會番啅, 對面係華軒食店(細龟), 見到細龟哥哥好似跳住舞咁炒, 又好勁鑊氣, 下次嚟, 2間都要食晒.4個人共食咗175.…Read More

係十六蒲食完breakfast buffet, 飽都痴根, 之後去咗大三巴附近影相同賭場碰運氣. 去到氹仔大約2點鐘左右, 食過沙度娜同莫義記, 呢2個都唔詳細講啦, 因為其他網友都有評論, 同埋我覺得無咩特別. 2點半左右, 係禮記坐低, 試試網上好評既魚翅~坐低後我地4人都無咩頭緒, 老闆走埋嚟介紹, 最後我地選擇咗2樣:中勾翅2人份 ($228), 份量有2碗左右, 係有啲翅係裏面, 但我覺得好似魚唇多啲, 加少少針翅既物體, 配一啲白色濃湯, 湯都可以, 但翅就無咩味...一般中鮑翅1人份 ($78), 呢個好味啲, 因為湯濃味啲, 但翅都係咁上下味....JUST SO SO都係果句, 叫做試過...唔係必到地方, 一試無妨…Read More

今次酒店住係十六蒲, 住宿係連埋早餐buffet, 第二朝瞓醒, 落去食早餐, 其實之前果日食得太多, 都滯滯地, 諗住飲杯架啡多士就算啦, 點知...一去到餐廳門口, 嘩 正呀... 我地坐室外, 係泳池隔離, 感覺好輕鬆寫意無諗過朝早食buffet, 有煙三文魚, 同埋凍既魚頪供應, 仲要係好味喎, 跟住行多個轉, 有中式點心: 菜苗餃, 干蒸牛肉, 皮蛋瘦肉粥, 另外一邊, 有粟米片呀, 麵包呀, 水果....好豐富, 轉過去水吧過邊, 仲有過廚師即煎奄列, 煎蛋....其實仲有好多好多(雞肉腸, 焗豆, 乳酪, 炒蛋, 薯餅 .....) 淨係望, 都夠皮.因為實在太多, 唔能夠全部描述, 我只係講重點好味既嘢.即煎奄列 : 熱辣辣, 有磨菇, 青椒... 半生熟, 好好味.菜苗餃 : 味道清新, 蝦肉爽脆 好味過好多大酒樓乳酪 : 偏酸, 士多啤梨味好好味, 有果肉,牛角酥 : 好味過你係taste買果啲. 又香又鬆脆炒蛋 : 好滑, 好軟好香.煙肉 : 香得嚟, 無肥膩感覺最後既架啡, 同waitier order既, 好香濃, 佢成壺放低比我地...呢一餐係我今次澳門之旅, 最滿意既一餐. 一定會再encore ~ 我的評分 : 90分…Read More

食完胡椒餅, 買完手信就去酒店check-in, 放低行李後, 大約3點半, 就去我地想去好耐既法蘭度, 驚好多人, 所以3點幾出發去食個early dinner, 就由十六浦搭21號A去到總站落車就係.去到大約4點半左右, 入到去見到都有幾台客食緊, 我同門口姐姐講:4位oY唔該, 佢就點咗我入去話裏面有位, 我入到去, 裏面好爆, FULL HOUSE, 入面姐姐只叫我寫低幾多位同貴姓, 等嗌名, 我就覺得奇怪, 點解出面唔坐得, 因為我見啲人都坐係度食緊嘢, 又走番出去問啦, 頭先個阿姐又話....咁呀, 你地坐出面呢度啦, 一樣啫, (咁你頭先就唔好點我入去啦) 吹賬一坐低, 睇坐陣餐牌都有晒IDEA( 因為之前上OPENRICE做定功課), 侍應姐姐拎一藍麵包嚟, 仲有檻欖油同醋, 仲有牛油, 試一試個麵包, 幾好味喎, 鬆脆, 之後就開始叫餸.菜湯 : 唔夠味, 啲菜又淋PET PET, NOT GOOD燒沙甸魚 : 原條燒, 連麟都無打, 裏面啲肉都幾香幾好味, 但啲腸就苦苦地啦, 另外跟埋薯仔同沙律(即係洋蔥+生菜), 味道都OK啦, 但出面好多餐廳都做到.燒馬介休 : "舊"魚嚟到, 白o徒o徒咁, 好似無燒過, 魚面跟埋啲爆開咗既蒜片, 一試.....唔得, 舊魚無味, 唔好話燒, 係舊魚根本無味, 加埋啲蒜片叫做好少少, 有啲味囉, 但$138, 叫唔過.燒乳豬 : 一份只有6舊左右, 跟薯條同水欖, 乳豬....好味, 皮脆肉香, 啲肉好入味, 又滑, 唔錯. 跟埋既薯條, 個樣就麻麻地, 淋晒咁, 但食落又OK喎, 甜甜地, 都好味 .DRINK : (SORRY, 唔記得叫咩名, 葡文嚟) 係有汔水同葡萄酒溝既, 紫紫地色, 開頭有少少藥水味, 但飲落又幾得意, 甜甜地, 好快上咗頭.呢餐其實算係滿意, 有好有唔好, 但下次嚟, 我都會避開人潮時間先嚟, 起碼啲姐姐禮貌啲, 我今次又無其他網友所講既不禮貌, 態度都算唔錯, 主動介紹嘢食同收碟咁, 但有一樣好得意係...任何人入嚟, 佢地都會叫佢地入去登記先, 跟住無位啦, 啲人又會走番出嚟坐咁, 所以下次各立如果去到呢而內廳又無位, 就醒目咁行番出去啦.都叫做特別, 可以一試…Read More

係潘榮記隔離既胡椒餅, 又係遊客必食的, 2間痴住, 好多人都同時會買嚟試試.行埋去, 有幾個人等緊, 等佢新鮮出爐, 等咗大約5分鐘左右, 遂個遂個拎上盤度, 我要咗2個, 用2個小袋裝住, 一咬落, 無係台灣食既咁正, 但好熱同埋好多肉汁, 佢味道就麻麻, 啲肉唔夠鬆同埋唔夠味唔夠香, 又唔夠蔥, 所以趁熱食還可以, 凍咗呢....皮都做得唔夠脆.行過一試都可以, 但特登去, 就唔駛啦!…Read More

食完牛什, 就開始第二站, 潘榮記由街市落番嚟, 係議事亭附近行, 行咗一陣, 就聞到好香既牛油味, 抬頭一望, WOWOW ....有一堆人圍住既潘榮記, 隔離就係胡椒餅(呢個我下一食評會講)首先, 係無排隊可言, 個個圍埋去, 伸隻手出嚟比錢, 婆婆就隨心拎比你, 睇你好唔好彩. 佢地實在太好生意, 要買一盒或以上的話...請你預訂, 明天或後天嚟攞貨, 但你WALK-IN呢, 佢就賣散餐, 最低$10賣幾安士比你.我本著大無畏唔排隊精神 (SORRY, 係因為無隊可排,唯有係側邊埋去, 但本人平時係非常守規距的....呵呵 )係側邊伸出玉手, 叫婆婆賣$10比我, 迫咗一陣, 我賣到啦...聞一聞先, 好香, 但食落係...E, 咩咁咋, 都係果句, 唔係唔好食, 但買既人, 都係因為比佢開香味涉埋去, 但食落感覺係, OK 囉 ! 一試無坊, 但特登去買, 我由覺得未致於囉…Read More

1月1日搭朝早10點35分船, 落船過關多人到顛咗 有好幾百人等候入境, 但香港居民櫃台, 又得幾個, 所以迫到飛起, 過咗關都成12點幾, 正是午餐時間, 第一時間, 當然係去大獲好評, 肥滔同蔡SAN 都勁讚既梓記牛什朝拜. 出閘搭3號巴士, 係議事廳附近落, 行過去5分鐘左右. 可能係1月1日既關係, 樓下幾層既魚檔, 菜檔同肉檔, 全部都無開門, 當時都擔心緊今日有無開, 好彩搭到4樓, 見到人頭湧湧, 地方唔係好大, 轉個圈就見到我地想揾既梓記牛什 ~~ 因為想留肚食其他嘢, 所以4個人, 叫咗2樣試試味道 :全餐麵 $ 22 : 即係大什麵,(豬紅, 牛肚, 牛根, 生菜, 鳳爪...每樣一舊)咩都有啲, 但味道, 我就覺得麻麻, 每樣都好淋, 但無特出邊樣好食, 你問我, 最好食係咩 ???? SORRY, 我答唔出, 但唔係難食, 只係一碗車仔麵囉淨牛什 $25 : 好似貴咗啲喎, $25得一小碟, 食落唔差, 味道較清, 食得出係新鮮, 但又唔係話好正果啲, 我自己認為, OK LA, 但不致於話吹得咁勁囉. 全部都算淋, 但唔係好入味, 腸最好食甘香, 脆骨有咬口, 肺都算鬆化, 但肚就少少奀.食後感 : OK LA, 味道一般, 但價錢偏高. (總之叫牛什麵, 因為$13, 料都唔算少, 蠢咗 )…Read More

昨天晚上同bb2人, 去呢間沙嗲王食飯, 之前去荃灣呀, 銅鑼灣同旺角都唔錯, 諗住呢間都ok la, 點知...每間出品都唔同水準.昨晚2人大約7:45到達, 門口好多人等緊位, 因為2人關係, 都只係等咗一陣, 算快. 安排咗我地坐樓上梳化位. 一坐低, 即刻有侍應哥哥放低水比我飲, 睇咗陣就"禁" 點菜掣叫人落order. 個四眼侍應哥哥用急腳步行埋嚟, 用高八度聲線, 仲要係放大喉嚨果隻講嘢, 我地每叫一樣餸, 佢就大聲話..."哦, 好呀, 都好呀", 前後加埋都講咗成10次, 幾搞嘢.龍蝦湯 : 味道ok, 但犯咗最大致命傷....唔熱, 暖暖地, not good !白咖喱豬扒飯 (套餐) : 一如以往水準, ok !脆蝦棒 (半份, 跟餐) : 熱辣辣炸出嚟, 但唔夠咸, just ok !珍珠奶茶 (跟餐 ) : 麻麻地, 飲到陣奶粉沖既味, 但跟餐, 就無咩要求.芒果布甸 (跟餐 ): 食到啫喱粉味, 但唔好味果隻, 食咗一啖, 放棄 !沙嗲牛肉粉絲 : 沙嗲唔夠濃, 粉絲未開得晒, 牛肉係打邊爐既肥牛, 過肥....唔得 !泰式酸辣鳳爪 : 又唔酸又唔辣, 似白恰咁, 唔知想點, 唔得!蒜容牛油雞翼 (半份) : 呢個都係熱辣辣炸出嚟, 但又係唔夠味, 但勝在夠熱, just ok !整體係唔合格, 沙嗲理應係味道較濃, 但呢間分店做唔到, 嘢食唔夠熱, 仲有, 琴晚間餐廳好焗, 唔夠空氣流通, 食完嘢落返街, 成個面紅晒. 但位置係尖沙咀鬧市同埋一個幾平既價錢, 所以就唔可以太高既要求囉. 不過, 如果我下次係附近, 我唔會再嚟, 我會選擇轉彎樂道間BIG JOHN, 起碼人地有心思, 有誠意啲先啦!2人合共$156.2 (連加一)…Read More

喺荃灣返工咁耐, 都唔知有呢間嘢, 見到咁多好評, 呢食番次睇吓點先 :水餃牛腩麵 : 麵爽口彈牙, 但都有"簡"水味, 牛腩好淋, 水餃就不過不失雲吞豬手粗 : 雲吞係傳統果隻, 細粒, 豬肉同蝦肉一半一半, 豬手就炆都好淋吓, 粗麵就一般呢間嘢係公園裏面, 唔係好覺眼, 係舊色既麵舖, 唔差既, 但又未至於話好正囉, 價錢都幾貴, 單併18, 雙併25, 貴咗D囉! 服務, 無咩...因為侍應們無反應, 佢企你隔離唔出聲, 你落完ORDER又唔出聲, 放得碗嘢, 都唔出聲...但10幾蚊碗麵, 唔通有大酒店服務咩, 算合格啦!唔會特登去, 但路過可以一試!承惠50個大洋!…Read More

星期六的晚飯, 友人從嘉亨灣駕車前往, 10分左右. 一行四人一坐低, 叫咗個4人餐 (488)椒鹽蝦 ( 唔記得個名), : OK la清蒸鮑魚仔 8 隻 : 都可以, 幾好味胡椒豬肚湯 : 好多料, 飲到底有好多胡椒粒, 不過個湯就無咩胡椒味滷水鵝併盤 : 呢個最好味, 鵝入味又鬆, 豬耳仔好爽, 喺底既豆腐都好滑菠蘿咕嚕骨 : 個骨炸得好脆, 個汁都唔錯西蘭花扒鮑魚菇 : 麻麻地, 鮑魚菇有d un另加3碗:紅燒潮洲翅 : 呢個好足料, 杰杰地, 好味道!服務都唔錯, 侍應們都殷勤服務! 有機會, 再嚟!友人請客, 所以唔知幾多錢!!! 多謝晒…Read More

星期六, 同BB去嘉亨灣探朋友, 我又好少機會去港島東區, 之前上嚟睇到openrice食評大讚, 所以諗都唔諗嚟咗呢度.下午2點3嚟度, 巳經有一堆人排緊隊, 排到去隔離廟, 不過好快都有得食, 叫咗:牛根魚蛋河 : 牛根好淋, 魚蛋好味道, 好有魚味, 惦!片頭切腩撈粗 : 魚片好香口, 切腩好入味, 撈粗既咸咗少少...唔錯菜心一碟 : 一般料凍檸茶少甜 : 呢個有驚喜喎, 好香茶味, 好飲喎!間嘢真係好旺, 伙計哥哥個樣惡惡地, 但全部都好醒目, 手快腳快, 地方環境就真係係一般, 冷氣唔夠係一大敗筆!推薦~~呢餐承惠 : 71個大洋 …Read More

昨晚同BB, 同2位友人喺度食飯.6點10分嚟到攞位, 門口巳經見到有堆人喺度等緊位, 幾誇張~ 之後等到6點45分先有位, 耐就唔係好耐, 不過, 咁早都要等一段時間就誇咗d一坐低, 侍應們拎咗碟餐前小食-肉鬆青瓜, 我地唔係咁有興趣, 同佢地講唔要, 佢地即刻拎開, 都無話黑面, ok ! 茶我地就要咗碧綠春, 味道都幾得意! 大家都好興奮咁叫嘢食, 樣樣都話想叫, 但個肚真係放唔落咁多, 最後叫咗 :一口小籠包-28蚊8隻 : 熱辣辣, 皮都算薄, 內裏好多汁, 幾好味水煮蟮片-78蚊 :賣相好靚, 好香麻辣, 味道都唔錯, 但份量太小, 得幾片蟮片, 同小小芽菜喺底, 貴咗d紅油抄手-28蚊 : 都幾辣, 味道幾好, d雲吞好重肉味 担担麵-26蚊 : 我地要咗中辣, 花生醬好香, 麵都爽口, 唔錯, BB食咗2碗鮮魚羹-88蚊 : 呢個淡咗D, 可能我地之前食咗濃味嘢, 今次就好一般, 唔值呢個價榨菜肉未跟X子燒餅-68蚊 : 個榨菜肉未無咩味, 但個X子燒餅好好味, X子燒餅-23蚊 : 呢個我地後加上去干扁四季豆-48蚊 : 呢個炒得幾香口, 但油咗D高力豆沙-10蚊 : 即叫即炸, 好香, 裏面有D香蕉同豆沙, 幾好味桂花糕-23蚊 : 有6舊, 好清甜, OK服務都可以, 但無之前咁好啦, 成日一食完嘢, 佢趕住嚟收, 個感覺係趕你走, 但做嘢都算快手快腳. 連加一茶錢, 承惠540蚊 …Read More

禽日喺我同BB既2周年紀念, BB 喺個幾月前, 就巳經book咗台慶祝, 禽日懷住興奮心情去食飯:我地book咗7點半, 但我地大約7點10分巳經到咗, 我地就坐喺2樓既細枱, 一坐低, 侍應們就將個手寫menu放喺台面, 但...佢寫既字, 好有藝術氣質, 唔知佢寫咩..., 我地唯有睇番原本果份. 今日既set dinner, 其實唔係好啱我地食(羊膝, 燒春雞捲大蝦同埋帶子酥盒), 我其實target係食蠔同牛扒, 但又孤寒唔想散叫, 所以有少少手忙腳亂...最終我地叫咗:2份set dinner, 每個set dinner HKD320, 龍蝦再加HKD90 (1個係蒸龍蝦, 1個係燒春雞捲大蝦), 轉龍蝦加多100蚊左右先嚟2支Corona, 因為天氣太熱, 啤酒夠凍 (每支42蚊)一開始嚟咗半打生蠔(每個set dinner 包3隻)係新西蘭既, 唔記得叫咩名, 好新鮮好肥美, 好重海水味, 正之後到面包, 佢跟d黑醋, 無咩特別...一般跟住係洋蔥湯呢個好好味, 個洋蔥好淋, 好入味, 佢個湯應該加咗少少芝士落去, 所以好滑, 惦輪到main course 出場個龍蝦好新鮮, 好多膏, d肉好爽, v good, 有點意料之外, 加埋佢比個蒜容汁...無得頂oY燒春雞捲大蝦, 呢個反而麻麻地, d雞肉幾孩吓, 可能我地先食龍蝦, 相比之下覺得係失色咗, 個汁係波菜煮既...咸咗少少.甜品我地要咗朱古力慕思, 好香, 好滑, 覺得朱古力好淳最尾係跟咗2杯餐茶, 要凍檸茶, ok la.服務我就覺得非常唔錯, 侍應們有禮, 又主動, 幫你影相之餘, 又有耐性, 到最尾埋單, 我地同個經理反映, 個雞好孩, 佢係咁say sorry, 話會同廚師提番. 有誠意 !價錢好合理, 食完後, 我認為係值得既, 我諗我會再嚟, 我好想試吓佢地既牛扒!埋單總共: 895個大洋! …Read More

我喺荃灣返工, 成日都會經過呢間嘢, 本來都無諗住幫襯, 因為外地整得好味既, 香港再番炒而又整得好既...5隻手指都數唔出, 點解今次會咁大膽去買嚟食呢...事緣係因為某日買咗本雜誌, 睇到蔡X既介紹, 佢話未到台灣既原味, 但到唔差 ...可以一試, 我諗住10 o靚蚊, 傻仔都係一次啫...點知, 真係做咗死傻仔一個 琴日放工去老爺奶奶到, 佢地買壽司, 而我就"賴醒" 自告奮勇咁話, "不如買2碗試吓啦, 蔡X講到幾好, 睇吓有幾好味..." 滂沱大雨之下, 拎住把遮, 行到去櫃面,見到個價錢, 麵線分大細2 款, 大既16蚊, 細既12蚊, 一眼望落煲嘢到, 覺得同台灣個款, 有幾分相似, 比台灣杰d...同個亞姐講, 要2碗大既外賣, 個亞姐夾咗少量豬腸粒, 跟住就"bud"d麵線落去外賣兜. (但係呢,佢個兜又唔係特別大喎, 同我地平時食雲吞麵果d size一樣, 吓...咁叫做大呀!@!@ 佢又bud唔滿喎, 3/4左右啦, 我問亞姐, 點解唔滿, 佢答我, 呢個係standard, 就算台灣都係咁 , 答得好呀 @!@!@ ), 佢bud好後, 就落配料 (芫茜, 蒜容, 辣菜浦, 辣椒醬同黑醋)呢幾樣, 台灣原著都有. 拎住2碗外賣搭車, 沿途聞到都好香, 可能係d蒜容既關係! 返到去, 未齊人, 無即時開嚟食, 都等咗陣...一打開, 都仲係熱熱地, 聞到好香, 但係一食落去...吓, 呢d叫做麵線呀, 根本就係味精水加少少麵線, 勁唔掂...只係食到蒜容味同辣味囉, 你收我16蚊, 唔係啩, 10蚊我都覺得唔值, 真係一路食一路鬧, 蔡X又老點!@!@! 食到最尾, 係底果d巳經凝固晒, 一pet咁..總結 : 食完呢碗嘢, 真係有d嬲, 唔係話同台灣比較高低, 但都唔好話難入口呀, 你食10蚊碗雲吞麵, 都會覺得飽肚, 但呢碗嘢真係...傻仔一次就夠啦....承惠16個大洋…Read More

上個星期六 5月31日, 同BB, 老爺奶奶喺度食TEA BUFFET, ...要準時3點3先入得, 門口巳經有有堆人喺度等緊, 我地安排咗喺窗口4人台, 都OK啦, 因為LUNCH無食既關係, 一開始就唔停咁去揾嘢食, 大概食物:魚生 : 得三文魚一種, 第一浸D三文魚好新鮮, 又肥美....正正正, 但當佢地再REFILL既第二批, 就明顯無咁正lu~ 壽司 : 都係太卷, 加州卷...普通料其他熱食 : 蝦餃燒賣.雞翼, 即淥粉麵, 咖喱角, 金沙骨...全部都ok唔錯, 但佢地最好味既, 係甜品既cake(檸檬芝士,朱古力,曲奇餅) , 連我唔食甜既, 都讚好, BB就梗係唔停口食甜品啦,最得意一樣嘢係, 係湯頪度, 有一盅"西洋菜生魚湯" 呢個無問題呀, 隔離呢....正常應該係一個西湯, 但佢地竟然放咗D"麥皮"喺度...好多人唔知, 以為係磨姑湯 (因為一粒粒, 好似磨姑容)...個個一飲都喺度笑.以咁既價錢, 我就覺得幾抵啦, 因為環境同食物都合格. 可以再嚟! 會encore (順帶一提, TEA BUFFET 只做星期六, 日及公眾假期)埋單連加一($142.2) 信用咭有8折 …Read More