tasty_tiffany's Profile

朋友仔話想食韓國野、銅鑼灣，唔洗諗即刻搵左dodam chicken! 記得之前同朋友食過觀塘分店，已經覺得好高質，炸雞唔厚粉，夠味又夠嫰。另外，海鮮煎餅都係必叫之選，料多而煎得好香口同好脆，食多幾塊都唔會覺得漏。芝士蛋捲就無乜特別，但都係煮得岩岩好，唔會覺得個蛋好老。第一次黎銅鑼灣分店，唔算好多人，啲位都算坐得舒服，而且人手好夠，基本上一叫都會有人黎🤣🤣不過相比觀塘分店，佢個海鮮煎餅唔夠熱同埋林左🫠🫠但其他野黎講都保持到…Read More

一直都有聽過海防道既熟食市場，但由於尖沙咀實在有太多食店，加上商場林立，好多時都會遺忘左呢個熟食市場。今日下午茶時間終於諗起佢，係賣花區行入去，唔係好見到，問完人先知原來要行入啲。原本我地係想食沙爹牛既，但係初黎報到完全唔知要點搵位同叫野食。下午茶時段，坐無虛席，見到有位就坐低左，先知好似坐左食牛丸麵果間。緣份到了，咁就叫左碗牛丸麵、「新嘢」同凍奶茶。牛丸真係彈牙爽口，有牛味，好食😋！「新嘢」即係多士牛油同杯凍奶茶都係普通貨色😂😂…Read More

Lunch 時間，特登行過嚟一試佢嘅酸菜魚午餐🤓。一個人叫咗個酸菜魚白飯，配菊花蜜，承惠$70免加一。酸菜魚個碗就好大，但食咗兩啖已經冇乜魚，個味都唔係好夠，唔酸唔辣咁，另外啲酸菜係好老有渣嗰啲，如果唯一優點應該係夠熱😅😅。以午餐來講，呢個價錢偏貴，食完都唔覺得好飽。不過環境來講，都叫坐得幾舒服，如果同同事嚟嘅話，都可以間唔時黎食吓嘅。另外，呢間餐廳已經用咗電子落單，所以服務上都冇乜特別可言。🤣…Read More

喺觀塘做完嘢之後，想搵間餐廳飲杯嘢，見到呢間pancake店啲位好似幾舒服，就入去坐低咗。叫咗兩個pancake，一個係tiramisu 、一個係士多啤梨pancake。因為價錢都唔平，平均一個都要八九十蚊，加埋一都要舊水🤑🤑。另外嘢飲仲要冇餐跟，都要成四五十蚊杯。留意返有最低消費，每枱最少要一款食物同飲品好似係。價錢唔平，但佢嘅味道真係唔錯，士多啤梨pancake唔會有種死甜嘅感覺， Tiramisu 又唔會有好漏嘅感覺，同朋友嚟食吓嘢傾吓計都算係一個唔錯嘅地方。👍🏻👍🏻…Read More

幫襯左紅橋好多年，而家多咗去試唔同嘅新餐廳，都有好幾年冇幫襯。今日喺旺角諗住食個下午茶，行咗去寵物街嗰邊，諗住去食虹橋，點知原來間分店執咗，搬咗過去太子花園街嗰邊。特登行到去太子嗰邊，喺門口已經有幾台人喺度排緊，相信紅橋都係唔少人嘅不二之選。等咗一陣好快就安排入座，不過同以前一樣，寸金尺土，啲位都仲係好逼夾夾。我哋分別叫咗個蝦多士配炸蠔沙律、同埋日式炒烏冬配凍檸茶。蝦多士同以前一樣都係咁好味😋沙律係配麻醬唔會差得去邊，炸蠔都幾大隻，不過唔知係咪凍咗有少少少腥。日式炒烏冬啲料唔算好多，但係夠味！…Read More

係香港食Burger 除左連鎖快餐店，普通餐廳閒閒哋都要過百蚊仲未包嘢飲。呢間位於小商場嘅漢堡包鋪，價錢大概$40-60蚊，另外配套餐+$20，質素甚高，平時想食Burger，佢一定係不二之選😆👍🏻👍🏻👍🏻今次試左四式芝士漢堡配洋蔥圈可樂、牛油果醬炸軟殼蟹漢堡配洋蔥圈，黑松露蘑菇湯。之前都係食開加勒比海或者至尊漢堡，今次諗住試吓新嘢，點知都係覺得加勒比海同至尊漢堡好食啲。四色芝士味道好濃，食落有啲漏；牛油果醬有種好Fresh既感覺、個炸軟殼蟹似係凍左，味道普普。兩個餐都揀咗配洋蔥圈因為佢嘅洋蔥圈真係好出色，同埋好少何可以配洋蔥圈，通常都只係可以配薯條。第一次叫餐湯佢個餐湯其實都唔錯好濃嘅黑松露味，同埋都有啲蘑菇粒粒足料😋…Read More

平日午餐時間，舊上司一早book左兩位。十二點半左右去到，未係好多人。餐廳間隔好闊落，好岩同朋友食飯傾偈。以酒店價格黎講，lunch set 大概$350起，價錢算合理。我地分嘢叫左壽司定食同銀鱈魚定食，有前菜，刺身同主食。因為朋友唔想食刺身，可以轉做天婦羅。今日前菜係日本蒟蒻，唔係好岩食😅😅天婦羅好脆，食落完全唔覺有層粉，好似生炸咁👍🏻👍🏻銀鱈魚入口嫰滑，壽司新鮮。最後仲有一碗稻庭烏冬。整體環境、服務、食物都非常滿意。…Read More

近幾年既開年飯、團年飯都係係名門食，因為就老人家方便，係葵芳地鐵站一出就係。另外，後生仔又可以去葵涌廣場行街。不過味道就真係普普通通，果日訂左三枱，$3998，包酒水。唔知係咪位置問題，完全無冷氣，又熱又焗，已經係冬天時間。菜單：中華沙律乳豬燒肉油雞拼盤翡翠雙蚌髮菜蠔豉扒生菜炸沙律鵝掌花菇小棠菜海皇羹蒸東升斑鮑粒炒飯伊麵馬拉糕對比之前，今天既味道真係麻麻地。髮菜蠔豉嗰碟同鵝掌花菇嗰碟基本上差唔多😅😅炸沙律直情成碟都無人食😅 炒飯味道可以，馬拉糕夠熱😂😂希望下年會好味啲 …Read More

係屯門已經搵到唔知食咩好，見到呢間有油渣麵又有串燒，今晚唔係好肚餓，就落去試一試。油渣麵係幾好味既，無食開唔知佢係有套餐，油渣麵配兩串串燒加炸餃加野飲。串燒，施華力腸燒得有啲燶，有啲都要咬走佢，另外有串豚肉係唔熟既，同侍應反映左，佢都有道歉話同廚房講返😅😅不過都見有好多熟客幫襯，宵夜都算係一個好地方，佢可以開張枱係鋪後面，成班朋友吹下水，啲員工又好有禮貌😼下次我應該淨係會叫油渣麵🤣🤣🤣…Read More

呢一間位於元朗車房隔離既Omakase, 老實講第一次黎到既時候見佢係車房隔離，心諗得唔得架🥶🥶最後我竟然先後食左三次，好彩佢開係車房隔離，價錢先做到比較優惠😛😛2022年既1月1號同今年既1月1號都Book左，2022年第一次黎食，師傅話一月一食好啲，lunch都有白子食，所以今年我地都book1月1睇下有冇驚喜，不過今年就無白子，但係水準都仲keep到！係日本食既Omakase係江戶前，無香港咁多花臣野，同埋係日本聽唔明師傅講咩，都係中意係香港同師傅多啲互動同聽佢介紹下啲食材。呢度既師傅都好Nice🤭嚟前菜既牛蒡好味，想自己買一袋返屋企食黑松露茶碗蒸其他看圖識食🤣🤣…Read More

而家既西餐愈黎愈貴，普通叫個意粉都收你百幾蚊，有啲仲唔包餐飲🥶🥶太子呢間西餐出名抵食👍🏻👍🏻套餐主食連前菜、餐湯加餐飲都只係$60-$100，仲要味道唔錯，性價比高！前菜餐湯都係正常發揮🫡馬來咖喱燴牛肋肉，咖喱味濃加上炆到牛肋肉好淋，易入口，配飯一流！😋😋肉眼扒配意粉，肉眼扒肉質以呢個價錢黎講算唔錯，黑椒汁唔會太咸，配上去味道岩岩好。一百蚊樓下可以食到呢個質素既西餐，講真真係好抵黎，服務態度又正常，成個環境都舒適既！…Read More

傳統得黎，面門又乾淨企理既中式新派糖水舖！😎😎好食既糖水舖愈黎愈少，多左好多食台式芋圓既，想搵中式鋪一係就門面比較舊，一係就逼夾夾咁😕，坐落去就想快快脆食完走人🏃🏻。海記新裝修，既有傳統中式糖水又有新式甜品，坐位空間足夠，好岩幾個朋友仔坐低傾下偈。椰皇燉鮮奶同冰青白玉（即係西柚什果小丸子西米露）正常發揮，價格都合理！旺角有兩間分店，同朋友食完飯，想續攤，大家可以考慮下黎海記食個糖水😋😋…Read More

Gogomall 入面好多野食花多眼亂，唔知食咩好，朋友推介馬拉公公，決定一試。Food Court 格局，啲位都坐得舒服同乾淨。兩個人叫左海南雞飯同白咖喱滲滲，海南雞真係馬拉果款海南雞個醬同平時食開泰式既唔同🤣🤣，雞下面鋪左芽菜底，啲芽菜好粗好有口感，不過美中不足既係佢配白飯，無得配油飯，唔知係咪馬拉海南雞係配白飯呢🧐🧐白咖喱海鮮滲滲，湯底夠濃夠入味，整體黎講都算唔錯👍🏻去GOGOMall搵食既朋友仔不妨考慮一下🤓…Read More

第二次幫襯，冬天凍冰冰，食個醉雞暖下身，著少件衫都唔怕凍🤭🤭點知太晏黎到，八點幾九點已經賣晒飯，唯有配粉面。我覺得配飯可以連湯一齊食埋，好味啲🫣今次叫左砂窩雞湯翅米線同砂窩醉雞湯瀨粉，兩個都係熱辣辣滾住上枱，急住食真係會焫襯個嘴仔🫢，雞唔會覺得老，醉雞夠酒味，第二次食都覺得好味呀！仲叫左醉肝鮑，好味喎個鵝肝😋😋鮑魚正常不過呢度只收現金，對於而家身上無現金既我，黎之前都要去禁一禁錢先🤣🤣另外，食完之後覺得個口有啲乾同口渴🫢🫢…Read More

平日夜晚Book 左位，6點半去到入面一枱人都無，都有少少擔心中伏，不過唔排除係個鋪位位置再加上平日關係，先無乜人😅😅😅安全起身，一開始我地叫左兩個最多人推薦既野食，泰式燒牛肉同泰式冬陰公湯粉絲。泰式燒牛肉，肉質同口感都好好，配埋個醬汁，好味，價錢都係一百蚊左右，唔貴。另外，冬陰公湯粉絲，粉絲索晒啲冬陰公湯好入面，但係個冬陰公湯就唔係正宗既，偏向港式，唔係好夠泰式香料味😂😂見呢兩款都正常，我地再叫左泰式酸辣鳳爪沙律同青咖喱雞加薄餅。酸辣鳳爪沙律正常發揮，青咖喱就麻麻地，有啲似茶餐廳果啲咖喱😅😅…Read More