hyperbec's Profile

二世祖唔係人人愛，不過呢間二世祖就好得人喜歡喇。事關野食真係好吸引，仲有樽特濃朱古力要試呢～一間有心小店，每款食物都整得好靚，全部都好繽紛。餐廳牆上壁畫都好靚🫶🏼避風塘魷魚鬚 HKD78炸得好酥脆，唔厚粉又好惹味。估唔到西餐都有得食呢個避風塘魷魚鬚，仲炸得好香口。自家製冬蔭功虎蝦闊麵 HKD158呢個闊麵好好食，冬蔭功好惹味但唔係嗆喉果種，酸度辣度剛剛好，仲有好多香茅🤩每條闊麵都有掛上汁👍🏻仲有兩大隻虎蝦，好吸晴。Fusion 得好成功！自家製芥末洋蔥醬炸雞窩夫 HKD148份量超大，一上枱就嘩左出聲，擺盤擺得好靚呀。窩夫好鬆軟，炸雞唔老仲好juicy🤩咸咸甜甜好match 二世祖特濃朱古力 HKD48簡直係招牌，因為基本上每一張枱都會叫。真係好好飲，極濃朱古力味但唔會太甜，質地好厚身又夠滑。…Read More

星期日同另一半好好食個午餐，揀左位於The One 19樓嘅海景餐廳食鐵板燒，邊欣賞海景邊享受食物。我地揀左套餐木犀（HKD728/位），係最近秋天嘅新menu🍁 .前菜三點一開始已經好豐富，有熟蝦醋物、日式炸豆腐、蟹籽蟹肉鱈魚乾。.紫菜蠔汁鮑魚用上四頭南非新鮮鮑魚做鐵板燒，重質亦重量，配上紫菜蠔汁確實帶出鮮味，鮑魚肉厚身，肉質嫩滑，而鮑魚肝亦經師傅處理過，放心食用。師傅煎到有小小焦香再加上鮑魚肝自身嘅濃郁味道令成道菜更有層次感。.桃味噌銀鱈魚西京燒銀鱈魚食得多，一般都會以白味噌作主調但今次師傅用左白桃再加西京麵豉打汁，做成銀鱈魚汁。從未試過呢個配搭，都幾有驚喜🫶🏼除左味噌之外，仲帶左一陣果香，比較不單一。.大蝦配蟹膏醬大蝦好肥美又爽口彈牙本身已經夠鮮味，另外配有蟹膏醬就更加可以提鮮更惹味，仲有脆脆嘅多士可以一齊食，口感非常豐富。.鵝肝牛柳/ 和牛 (+$120)一齊食嘅好處就係可以每樣揀一款，每一樣都可以試得到🤩鵝肝煎到外脆內軟，加埋黑蒜汁，入口即溶，非常出色，黑蒜汁有加分🫶🏼牛方面我哋叫咗七成熟，配黑松露汁。，和牛非常嫩，油脂分佈平均加埋炸蒜片就very good! 牛柳脂肪唔多但肉味夠濃，肉質有咬口👍🏻.黑松露和牛炒飯炒飯粒粒分明，夠乾身，配埋黑松露，香氣十足。.鰹蜆湯烏冬最後食啖熱湯烏冬結尾，好舒服。鰹蜆湯好清甜，非常滿足。.抹茶芝士蛋糕濃濃抹茶慕絲配上芝士餅，perfect match…Read More

好舒服阿～中秋過左，秋天要來喇。每朝早出門口都好有秋意🍁代表又到左食大閘蟹嘅時候喇。一年一次，無理由唔食啦。今次試左一向有水準嘅聚聚大閘蟹套餐，非常抵食。.清蒸大閘蟹（2隻公）套餐包每人有兩隻蟹公，每隻成五両重🫶🏼一開就爆曬膏，見到都好吸引！蟹膏晌口到慢慢融，好香！「九月圓臍十月尖」，而家食蟹公真係無錯！仲有小小白精，加埋薑粒醋食真係好完美，好滋味。.荔枝蕃茄伴沙律花枝卷 + 蟹粉小籠包冰鎮荔枝蕃茄好清甜多汁，好醒胃！花枝卷脆卜卜，入面充滿花枝！最吸精嘅蟹粉小籠包熱辣辣超多汁！.盞鬼濃蝦栗子湯個湯有surprise! 好濃🤩仲有好多栗子粒同帶子肉，喜歡佢有油炸鬼，吸曬湯汁，真係好盞鬼！.孜然手抓骨惹味豬髀仔，佈滿炸蒜同辣椒之外仲帶有孜然味，非常好肉地😂.濃湯花膠浸菜苗食完咁豐富嘅野，食返條菜清下，花膠厚身！.薑米蛋白菜粒炒飯有水準，炒得乾身👍🏻.薑汁甜品食完大閘蟹寒涼，飲返個薑茶同食埋個薑汁杞子糕驅寒一下，桂花糕好重薑味又唔甜，好鐘意。.整體都好滿意👍🏻細緻位都做得好好，例如會用錫紙將未食嘅保溫。…Read More

涼拌就是種怪東西！點解？因為間中都會好想食，尤其係口淡淡想搵下刺激嘅時候。今次去左附近嘅小店止下癮。原來仲係附近一間甜品店嘅姊妹店，聽聞窩夫都好正，下次try try🫶🏼 .鋪頭細細但有好多選擇，除左撈麵、滷水小食仲有甜品👍🏻但今次一丁友就試得唔多。.雞嘆撈 HKD48入面已經配埋手撕雞、雞軟骨同青瓜絲，麵底就揀左紅薯皮，第一次食紅薯皮，都幾特別，係一塊塊咁，沾埋醬汁好惹味，紅薯皮口感QQ ! 最欣賞佢唔會油淋淋但又會夠味。超大一碗👍.五彩冰粉 (跟餐加$12)好抵呀，加多十二蚊有碗冰粉！食完辣嘢整碗冰粉，好～～爽！有芝麻、提子乾、山楂粒仲有黑糖漿，甜度剛剛好。.麻辣鵝腎 HKD35通常出面食都係麻辣雞腎，呢度用鵝腎又幾特別而且超厚切，份量又多👍🏻鵝腎比起雞腎質感軟稔啲，我幾鐘意！個底仲有青瓜，好fresh ! …Read More

之前同朋友慶祝生日，有晌旺角食過呢間韓國野，而家晌荃灣海之戀都開左，坐得舒服左之餘，地方又大左，格調都唔同左，唯一無變嘅係食物依然有水準。.白切五花腩 HKD288餐廳好細心有個爐可以蒸住啲五花腩，擺耐左都唔會凍冰冰而且肉質唔老👍🏻本身係跟一碟生菜，如有需要可以免費添加一次。仲有跟埋大醬同韓式蝦醬，我覺得兩個都好味，大醬會比較濃味。.水冷麵 HKD88夏天必食水冷麵，上枱時湯汁依然係結冰😍絕對保持溫度，冷麵彈牙，湯汁酸酸甜甜好爽快，如果可以更酸就好。.大蔥絲無骨雞 HKD128呢間餐廳炸雞比起一般韓式炸雞特別，因為佢無厚厚嘅炸粉漿，食落唔會好油膩！肉質好嫩，咬開都好juicy，連埋蔥絲食就更惹味! 最喜歡佢有埋炸蕃薯條👍🏻.魚介湯鍋 HKD238超超超大一鍋，仲有四格，好有韓國街頭風味。店員會俾埋gas 爐你一邊煲一邊食，確保每一口都係熱辣辣嘅魚糕。除左有幾款魚糕之外仲有年糕、娃娃菜、鮮冬菇同金菇，好豐富。.柚子米酒 HKD58好重柚子香味，加左冰溶左都唔會淡香芋沙冰 HKD68濃濃芋頭味，又係透心涼之選今次太飽，無叫到甜品，下次要留位置俾甜品🫶🏼…Read More

Miluthai 終於開到九龍區，好方便我🤩地方又大，仲有分室內同露台位置，睇得出好有心佈置😍露台位置仲有房，岩曬gathering！而室內牆壁都有好多特式塗鴉。.火山排骨 HKD228見到好多人都有叫呢個招牌😆我都唔執輸啦緊係！有酸甜汁同酸辣汁揀，我地揀左酸辣汁！一上到台就勁震撼😂超大型既一座火山！食肉獸大解放，啖啖肉超爽，酸辣汁佈滿辣椒碎，連埋肉一齊食，辣得過癮，可以happy share! .咖哩三重奏 HKD218我覺得呢個咖哩三重奏係一個驚人發明，一次過食曬青、紅、黃三款咖哩，連配咩都幫你諗埋，岩曬唔想諗野嘅你！仲有配送埋麵包粒俾你浸落咖哩，好味！.泰式燒牛柳 HKD98牛柳肉質好淋👍🏻醃得入味，燒過就更香再加埋醬汁就更出色.泰式春卷 HKD68春卷好足料，每條都脹卜卜.芒果糯米飯HKD88可以叫店員後上🫶🏼糯米飯熱辣辣鋪滿椰漿再加埋芒果，每一口都是幸福呢！.龍眼冰 HKD36清甜，仲有好多龍眼肉.凍青檸茶 HKD34食得多肉飲下都幾消膩，青檸比檸檬更有香氣…Read More

之前去過金輪天地食日本菜，見到有呢間瑞士餐廳都幾有興趣所以就等有機會同朋友去試。餐廳位於二樓全層，都係落地玻璃，座位闊落！最讚係侍應姐姐好有禮貌，Nice 🫶🏼.芝士火鍋 HKD288先來一個芝士火鍋配法包粒😍一陣陣酒香同芝士既鹹香，混和後就煮出個正宗味道，質感濃稠，雖然起初會覺得微苦，未必係平時甜甜既芝士味道，但之後會忍唔住一粒又一粒食落去，因為呢種獨一無二既味道會上癮，好想冬天再食一次呀♥️ 一定會有幸福感呢～.忌廉蕃茄湯 HKD48鐘意呢個湯酸酸甜甜，幾開胃，仲有粒粒蕃茄晌度，好fresh 👍🏻 .炸忌廉芝士 HKD68芝士火鍋都未夠邪惡😂仲要加個炸忌廉芝士就真係極邪惡，外脆內軟又係食唔停。.美國頂級肉眼扒 HKD320肉眼肉質幾嫩夠juicy，油花分佈比較平均，肉味濃又唔會食到一口油，仲有好多薯角同椰菜仔做配菜，份量算好多呀！.龍蝦尾意大利飯 HKD280成條龍蝦尾啖啖肉，又好睇又好食😋意大利飯煮得剛好，加左洋蔥同菇，香味提升而飯粒又唔會過份濕得黎又幾好咬口。.食埋甜品就圓滿🥂…Read More

黃金海岸一向俾人有渡假感覺，最近仲新開一間越南菜，不論係裝修定係食物質素都非常有睇頭。首先餐廳樓底非常高，天花仲掛住色彩繽紛嘅燈籠，非常有越南感覺亦都好igable。另外仲有室內同室外嘅位置可以選擇，環境真係幾舒服，chill !! 烤焗茄子蟹肉沙律 HKD118無諗過茄子做沙律都幾好食，而且烤焗完嘅茄子暖暖地再加埋醬汁帶酸，食落幾開胃又舒服。另外仲有好新鮮嘅芫荽同蟹肉👍🏻炸軟殼蟹芒果米紙卷 HKD118好鐘意食米紙卷，包住滿滿嘅新鮮蘿蔔絲、青瓜絲、芒果、九層塔等等，加埋脆口嘅軟殼蟹，口感十足豐富法國鵝肝醬炒大蝦 HKD288最喜歡呢個炒大蝦，肉質彈牙不在話下，個汁真係無得輸，仲有法包可以點個鵝肝醬汁，好好食香茅燒雞臘腸飯 HKD158塊香茅雞扒好滑，啖啖肉🫶🏻飯底加左臘腸炒，香噴噴👍🏻仲要有！飯！焦！ 河內蕃茄蟹肉大蝦湯檬 HKD135越濃蕃茄湯底加埋蟹肉同大蝦嘅鮮🤩真係又鮮又甜❤️…Read More

尖沙咀棉登徑呢頭都有好多居酒屋、串燒店、日本料理，反正就係令你有種收工就要約幾個朋友食下傾下又輕鬆下嘅魔力。今次揀左樓高兩層嘅嵐橋日本料理，餐廳裝修非常日式，仲有bar枱可以欣賞師傅嘅手勢😍Menu 有非常多選擇，刺身、壽司、天婦羅還是炒飯、壽喜燒都有，齋睇都好滿足。牛油果蟹肉沙律 HKD138先來個開胃沙律，份量都算好大，蟹肉同蟹籽都好多，牛油果又新鮮，配埋酸酸甜甜嘅醋，越食越想食。養殖中拖羅刺身 HKD188魚肉好 pink pink🤩中拖屬於背同腹部，充滿魚香油脂而且無筋，入口溶化金線鯛刺身 HKD108師傅有輕輕燒過魚皮保留油脂，魚肉味道鮮甜。肉質係比較結實，魚身上紅黃花紋好靚，賣相加分火炙金目鯛壽司 HKD116金目鯛肉質比較幼細嫩滑，亦都好鮮甜，油脂唔算太多火炙左口魚邊壽司 HKD140鐘煮啖啖魚油嘅一定揀左口魚邊，油份又高又肥美🤤天婦羅盛合 HKD128盛合好豐富，有兩大隻蝦、粟米、秋葵、南瓜同蕃薯👍🏻個蝦好大隻又彈牙，粉漿唔厚身，讚！西京銀鱈魚 HKD188最喜歡食西京銀鱈魚，白味噌甜甜的配埋銀鱈魚幼細嘅魚肉同十足魚油同焦香味，真係白飯殺手。黑松露帶子炒飯 HKD148炒飯炒得好好，粒粒分明之餘仲有好多料，帶子粒非常多，加埋黑松露香氣十足👍🏻…Read More

講香港超有歷史嘅酒店，一定會數到龍華酒店，連李小龍同金庸都係坐上客，仲係香港小有嘅園林式酒家，而且仲有遊樂場同動物園，真係好岩一家大細黎食飯。經過龍華隧道布滿紅燈籠，真係好懷舊♥️紅燒頂鴿 HKD98沙田三寶之一，基本上每枱都好似有叫到。一上枱就聞到香噴噴，肉質嫩滑仲好juicy👍🏻而且隻鴿都幾大，我覺得本身已經好夠味，唔需要再用淮鹽，果然係招牌菜。生磨杏汁燉白肺湯 HKD88平時屋企好小會整豬肺湯，因為怕麻煩要洗豬肺，見到呢度有就即刻點返盅。杏汁好濃，湯料都有好多，豬肺、瘦肉、雞腳樣樣齊，飲完好滋潤。沙田雞粥 HKD98另一個寶沙田雞粥，我地叫左一碗，係預二至三人份量，但我地每人最後都食到幾碗😂😂份量真係好多！粥底夠綿滑，雞肉都好滑。避風塘鮮魷 HKD168魷魚新鮮，炸漿唔會過厚，唔會食落一口粉。避風塘非常惹味，會唔覺意係咁食😂椒鹽豆腐片 HKD98呢個係金庸最喜愛嘅菜式，將豆腐切薄片再炸，每一片都炸到金黃色再加埋椒鹽，比起一般炸豆腐更加薄脆。龍華煎釀手造豆腐 HKD148最常見嘅客家菜，免治豬肉釀入豆腐煎香，再用汁煮，豆腐索曬汁味，豆腐又滑又濃豆香，簡直白飯殺手。…Read More

幾個月無去串里，原來已經變左做一本。串里😳除左有保留到串燒之外，仲加左好多日式料理同刺身，價錢都好親民。裝修亦都好日式，依然係保持環境舒服👍🏻.生蠔 HKD15/隻淡淡海水味，肉質結實，都算肥美.珍寶赤蝦刺身 HKD12/隻超新鮮又鮮甜，啖啖肉🤩蝦頭仲有蝦膏.特長鰻魚壽司 HKD30/件😂😂呢個真係好長，食極都未完，好滿足.原板木板海膽 HKD88CP高而且新鮮甘甜，一定要加埋紫菜同飯呀，完美配搭~紫蘇黑豚腩 HKD25~雞腿肉串 HKD22~燒煙肉荔枝卷 HKD26~汁燒帆立貝 HKD29最愛係煙肉荔枝卷，鹹加甜係你估唔到嘅夾，荔枝爆曬汁，一個人食一串真係唔過份。黑豚腩包住紫蘇葉再燒，加添香氣。~左口裙邊壽司 HKD15~鮮帶子壽司 HKD19~油甘魚壽司 HKD24~墨魚壽司 HKD13刺身都係新鮮的，Menu 有得揀升級相樸壽司😂即係飯量比平時加多20g，我地又真係挑戰左，真係好大粒。…Read More

未去倒日本就先試下位於尖沙咀嘅燒鳥店，係東京過江龍，仲係日藉廚師吉田史先生主理，而且餐廳更加用上明爐日本備長炭🤩更加突出炭燒香味，真係十足置身東京街頭。餐單上有兩個串燒套餐，分別係$498(8串)同$698 (10串)，我地各揀一個，非常豐富，除左有雞肉串，仲有燒帆立貝同雞湯、溫菜、飯麵、甜品，食材主要要都係鹿兒島黑薩摩雞，非常高質。.首先會上個熱雞湯配免治雞肉，師傅將雞肉切碎再慢煮，真係好滑，雞湯好濃。第一串就係雞柳串，燒至七八成熟，保留肉汁，仲有黑松露鋪面，多左一陣香氣。雞胸串肉質軟身，真係完全同平時嘅乾紫雞胸好唔同。話明係燒鳥店，當然有好多種平時少有嘅雞串啦。最最最impress係雞頸，爽爽脆脆，真係食上癮。.燒帆立貝三文魚籽，師傅將佢分左一半，一邊可以試原味，另一邊就wasabi 味，兩邊都有大量三文魚籽🤩.味噌大根超入味，中間仲有個蝦味噌，有咸香味，連埋自家制生麩一齊食，味道剛好，生麩造型好cute 😍😍雞腿串肉汁豐富，肉質嫩滑。雞腎都係有驚喜，除左爽之外，仲好juicy😍 輕輕加左生椒粉，份外惹味。.生麩磯邊燒，師傅用左紫菜包住塊燒過嘅生麩，口感就好似燒年糕，連塊紫菜都係脆👍🏻.日本人就係有一份細心，連粒冬菇都切曬格仔，心機之作👍🏻不得不講，師傅燒功真係拿捏得好好，冬菇咬落係超多汁，大讚！.食左咁多肉，餐廳好細心安排左個水雲做間場，酸酸味味好消膩，仲有新鮮山芋同紫蘇葉，清清口腔又準備好可以繼續食😂.再來雞尾即係雞pat pat🫣以前未食過，但呢個一咬落去真係邪惡到爆，油香超正，油脂分佈非常好。.和牛西冷入口即溶，滿滿油脂，肉香味濃，加小小鹽真係好食到感動。而個月見免治雞肉係自家製，加埋大大嘅蛋黃，就好似月亮一樣。最尾部份就有雞白湯拉麵同茶漬飯，兩個都好好食，茶漬飯仲有紫菜絲、玄米同wasabi🫰🏻雞湯非常清甜，連個飯粒都煮得非常好。.甜品有布甸同雪糕，雪糕係海鹽味呀😘真係好滿足同圓滿。…Read More

自從通關後，一街都係人同人仲有人所以要遠離下人群就要去遠小小。不過其實都好方便呀，車同船都可以到，值得入黎換一刻寧靜丫。.餐廳位置晌沙灘旁邊，吹下海風又睇得到青馬大橋，vibes幾好，好有渡假feel😌Chill~~我地揀左室外坐，好舒服。.烤蒜香雞肉串 HKD160原來都幾大份量，除左有兩串雞肉串之外，仲有啲菜、薯條同口袋包on the side🤩好豐富。雞肉醃得非常入味，香料惹味，肉質嫩滑。口袋包塗滿醬汁，味道帶酸，我自己好鐘意。.夏威夷薄餅 HKD135餅底係好薄脆，鋪滿菠蘿火腿同埋大量芝士，一口咬落去拉絲，好治癒🫶🏼.雞肉沙威瑪 HKD90又係好多料，入面除左雞肉仲有生菜，酸瓜同薯條，加埋醬汁，酸酸地幾好食…Read More

好耐無食鐵板燒，收工忽然心血來潮想食，都十五十六唔知道有無位🥲好在都有，可以一解我條為食癮😂餐廳坐位唔多，一個爐，十個位左右，所以下次想試就book 定位穩陣呀。.同朋友每人點左個餐，都幾多野食，由沙律到飯後水果，好滿足。.先食個沙律開下胃，之後就有廣島蠔，師傅落左蔥同煙肉碎，十分惹味。.隨後就到銀鱈魚，肉質嫩滑，好香魚油.再來就係西冷，叫左七成熟，食埋四件真係非常滿足，炸蒜係無敵🤩.食完肉又食下菜，壓軸就係炒飯，睇住師父一路炒一路聞到好香🤤加埋大量蔥花，香噴噴而且炒得好乾身，再飲埋碗味噌湯就真係捧住個肚。.最後就飯後果，好在有菠蘿解下膩👍🏻滿足晒。…Read More

之前去科學園食西餐時見到呢間中菜，仲要主打係農家菜，farm to table 👍🏻概念非常好，食物新鮮又有創意，期待左一排，今次果然無失望。餐廳環境舒服，連周邊嘅環境都好靚。.檸檬鳳爪幾鐘意呢個鳳爪，用左檸檬不特止仲加左百香果，帶有甜味，唔會死酸滷水豆腐食得出有酒香，豆腐很嫩乳鴿 見到好多枱客人都有叫乳鴿，炸得好香脆但肉質唔會乾柴反而幾嫩滑，夠曬入味。氣鍋雞燉湯竟然係放晌茶壺度🤩太可愛，又可以用茶壺保持溫度👍🏻超濃郁椰子雞，仲有好多雞件晌入面，真材實料土炮雪茄😂😂呢個好正，外型真係勁似雪茄，仲襯左個碟！其實裡面係蒜茸蝦，外皮亦非常脆口，真係非常有創意👍🏻農場燒鵝聽我講，食燒鵝一定要食皮！唔係會試唔真呀，個皮脆架，仲要係比坊間嘅燒鵝小肥膏，餐廳更加細心到起埋肉，真正啖啖肉😝避風塘軟殼蟹一上枱就聞到炸蒜椒鹽味，忍唔住即刻整返件，炸得酥脆唔油，又夠曬辣，鑊氣勁過大排檔！勁多炸蒜，重口味朋友不二之選三蝦豆苗豆苗非常鮮嫩，一啲都唔老，再加埋蝦乾、蝦米同櫻花蝦就更加提升層次農仔荷葉飯充滿荷葉香氣不在話下，飯粒仲係粒粒分明而且非常足料同入味！又有蝦仁、冬菇，超惹味甜品叫左貓山王榴槤同椰香拉絲，個榴槤造型真係太太太可愛喇，非常神似，連個坑紋都畫得好似呀🤩 食落有榴槤肉，都幾香🫰🏻自家制冷泡茶滿滿一個茶包浸出一枝濃茶，非常適合飯後消滯…Read More