woody_lok's Profile

係石門training，突然口痕想食甜品發現石門無乜甜品鋪，呢間comment就比較出眾，所以就特登入商場搵佢食本身個人喜歡芋圓、芝麻糊、綠豆沙、仙草，佢竟可以一次過滿足我四個願望一碗combine左呢六樣唔夾嘅element嘅甜品就現世我諗出面好少甜品可以咁樣combine haha而且仲大大碗，多芋圖（差唔多有廿粒）真係好好食，好啱我口味xd唯位置有少少逼，不過我一個人食，ok la。Lunch 比較多人，要只少少拎位。會回頭再食！推薦…Read More

最近公司有活動係附近舉行，即刻問同事有無推薦。紅磡工業邨嘅餐廳唔多，呢間算係人氣爆燈，好彩十二點就去食，因為十二點半鋪頭已經爆滿，門口仲有一大班人等堂食外賣！點左雞扒牛腩米多蔥多芫荽雞扒好大塊，好juicy，估唔到咁好食，仲要只係加＄9！超值，自己去買塊雞扒仲要炸，佢呢度真係無得輸。牛腩好林，有五舊，好入味麻辣叫左小辣，唔太辣，下次叫中最緊要可以多芫荽我呢位黨員即刻加左滿分總括一定要再幫襯！會特登入工業邨支持！…Read More

突然身痕想出街食早餐，係安慈路搵野食，見到翠河唔洗等位，就入左去。翠河，你話好特別就一定唔係，18區緊有一間，不過問你食過佢嘅早餐，你就未必食過通常都係lunchtime 先會食嘅普通飯堂。叫左一個牛扒全日早餐，佢牛扒正常野，沙律唔洗大大pat，試少少，幾開胃，塊多士好食，好脆，仲有少少蒜茸，好味~另外仲叫左一個豬扒公仔麵跟雙蛋，豬扒入味，有少少唔滿意係個湯，好味精，而且同公仔麵好唔夾，成個公仔麵搞到唔好食，問有無辣椒油，點知係無嘅(唔知係咪未準備好)。總括所有野都ok，係個公仔麵湯希望有點改善....…Read More

係新世紀廣場頂層行完一田，有d餓，就係一田隔離有幾間餐廳，諗諗下，就對上海野有偏好，又唔洗等位，就入左去~原來咁啱有翡翠拉麵小籠包18週年優惠，用$18可以加配小食一款！好抵！揀左燻魚，始終出面食燻魚都貴，或者唔好食，$18就試下~ 再叫左一個上海排骨三角拉麵同菜肉雲吞拉麵。上海排骨d炸粉較多，不過佢醃得得幾好食，推！三角拉麵比較少食，口感都幾特別。菜肉雲吞以為普通野，但佢細細粒，菜肉平均，同清湯好夾，好味！最後燻魚好好味！！佢係炸到硬硬地乾身又唔um，味道適中，好啱我呢d偏向唔鍾意太咸野食嘅人~仲要$18都算多，好lucky~其實仲叫左一籠小籠包，不過小籠包有d普通，正常野，過下口癮~…Read More

大埔四里魚蛋鋪，我淨係食呢間，可能由細到大d同學朋友都係帶我食呢間位置就比較逼，坐位就要sip入去，必食魚蛋粉，今次轉成米粉同加併牛腩，老婆就食豬軟骨飯。魚蛋米唔係淨係得魚蛋，仲有魚片同魚皮，一次過滿足多兩個願望牛腩加併都算多，林，唔咸，算清，抵食！豬軟骨飯原來送隻煎蛋，豬軟骨唔咸又入味，軟骨好軟(唔係玩野，試過其他餐廳食豬軟骨d軟骨唔軟....)，好好味。總括抵食份量夠，會一直食落去xD唯一希望可以d位闊少少，唔洗咁逼-.-…Read More

生日飯，又唔想食得太貴，又唔想走太遠，無卜位，所以target左旺角新世紀廣場(改唔到口)搵食，去到意粉 360 ，見無乜人，價錢ok，就入左去。叫左芝士焗海鮮熱石鍋墨魚飯, 香蒜醬烤雞煙肉野菜意大利粉, 芝士焗肉醬法蘭克福腸薯條，個墨魚飯好好味，芝士加墨汁嘅味道好吸引，而且用石鍋焗，好夠熱，大推！意粉嘅香蒜汁最令我難忘，雖然好似好普通嘅蒜汁，但佢炒得唔油，食完好上癮，會想繼續食落去…如果有埋辣味蒜汁就更吸引~最後焗薯條呢d，我諗無咩人會唔鍾意食，好特別係有d腸粒係入面，有2款口感~大致都好好味，同好夠飽~…Read More

夜晚大埔唔知食乜好，係openrice搵野食，見到呢間個評價幾高，都多好評，所以揀左佢。唔洗等位，環境幾乾淨，裝修都靚，揀左鮮牛肉-酸辣湯-淮山麵 & 雞肉-麻辣豬肚-麻辣湯-米線，兩碗跟湯肉醬同麻辣豬肚另上。一黎到，牛肉同雞肉少到差d見唔到，幅圖係未食過，個肉醬幾咸，好彩無撈落湯，而個麻辣湯係ok嘅，酸辣就只係多左d酸菜咁，係有少少名過其實，失望…Read More

屋企隻肥野突然想食川菜，係openrice搵野食就見到呢間，原來有分店@@平日經過都無咩留意佢，今次一試又特別~叫左2個單人餐，佢價錢計到同散叫一樣價，不過送飲品。一個燃情刀削面加排骨($30+8)小辣，大大碗，有生菜墊底，佢麻味好出，唔太辣，唔似其他川菜咁，得個辣字，欣賞！一字排3條，唔太濃味，鍾意清d既朋友可以加8試下~山城牛肉麵($37)粗面，佢d粗面同平時上海幼麵既粗幼差唔多，不過佢好爽！真係幾得意，侍應呀姐話呢隻叫台灣麵，不過我就未聽過~總之佢粗麵如餐牌寫，係爽既牛肉係牛腩粒，正常肉量，多d更好~蒜泥白肉($26)同出面一樣，不過麻味好勁，好好味，有青瓜絲墊底，麻辣手撕雞($30)個汁同蒜泥白肉一樣，都係麻味出，有青瓜絲墊底，懷疑同一麻辣汁整唔同小食荳漿無得揀，得一款，正常甜度，黑糖薑母茶就粒裝沖水，正常野。鍾意食麻辣既朋友唔好錯過~…Read More

第2次食了~ 上次食晚飯覺得幾好食，想食仔細點，今次食lunch，水準同晚餐一樣~個人鍾意食喇沙，出面d喇沙好普通，呢度就唔同啦~叫左香茅豬扒喇沙摻摻($58)，已經第二次食喇，佢喇沙椰香好出，唔辣，好味！佢同正宗咖喱喇沙一樣都係油麵+米粉，連湯都飲埋不過如果米粉多返d會更好，老婆叫左肉骨茶飯($58)，佢藥材味濃，味甘，不過蛋同一字排都唔太入味，正正常常一般。叫左森巴醬通菜(+$20)，好食既，個味係幾特別，好少食到，不過有d濃同咸，同埋份量有d少，有少少失望。送飲品，即磨咖啡做句號~…Read More

夜晚行聯和墟唔知食咩好，見到呢間清泉老闆好似一家人經營咁，好小店feel。叫左一個鎮江排骨菜飯($36), 菜肉雲吞麵($28), 生煎鍋貼5隻($17)同花雕醉豬手($26)，鎮江排骨一字排，酸酸甜甜，好食~ 份量正常啦水餃多涵多汁，d粉仔麵質ok, 已經好少地方有得食！生煎鍋貼好好食，熱，外皮又煎得脆，推介！如果d椰菜多d更好~花雕醉豬手ok，凍食，酒味濃d更好~仲加左杯荳漿，荳味濃，推介！會再黎食，好飽@@…Read More

食過幾次，水準保持。牛腩林，入味，特別，仲有啲豆腐做小食，應該係自家製，好豆個菜飯都好味，不過比我地見到，原來啲飯係一個個吸好哂，客人叫先放入微波爐叮啲餸就唔係叮，有啲odd。有甜品跟餐，叫左腐竹糖水同芝麻糊， 好好味，好腐竹，仲有薏米，好食！芝麻糊就正常，唔太甜，幾好食嘅。健康，住家味啲侍應呀姐服務麻麻，要小心。…Read More

除左選擇有啲少，其實以呢個價，真係算係咁。係樓下拎到減10蚊券，一入座就送焗蠔。即叫魚生，第1round 等左15分鐘，都幾鮮，唔太冰，好味嘅，不過數量唔齊。再叫壽司同第2round刺身，點知等左45分鐘先有壽司等埋其他枱一次過出，有啲失望，不過第2round 刺身都係15分鐘到。之後見有打邊爐，就叫啲菜食，唔食菜唔得，都多款，幾好。有燒菠蘿，無蕃薯仔，不過算。最後食甜品，得random 雪米滋，無得揀味 不過有牛奶樂，算總結，都會再食，不過唔如太大期望，呢個價錢都ok…Read More

一直都想試，終於食到。香菜餃子，鍾意食芫茜芹菜嘅朋友一定鍾意，大大粒，涵多，正。豬扒，醃得好入味，好特別，同埋好大塊再叫多杯菊蜜，清清香香，唔太甜，好fresh 會再食…Read More

一星期前卜定，入到去真係full house，坐定先揀plan, 揀左$168 1.5小時，要加一，不過1.5小時走可以免加一(其實可以食2小時，不過無9折；但我坐左2個鐘都無人趕走)有牛羊豬雞腿，前菜菜丸飲品天府羅Dreyer's 雪糕任夾任整任拎，算幾多選擇以呢個價黎講，啲肉算係咁，而且啲肉都黎得快。叫左蕃茄湯同醬油湯，估唔到加湯係真係加返蕃茄湯同醬油湯，唔係清湯清水3款菜，過10款飲品(紙包罐裝)，過10款丸類雜類，4款dreyers 雪糕(綠茶芒果藍莓開心果)，2款雪米糕(運呢嗱芝麻)，仲有幾款天府羅DIY，扺食！建議唔好食丸，因為啲肉係任食......…Read More

終於得閒寫😂 唔講咁多，直接講食物。Christmas Salad: 多貌一般，不過雞肉好食。Soup: 有海鮮蕃茄湯同洋蔥菇湯，有啲咸，個湯麻麻地。燒春雞: 著哂火😂淋左啲酒然後點火，啲酒發唔盡所以底層啲雞索哂啲酒，好重酒味入面有豬肉栗子填充物，好飽好味，不過感覺好肉....豬架: 好！好！食！唔識形容，但真係好好食，好想學下點整，好冧好入味。紫薯卷都好好味，好濃Take away cookie: 好得意，又食又拎。好扺食，聖誕大餐，會再食！…Read More