搵野食小王子's Profile

睇咗唔少食評都話呢間餐廳氣氛好食物又唔錯，終於搵到機會嚟啦，其中特別想試嘅呢就係佢哋嘅美國牛肋骨肉。頭盤叫咗田螺，同埋焗金文畢芝士。田螺嘅話印象中無咩特別。焗金文畢芝士就配上無花果醬，第一啖食係幾好味，但係食咗兩啖就覺得有啲膩啦，個人認為如果想主打食牛肋骨嘅話就唔使嗌呢個啦。之後就到咗好期待嘅龍蝦湯啦（因為我太鍾意飲龍蝦湯🤣）。職員即場咁樣去烹製呢個龍蝦湯，不過我就覺得表演性質比較重啦。湯嘅話味道係OK嘅，不過呢如果可以做得濃稠啲呢咁就更加好啦。主菜叫咗慢煮鱈魚，係全餐最好食嗰樣嘢。份量望落去比較精緻，但其實食落因為魚嘅油分都比較重，所以其實啱啱好。最後終於到咗嘅期待已久美國牛肋骨，嫩滑嘅部份真係非常嫩滑，可惜有一啲位有筋，咬咗好耐都係要放棄吐返出黎。同餐廳職員傾咗幾句，其實聽得出佢哋對佢哋呢個招牌菜好有信心，不過可能我唔識食啦，又或者咁啱切出嚟呢一舊係比較差少少，我就覺得比較一般。值得留意嘅係叫一份嘅份量都非常之大，落單嘅時候真係要好好考慮食量唔好浪費食物！最後疏乎厘收尾，味道就正常啦。整體嚟講其實食物我就覺得比較一般啦，餐廳有好多菜式都會即場咁樣烹製，個人認為表演性質真係比較重，如果可以將心思放返喺食物本身嗰度，我相信餐廳可以做得更加好。不過值得一讚餐廳嘅裝修同埋環境真係非常唔錯。如果鍾意有情調嘅餐廳，相信呢度符合到你要求！…Read More

近日為朋友慶祝生日，選左呢間意大利菜試試佢。坐低先有麵包併盤，麵包就正常啦，重點係醬既小心思。食左陣之後就上左前菜，tartare幾開胃，Octopus配兩種醬汁食落唔悶🤤食完無耐就上左pasta，蜆肉果個幾鮮、卷卷意粉重味食落夠邪惡！食完好快又上左今餐既主打 - 原條藍鱈魚！完全搶哂pasta既風頭。上枱前係咁：好快餐廳既人就將佢起肉上，仲有提醒會有細骨。第一口食落真係有驚喜，調味唔會過火，食到魚本身既鮮味。食到尾段主廚出黎傾左幾句，相信餐廳對呢道菜信心十足，而朋友同我食到一d都係淨，主廚都知道我地相當滿意😂食到中間其實仲叫左檸茶飲，上既時候發現冰塊係茶冰，配合濃茶由頭飲到尾都冇淡到，估唔到茶水都有驚喜！最後甜品收尾，tiramisu果然名不虛傳🤤總結，係一個意想不到既用餐體驗。其中藍鱈魚絕對要叫（散叫/ dinner set都可以加錢轉）。過去一年都冇特別再寫食評，不過今次餐廳由餐包、前菜、主菜、甜品，什至檸茶都咁有誠意，加上上菜前職員都有用心介紹各樣菜式，唔單係主廚（後尾發現係剛上任既新主廚），餐廳上下都比人一種有heart想做好餐廳既感覺，如果keep住呢個水準，相信會有更多棒場客…Read More

係荃灣行左半日唔知食咩好，係商場水牌見到呢間好似幾特別於是黎試試去。入座後發現餐廳播住7-80年代既日本音樂，放滿左黑膠唱片封套，裝修感覺有日本洋食屋既感覺。至於食物呢，選擇係pizza、意粉、燒雞、牛排等等既西餐野食。最後選左燒雞同比目魚。燒雞準備時間比較耐可以理解，不過比目魚都等左比較耐先上菜。食物味道算係中規中矩，份量都適中。食到咁上下就想點埋杯餐茶啦，由於唔想飲茶啡，而佢又勁大罐阿華田放左係到，所以就諗住叫杯凍華田。點知店員話我知呢到係無華田的，比左drink menu我再選。好戲黎喇！店員又好mean咁加句「呢到唔係茶餐廳。」可能店員會覺得係呢間裝修風格咁洋風既餐廳叫華田係搞事，但佢有冇需要咁講野呢？（而餐廳又咁大罐華田放左係到？）最後叫左「凍柚子蜜」，味道好淡。建議餐廳可以加返華田落drink menu啦（笑）。想講，其實培訓員工方面真係可以落返d功夫，員工既態度絕對會影響用餐體驗，做唔好就浪費左咁好既裝修同唔差既食物了，可惜。（餐廳放既呢罐，係用黎做甜品，定係員工私伙野呢？）（埋單$400鬆d，唔貴但亦唔平。）…Read More

除左牛排，壽司亦都係我成日會想食既野。又有過江龍黎香港開分店wo，緊係要去試下啦！本來係同時拎左另一間壽司店既飛，不過新屎坑最後都係選左呢間！壽司未到，就睇下調味料有咩野，佢又幾多選擇架wo，仲有減鹽既醬油tim 🤓等左一陣，壽司就黎左喇，食左幾款都係冇咩魚味…海膽仲好腥下Tim…好啦，唯有轉一轉叫d特別d既！但係都係冇咩味，其中富士山軍艦，望落還好，食落有d凍🤪最後叫左芝士薯條，食落口，太油喇！食左兩條，就放棄左。甜品眼見個樣好似OK，不過我就冇信心試喇😅Overall 環境唔錯，員工都有禮，但食物真係好麻麻，有好大進步既空間！…Read More

作為食肉獸，一向對扒房冇咩抵抗力。野食黎講，味道同埋菜色既選擇，算係幾滿意，而其中既龍蝦湯，我覺得幾有記憶點，係少有飲完會記得既味道。主菜點左龍蝦尾配牛柳，一次過滿足兩個願望。龍蝦尾如圖已經起左肉出黎，方便進食；牛柳medium岩岩好。訂位時列明左係慶祝生日，餐廳有係menu印上壽星既名，而menu亦可以拎走，係幾特別既安排！成餐都唔錯，美中不足係上甜品時漏左甜品既生日裝飾，不過店員都有拎返甜品去補寫happy birthday，算係咁啦！Overall 餐廳食物有水準，如果去記得一定要叫龍蝦湯🦞！…Read More

幾個同事係太古城附近食lunch，難得行得遠D，又見到呢間新開cafe即管試試佢！午餐只有幾款選擇，大家叫左豚肉生薑燒定食，另外有同事叫左個沙律。豚肉生薑燒定食配湯同埋小小配菜，味道正正常常，豚肉唔係太有肉味，價錢接近過百唔包飲品小貴。（雖然係太古城附近。）沙律貌相好唔錯！聽同事講味道都可以接受。今次既正餐食物，我覺得打下卡就OK，味道就一般喇。Cafe 明顯主打coffee同埋雪糕，下次如果有機會再黎，應該都係飲杯野食下甜品就算。…Read More

第一次試瑞士菜，於是問左店員比意見，店員好詳盡咁介紹左唔同既菜式，仲提我地芝士火鍋份量有一個主菜咁大，叫一份兩個人share就岩岩好。前菜叫左crabmeat pancake，入口軟滑creamy，仲啖啖蟹肉🤤另外仲叫左Escargots，不過我就覺得就一般般喇。到左期待既芝士火鍋，選左加入左煙肉碎既Fondue Montagnarde，除左芝士味仲好重酒味，岩哂重口味人士😏主菜叫左Cordon Bleu，店員話呢款炸豬排係瑞士菜入邊其中一個有代表性既菜式。豬扒包住左芝士，另外再配上炸薯條，好邪惡！好在有叫左支Rose中和返下，成餐冇想像中咁油膩。最後上埋甜品Chalet Suisse，由於今次係同朋友慶祝生日，餐廳有按要求係呢個甜品加上生日牌仔，仲幫我地手影左相留念（btw影得幾好🤣）。可能之前係另一到既酒店餐廳慶祝生日，當時店員miss左呢點，搞到我有心理陰影啦🤣。話說回來，甜品係好睇，但味道就冇咩驚喜喇！成餐overall係一個幾好既用餐體驗，特別服務好到位，絕對對得住酒店個名！…Read More

黎得太古城，對佢既餐廳都有一定既期望。今次呢間望落個裝修好日本風咁，晚餐唔知食咩就試試佢啦！叫左幾串串燒、飯團同埋海鮮鍋。串燒都仲叫做正正常常，不過海鮮鍋就真係o咀喇🤣上菜果下以為係十年前去左快餐店食火鍋咁😂湯底係大路味精湯，食材就有眼見啦，就係普通到冇得再普通既野。食落就係快餐店既質素。（但緊呢個要$188再加一）串燒既肉冇咩肉味。因為店名叫幸福鳥所以有期望！所以最後就失望左喇！🥲最搞笑係佢個所謂前菜係要收每位$20。當佢收茶錢喇，服務又唔到位，茶杯吉左，有人行過幾轉都唔會添！呢間野下次真係唔好搞😂唯一要讚下既係店既裝修。…Read More

最近去多左steak house，今次呢間有令我想再去既感覺！今次叫左兩個special set menu，包括左前菜、主菜、甜品同飲品。前菜叫左牛肉薄片同龍蝦湯。牛肉薄片配合芝士、菜同多士，幾開胃！龍蝦湯係今餐最有驚喜既，濃得黎唔會太鹹。另外職員知道我地share食物，幫我地分左碟，抵讚！Ribeye叫左medium，用熱碟上，食得慢都唔怕會凍左。由於我地share，職員有另外比兩隻加熱左既碟（碟上有熱油）同埋刀具，亦有再三提醒碟好熱，服務真係比好多酒店餐廳仲要做得好！Filet 都係medium，配上松露，係重口味人之選！配菜叫左芝士焗薯同粟米。芝士焗薯係正常味道，粟米係新鮮粟米加入各種椒炒過，感覺幾新鮮。今次係慶祝生日，上甜品時職員有幫手影相，仲有一張相即時印出嚟比我地，職員影相時亦好用心。總結，食物由前菜到甜品都好令人滿意。味道未到好驚艷，但配合餐廳環境同埋職員貼心既服務，整個用餐體驗令人回味，係絕對會回頭既steak house！…Read More

食肉獸第2次黎Henry，今次用餐目的係興祝。入座後除左外套都覺得好熱，同餐廳職員講，佢地有即時調整返溫度。點餐前亦有主動問有冇食物敏感，上菜時餐廳亦有作調整。食物方面冇咩好挑剔，牛肉他他無論係用料同調味都好，同出面既他他有明顯唔同。黎到Henry就緊係要食牛排啦，叫左Tenderloin同和牛，兩份都叫左medium。和牛油脂豐富，但相比之下，我個人更欣賞Tenderloin，肉味濃，外皮燒到有d脆，肉心軟，必試。食物呢個價位交足功課，服務亦到位，但有D流於表現，未有令我feel like home既感覺。總結，係值得再去既餐廳！…Read More

又一過江龍燒肉品牌，終於搵到機會試喇！因為唔想諗直接order 左set。（留意返set係每位既價錢）另外叫左兩杯飲品，分別係乳酸燒酎梳打同埋蘋果乳酸梳打。味道合乎預期。先上左沙律同泡菜，幾開胃，泡菜唔會太辣。之後黎左海老、雞同牛舌。海老：有少少梅，較失色。雞肉：厚度岩岩好。牛舌：口感唔錯，味道幾好。到左主菜牛肉，總體質素高。（牛肉下面仲有兩款菇！）黑毛和牛特選小排（右下）油脂岩岩好。最有驚喜既係黒毛和牛赤身（左下），肉味濃、肉質嫩滑。其他兩款都唔錯，不過冇留下深刻印象。之後上埋海澡湯同石燒雞肉泡菜鍋飯。湯就正正常常；石鍋飯係另一驚喜，料足，石鍋夠熱，食到尾都係熱既！最後甜品係送既（唔叫餐都會有既）。味道冇咩得別，但擺盤做得好，為呢餐完美作結。呢餐總結係滿足既，食物同服務都到位。店有準備牛脂比客人開爐。呢點好重要、好基本，但唔係間間燒肉店都做到。成餐換左4次網，待應都好快手、亦有留意我地關左火，有幫我地開返，抵讚！如果鍾意日式燒肉，我作為食肉獸，誠意推薦呢間！…Read More

同一班同事黎食午餐，lunch set 有頭盤、意粉同埋甜品。味道、用料都足，食物同其他分店一樣有水準，呢個價位真係冇得輸。食物方面唯一挑剔係意粉比較偏硬身(不過都係個人口味不同）。今日前菜係Tuna Tartare，吞拿魚赤身配上牛油果、醃洋蔥同埋調味，感覺幾fresh幾開胃！主食意粉叫左辣豬肉醬扁麵，味道中規中矩。比起前菜，就比較普通喇。最後到甜品，大部分人都叫左Tiramisu，一如以往係水準之作。有同事叫左Espresso，不過聽佢意見就一般貨色喇。服務方面，添水比較慢，但午市比較多人，都可以理解。反而係等個主食就等得真係耐左D（我地食左大半，有同事都係未有野食）。開頭問左個講中文既經理只係hea左個「黎緊」，就好快行開左。好在有另一熱心既經理見張臺吉左大半，即刻幫我地follow up，抵讚！總結一句，二百蚊有找係呢區食到呢個質素，值！…Read More

星期日係MOKO唔知食咩好，見呢間有位就諗住試下啦！首先叫左個極上牛柳三文治，都預左係細件，不過就真係比想像中仲要細。味道方面，冇咩牛味，食到既都係醬汁既味道，係近年食過最令人失望既極上牛柳三文治。壽司方面叫左幾年，其中炙燒左口魚邊壽司真係細件到嘩一聲，食落仲要係冇味（因為實在太薄喇）。其他既食落都為冇咩味，同超市買既質素差唔多，唯一要講既係佢溶雪算做得OK。埋單加一後$519。總體係令人失望既。難怪放假既晚市都會walk in都有位。…Read More