lisiuming's Profile

日前某大百貨公司感謝周，同朋友仔去掃貨之前，梗係要醫下肚仔先。今次就去左就腳嘅冰室，食返個靚早餐先。 吉列魚柳。丹麥多士。火腿奄列。腸吉列魚柳大大塊，外脆，入面唔會炸到太乾，充滿住蛋白質。香草蒜蓉多士烘得香脆，強烈嘅香草蒜香。火腿奄列，蛋唔會太老，包住一條條火腿，亦是正。然後雞肉腸就正常發揮。 咸牛肉滑蛋丹麥多士三文治份量比想像中大好多，首先丹麥多士係比平時多士厚，三文治，即是有2塊，結果堆到勁高。咸牛肉滑蛋夠味，唔會炒到過火，夾埋一齊很好吃。唯一問題係d 蛋會跌到周圍都係...但哩個係我技術問題。 全日沙律餐吞拿魚蛋沙律很足料，塊扒唔會韌，又夠大塊。奶油豬很香脆。煎蛋脆邊，正常發揮。…Read More

近排全運會，成個啟德都好熱鬧，行開附近就揀左間靚靚日式餐廳試試佢。 四品牛魔御膳四款唔同部位，有翼板，牛柳，殼飼西冷同埋醬味薄牛。一份份砌埋，氣派十足! d  牛炸到三至五成熟，怕太生的話， 另外有塊鐵板比你燒到想要嘅熟道， 認真貼心。食落口每個部位軟硬，肉味以至肉汁各有特色。配上不同嘅醬汁，包括燒肉汁，柚子醋 椒鹽，辣味噌同埋咖哩汁， 就算食咁多塊炸物，都可以轉轉口味， 值得讚！ 季節限定 - 銀鱈魚二食御膳二食分別有燒鱈魚，同吉列鱈魚。 鱈魚大大塊，食落有油香而香滑。吉列就香脆，燒就魚味更出， 都是很好。 季節限定每隔幾個月就會轉一次，下輪大概到聖誕。沖繩黑糖雞蛋布丁蕉糖化的黑糖，香微苦，襯落香甜嘅雞蛋布丁好夾。布丁滑得黎份量十足。 草莓小豆雪糕三文治有草莓，有甜的豆泥再加埋炸三文治夾住雪糕，擺得靚，食得開心。 …Read More

同朋友行完街，想飲夜茶，上網見到哩間餐廳靚靚地，就上左去。環境唔錯，裝修都有特式。 有得嗌菊花茶，很高興。 豉汁排骨蒸陳村粉即叫即蒸，熱到出哂煙。 排骨很滑，夠味。陳村粉小小煙韌，吸哂排骨味，是正的。 龍蝦湯鮮竹卷望落好靚，食落都喜出望外。鮮竹卷炸得香脆亦很掛龍蝦汁。龍蝦湯有味又唔會搶左鮮竹卷味。 金牌脆皮乳鴿王見我地兩個人，自動一開二，很細心。乳鴿炸得超香脆，又夠底味。脆到薯片咁，很是誇張。連骨都就黎食到。 精選燒賣拼盤有張紙寫住咩色係咩味嘅燒賣，一格一粒燒賣，幾靚。 口水汁龍利魚腸粉腸粉很滑，魚肉亦滑，唔會腥。口水汁香得黎不會太辣，啱啱好。成個配搭很夾。…Read More

今天去了德福行街買東西，走得累看著門面不錯，就去了間泰國餐廳。 先飲杯泰式奶茶，甜甜的，茶味濃，不錯。朋友的香茅蜂蜜，很香。 泰式青檸燒牛肉沙律泰式沙律有蕃茄洋蔥等。甜酸辣很是清爽。燒牛肉不會老，有燒過的炭香味。沙律內很多燒牛肉，很開心。 沙嗲串燒雙拼3串雞3串牛雞燒得有焦香而且很嫩牛不會柴，亦很香口沙嗲醬甜甜小辣有花生很香口，不錯。 經典泰式肉碎生菜包肉碎比想像中多，小小辣，炒得很香口。唐生菜爽脆，配上肉碎很香口 冬蔭功湯金邊粉配烤雞髀首先烤雞髀，雞皮烤得脆，雞髀不會乾，醃得入味，很好。冬蔭功湯很香椰子味，是偏甜的湯頭，金邊粉q彈而掛湯，非常好。 泰式甜品拚盤有千層糕，椰汁糕和西米糕兩個人每人一顆，香甜q彈，是正常的味道。 總結兩個人很多東西吃，不用5百元，很高性價比，很好。 …Read More

今日同朋友去完修頓睇籃球比賽，見到附近有間台灣菜裝修幾靚，就入左去，嗌返幾樣野一齊食。蒜醬油麥菜大大份，菜新鮮青綠，蒜醬剛好不會太咸。鹽酥雞一份有五大塊，炸得香酥而不會過咸，內有肉汁，不錯。麻辣鴨血冬粉想吃鴨血，不了心就下了單。鴨血正常發揮，辣度適中，冬粉份量足夠，是不錯。青花椒香手撕雞乾拌麵麵質Q彈，微微花椒麻香，雞絲亦不會太乾，吃起桃很香。招牌紅燒腱心牛肉麵手工麵，大大塊，長長的，非常Q彈。用十多種香料精製的牛肉湯，喝起來層次十足，和香港一般的台式牛肉麵湯很大分別。 有三大條牛肉， 很軟滑，不會柴， 十分好。台式綜合豆花配料十分足，有紅豆，綠豆，芋圓，薏米，配上豆花，夠甜，不同配答吃起來不會膩，非常好。芒果QQ芒果粒粒，椰果，和其他吃起來qq 的，很有咬口，喝起來也很清爽…Read More

有日同朋友搭船去黃埔，落完船搵下有咩食。行行下，去左酒店入面嘅美食廣場。 行左一個圈，朋友揀左海南雞飯，咁我就同佢食同一間啦。 海南雞飯一人餐一人餐入面包左一碟菜，一碗足料肉骨茶，一碟雞，同一碗飯。可以揀白飯或者油飯，咁我就梗係揀油飯啦。 油飯夠味而且粒粒分明，唔太油，亦唔會乾，是碗整得好嘅油飯。 生菜就正常發揮，唔會煮過火。 肉骨茶超足料，仲有勁濃的當歸藥材味。 海南雞最重要的雞，嫩滑有汁唔會鞋口。如果想食濃味，有黑豉油，蔥油同辣醬可以蘸。 最後仲有包啫喱仔做甜品， 係幾有趣。 朋友就嗌左海南雞喇沙喇沙聞落好香，而雞同我果碟份量差唔多，水準相若。 最驚喜係有live band, 食住飯，聽住歌， 體驗幾好。…Read More

新派 一家上海菜 經過筲箕灣新商場，見到有間餐廳裝修幾特別，睇真d ,,係米芝蓮推介！仲要係連續幾年！就入去試試。 前菜紫洋蔥涼拌苦瓜海帶絲酸酸辣辣，甘甘地，入口又爽爽地，突顯到紫洋蔥嘅甜，五味俱全，是特別的。 小籠包包得好靚，皮簿，餡靚，亦多汁。肉汁香甜，是正宗上海菜的小籠包。 一家蔥油白切雞以為係普通蔥油雞，就大錯特錯，一家嘅蔥油雞，蔥多到成碟到係， 又唔係太咸，搶左白切雞嘅味。白切雞亦煮得剛好，肉不會老。 一家三絲拌冷麵天氣熱熱地，最啱食冷麵，有好幾款汁料可以自己配搭，有醋，豉油，辣油，同胡麻醬。我是胡麻醬派，友人是辣醋豉油派， 自己撈自己果份，唔使爭。 高力芒果奶皇高力豆沙就食得多，芒果奶皇真係冇食過。外層蛋白炸得金黃又彈牙。內餡唔會太甜，吉喜歡甜d 可以自己另加糖粉。 最後特飲兩杯上梅餐有特飲，其實係幾特別。…Read More

深宵旺角好燒式 近排要食宵夜都唔係咁易，好多餐廳早早就收鋪。 今次行過見到哩間開到差唔多凌晨3點，咁就食到幾夜都唔驚。 人已老，野食都唔敢嗌太多， 係咁易嗌幾串串燒過下口癮， 傾下計，開開心心。 安格斯牛肋串有肉汁，牛味濃，香口，唔會韌，幾好。 鹽燒牛舌心是真牛舌心黎， 質地淋滑唔會硬，好重牛舌味，亦燒得香口 雞軟骨，雞腎串正常發揮，都是香口野 燒雞髀大大隻，連皮燒，燒得香脆，又唔會乾，是正的。 燒鴨舌串第一次食，脆脆地，幾得意，一串都有好多條 牛油粟米一開二，兩個人分啱啱好。  燒粟米，又真係燒得好食過我自己燒。。。 原條蒜蓉燒茄子大大條，勁多蒜，辣辣地勁惹味，又是推介 厚燒玉子其實都幾大舊， 整完玉子燒，又要再拎去燒， 是好工程， 但其實是好食的。 串燒豆腐串到脆脆地， 香口，又係好食 墨西哥簿餅芝士雞肉估佢唔到咁好食， 勁多拉絲芝士，雞肉唔會難口，醬汁香濃，其實想encore,又怕食太多，慘。 低溫去骨燒乳鴿皮脆，肉嫩，起埋骨，啖啖肉， 仲可以有咩要求? 鹽燒白鱔燒得香脆， 魚有魚味，但唔會腥，唔錯。…Read More

皇室堡入面餐廳都唔少，同朋友行行下見到裝修唔錯，又有花，又有噴水池。氛圍高尚典雅的西餐廳，就入左去試試。 我地被安排個位有一大隻熊公仔，又有靚花，啱哂打卡。既然打卡，就食個靚靚火炎牛扒二人餐。 巴馬火腿凱撒沙律新鮮的生菜拌上凱撒沙律汁，有脆脆地多士粒同埋火腿片，估唔到沙律已經咁高質。 忌廉南瓜湯南瓜打成蓉，好creamy，入口很舒服。多士亦有味，很脆口。 招牌龍蝦湯雖然要加錢，但濃郁的龍蝦味，靚靚嘅賣相，已經值回票價。干邑火焰牛扒  8安士平鐵牛扒即席點火嘅火炎牛扒， 打卡一流!燒埋d 香草， 令到牛扒旁彌漫住淡淡香草香氣。五成熟嘅牛扒超淋！ 鮮嫩有肉汁！有微微的焦香。勁正！ 蟹肉意大利瓜番紅花意大利飯意大利飯煮得剛剛好，香濃，米有咬口但唔會太硬。入面伴有絲絲蟹肉，滿足感十足。黃色的飯加上紅色的蟹腳同埋黑色的脆炸魚皮， 賣相滿分！ 結論食物出色，環境亦有特色。…Read More

日前行過佐敦白加士街，見到間有間鋪頭生面口得黎又好多人，咁就膽粗粗入左去。 一坐低，竟然就送左杯豆漿比我..真係估佢唔到！ 蟹黃生煎包首先，生煎包煎得金黃，咬落香脆，係正路嘅生煎包。 然後，咬落去，肉汁多到咇出黎，有好濃郁嘅蟹黃鮮味，鮮甜得黎唔會腥。成個配搭是十分正。 原味上海小籠包一籠有4個， 湯汁飽滿，皮薄餡鮮。輕輕咬開皮，湯汁流出黎，很是彭湃。 招牌炸豬扒拌麵+一個生煎包是個套餐黎，炸豬扒香脆唔會柴，很是入味拌麵幾彈牙，汁醬香口唔會死咸。生煎包是原味，煎得香脆有肉汁其實幾抵食…Read More

成日答車經過筲箕灣, 都見到哩間餐廳, 門口好特別好有特色今次終於約到朋友同我一齊試星期六早午餐, 款式都唔少難得星期六, 梗係嗌杯特飲先越南椰子咖啡椰奶+ 雲尼拿雪糕, 再倒濃縮咖啡入去, 濃濃O既椰奶加埋咖啡, 其實係好夾雲尼拿雪糕同咖啡一齊食, 又係另一個口感, 是正的pineapple hat, 直譯就係菠蘿帽特飲一大片菠蘿係杯特飲上面, 好似一頂帽咁, 望落有趣菠蘿上面仲要有燒過O既脆脆焦糖, 靚得黎,好味餐湯+ 煙三文魚沙律黃金南瓜湯, CREAMY, 溫和, 飲落好舒服煙三文魚大大片, 沙律菜都好新鮮 多士是脆脆的全日早餐 有紐倫堡豬肉腸,煙三文魚, 炒蛋, 牛油果, 薯餅同埋牛角包擺碟靚, 已經好足夠打卡炒蛋滑, 濃郁, 牛角包香脆, 另有果醬, 酸甜開胃牛油果夠熟, 滑軟唔會硬 加加埋埋好滿足安格斯手打漢堡+ 薯條有一大堆薯條, 係超脆果隻薯條, 正漢堡就超乎想像,首先個皮有牛油烤過, 係脆脆地的, 已經有誠意流心煎蛋+ 芝士切落去, 打卡一流煙肉同洋蔥炒過好香口漢堡扒有牛味, 唔會鞋加加埋埋好夾, 食落好滿足…Read More

日前接朋友放工, 係炮台山想搵D 平平地O既餐廳食, 見到間茶餐廳裝修幾靚咁, 就入左去D 野都幾多款下, 小食都幾吸引, 就嗌左幾樣野黎食唐揚魷魚酥炸得鬆脆, 入面炸粉調左味, 是夠味的蜜糖芥末韓式炸雞本以為係炸雞塊, 點知係成塊雞扒咁大係意料之外, 份量十足胡麻牆軟殼蟹沙律軟殼蟹又係炸得脆脆, 沙律亦好新鮮, 配胡麻醬亦是很夾牛板腱火山烏冬(黑蒜豚骨湯)石鍋+ 滾湯+ 生牛肉可以浸熟D 牛牛肉唔會過熟, 有牛味有口感烏冬彈牙, 湯頭有味, 幾好轉套餐有野飲, 湯, 前菜,同埋酸種麵包其實都幾抵再EXTRA 轉特飲熱情果多多梳打酸酸地, 有汽, 幾開胃朋友的話梅柚子蜜糖梳打…Read More

日前行完太子果堆建材店， 想搵野食，見到間餐廳氣氛唔錯，就入左去。裝修氛圍幾有情調， 啱哂情侶靜靜傾計最後嗌左15安士安格斯prime帶骨肉眼另加半隻芝士龍蝦，蟹餅，同埋滿滿蜆肉蝴蝶粉。嗌杯雞尾酒, chill下先。青蘋果莫希托，有清新嘅青蘋果片再加清爽嘅薄荷， 飲落好舒服，解油膩一流。15oz 嘅牛扒真係份量十足， 煎得香口，有肉汁， 唔會太韌嘅牛扒，啱哂我口味。外加嘅半隻芝士龍蝦，芝士夠，焗得香口， 龍蝦鉗大大隻冇花假。龍蝦肉爽口唔會梅，是隻新鮮好龍蝦。滿滿蜆肉蝴蝶粉果然有滿滿嘅蜆，d 蜆仲多過d 粉咁濟...好難想像如果嗌左兩倍蜆肉會係咩效果。啖啖蟹膏蟹餅就真係有驚喜擺碟靚，打卡一流，煎得香脆，有一梳梳蟹肉同啖啖蟹膏味， 是正的…Read More

難得星期六，就同朋友去食下好野開心下。見到間德國餐廳好熟口面，就入去試試。 唔怪得知咁熟，原來係以前美利樓果間，我印像中豬手同德國腸都係必食， 今次又試試佢先! 原來星期六日係食半自助早午餐，揀一個主菜， 然後其他野可以出去自助拎。極高性價比。 湯+麵包甘筍忌廉湯入口軟滑，配埋洋蔥包一齊食 好夾，其他包都好好食。 沙律吧有唔同種類嘅沙律，包括雜菇沙律，蘋果沙律等各種沙律菜， 主菜餐牌都有得嗌， 依家有得食，幾抵 凍肉盤+凍海鮮有凍蝦同青口， 青口幾鮮味，唔落醬都好食。巴馬火腿就正常演出 熱盤有烤簿餅，德國香腸，鱈魚扒，蛋餅等其實都好豐富。其實淨係食香腸已經值回票價。 主菜方面， 兩個人，就嗌左德國脆皮豬手(2人份) 豬手大大隻，啱哂打卡。佢仲會幫你切埋。入面仲有薯角同埋酸椰菜，係正宗嘅德國豬手擺盤。豬手皮脆卜卜， 入面有肉汁，又唔會太咸， 係出奇地好食，送啤酒一流。甜品甜品選擇都唔少，有布丁，朱古力撻，鮮果同檸檬批等， 每樣都高質， 直情係酒店水準。總結抵食，德國菜，高質…Read More

某日係SOHO 區見到巴西日本FUSION 菜已經想試, 今次就同朋友一齊試下先!主廚餐牌有分七道/ 五道菜, 前菜是SHARE 的, 而主食就每人一份, 咁我地就食豪D, 食個七道菜餐牌!首先就嗌杯野飲先! 我就嗌左okinawa drift. 杯drink 有淡淡O既咖啡味, 甜甜地, 幾易入口之後店員就逐道逐道前菜咁上, 首先係三文魚刺身配柚子汁同埋老虎奶配白身魚刺身刺身好新鮮冇腥味。配日式O既汁理所當然地好食, 但估唔到用南美O既老虎奶都出奇地夾, 可能哩D 就係FUSION 菜O既魅力!之後就到烤椰菜花, 椰菜花固然係烤得香, 但加埋亞馬遜香料就更上一層樓, 風味與別不同然後就到香炸木薯芝士粒,聽個店員講,哩個係巴西傳統小食, 食落去就好似炸西米糕, 有D 芝士香味, 香口得黎幾有趣之後就係日式炸雞, 炸得外脆內有肉汁, 亦是喜出望外到主食, 我就揀左烤牛柳5成熟, 朋友就嗌左慢烤美式乳豬肋條牛柳烤得香口, 有肉汁, 柔軟得黎唔會過熟, 旁邊O既木薯蓉連埋D 汁一齊食很軟滑烤豬肋條分量十足有菠蘿做配菜, 而旁邊小碟的燒烤醬亦有淡淡菠蘿味豬肋條軟得黎, 很入味,  唔使加醬都夠味就咁用叉已經可以撕開D 肉, 十分正最後就係是日甜品有木薯撻同埋芒果雪杷兩樣野分開食已經好好味, 配埋一齊亦非常夾…Read More